Tournament of Power (Completed)

Simula

Minulat ko ang aking mga mata, nasilaw pa ako dahil sa sikat ng araw na tumatama sa akin. Bahagya ko pang ipinikit ang mata ko at iminulat muli. Nagulat ako sa aking nakita.

Isang malawak na karagatan ang nakikita ko at nasa isang maliit na bangka ako nakahiga. Bumangon ako ng dahan dahan upang hindi tumaob ang bangka.

Tok... Tok...

Kinatok ko pa ang bangka upang malaman kung saan ito gawa. Base sa tunog ay gawa lang ito sa isang kahoy. Kumuha ako ng kaunting tubig sa karagatan upang malaman kung ilusyon lamang ang nakikita ko. Ngunit mukhang mali ako ng inaakala. Ramdam ko ang pagkabasa ng kamay ko, ininom ko pa ang tubig at medyo maalat ito. Luminga linga ako, mali ata ang nakalap na impormasyon ng mga tagapamahala. Sinabi sa amin na gaganapin ang paligsahan sa kagubatan ng Zendar. Ngunit bakit nagkaroon ng karagatan rito.

'Maligayang pagdating sa Tournament of Power. Ngayon ay gising na kayong lahat nais kong ipahayag sa inyo ang tagubilin ng Tournament. Mayroon kayong mga numero sa inyong likuran. Ang mga numero na iyan ay magsisilbing puntos at inyo ring buhay. Ang bilang na nasa inyong likuran ay magsisilbing buhay ninyo, diyan nakasalalay kung ilang araw kayo mabubuhay. Sa isang araw na magdaan sa tournament ay siya ring pagkawala ng isang puntos sa inyong likuran, at sa oras na maubos ang puntos na nasa inyong likuran ay siya ring pagkawala niyo sa mundo. Kaya naman nais namin kayong hikayatin na kumuha ng puntos sa inyong kalaban gamit ang pakikipaglaban. Sa pagtatapos ng Tournament pumunta kayo sa safe zone na aming itatalaga upang makaligtas kayo sa pagkawasak ng buong lugar. Isang grupo lamang ang maaaring makalabas ng buhay sa tournament. Habang kayo ay nasa karagatan mayroon kaming inilagay sa inyong katawan upang hindi niyo magamit ng panandalian ang inyong mga exousia. Kaya naman nais namin na lubos kayong mag-ingat dahil hindi lamang mga exousian ng ibang grupo ang inyong makakalaban, makakasalamuha niyo rin ang ilan sa mga Demon beast sa karagatan. Umpisahan niyo ng magsagwan ngayon pa lamang upang agad kayong makarating sa isla kung saan ganap na gaganapin ang totoong pakikipaglaban. Iyon lamang at opisyal ng magsisimula ang Tournament of Power. Hanggang sa muli mga napili'

____________
AN: Hi! I'm back guys. So iyong ibang chapter naka unpublish dahil ieedit ko pa iyon. May mga chapter ako na aalisin at lalagyan ng panibagong scene para mas maging maganda iyong story. Pero same plot pa rin tayo. I recommend na try niyong basahin from the beginning iyong story kasi may babaguhin ako roon. Thanks sa pagsuporta sa akin. Love you 😊.