الجزء الرابع والعشرون.......
الليله كان الخميس وهو اليوم الكان مفروض انه نرجع فيه من الرحله..
صحيت الضهر كده استحميت وقعدت مسكت تلفوني وخشيت الواتس
لقيت مجد مرسل لي انه زفتو يوم السبت والتخريج نهايه الاسبوع يعني يوم الخميس
باركت ليه وقلت ليه ان شاءالله بنحاول نجي وكده
*طبعا اسيه وغسان ما في زول فينا اتكلم معاهم من مشو*
مشيت اتصلت لي اسيه ما ردت قعدت احاول اتصل لكن ما ردت نهائي
رسلت ليها
اسيه بقيتي كيف
الله يجعلها اخر الاحزان يارب
لكن برضو ما ردت
*في القروب الفيه انا واسيل وسارا
سارا....بنات اجمعو
اسيل...اااا
قلت ليها اها
سارا... بدون مقدمات كده حاتم قالي بحبك وانا ما عارفه اقول شنو
اسيل.....لو بتحبيهو وافقي ما بتحبيهو وريهو
قلت ليها انا مع اسيل في الكلام
سارا....لكن انا حاتم ده ما بعرفو كويس يعني اي صحبي واي شي ولينا سنه بنعرف بعض لكن هو غامض وانا خايفه اتسرع واندم؟؟
قلت ليها طوالي توريهو الكلام ده ولمن تتاكدي انك بالجد دايراهو وافقي!!!!
سارا...ما عارفه ياخ مخي ضرب شديد
اسيل....سارا خليك من كلامي وكلام يارا براك كده اقعدي وفكري والبتشوفيهو مناسب سويهو
سارا.....طيب
.....................................
اسيل....يارا انا بفكر في شي ياخ
قلت ليها اها
اسيل....دقيقه اضرب ليك
ضربت لي رديت قلت ليها اي اها
يارا انتي مجد وراك يوم السبت الزفه حقت التخريج ويوم الخميس التخريج ؟؟
قلت ليها اي اها
اسيل....طيب هو علاقتو مع عمو ومرت عمو ما كويسه منو الحيمشي معاهو
قلت ليها انتي متخلفه يا بت؟؟يعني مهما كان مسحيل يخلوهو براهو في يوم زي ده
اسيل...ان شاءالله ياخ والله
قلت ليها هو لسا ما قاليك شي
اسيل....بالنسبه ؟
قلت ليها بالنسبه لي علاقتكم الما مفهومه دي
اسيل....انا فاهماها انتي اطلعي منها😂😂
قلت ليها تاني ما تتصلي في الرقم ده
اسيل...معليش والله لكن اقول ليك شنو يا يارا انا زاتي ما فاهمه ياخ😂😂
قلت ليها كويس كويس المهم رأيك شنو في موضوع حاتم وسارا
اسيل....ما بعرف غايتو هي لو بتحبو توافق
قلت ليها الله يستر بس سارا طيييبههه وحاتم ده مااا هناايي
اسيل...انتي حاتم ده شفتي منو شي؟
قلت ليها اسيل حاتم ده لمن نكون قاعدين كده نظراتو غريبه ياخ يعني بحسو بعاين لي اي بت
اسيل....والله يا يارا انا زاتي لاحظت لكن سكت انتي عارفه حتى لينا نحن بعاين
قلت ليها اييييي ايييي لكن انا خشمي ما بفتحو
اسيل....لي مفروض نوريها
قلت ليها بري نحن ما عارفين النوايا يمكن نكون ظالمنو
اسيل....كان ظالمنو ما بعرف بس علي قولتك نسكت كدي لمن نشوف بحصل شنو
قلت ليها ايييي اها رسلتي لي اسيه وغسان؟؟
اسيل.... برييي هسا برسل لكن غسان ما حيحضر تخريج مجد حي يا حليلو!
قلت ليها اي والله ياخ لكن امو الماتت يعني ما شي ساهل
الله يعينو بالليل ححاول اتصل على اسيه
اسيل.....اي حاولي
قلت ليها خلاص تمام يلا انا ماشيه
اسيل...بايات😘😘
رتبت غرفتي ونزلت لي ناس امي تحت قعدت اتونست معاهم كتييييييررررر لحد ما العشا اذن طلعت غرفتي
لقيت اسيه راده لي علي رسالي وكاتبه امين يارب انا تمام الحمدلله
طوالي رسلت ليها اها وحترجعو متين وكيف غسان؟
ردت لي طوالي
اسيه....والله ما معروف الرجعه دي متين وغسان ده من جينا انا بلمحو بس طوالي قاعد براهو موت خالتو فرق معاهو شديد يا يارا
قلت ليها الله يرحمها ياخ ويجعل مثواها الجنه
اسيه....امييين يارب
.........................................
