اريد أن أتعلم

مشهد

اهوووو  اشون بالله ما نخلص من هاي السالفه  ولج يمه انتي تدرين ابوج ما يقبل تكملين دراستج  هو جان شارط متوسطه ماكو حدكم ابتدائيه وزين وقبل مو بنات عمكم حتى ابتدائية ماكو

مرام  لا والله زين منه أنعم الله عليه مدكليلي اجابج عليه من واسط  لبغداد وين لكيتي بس اريد اعرف

ام شهد  طاح حضج ولج هذا ابوج اكو وحده دكول على ابوه هيج

مرام  هو اشايفين من ابونه  اشو زوج رحاب لواحد فكر وطايح حضه  حتى بس يخلص من عدنه ويوميه مكتوله هل رحاب المن تشكي الج  إلي خصلتي عمرج اش كافي لتحجن ابوج اخاف ضيعتي نفسج وضيعتينه وياج يا يمه

منال  كافي مروش شنو هل حجي اني شعليه ابوج محد يكدرله هو جدو ما يحترمه ويسمع كلمته ولاعمي كامل إلي الكل تخاف منه  ابوج ظالم وما اله علاج

زينه كافي بالله يوميه كاعدات العصريه بطرمه وتحجن على ابوجن حرام كدام رب العالمين
وانتي يمه خل يولن لضوجين من كلام مروش تدرين بيه خبله وكل شي متفتهم

ام شهد  اووف يا يمه سوده عليه شبيدي عليجن الله كريم تفرج مضل هيج  يله اكوم اتوضه وقرا قرءان

رقيه  بنات تدرن شتمنه

مروش وزينه ومنال وشهد  شتتمنين

رقيه اتمنى اموت

شهد اووف اسم الله عليج عمري تعاي يمي

حضنت اختي الجبيره و الحنينه اجني الباقيات وكنت ابجي

والله تعبت ما اريد بس أتعلم أكمل اصير دكتوره شسوي بس هذا الي ردته  حرام عيب شنو الغلط

ربي أخذ روحي تعبت

شهد  اوف يرقيه عمرج13 وتردين تموتين  الله كريم خيه مثل ما اني والبنات تحملنه وسكتنه اتحملي واسكتي مو كل إلي نحلم بيه يصير  الظروف هي التحدد مصيرنه

مروش لا مو الظروف وراح تكمل رقيه غصبن على ابوجن   رقيه اشطر وحده معدله بسادس90 حرام تبطل

زينه  اي عيني ست مرام  وشنو الحل

مروش الحل عندي

رقيه :   احنه بنات طالب إلي عايش بواسط  بقضاء الحي امي من بغداد  بعدين تعرفون اشون ازوجو
اني ازغر وحده عمري13  تركت سنه لان تمرضت
حيل احب الدراسه بس ابويه جان ميحب البنيه تطلع وتدرس حدها سادس وطبعا تهديد من امي انو تتركه وترجع لبيت أهله  امي فقيره ماتكدر تاخذ حقنه

شهد : اني بنت طالب الجبيره عمري 24  تركت من السادس  وتعرفون السبب مثلي مثل اي بنت تكون عده أحلام وتريد تحققه بس مو ويه طالب  أحب ابن خالي مهند بس ابويه ميقبل ينطني اله منتظر ابن عمي إلي بل خارج حتى يزوجني اله من الزغر اني واكفه اله واني كل شي ما اعرف عنه بس اسمه جود

رحاب : اني بنت طالب الثانيه زوجني طالب حتى حرام اكول ابويه  لبن أخته عائله جبيره وفكر وزوجي اسمه سعد  ما عنده اي مسؤليه  عندي بنت وحده اسمه روز تخبل على رقيه اختي طالعه  عمره سنه ونص
اني عمري 23

مرام :  اني بت طالب الثالثه عمري 22  جنت اني من بعد رقيه إلي احب الدراسه لذلك اكره ابويه يمكن تستغربون اكو وحده تكره أبوه اي اني وراح تعرفون ليش أكره

منال : اني بنت طالب الرابعه  عمري21  راح تعرفون حياتي ما احجي هسه

آيات : اني بنت طالب الخامسه عمري 20  أحب المال والنوم احب امي وأخواتي وبس مدرسه ما أحبه  اكره بيت عمي اكره ابويه اكره واسط اكره كل شي بطبعي ما احجي إلي بداخلي اذا اضوج انام  اذا عندي مشكله اخواتي موجودات

زينه : اني بت طالب السادسه  أحب الدراسه بس
كل اخواتي كالن انحب الدراسه بس هاي البس هواي أخذت من عدنه  لو بس طالب مو ابونه لو بس نكمل لو بس يقبل  اووف هواي تعذبنه وانظلمنه  طبعا نتعذب اذا واحد ميثق ولا يحب بناته طبعا نكول اووف

رقيه : واني بت طالب السابعه تعرفتو عليه أول وحده

نهايه المشهد