صاحبة السعادة ❤️

البارت الوحيد

صاحبة السعادة ❤️

جنت صغيره بعمر 14 بهالحدود اول مصار عدي

فون شكو اغنيه حزينة نزلتها، كل يوم انام والدموع

بعيني رغم حياتي ما بيها شي ماطولت مده

وانكلبت حياتي، استمرت حياتي بالنازل بعد

هذا كله لحد مادخلت كليه كلشي ردته مصار حتى

الكليه بس عجبني القسم نوعا ما رغم هو مو حلم

ولا طموح وراها استمرت الأشياء السلبيه تلحكني

لان ترددي جان منخفض هم جنت اسمع اغاني

حزينه واكعد ابجي واتخيل اسوء الأشياء لحد ما

اسوء الأشياء صارت واقع، ي صارت واقع وحياتي

وصحتي وكلشي عكس ما أريد وبالنازل هنا جنت

متئذيه بس هم ما أبين بس بعدها وصلت لقناعه

انو كلشي يصير مكتوب و المكان الي اني بي أفضل

شي الي والحياة ممكن تكون حلوه بيوم من الايام ما

بين إنكار وقناعه وتقبل عشت، بطلت اسمع اغاني

حزينه بطلت اشوف مسلسلات إلي تأثر سلبيا على

الشخص تضر أكثر ماتنفع نادرا ما شوف شي

مسلسل لو فلم لو قصة بدلت ذوقي بالاغاني صرت

اسمع كلشي حلو وعن الحب والحياة والسعادة رغم

شي بسيط بس كدرت ارفع طاقتي بهالأشياء ابتعد

عن الأشخاص السلبيين احجي سطحي ومافكر

بكل شي ومن اختنك ممكن احجي وبعدها اغير،

موضوع أحلامي طموحي كلشي ادعي بيني وبين

رب العالمين و الأشخاص اللي كلش ايجابيين

وطاقتهم حلوه وايمانهم برب العالمين قوي والباقي

اعرف يستهزا ويضحك ويستهان وهالشي فوك ما

يجرح يقلل من الطاقة، تقريبا من ٩ أشهر أكثر بديت

هيج حتى نشري عكس حياتي اكو مقولة تكول

" شبيه الشي منجذب له" هيج شي ملخص

هالمقوله كل شخص يجذب إله الحياة الي يريدها

السعيد أو الي مونس روحه حيجذب إله أشياء حلوه

و الي كاضيها حزن حياتك ماحتتغير حتستمر على

هالمنوال مهما انظلمت لاتعيش دور الضحية لان

الدنيا راح تستمر تعيشك بهالدور لا تكون ضحية

ظروف وحياة ومشاكل خلي نفسك الشخص الطلع

من حلك السبع وحس بقوتك، واخر شي حتى لا

تخلون طاقة شخص تسيطر عليكم اي احد يكللكم

ضوجه ملل تعبان رد بـ لا حتى لو يحجي عن نفسه

قبل لا يوصل لعقلك اللاوعي انفي هالشي و

أصحاب الطاقة إلي تستهلك بسهولة انعزلوا وقللوا

من الأشخاص الي يمتصون طاقتكم

ابسط شي عن القناعه استوفيت سنه انقهرت

واكو كم شخص اتشمت بطريقته الخاصة و اكو

جرحوني بطرق غير مباشرة عدا الحجوا ورايه بس

جنت حاسه هالشي بي حكمه مو عبث ومن نوع

كلش احب الدوام، بدينه هالمرحله الي مفروض

رابعه بيها من مظاهرات لكورونا وما لحكنه نداوم

شهر، حاليا احنه شهر الخامس 5/19 يعني العام

هيج وكت جنه معطلين ومابقه لامتحاناتنه غير

اسبوع واني من نوع احب الدوام كلش يعني لو

ناجحه جان ممكن اتخرج واني مامداومه غير شهر

و امتحانات هالحجي مو اتشمت بأحد لان ابد

ما ادير ظهري على ناس ورايه وما أقيم نفسي

بمجال واحد وسنه وحده اني افضل بكومه مجالات

إذا هسه ولا قبل واخر شي خلي ثقتكم برب

العالمين بكلشي والحياة عيشوها بطريقة أسهل..