أسيره الظلام

البدايه

فى الإمارات تحديدا دبى فى فيلا فهد كانت شهد قاعده فى غرفتها بتعيط وقافله على نفسها الباب
نقطع
شهد دى بطلتنا عندها ١٥سنه فى أولى ثانوى شاطره جدا عايشه مع باباها ومامتها لها اخت عايشه فى مصر هبقا اتكلم عليها فى الاحداث الجايه جسمها وسط وشعرها بنى طويل لحد ركبتها عنيها عسلي نعسانه وبشرتها خمرى
نرجع لقصتنا
قعدت تعيط لمده ٣ساعات وشقاتها تعلى لحد ماتعبت ونامت
الصبح
الشغاله مارى : شهد قوم بابا قول انزل فطور (الشغاله فلبينيه بتتكلم عربي مكسر )
شهد بتعب :حاضر
دخلت غسلت وشها واتوضت وصلت ونزلت للسفره باباها ومامتها كانوا قاعدين بس باين عليهم الزعل وكان صوت مضاربتهم عالى امبارح ودا سبب عياط شهد
شهد : صباح الخير
فهد :صباح النور يابنتى
نقطع
فهد والدها عمره ٥٠ بيشتغل فى شركه بترول وغنى جدا قاسي مع الكل ماعدا بنته حتى مراته قاسي عليها طويل وعريض وملامحه حاده عينو عسلى وشعروا بنى فيه ابيض خفيف
مامتها اسمها ريهام شعرها اسود وسط وعنيها بنى نعسانه شبه شهد بس مغطى عليها ملامح الحزن
ريهام :اقعدى يابنتى عايزين نقولك على موضوع
شهد :خير ياماما
ريهام وهيا بتبص لفهد بنظرات حزينه ومش عارفه تقول لبنتها ايه
فهد بصرامه :انا ومامتك هنطلق وانتى هتنزلى تعيشى مع اختك فى مصر
شهد مصدومه : ايه ??
فهد : زى ماسمعتى متقلقيش هجيلك كل فتره اطمن عليكى
شهد بعياط : لا انا مش عايزه اروح عند اختى انا هروح مع ماما
ريهام :معلشي يابنتى مش هينفع انا هسافر تركيا وعايزه ابدأ حياتى من غير مشاكل كفايه الى عشتوا مع ابوكى وكفايه الى استحملته علشانك وقامت وسابتهم
شهد :جريت على اوضتها وقعدت تعيط كلهم انانين محدش بيفكر فيا وعيطت
فهد وريهام ولاد عم اتجوزوا علشان اهلهم مش عن حب علاقتهم كانت كويسه لفتره طويله وبعد ماجات شهد ريهام اكتشفت ان جوزها بيخونها وقررت تسافر الامارات تعيش معاه كانت مفكراه بيعمل كدا علشان هيا بعيده ولما تروح هيبطل بس مبطلش وبدأ يضربها استحملت علشان بناتها بس خلاص وحده اتجوزت والتانيه كبيره بما فيه الكفايه وهيا مش قادره تستحمل
شهد بصوت مبوحوح: الو
أريام : وينك ليا ساعه ادق عليكى
شهد : معليش تعبانه شويه
أريام :خير صارلك شيء تبينى اجى عندك
شهد :ياريت
أريام صحبت شهد شعرها اصفر قصير وعيونها خضره وجسمها رفيع جدا وجنسيتها امراتيه
الشغاله مارى : اهلا اريام اتفضل
أريام : اهلا فيكى شهد وينها
الشغاله مارى : فوق
أريام :طيب (وطلعت لها جرى )
فى غرفه شهد دخلت أريام ولقت شهد غرقانه فى دموعها
أريام : اش فيكى ياعمرى وحضنتها
شهد: حكت لها
أريام :لاتزعلى نفسك مشاكل وتمر اقنعى ابوكى انك تكملى دراستك هنا بالإمارات
شهد:مارح يوافق
أريام :حاولى وهو لما يشوفك زعلانه مارح يكسر بخاطرك
شهد مسحت دموعها :تمام
أريام :يلا قومى البسي نروح المول نغير جو
شهد راحت لبست ودخلت غرفه مامتها لقت مامتها بتصلى وبتسجد وبتدعى ربنا انو يحمى بنتها بعد غيابها خلصت صلاه ولفت لقت شهد واقفه وراحت حضنتها شهد بقوه متسبنيش انا مليش حد غيرك يا أمى مش هقدر أعيش من غيرك
ريهام : معلشي يابنتى الظروف حكمت بكدا انتى خليكى قويه بعدى ومتتهزيش واياكى تتجوزى واحد مش بيحبك
وبعدتها عن حضنها ومسحت لها دموعها وبصت لها لقتها لابسه وخارجه
ريهام :راحه على فين ??