الليله السبت يوم زفه مجد
وريت ماما اني حمشي الجامعه حنتلاقه انا والبنات هناك
ومشيت لبست بنطلون سكيني ابيض ولبست معاهو بلوزه سماويه هاي نك(رقبتها كامله) والبلوزه كانت صوف كده وسبورت ابيض عادي وعملت شعري كعكه عشوائيه فوق ولبست رينق كبير واتمكيجت ونزلت
طلعت من البيت اتحركت علي بيت اسيل وضربت ليها عشان تنزل لي تحت
اسيل....لالا خشي سلمي
اضطريت اخش اسلم علي امها سلمت ومرقت
لقيتها لابسه بنطلون دنم وفلنه بيضاء وجكت دنم وبلد باك سودا وسبورت ابيض
قلت ليها اشيييي
اسيل...كيف بالله
قلت ليها سمحه سمحه ارح يلا
ركبنا لينا ركشه ومشينا الجامعه
اسيل....سارا دي وين
قلت ليها قبيل لقيت منها رساله قالت تعبانه ما جايه
اسيل...اممم تيب ارح
قلت ليها ديل مالهم كتير كده ماشاءالله اضربي لي مجد شوفيهو وين
اسيل....شالت تلفونها واتصلت
الووو مجد وين انت
مجد...انتو الوين
اسيل... جنب البوابه تعال لانه الناس ديل كتير شديد
مجد...اي زحمه جاي عليكم
انتظرناهو كده لمن جا
كان فرحاااننن شدديييدد
جا سلم علينا وقالينا وين سارا قلت ليه تعبانه وكده ومشينا معاهو
مجد....حمشي البس البلوزه حقت الزفه واجي
قلت ليه طيب
مشا من هنا وانا واسيل ما خلينا زولللل ما علقنا فيه
بعد شويه مجد جا لابس البلوزه الموحده حقتهم دي وبي وري كاتب
*يا امي وينك ولدك خريج...خلاص يا ابوي حلمك اتحقق*
يعني بالجججدد نحن لمن قرينا الجمله بس بقينا نعاين لي بعض جانا قاليني قومو وقعو لي يلا
شلت القلم وكتبت #اخت الخرييجج
اسيل كتبت ليه #مجد ستااارر
قعد يضحك فينا اتصورنا معاهو ومشا عشان يخلي اصحابو يوقعو ليهو
اسيل....واي يا يارا شفتيهو كاتب شنو من ورى
قلت ليها اسكتي بس عشان ما انفعل وابكي هسا
اسيل...واي من دراماتك الرخيصه😂😂😂😂
انا واسيل كنا قاعدين ونتونس وكل شويه يجونا اولاد وبنات عشان نوقع ليهم
قعدنا نص ساعه كده بعدين جانا مجد قالينا ارح عشان نتصور بالكاميرا مشينا معاهو قعدنا نتصوورر وبعدين الزفه بدت زفوهم من الشارع لحد جوه الجامعه انا واسيل كنا بنصور في مجد لانه اي خريج معاهو اخواتو بصورو فيهو او ابوهو او اخوهو
المهم قعدنا لحد ما الزفه انتهت وخلاص المغرب قرب ياذن
مشينا لي مجد عشان نودعو ونمشي
مجد...لالا حوصلكم انا اصبرو ما تمرقو
مشينا وقفنا جنب الباب وقعدنا نعاين في الناس
بعد شويه انا لفت اسيل قلت ليها الواقف هناك ده اسمو رضا كريه وخفيف الله لا وراك خفتو يا اسيل
اسيل...باين من وشو يختي
قلت ليها سجمي ده مالو جاي علينا
بعد شويه الولد جانا قالينا شنو ياخ ماف مبروك يارا كيفك وصحبت يارا؟
اسيل...اسمي اسيل
رضا..اي كيفكم
قلت ليه تمام مبروك عقبال الماجستير
رضا...امينن ياخ ومد لي القلم قالي هاكم وقعو لي
قلت ليهو هي الزفه انتهت زاتها ووقعت ليهو واسيل وقعت سلم ومشا
اسيل..واي من العباطه
قلت ليها مجد ده زاتو اتاخر
اسيل...هداك جاي علينا
جا قالينا ارح ارح معليش اخرتكم
مشينا وراهو وركبنا العربيه
مجد....ياخ بالجد ما عارف اقول ليكم شنو لو ما انتو الجيتو ما كان حيكون معاي زول
اسيل....اججيي شكرا شنو يا ولد
قلت ليها خليهو ده منقولي
مجد....ههههههههه الزول ما يشكركم
قلت ليه هي ماشي وين انت؟
مجد...عازمكم اكل مالك
اسيل...لالا ياخ الزمن
مجد...والله لو ما اكلتو معاي ما تمشو
اسيل...غايتو انت
مجد..عسل مش😢❤
قعدنا نضحك مشينا البيت المصري وطلبنا بيتزا وقعدنا
مجد...يارا واسيل انا داير اطلب منكم طلب!
