♤حنين♤

حنين 24

رواية .. ♤ حنين ♤

بقلم .. كيمو 🍟

♤24♤

مصعب { عايز اخطب حنين ..

ريان اتصدمت كدة و قالت ليهو { احللللف ..

مصعب { جادي معاك والله ..

ريان { بالجد احلى خبر والله ..

مصعب { بس عايز اعملها ليها مفاجاءة

ريان { كيف ؟

مصعب { يعني ح اقرر لي يوم كدة حنين ح تصحى تلاقاني جوة بيتهم قاعد مع ابوها

ريان { طيب امكن م توافق عليك او م عايزة تتخطب

مصعب { يلا ح يجي دورك هنا انتي اقعدي معاها اي وقت و لما تكوني بتتونسي معاها اساليها قولي ليها اسي مثلا لو مصعب دا قال عايز يخطبك بتوافقي ولا لا

ريان { طيب افرض هي موافقة امكن ابوها م يوافق امكن اخوها م يوافق..

مصعب { ياخ ي ريان م تعقدي المواضيع انتي بس اساليها لي و خلاص

ريان { طيب طيب .

مصعب { اي بس .

*ريان اتصلت على كوكي و قالت ليها انه مصعب عايز يخطب حنين و كدة .. كوكي قالت ليها كيف يعني و اكيد حنين م ح توافق .. ريان قالت ليها م عارفه والله بس هو قال لي ح يعملها ليها مفاجاءة و م اكلمها عشان كدة اوعك تقولي ليها حاجه .. كوكي سكتت بس م ردت ..*

//

*كوكي قررت انها تدخل الانستا و ترسل لي احمد .و فعلا دخلت و رسلت ليهو هلا و منتظراهو يرد .. بعد مسافه رد عليها ..*

احمد { اهلين

كوكي { كيفك

احمد { تمام والله

كوكي { الحمدلله .. طبعا م عارف انا منو

احمد { بالظبط .

كوكي { انا كوكي صحبت حنين ..

*كوكي شافتو قرا الرساله و مسافه م رد ..طوالي قالت ليهو مالك سكتا ..*

احمد { في تفسير واحد بس لي انك ترسلي لي ..

كوكي { اني لقيت الرساله الكاتبها انت لي حنين

احمد { بالظبط .. وين لقيتيها؟

كوكي { انا صحبت حنين شديد و اسمي كوثر و حنين زي اختي المهم عندي اختي صغيرة ممتحنه و قلتا لي حنين عايزة الكتب القديمة حقت .. لما جابت لي الكتب لقيت الرساله دي بالصدفه بس

احمد { اهااااا

كوكي { و بالصدفه كمان اكتشفتا انك نفس الولد المرتبط بي ريان حاليا صح

احمد { صح ..

كوكي { طيب و انت طبعا م عارف انه ريان صحبت حنين ..