شهد : راحه مع أريام المول عايزه حاجه
ريهام : لا خلى بالك من نفسك وخدوا السواق والشغاله معاكم
شهد :حاضر ياماما
فى المول قعدوا يلفوا وجابوا حاجات كتير لبس واكل واكسسوارات وكل الى نفسهم فيه
أريام : تعالى نجلس نشرب شيء مره تعبت
شهد:أوكى
قعدوا وشربوا ورواحوا السواق وصل أريام وراحت  كل وحده على بيتها
فى فيلا فهد
فهد كان قاعد فى غرفته ومشغول باوراق ومخططات قاعد يشتغل عليها والباب خبط
فهد: ادخل
شهد : فاضي يابابا اتكلم معاك
فهد : تعالى يابنتى
شهد : دخلت وقعدت بابا انا عارفه انك وماما بنيكم مشاكل كتير وعايزنها تخلص بس انا حياتى هنا ماما هتسافر وقلنا تمام مش عايزه تاخدنى معاها ليه بقا مقعدش هنا اكمل دراستى واكمل حياتى زى ماكانت ليه انزل مصر ومعرفش حد هناك واختى اصلا مش فاكره اخر مره كلمتها وبعد الى عملتوه فيها بقت بتكرهنى
فهد: عملنا فيها ايه ؟؟ قصرنا معاها فى ايه !!
شهد :ملوش لزوم يابابا
فهد : لا قولى علشان جوزنها واحد غير الى بتحبوا الى بتحبوا دا كان ولد صايع ومش بتاع جواز اخره شويه يلعب معاها ويرميها
انا جوزتها دكتور له مكانته يعرف يحافظ عليها
شهد: ماشي يابابا انت تعرف اكتر قولت ايه فى موضوعى
فهد: معنديش مشكله عايزه تقعدى هنا خلاص
شهد قامت باسته : شكرا ياأحلى بابا
وراحت على غرفتها مبسوطه
صباح اليوم التالى
كانت ريهام بتلم حاجاتها
دخل عليها فهد
فهد: خدى ورقه طلاقك
ريهام بدموع وهيا بتاخدها
فهد: مش دا الى كنتى عاوزاه بتعيطى ليه دلوقت
ريهام مسحت دموعها : مفيش زعلانه انى هسيب بنتى مش اكتر
فهد : دا قرارك انتى بنتك موجوده ابقى شوفيها فى اى وقت
ريهام : لا كدا احسن ليا وليها
وكملت لم فى حاجتها
شهد : صحت من النوم دخلت خدت شاور واتوضت وصلت ودعت لمامتها وخلصت وطلعت
فى السفره على الفطار
شهد : ماما فين
فهد : مش تقولى صباح الخير الأول
شهد : صباح الخير
فهد : صباح النور ومامتك فوق بتلم الحاجه هتسافر بعد ٣ساعات
شهد طلعت جرى
وفى غرفه ريهام حضنتها من ضهرها
شهد : اشترى بيت بعيد عن هنا روحى مكان تانى غير دبى بس بلاش تسافرى بعيد اوى كدا انا محتجالك
ريهام : متزوديهاش عليا يابنتى انا هسافر ارتاح ولو عوزتى حاجه رنى عليا
تحت على السفره
فهد : على فكره انتى لسا فى العده ومينفعش تسافرى
ريهام : اه انا نسيت الموضوع دا خالص
شهد من جواها فرحانه
مرت الثلاث شهور من غير اى تغيييير مابين شهد الى بتحاول تصلح بين امها وابوها وبين فهد الى بيرجع كل يوم شارب وبقا بيخسر فلوس كتير وبين ريهام الى حابسه نفسها فى جناحها بتعد الدقايق والثوانى
وجه يوم سفر ريهام
سافرت وشهد مبطلتش عياط
وفهد قلبه اتقطع على بنته وقعد يواسيها ويطبطب عليها لحد مانامت
بس هو ياترى مين يواسيه
تانى يوم شهد راحت المدرسه الى كانت بتغيب منها علشان مامتها
وسلمت على اصحابها
أريام : المدرسه نورت
شهد : بنورك تسلمي
وخدت منها الحصص الى فاتتها وقعدوا يحضروا  الدروس وخلص اليوم الدراسي وروحت البيت
