الجزء الثالث والعشرون..
.......................................................... .......
اسيل اها قولي دايرا شنو سريع نعست انا
اسيل....يارا عايني انتي عارفه انا بحبك قدر شنو ومعزتك عندي كبيره شديد انا بعتبرك زي مزن اختي والله
انا بس دايرا اسالك سؤال واحد جاوبيني يا اما بي اي او لا!!!
قلت ليها اهاا
اسيل....بتحبي غسان؟
قلت ليها اسيل جنيتي لا طبعا
اسيل...اممم اوكي
امبارح لي لبستي طرحه وما تحاولي تقنعيني عشان انتي بتحبي كده انا عارفاك ما بتحبي اصلا تلبسي طرحه
من متين بتسمعي كلام زول؟؟؟
من متين لمن زول يضايقك بتخافي وبتخلي زول يجيب ليك حقك؟؟؟؟
يارا في شنو؟؟؟
قلت ليها اسيل انا زاتي ما فاهمه لي عملت كده وانا ما عارفه انا غسان ده بتأثر بي كلامو شديييد ودائما بحب اتكلم معاهو لكن برضو انا ما بحبو ياخ
اسيل.....ما عارفه اقول ليك شنو لكن شخصيتك احلا حاجه فيك ما تحاولي تغيريها عشان زول حتى لو الزول ده غسان البحبك بحبك وانتي كده
قلت ليها طيب بالجججد انا بحبك شديد وشكرا لي نصايحك يا قلبي
اسيل...شكرا قال نومي نومي
ومشت رقدت وطفينا النور
....................................
انا قعدت افكر في كلام اسيل وقلت اصلا اسيل دايرا شنو غير مصلحتي وبالجد كلامها منطقي وانا تاني ما حغير شخصيتي عشان زول
المهم من كترة التفكير اتخنقت شديد قلت امرق الجنينه اقعد
لبست جكتي وعاينت للساعه لقيتها 2صباحا خفت امشي براي
حاولت اصحي وحده فيهم والله زي السكرانين
فتحت الباب وقفلت عليهم من بره وشلت المفتاح معاي وطلعت
السكيورتي بتاع الفندق كان واقف لمن شفتو اطمنت
اول ما شافني جاني قالي في شي؟
قلت ليه لا بس حابه اشم هوى
قالي طيب خدي راحتك
قعدت براي في كرسي كده وبقيت بفكر في صحباتي وبفكر انه بالجد الحمدلله علي نعمه اسيل في حياتي اول ما تشوفني عملت شي غلط بتنبهني بقدر اعتمد عليها في اي شي دايما بكون مطمنه اني لو وقت في مشكله حيكون عندي كتف استند عليه فجاءه انتبهت لي زول جاي جاري من جوة الفندق حاولت اركز في وشو
قلت بسم الله غسان جاري كده لي ما يكون واحد من الاولاد حصل ليه شي
اتحركت بي اتجاهو لقيتو جاي جاري علي العربيه وببكي شديد ووشو ده احمر وبمسح في دموعو
طبعا اتصدمت اول مره اشوف ولد ببكي وكمان لمن اشوف يكون غسان!!!!
وقفت قدامو قلت ليهو مالك فشنو حاتم ومجد وين؟
غسان... نايمين ماف شي انا راجع الخرطوم هسا
قلت ليه غسان كيف يعني راجع هسا وريني مالك فشنو؟؟
غسان...ماف اي شي ياخ خلاص امشي نومي ولمن يصحو وريهم اني مشيت
واتحرك مشا علي العربيه انا بقيت واقفه ما عارفه امشي انادي مجد
ولا الحقو
في النهايه مشيت عليهو قلت ليه غسان ما حتتحرك لو ما وريتني فشنو
غسان....وهو ببكي امي اتوفت هسا يا يارا
وانا داير امشي عشان اشوفها بس مره وحده قبل ما يدفنوها لي تلاته سنين ما شفتها ظايما كانت بتقول لي اشتقت ليك وانا ما كنت بهتم كتير
طبعا انا بعد ما قالي كده بقيت ما عارفه اعمل شنو بس واقفه وببكي علي الطريقه البتكلم فيها قلت ليه خلاص كلنا نرجع واسيه اكيد حترجع معاك عشان كده انتظر يا غسان
غسان....لالا كملو الرحله واسيه ما توروها انا بوريها لمن ارجع لانه لو وريتها هسي حتقول دايرا تمشي
قلت ليه غسان دي خالتها الماتت وهي من حقها تعرف
حسيت غسان ما قادر يتناقش قلت ليه انتظر ساعه بس ما حتخسر شي
غسان...تمام
انا جريت على الغرفه وصحيتهم كلهم قلت ليهم قومو يلا نحن راجعين
قامو مخلوعين
اسيه..فشنو
قلت ليها غسان دايرك فالجنينه بره امشي
اسيه... حاصل معاهو شي
قلت ليها بري ما بعرف امشي
اسيه لبست الشبشب ومرقت
قلت لي سارا واسيل ام غسان اتوفت هسا يا جماعه وهم اكيد حيرجعو نحن ما حلوه مننا نقعد هنا
نرجع معاهم
اسيل....طبعا نرجع
سارا....الاولاد وين
قلت ليها لسا ما عرفو امشي وريهم ونحن حنلم الشنط
فعلا سارا ورتهم وبي سرعه لملمنا الحاجات كلهاا ومجد مشا ورى مشرف الرحله انه حصل لينا وفاة وكده ومرقنا
