الساعة ٣:٠٠ الفجر :
داخلة المطبخ بغني رمضان جانا في امان الله لقيت كلهم موجودين ، جين بيطفح رامين ، نامجون بيقرأ كتاب ، يونجي نايم علي رجل جيهوب و هو بيتفرج علي فونه ، جيمين عمال بيضرب تاي علشان عمال يتريق علي طوله و اخيرا و ليس اخرا الماكني عمال يشرب لبن بالموز.
انا : انتوا بتهببوا ايه متاخر اوي كدة ؟؟!
كلهم بيبصولي متنحين.
جين : احم بيتنا و نعمل الي احنا عاوزينه ، ده اولا ، ثانيا انتي بتعملي ايه هنا ؟
انا : هتسحر يا حيلتها.
كوك: هت ايه؟!
انا: هتسحر يا اخويا علشان هصوم .
كلهم : آآه اوك.
انا : و انتوا هتصوموا معايا كمان.
كلهم : نعم !!
كوك : احنا اصلا مش مسل-
انا : ولد !! بس ! هي كلمة واحدة ، انا مش هحس بالتعب لوحدي .
هوبي : طب واحنا مال امنا ؟!
انا : شوقا ، بقولك ايه انت تلم ابنك بدل ما ألمه بنفسي .
يونجي : اسمي شوجا مش شوقا .
انا : كلهم نفس المعنى.مش موضوعنا دلوقتي ، المهم انتوا هتصوموا وخلاص .
يونجي : واطذفاك.
انا : جين ، لم عيالك.
جين : من امتا و فيه شتايم في البيت ده !! البيت ده طااااهر !!! و طول عمره هيفضل طااااهر !!!
انا : يام المطاهر طاهر رش الملح سبع مرات. * بغني وانا برقص *
جين : بس انتي كمان يا ولية !!
انا : كدة برضوا يا جيني. احم احم المههههههم ! هتصوموا .
نامجون : اوافقها الرأي. الصيام مفيد للكِلى و بي---
انا : بااااس خلاااااص , فهمنا أنه مفيد مش لازم الهوليلا دي كلها يا عم الدحيح.
نامجون: انا غلطان يا ستي .
انا : انا برضوا بقول كدة.
* صوت صرصور الحقل*
انا : احم طب يلا ناك-
* الاذان بياذن *
انا : احيييييييه. كنت عاوزة اطفح !!
كوك : يعني مش هنصوم ؟!
انا : طب وحياتك لاصوم غصب عنك بقي .
كوك : انتي رخمة علفكرة .
انا : تسلم يا محترم . علي العموم يلا كله يتخمد. و جين، انت تكون صاحيلي علي الساعة ٤ علشان نحضر الفطار .
أنت تقرأ
يوميات حياتي مع بطس:))
Fanfictionتخيلااات. كله تخيلااات. بما أن بطس ' بي تي اس ' ليهم وشين ، فانا حبيت اكتب عن الوش الداخلي بتاعهم، الوش بتاع الفضايح ، الوش الي بيبقي في البيت ، و الوش الي مابينهم :). استمتعوا يا شباب.
