♤حنين♤

حنين 10

رواية .. ♤ حنين ♤

بقلم .. كيمو 🍟

♤10♤

*🖊اخر شي طبعا ملاذ شافت الورقة و قرت الكلام الفيها و دخلتها في جيبها .. يعني بعد الفترة دي كلها و السنين دي الرسالة المفروض تقراها حنين لحدي اسي م عارفه عنها شي اصلا و صراحه كدة الرساله مهمه شديد ي جماعه .  المهم في الاخر الرساله عند ملاذ نشوف ح يحصل شنو بعد كدة .. ..🖊*

*الساعة 7 بعد المغرب .. جمال رسل حنين البقاله .. تحيب شويه حاجات .. اول م فتحت الباب و طلعت .. مصعب كمان فتح بابهم و طلع .. حنين لاحظت ليهو بس طوالي قبلت منه كانها م شافتو و مشت على البقالة .. مصعب طوالي مشى وراها و قال ليها حنين .. حنين قبلت كدة قالت ليهو نعم .. قال ليها على وين مستعجلة كدة .. قالت ليهو البقاله بس .. قال ليها حتى انا ماشي البقالة .. تحبي امشي معاك ؟ .. حنين قالت ليهو البريحك . قال ليها معناها ح امشي .. حنين ابتسمت تحت تحت كدة .. قال ليها شايفك ضحكتي على فكرة .. قالت ليهو لا م ضحكت .. مصعب ضحك كدة و قال ليها طيب ..*

حنين { اصلا طيب

مصعب { بتقري في كم انتي ي حنين ..

(حنين استغربت من سؤاله و عايزة ترد تقول ليهو م الا تعرف بس اتزكرت ريان و انه لازم تتعرف عليهو عشان تقدر تظبط ليها معاهو ... مصعب قال ليها هييي شنو سكتي .. حنين قالت ليهو امتحنتا السنه دي ..)

مصعب { و نجحتي ؟

حنين طوالي سريع ردت بي زهج { لا سقطت

مصعب { ي حولا عادي على فكرة بتنجحي السنه الجايه و تجيبي درجه احسن و ..

حنين قاطعتو { هوي هوي انت صدقت ولا شنو .. نجحت ي ولد و زاعوني كمان انت قايلني هينة ..

مصعب { ياخ والله ..مبروك بالجد شكلك شاطرة شديد ..

حنين { شكلي ؟

مصعب {اا لا اقصد اصلا شاطرة يعني

حنين { المهم دي البقاله

مصعب { اي ادخلي ادخلي ..

*حنين دخلت و اشترت حاجات بس في حاجه م لقتها و ح تضطر تمشي البقاله البعيدة ديك ..*

مصعب { اها نرجع ؟

حنين دايرة تقول ليهو انت ود عمتي وانا م عارفه شنو نرجع دي .. بس برضو اتزكرت ريان .. ردت براحه و قالت ليهو لا بس في حاجه م لقيتها و ماشه البقالة التانيه ..

مصعب { بس دي بعيدة ..

حنين بي صوت واطي كدة على اساس اني بحبي ولا في الروضه يعني ..

مصعب { ارح اوصلك؟

حنين { لا م ضروري والله خلاص ..

*فجاءة الكهرباء قطعت ..*