لقيت اسيه قاعده في الكرسي وخاته يدينها في راسها وبتبكي شددديدد مشيت قعدت جنبها وحضنتها قلت ليها عظم الله اجركم يا قلبي ما تبكي واصلا دي سنه الحياه ادعي ليها
كانت بتبكي شديد لانها متعلقه بي ام غسان اكتر من امها
وغسان واقف جنب العربيه بحاول انه يكون صابر عشان اسيه ما تشوفو ببكي
مجد اشر لينا نظام يلا
حاتم...خلاص يا جماعه نتلاقه فالخرطوم
مجد...مالك ارح
حاتم...انا حلحقكم انا وصحبي عشان العربيه ما حتشيلنا كلنا
سلمنا علي حاتم وركبنا
اسيه بالجد الطريق كله كانت بتبكي وبتقول لي قبل كم يوم اتكلمت معاي يا يارا مستحيل انا ما مصدقه
وانا بحاول اهدي فيها لمن في النهايه نامت في رجليني
واسيل وسارا ومجد كانو ساكتين ماف زول فيهم بتكلم
غسان تلفونو ده ما وقف من الاتصالات الناس دايرين يعزوهو
وهو كل ما يتصل عليهم زول بعد يقفل بقعد يبكي بالجد قطع قلوبنا
#وقفه
*الموت ده يا جماعه حق علينا وعلي اهلنا نحن عارفين اننا في الدنيا دي ضيوف واي يضيف بجيهو زمن وبمشي....لمن زول قريب لينا يموت ضهرنا بتكسر بنحس انه خلاص الدنيا وقفت وما حنقدر نكمل لكن لا الدنيا ما بتقيف عند زول الزمن ما حينتظرك عشان كده اشبعو من اهلكم ومن اصحابكم قبل ما الموت يزور زول فيكم
غسان كان مكسور شديد لان الام ما حاجه ساهله بالذات لي غسان لانه ولد واحد وامو بالنسبه ليهو اي شي في حياتو ليهو تلاته سنين ما شافها
خلو بالكم من اهلكم قبل ما يمشو وتعيشو باقي عمركم ندمانين*
#نرجع
وصلنا الخرطوم الساعه تسعه صباحا وصلنا اسيه وغسان مطار الخرطوم قالو ليهم في طياره لكن بعد ساعه وحده بس مجد مشا حجز ليهم وانتظرناهم لمن زمنهم جا وودعناهم ومشو
طبعا حاله اسيه وغسان عكرت علينا اي شي في الدنيا دي بالجد كنا زعلانين شديد
بعدين مجد وصل كل وحده فينا بيتها
دخلت البيت لقيت ناس بيتنا بفطرو بالجد كنت مشتاقه لي اهلي شددددييييييييدددد
مشيت سلمت علي ماما وبابا ومحمد اخوي ودينا وداليا
ماما.....خير ليش اجيتو قبل بي يوم مفروض ترجعي الخميس
قلت ليها والله يا ماما خالت اسيه صحبيتي الفلسطينيه اتوفت وهي بتعتبرها زي امها فرجعنا كلنا معاها
ماما....يا الله انا لله وانا اليه راجعون
بابا...تعالي يلا افطري
قلت ليهم لا حمشي ارتاح ما نفسي اكل
شلت شنطتي وطلعت فوق استحميت وغيرت هدومي وقعدت..
#في بيت اسيل
دخلت البيت سلمت علي اهلها واتونست معاهم وورتهم القصه بتاعت اسيه زعلو شديد وبعدين طلعت استحمت وغيرت ومسكت تلفونها وضربت لي
رديت قلت ليها اي يا اسيل
اسيل....اها كيف وصلتي
قلت ليها تمام والله بس قلبي حارقني شفتيهم كانو ببكو كيف
اسيل.... اي والله اسيه دي انا لي لحظه فكرتها حيغما عليها
قلت ليها يا زوله نعمل شنو قدر الله ما شاء فعل
اها انتي كيفك وحاصل معاك شنو يا غامضه انتي
اسيل...غامضه في عينك اسكتي مني يا زوله
قلت ليها دقيقه كدي شفتي قبيل حركه حاتم قال بلحقكم قال😂😂😂😂
اسيل..... واااايييي منك يا يارا يركب وين يعني نحن اربعه ورى واتنين قدام
قلت ليها اي لكن هو بتاع حركات الولد ده
اسيل....بري منك والله الولد ما شفنا منو شي كعب وبعدين انتي اول وحده عرفتيهو
قلت ليها اوكي اول وحده عرفتو لكن مدري ياخ بحسو غريب كده محور كلامو كلو البنات
اسيل....ما عارفه لكن سارا ما تسمعك
قلت ليها لي ربطو ولا شنو؟؟
اسيل....على وشك غايتو
قلت ليها عرفتي كيف انتي؟
اسيل...حكت لي لكن قالت لسا ما متاكده من مشاعرها لمن تتأكد حتوريك قالت
قلت ليها مشاعرها ولا طيارا المهم حنوم انا خلاص
اسيل...😂😂😂اتخمدي طيب
لككننن دقيييقهههه يارا
قلت ليها اها
اسيل...رندا هسا حتكون صحت وما لقت زول مننا😂😂😂😂😂😂😂😂
قلت ليها وااااييييي لي ما ذكرتيني من قبيل واي يا اسيل تستاهل هسا بتكون بتسال في المشرف لو شاف غسوني
اسيل.... وايييي بالججد حموت😂😂😂😂😂😂😂😂😂😂😂
قلت ليها خلاص دعو الخلق للخالق
اسيل.....واي من النفاق واي طيري يلا
قلت ليها باي وقفلت
نظمت نومتي ورقدت نمتتتتتتتتتت
#يتبع
ما تنسو التصويت
في امان الله❤❤❤❤❤❤❤❤
