♤حنين♤

حنين 8

رواية .. ♤ حنين ♤

بقلم .. كيمو 🍟

♤ 8 ♤

*تاني يوم الصباح مصعب و شهد بشربو في الشاي و خلاص طالعين شهد ماشة الشغل و مصعب الجامعة ..و هم بشربو في الشاي مصعب قال لي شهد اها ح تعملي لي شنو .. شهد عاينت ليهو بي زهج كدة .. اعمل ليك شنو في شنو ي مصعب .. رد ليها قال ليها في الموضوع القلتو ليك امبارح ..*

شهد { و انا مالي طيب

مصعب { انا م اخوك

شهد { لا م اخوي و بعدين من متين انا بساعدك في حاجة فيها بنات كمان

مصعب { لانه دي م زي باقي البنات ديلك ي شهد

شهد { و بعدين انت م وريتني عنها اي شي و لا هي منو

مصعب { انا م عارف عنها اي شي غير انها ساكنة في البيت الجمبنا دا ..

شهد { جيرانا يعني

مصعب { اي

شهد { ايوااا طيب ..

مصعب { اي اتصرفي لي بس .. طالعه انتي اسي ولا كيف؟

شهد { لالا شوية كدة و بطلع

مصعب { خلاص يلا انا طالع ..

*حنين صحت من بدري  و لبست عبايتها و طلعت في كرسي و شالت الشنطة القديمة حقتها الفيها الكتب القديمة .. و الشنطة كانت مغبرة و فيها تراب كثير .. نضفتو شويه كدة و شالتها و طلعت اول م فتحت الباب شافت مصعب طالع عايز يركب عربيتو .. وقف عاين ليها و كان سرحان فيها و مبتسم ليها ابتسامة كدة ممكن توقع جبل بنات عديل و قال ليها صباح الخير .. حنين طبعا ولا منتبهة ليهو شديد و قالت ليهو صباح النور و مشت طوالي .. مصعب طبعا اول مرة بت تسفهو بالطريقة دي عشان كدة عاجباهو و شايفها م زي باقي البنات الخفاف ..*

*حنين وصلت بيت كوكي و دخلت قعدت معاها و قالت ليها الشنطة دي كلها كتب و مزكرات قديمه .. كوكي قالت ليها شكرا .. حنين فهمت كوكي انه صح محمد م كان مرتبط و البت هي الكانت جارية وراهو .. كوكي فرحت و ردت قالت ليها احلفي .. حنين استغربت طبعا قالت ليها والله بس م قايله اخوي دا بسحرك في 5 دقايق كدة .. كوكي بدت تتخجل كدة و قالت ليها م م كدة ياخ ..*

حنين بضحكة حلوة كدة { شنو هو الكدة

كوكي { صراحة كلامو مطمن شديد و كان نفسي اقعد معاهو كثير

حنين { انتي م براك قومتي اعمل ليك شنو

كوكي { ياخ م عارفه والله

حنين { المهم بشوف ليك معاهو وقت تاني تطلعو طيب

كوكي { م عارفة

حنين بي زهج { ي بت انتي مالك غبيه ..

كوكي { خلاص خلاص كويس ..

حنين { طيب انا ماشه لانه ريان جاياني ..

كوكي { طيب ..

*حنين طلعت من كوكي و ريان اتصلت عليها قالت ليها انا جمب بيتكم .. حنين قالت ليها اي خشي انا 5 دقايق بكون معاك ..*

*ريان وقفت قدام باب ناس حنين عايزة تدخل .. فجاءة شهد طلعت من الباب الجمبها و شافت البت لابسه عباية  و بنطلون تحت العباية ضيق و العبايه فاتحه و الطرحه طبعا تحت و الشعر ظاهر  و بي سرها قالت اصلا زوقك م ح يتغير ي مصعب جنك شفع.. و قالت ليها هلا ..*

ريان { اهلين

شهد { كيفك

ريان { بخير والله

شهد { نحنا جيرانكم هنا

ريان { اها

شهد بي طريقة ظريفه { لازم نبقى اصحاب ..

ريان { اكيد اكيد

شهد { طيب رقمك كم

*ريان ادتها الرقم و قالت ليها شكرا و دخلت ..شوية كدة حنين جات داخلة ...*

حنين { اها ي ريان موضوعك شنو مع اني عارفاهو ح يكون عن ولد او الولد ال من الامارات

ريان و هي بتضحك { عن ولد اي

حنين { اصلا لازم .. اها احكي

ريان { م شوفتي امبارح ي حنين شوفتا لي ولد احي احي احي .. اول مرة اشوفو في حلتنا م عارفة شكلو جاي لي زول هنا او كدة لاني لاقيتو في البقاله ..ياخ الود طويل و عسل و ظريف و شعرو ظابط و احي تاني ي حنين

حنين بقت تضحك فيها { للدرجة دي عجبك يعني

ريان { عجبني شديد ..

حنين { احلى من الولد ال في الانستا يعني ؟

ريان { والله يعني م كثير

حنين { المهم دايرة بيهو شنو انتي .. وانتي عندك واحد جاي يخطبك و ح يعزك عديل

ريان { م عارفة م عارفة لكن الود دا عاجبني شديد م بقدر م بقدر .. لو لاقاني تاني م بضيعو من يدي ..

حنين { غايتو م عارفة اقول ليك شنو م نصيحه بس

ريان { اعمل شنو لكن اي الود مز ياخ ..

حنين { طبعا م وريتك .. اخوي طلع معجب بي كوكي

ريان { احلللللللفي .. بس كوكي مستحيل توافق

حنين { ي بت حنكتها و لقيتها طبعا مكسرة هي زاتها

ريان { هههههه الكلبة ..

حنين { امشي ليها بعد شويه لانها صايمة م بتطلع

ريان { طيب ..

//

*كوثر قالت لي ملاذ افتحي الشنطة و طلعي منها المذكرات و الكتب المهمة ..المهم ملاذ فتحت الشنطة اول شي لاقها كتاب القصص شالتو جدعتو طوالي قالت ياخ دا شنو كمان .. و الورقة طارت تحت السرير  كوكي م لاحظت للورقة و رفعت الكتاب بس ..*