لتكُن لي وحديّ......

Part 6

* لِـتَكُن لـي وَحديّ *
* لـِ سَمَا العُبَيدي *
* الـبارت السادس *

"ولا ندري أكانَ الحُبُّ حُلوًا
‏أمِ الأحلى من الحُبِّ الحبيبُ!"

*________________*

حَسن

انصدمت من فعلتها وهي تجرح وريدها بالـزجاج المنكسر صرخت متوجعه وركضت عليها
_تخبلللللللتيييييييي انتِ
_بـسببك انتتتتتت بـسببك

نزعت القميص وشديت ايدها وعلى صوتنا طلعت امي من غرفتها مصدومه والبنات هم نزلن صحت على زينب
_جيبي شيء حجاب صخام

راحت تركض و مرام بدت تفقد ضليت اضرب على وجهه حتى تبقى وياي
_مراممم مرام اصحي لا تغمضين

حجت بـصعوبه
_كسرت گلبي هدمت كبريائي هذا الي جنت تريده مو هذا الي جنت تطمحله

حجت اخر كلمه وفقدت اخذتها للـمستشفى وامي وياي وصلنا هناك اخذوها من عندنا امي ضلت تلوم بيه شنو كلت انا من شنو جنت خايفه
_ يمه الله يخليج انتِ تزيديها عليه لو شنو
_ اسكتتت اششش ما اسمعلك حس اخر وقت بنت عمك تموت بـسببك شنو الي تريده بالـضبط انت شنو الي جنت منتظره منها توافق على زواجك
_ انتِ وهيييي وكُلكم جنتوا تكلون تزووووج وشوف حياتك بس من صارت صدك وحبيت اختلفتن عليه استكثرتن عليه تشوفني مرتاح ناااارين ما اعوفها لو يبقى اخر يوم بـعمري

تركتهن وطلعت بره المستشفى احس محتاج هوى تعبت منهن والله تعبت ليش لما الشغله وصلت لـحياتي ومستقبلي كُلها صارت ضدي ليش مستكثرين عليه الفرحه وانُ اعيش بـحُب وياه انسانه احبها واريدها وياي لـكُل عُمري

شويه ودخلت جوه سمعت امي تحجي وياه الدكتور وكفت يمهم وسئلت الدكتور
_ شلونه وضعها
_ الحمد لله كدرنا نعالج ايدها و ان شاء الله تتحسن الافضل ما تحركها لـفتره شنو سبب فعلتها ؟ مُمكن اعرف ؟
_ مسأله شخصيه بس مو اول مره يصير هذا الفعل
_ شلون يعني ؟
_ بـصراحه الافضل ما احجي بـهذا الموضوع
_ تمام على راحتك استاذ بس اذا تحب تراجعها لـطبيب نفسي فـ اني اعرف دكتور شاطر انطيكم اسمه الانتحار فكره صعبه وما يقدم عليها غير الشخص الي بايع نفسه
_اكدر اشوفها ؟
_ اكيد هسه هي فاقت وتكدرون تشوفوها بس تكون زياره قصيره لطفاً حتى ترتاح
_تمام شكراً لـحضرتك دكتور

دخلت الغرفه نايمه على السرير وتباوع للـسقف كعدت مقابيلها على الكرسي وحجيت بـهدوء
_ الحمد لله على سلامتج