زعما حماتي تحبني؟

ان كيدهن عظيم

#زعما_حماتي_تحبني
حلقه اولى...
بقلم فاطمه سالم
.......
....
اني :اسمعي ياهند خوي مروح ليوم من تركيا... ونبيلك عاد تقيميلي الجو زي يومتها لما عزمنا اماليك

هند طرمت شواربها :اففف وخيرك انت شوره مش عاجبك نعزم في اماليا

اني شديت راسي بقلة صبر :استغفرالله توا اني شن قلت!... هلك على راسي من فوق ما غر نبي نعزم خوي قداش ليه في تركيا قريب10 سنين ما شفتاش

هند بتكشيخ:وشن اني قتله معاش تروح!

اني نصفق في ايديا بحيرة :استغفرالله العظيم...

هند ناضت بعصبيه :فكني ترا منك ومن خوك..كان بتعزم اوينا المطاعم وحوش امك موجود

اني بحدة:وخيرني اني ما عنديش حوش ولا ما عنديش مرا تبيضلي وجهي!

هند بقرنه حواجب:ما عندكش على شنو تعزمه هوينا دحيتين يتكركبن في الكوجينه

اني بتنهيده:اخخخ به باه تو نجيب غر هادا هو... "نضت وخديت مفاتيح الحوش وسياره وقلت".... هاني ماشي بنجيب لبضاعه باش اطيبي ره مروح على المغرب

هند خشت صرفقت دار النوم وهي تنتور... واني لميت بعضي وطلعت... ركبت السياره... ونخمم زعما خيرها المرا لي جايها جايها على هلي!... اخخ ربي يهدي سرها وخلاص... ولعت السياره واستنيتها لين تسخن ومشيت....

.....
عند هند

سمعت الباب تصكر وجيت بحدا الروشن لقيته كيف مولع السياره .... التفتت على الانتري لقيت تليفوني طول خديته تليفوني ... واتصلت بي امي

هند :ايوه يما كيف حال صحتك وكيف حال بوي وخوتي

امي :في نعمه.... والله يسألو عليك؛ خطرها وينك معاش تباني

هند بعصبيه :تي وين بنلهى اني... والسي البي عازملي على خوه ومروح ليوم

امي بصدمه :لواه لواه اين من خوته لي عازملك عليه

هند بتكشيخ :هادا خلف الله بو القيلات

امي :هي ريتي بالله ريتي... تو عاد سلفتك بتجي تشقلع وتدلع وكل دقيقه وتانيه تحدفلك كلمتين اجنبيه .... واشبح عاد شن لونها بعد هلعشره سنوات

هند :اخخخ ربي يصبرني.....وخلاص تعرفي يما بنموت بنموت من قهرتي... غر شوفي شن قالي.. قال فتلكيلي الجو زي يومتها نظمتي الجو يوم جو اماليك

امي بهزوه :قوليله يا بابا هادو هلي ما تقارنش بي هادو بي هلي..

هند :شادلي ما غر كلمه خوي وخوي .... هو يهيج في تركيا قريب عشره سنين ولما يروح ندير اني طواري

امي بخبث:اسمعي غر اسمعي يا منجوهة

هند :نعم يما

امي :يا حنه ديري حتى مكيرينه مبكبكه ومعاها طريفات مبطن ما يسكت فمه .... واني تو نكلم واحد من خوتك ... ولا نقولك خوتك سبعه بي نساوينهم تو نجيبهم معاي... وهو هك بيجيب من المطعم وتريحي عظيماتك ولي بيجيبه ناكلوه... وسلفتك عاد جايه من تركيا من زيها اكيده عاد جايبه الهدايه والاصفر والخير كله وحيلقي عليه انتي او وازي الباهي من هدايه وخوديه

هند بتفكير :اي والله حقا يما جبتيها

امي بتكشيخ:غر امتى نلكلك لك وووه ...وخلاص فكري كويس ... زمان بوك مش ايي حد نخليه يعزمه الا لي من وراه ثمره وشوفي غارقين في الخير غرق حمدالله

هند :اي والله.... خلاص مالا خلي توا نمشي ندير لوح المكرونه هادا وشويه طريفات بطاطا مبطنه وبي هك تسمى عزومه وما كيفي حد

امي بضحكه:هههه سلم بنتي الفالحه

هند :ههههه عاد شن بندير.... مالا ناقص غر نديرلهم المحمر والمشمر

امي :اي والله.... هي مالا بسلامه وسلميلي على خالد والصغيويره

هند :يوصل... هوينا ماشي بيجيب خضره وحوايج عابي عليا دروحه😂

امي :امممم مالا اسمعي يا هيدوقه ما اطيبيش من توا... مالا بيقول عندك ما ديري غير مكدرتيني ومخليتيني ماشي نجيب في الحوايج على فاضي ....

هند :اي والله حق فاتت عليها

امي :مالا يا حنه امشي ابرمي على رويحتك وعلى حوشك مرات تجي عزوزتك ردي بالك تنسي حاجه...والله الله في روحك فتلكي روحك عاد بعدين بيصيرو مقارنات وعاد هي اجنبيه حتى هما عشره سنين مش شوي ... زي ماكلتهم وحياتهم مش كيفنا ديما في الطبخ والنفخ

هند :اي والله حق.... هي مالا نمشي اني

امي :بسلامه

.......
صكرت من امي من اهني.... وناديت على تؤام الشر " فدوى&فاديه"....: يا فدوى يا فاديه انتن يا همي الاحرف

فدوى ادير في الروج:نعم نعم ماما

هند :شن لي ديري فيه هدا .... وقته هو وقته؟

فدوى :اووف فكيني ماما اكيد بنات عمي بيكونو حلوات هلبا

"اقلب الجرة على فمها تطلع البنت لي امـها 😁"

هند :هادا فيش فالحه.... او وين اختك؟

فدوى تشوف في روحها على كاميرا تليفون وتعدل في الروج:ادير في ماسك

هند فكت روج من فدوى:تي سادك وانتي تبلعمي فيه ساد.. يا فاديه يا هم تعاالي

فدوى :اوف منك يماا

هند :اسكتي اس بري ناديلي على اختك بري

فاديه جت ووجهها اسود :نعم ماما

هند :وووه يومياه وعين العميه.... تي شن مدايره في وجهك؟

فاديه :ماسك يما ماسك

هند :به باه هدا واني عابيه عليكن... تي امشن اقضن حاجه وساد من تلطيس... امشن ضمن الحوش

فدوى&فاديه بي اصوات متقطعة :به يما باه

......
وانطلق كل واحد لي شغله.... فدوى وفاديه ينكتو في الحوش وفاتحات اغاني.... وهند دارت دوش وقاعده ادير في الفتله .... لين جي خالد...

اني فتحت الحوش وقعدت ندخل في الشكاير: يا عرب الحوش

فدوى وفاديه يجرن:بابا شن جبت؟

اني :كل خير.... زودن دخلن معاي زودن .... هند يا هند

هند ادير في مايه الورد:جايه يا خالد....نعم

اني مبتسم:عاد اكيد درتي حاجه سمحه... بعدك جيعاااان

هند :..... يتبع

زعما شن مزال بيصير من عزوز الشر ام هند 😂وشن بيدير خالد بعد يعرف ان هند ما دارت شي 😶