لقت الشغاله مجهزه الاكل غيرت هدومها وراحت تاكل سألت على بابها لقته فى الشغل
قعدت تذاكر شويه وتلعب على التليفون شويه وتتفرج على صور مامتها وبعدين قررت تنزل الجنينه اكتر مكان كانت بتقعد مع مامتها فيه وقعدت على المرجيحه تفتكر ذكرايتها مع مامتها
وفجاه لقت والدها داخل من باب الفيلا معاه وحده وشكله سكران استخبت ورا الشجره قبل مايجوا عليها وسمعت كلامهم كان كلام  بشع
فهد : ايه الحلاوه دى مش هتيجى فوق بقا
: مش تهدى كدا مستعجل على ايه ههههههههههههههههه
فهد: يلا بقا متتعبنيش معاكى
: وبنتك
فهد: نايمه مش هتحس بحاجه
وطلعوا وشهد قعدت تعيط وطلعت براحه ونامت
وهكذا لمده اكتر من اربع شهور باباها كل يوم مع وحده شكل وشرب مش خايف على بنته ولا محترم سنه وهيا دايما بتعيط وتدعى لابوها ربنا يهديه
فى يوم الجمعه الصبح شهد صحت بدرى
ورنت على مامتها
شهد :الو ياماما
صوت راجل :الو
شهد : انت مين دا رقم ريهام  الباشا
الراجل : ايوه انا جوزها انتى مين
شهد بصدمه :جوزها
الراجل : اه انتى مين
شهد قفلت التليفون ونزلت تفطر مع والدها لقته هو كمان جايب وحده معاه
شهد فى سرها هيا وصلت لكدا كمان
فطروا وكل واحد راح الاوضه بتاعته
وشهد فكرت كتير وقررت تسافر مصر ارحم لها من الى بتشوفه
راحت خبطت على والدها
طلع لها بنص لبس وعلى رقبته روج
شهد خبت وشها وجريت على أوضتها
فهد فاق لنفسه ودخل طرد الى معاه واستحمى وراح لبنته خبط ممكن ادخل
شهد: اتفضل
دخل: لقاها بتمسح دموعها خدها فى حضنه وطبطب عليها
شهد :انا عايزه اسافر مصر انا مش قادره استحمل الى بشوفه كل يوم
فهد: اوعدك هبطل بس براحتك عايزه تسافرى سافرى
شهد : هسافر يابابا ولو بتعزنى بطل اتجوز على الاقل بس بلاش كدا يابابا بلاش ترمى نفسك فى جهنم بايدك
فهد : حاضر يابنتى
...........
فهد: جهز ورق الدراسه بتاع شهد واحجز لها فى مدرسه فى الاسكندريه وجهز شقت الاسكندريه القديمه
: تمام ياباشا اي اوامر تانيه
فهد:لاء اتفضل
........
فهد ماسك التليفون ومتردد وفى الاخر قرر يتصل : الو
صوت بنت :الو مين ??
فهد : ازيك يابنتى معقول نسيتى صوتى
البنت بصدمه :بابا اخيرا افتكرت تتصل بيا
فهد :انا فاكرك على طول بس انتى الى قطعتى بعد ماجوزتك واخدت مامتك واختك يعيشوا معايا
البنت : الى حصل حصل يابابا اخبارك ايه واخبار ماما وشهد ايه
فهد :حكالها الى حصل
البنت : يعنى انتا هترمى شهد زى مارمتنى وكمان لوحدها على الاقل انا جوزتنى معايا راجل هيا هتبقا لوحدها
فهد: انا مش برميكم افهمى شهد الى طلبت ودا احسن ليها وانتى معاها وعماها وعياله هناك كلهم معاها وانا هظبط نفسيتى ولما ابقا كويس هاجى لها
البنت: انت حر هيا اختى وهفضل جنبها
....................
مرت الايام وجه معاد طياره شهد
............
ياترى ايه الى هيحصل لشهد فى مصر هل هتعرف تعيش اختها هتقف جمبها زى مابتقول فهد هيبطل شرب وهيفوق من الى هوا فيه كل دا هنعرفوا فى البارت الى جاى
خلص البارت الاول اتمنى يكون عجبكوا