#فُصِلّيِة_وأنَاَْ طفُلّة
بقلّمٌ "اَْلّبجُعهً اَْلّسوداَْء" ✏🌚
•
•
•
ابو ياسر / اني اسمي راضي وعدي 3 نسوان واموري ماشيه ويايه وعدي من نسواني الثلاثه 9 ولد وبنيه وحده اسمه شهد انه اكره البنات احب بس الولد البنات ماتفيد بالدنيه هنه حشاكم هوش وسارح اذا مااداريه يتملكه غيرك وانه عدي بيت واحد معيش نسواني وانه فلاح عد الشيخ وهذه شيخ جبير وحاكم وعادل واحبنه كلش واحد من ولدي كتل ابن الشيخ وهم شباب وطايشين ورحت للشيخ وابوس برجليه وطلب مني فصليه بس واني ماعدي بنات بس هاي شهد وعمره 9 وانه رحت لامه وكتله وماقبلت ونزلت عليه ضرب وبسط لحد ماا سكتت ونطيتهم فصليه
ام شهد: فدوووه اروحلك والله بعده صغيره خايب شمالك صغيره وينه وين زواااج
ابو ياسر : ولج اسكتي بنت الكلب انعل ولدج
شهد/ جنت العب ومسويه كصايب اني مواصفاتي ضعيفونه وسوده وصخه من العب بس شعري طويل وعيوني ااكبار احله شي بيه عيوني زرك ويكلولي ضالمه روحج ولج انتي حلوه لو عايشه بمدينه بس اني سمره وشعري اشكر عجيب غريب شكلي بس كولش محبوبه وجنت العب بالشارع دوم ويه الولد دعابل طوبه وباليل العب ويه بنات عمي هنه اصغر مني نلعب بيت بيوت واسبح بالشهر مره ومرات بس بالعيد او من نطلع
ام شهد: تعالي خايبه اسبحي شهد ولج تعالي لاتشلعين كلبي شهد: عااااااااااااااااااا راح نطلع ام شهد: لاتجوعرين بنت الجلب شهد : يمه بس انتي تليفين حيل وااذين جسمي
ام شهد: ولج خايبه شهل وصخ هم مثل البنات من ياصنف الولد مو هيج ............. سبحت بنتي وسويتله كصايب ولبسته دشداشه جديده اني خيطته وهيه تضحك وماتعرف شنهي السالفه وتلعب بلعابته شهد/صح اني وكحه وصخه بس كلش ذكيه وشاطره بالمدرسه هسه نجحت للصف خامس ابتدائي ودرجاتي ماتقل عن 10 جا شعبالكم فلد نوب اني وصخه وكحه وكسلانه لالا عيني انه شاطره ....................اجت امي كالت انتي راح تصيرين مثلي ام وبيت وغرفه وحيات جنت فرحانه مااعرف شنهي السالفه اصلا ورحت ويه ابوي لي هوه يعاملني هويشه وعده يسرح بيه ,وانه اباوع ع البنات لي ويانه بالسلف يلعبن تمنيت اروح وياهن بس ابوي يسحل بيه الى ان وصلنه البيت الشيخ وامي جانت تكلي انتي تتزوجين ابن الشيخ وانه فرحت لان جانن البنات كلهن حاطات عينهن ع ابن الشيخ لان هوه شخصيه وجنت اسمعهن يكولن هذه لي تاخذه صدك عده حض وابوي وصلني وراح انه اجت مره طببتني بالقصر مالت شيخ وشفت القصر ضليت مسويه هجي 😳خرب هنا العيشه وين جنت انه ....وشفت الشيخ وكال تعالي بنيتي وحط ايده ع راسي وكال عاملوه زين تره هيه ماله ذنب لي صار قضاء وقدر وهاي بعده طفيله عاملوه مثل بتكم واختكم .... انه ضليت صافنه شهد: اكلك شنهي جا انه كاتله ابوكم حته ماتعاملوني زين ..........