قلت ليه اتفضل
مجد....اسيل انتي يمكن اول مره تسمعي الكلام ده لكن يارا انا وريتك قبل كده
انا عندي مشاكل مع ناس البيت الي هم عمي ومرتو
انا بدون مبالغه ممكن كل يوم امشي ابيت في بيت واحد من اصحابي مستحيل يوم يسألو مني ولا يشوفوني عايش ولا ميت وانا خلاص بعد يوم الخميس ده حمشي افتح وصيه ابوي القاعده مع جدي وعلاقتي بيهم تنتهي.
هسا حتسالوني انت لي بتقول الكلام ده صاح
انا ما دايرهم يحضرو تخريجي ولا داير اوريهم اني محتاج ليهم
بس طلبي حيكون انه دايركم انتو الاتنين تطلعو معاي
يارا انتي عارفه اني بعتبرك اختي الصغيره والله بشهد علي اكتر زول ممكن احكي ليهو اي شي
واسيل انتي عارفه نفسك بالنسبه لي شنو
قلت ليه طبعا بنمشي معاك ما تشيل هم انت لكن يا مجد خليك احسن منهم ووريهم هم في النهايه اهلك
اسيل...اي ما تشيل هم نحن معاك لكن كلام يارا صح والله
مجد...انتو بتقولو كده عشان ما عارفين شي خليني ساكت احسن
قلت ليه خلاص بي راحتك يوم التخريج نحن بنصبها معاك
قعد يضحك😂😂😂😂
بعد شويه جابو الاكل واكلنا ومرقنا سبحان الله بس ونحن مارقين كده لقينا حاتم نازل من العربيه ومعاهو بت
طبعا لمن شافنا لونو ده لمن اتغير وسلم علينا ومشا ونحن مشينا عادي وما جبنا سيرة لي مجد
وصلت البيت استحميت وغيرت هدومي وشلت التلفون ونزلت صوره لي انا ومجد في الزفه وكتبت
تحت *رب اخ لك لم تلده امك*مجد مبرووك ياخ وعقبال ما اشوفك اكبر مهندس كده*
ونزلت باقي الصور والفيديوهات
سارا...واي فاتني اليوم
قلت ليها اي والله
سارا...يارا اسمعي انا شاورت نفسي ولقيت انه بالجد انا بحب حاتم وعشان كده وافقت
قلت ليها ااا مبروكك
اسيه...واي الليله زفة مجد يحليلو
قلت ليها اي والله كنا فاقدنكم
غسان...الليله كان زفه مجد؟
طبعا انا خجلت ارد وانا من سافر ما رسلت ليه البركه فيكم وكده
قلت ليهو اي الليله كانت الزفه والتخريج الخميس
غسان... والله راحت من راسي كلو كلو الله يهنيهو ياخ انا اصلا راجع التلات يعني بلحقو ان شاءالله
قلت ليهو تجي بالسلامه واسيه حتجي؟
غسان....اي معاي طوالي
قلت ليهو امم تمام تجو بالسلامه
من هسا انا الحطلع مع مجد المسرح ما انت
غسان...😂😂😂😂😂كويس انا بصوركم
قلت ليهو اي
وقعدنا نتونس شويه وبعدين انا ردقت نمتتتتتتتتتت
#يتبع
ما تنسو التصويت
#ملحوظه..البريد حقي بقا ما بفتح يعني بقدر اقرا الرسايل لكن ما قادر ارد عشان كده اكتبو كومنتات عاديه
في امان الله ❤❤❤❤❤❤❤
