برنامج #كاتبك_معانا
إعداد و تقديم : ريان
حلقة : 18
.
مسأكم خير يا حلوين و صح فطوركم يارب ، عارفة اننا طولنا الغيبة بس زي ما قلتلكم البرنامج تغير و صار 20 حلقة بس ، المهم اليوم ضيفتي كاتبة شابة جديدة بس قدرت تتبت نفسها في وقت قصير ،كتبت مواضيع جميلة جدا و اترت في كل من قراها ،
ضيفتي الكاتبة الشابة #ملاك_العبيدي . قبل ما نبدا في الحلقة زي كل مرة حنعرفكم علي ملاك
الاسم : ملاك جمعة العبيدي " ملاك العبيدي "
العمر : 2004
بداياتها : 2019
اول رواية ليها : احببته فعشقه السرطان
...
نبدا في الحلقة
.
ريان : نبدا
ملاك : تقدري تبدي
.
ريان : افضل رواية لملاك العبيدي ؟
ملاك : افضل رواية بالنسبه ليا نصف عذراء ❤
.
ريان : و هل تعتبر نفسها كاتبة مشهورة ؟
ملاك : انا مانعتبرش ف روحي مشهوره بس بما انك سألتي نقدرر نقول ف الوسط❤
.
ريان : تعتبري نفسك محترفة او مبتدئة ؟
ملاك : نشوف ف روحي مبتدئه ومازلت نتعلم ومازال موصلتش للي نا خاطري فيه طموووحي اعلاااا من هكي❤❤
.
ريان : ماذا تعني الكتابة لملاك ؟
ملاك : هوايه / هروب من الواقع اللي نحنا عايشين فيه❤
.
ريان : من اين خيال ملاك العبيدي ؟
ملاك : من المواقف والواقع اللي عايشينه
.
ريان : من داعم ملاك العبيدي ؟
ملاك : بنات خالتي وماما❤
.
ريان : من افضل كاتبة في نضر ملاك ؟
ملاك : كوكا صالح لأن كل رواياتها يحكو ع الواقع ❤🔥
.
ريان : فيه حد ما يعرفش انك كاتبة ؟ من العائلة ؟
ملاك : لا كلهم يعرفو ودعموني❤
.
ريان : هل روايات ملاك واخدة حقها في الشهرة او مزال ؟
ملاك : مازال✨
.
ريان : تخصص ملاك ؟ او مجال ملاك المستقبلي ؟
ملاك : دكتورة جراحه باذن الله ❤
.
ريان : ملاك تحلم ان تكون امراة عملية او ربة منزل ؟
ملاك : الاثنين بس نفضل نكون العمليه احسن❤
.
ريان : رغم صغر سنك ناقشتي موضوع حساس جدا و هو برود العلاقة الزوجية و خيانة المراة في رواية مسالة وقت ؟ هل تتوقعي نفسك انك وصلتي الفكرة بشكل المطلوب او لا ؟
ملاك : انا ناقشت الموضوع من وجهة نظري ولأن شفته ف الواقع
ويمكن وصلته وويمكن لا لأن اراء الناس مختلفه وكل شخص توصله ع حسب تفكيره❤
.
ريان : ممكن تناقشي مواضيع حساسة او حتتجهي لقصص الحب العادية ؟
ملاك : عادي اناقش المواضيع الحساسه بس ع حسب الموضوع 💁🏻♀️❤
.
ريان : من القصة يلي كتبتيها و اترت فيك ؟
ملاك : زواج اتهامي 🥺
.
ريان : حتكملي في الكتابة او فترة و رح تنطواء ؟
ملاك : رح نكمل❤
.
ريان : تحبي اللمة او تفضلي الوحدة ؟
ملاك : اللمه بس اكيد في اوقات نحب نقضيهم وحدي وخاصتآ ان الكتابه تبي هدوء وتركيز 💖
.
ريان : قصة او موضوع حابة تكتبيه ؟
ملاك : لو بنكتب قصه حنكتب ع البنات وحقهم المهمش ع المجتمع ❤✨
.
ريان : طقوسك في ايام رمضان ؟
ملاك : حلو السؤال😹💙
طبعا كيف اي بنت انوض ع ساعه 3 نصلي ونقرا قرآن وبما اني صغيره ماندخلش المطبخ بس نساعد ماما ف ضم الحوش وبعد نكمل نكتب حلقة الروايه ونقعد ع نت اشوي💙💙
.
ريان : مسلسلك المفضل ؟ السنة هادي؟
ملاك : البرنس والكون في كفه واثنين ف الصندوق😹💙✨
.
ريان : كلمة ل MBC LIBYA 🇱🇾 ؟
ملاك : صفحه حلوه الحق وداعمه للكتاب ورواياتها كلهم حلوه✨وافكارها ممتازه نتمنالكم التوفيق💖
.
ريان : شكرا حبيبة قلبي
ملاك : العفوو ريان 💙💙
.
بهذا نكونوا وصلنا لنهاية حلقتنا حبايبي نتمني للكاتبة ملاك كل التوفيق و التمييز و نتلاقوا حبايبي في حلقة جديدة و كاتب جديد و ليلتكم سعيدة
.
باي باي 👋🏻
أنت تقرأ
كاتبك معانا ( كل كتاب ليبيا )
RomanceMBC LIBYA 🇱🇾 تقدم برنامج #كاتبك_معانا .. مع الادمن #ريان برنامج حواري كل يوم سيكون معنا كاتب او كاتبة و سنساله اسئلة لم تخطر علي البال ، لنتعرف اكتر عليه و علي شخصيته ، و سيتم طرح الحلقات كل ليلة في رمضان . يتكون البرنامج من 20 حلقة ، 20 كاتب...
