♤حنين♤

حنين 21

رواية .. ♤ حنين ♤

بقلم .. كيمو 🍟

♤21♤

*◇كثير مننا ممكن يتفاجئ بي زول بحبو من فترة بدون م يكون عارف ولا حاسس و لما الزول دا يجي و يعترف لينا بحبو .. بدخلنا في حتة ضيقة شديد و م بنعرف نقول ليهو شنو .. يعني مثلا نوافق عشان هو بس بحبنا و م نكسرو! و م مهم انه نحنا كمان بنحبو ولا لا؟ ولا م نوافق عشان نحنا م بادلناهو نفس الشعور من الاول ولا حسينا ولا فكرنا بي حاجه اتجاهو؟ ولا نديهو فرصه و ننتظر شويه امكن يعني تجينا مشاعر ناحيتو .. ديل التلاته خيارات الكانو في راس حنين و م عارفه تعمل شنو .. بالجد حاجه صعبه لما زول فجاءة يقول ليك انه بحبك و معجب بيك خصوصا لو الزول دا في وشك دايما و انت ولا مرة م فكرت في حاجه اتجاهو ..◇*

*تاني يوم محمد اتصل لي كوكي و  اعتزر ليها و قال ليها عنده امتحان و كدة ..*

كوكي { طيب يعني نتلاقة بعد بكرة؟

محمد { اي ممكن تقولي كدة.. مع اني م فاضي بس م مشكله

كوكي { دي امتحانات الفاينل صح؟

محمد { اي خلاص قربت انتهي من حاجه اسمها قرايه

كوكي { اي اي قرررربت

محمد { و نحنا كمانن قربنا ي كوكي

كوكي { لشنوو

محمد { خليني بس اشتغل سنه واحده بس ي كوكي و ربنا يفتحها علي كدة و طوالي بجي اخطبك من ابوك ..

كوكي { احم احم .

محمد { بس اصبري سنتين كدة ان شا الله وانتي زاتك ح تكوني قربتي تخلصي جامعه

كوكي { اااا وين ياخ لسه ح يكون باقي لي 3 سنه

محمد { م مشكلة المهم اخطبك عشان تكوني حقتي و بعداك م نستعجل اصلا

كوكي { طيب حاضر

محمد { بحبك

كوكي { طيب حاضر انت بس ان شا الله تلقى شغل طوالي

محمد { ان شا الله بلقى .. بحبك ي كوكي

كوكي { طبعا م وريتك اختك و ريان كانو متشاكلين و موضوع طويل ..

محمد { عارف ي كوكي حنين كلمتني بي الحصل .. بحبك ي كوكي

كوكي بقت تخجل { اي اي

محمد قعد يضحك { بحبك ي كوكي

كوكي { عاين انت عارفني م بعرف ارد ياخ

محمد { بحبك ي كوكي

كوكي خلاص سنونها دايرة تطلع برة خشمها و بتتخجل { خلاصصص يااخخ

محمد ضحك فيها { خلاص خلاص يلا عشان عندي قرايه ..

كوكي { طيب .بس بعد بكرة نتلاقه م تنسى