و اول ماروحت☹
ريهام تفتح في باب حوشهم ودمعتها على خدها من منظر الزحمه والخيمه الي منصوبا قدام حوش حليمه تلاقت مع خوها(حسام)
حسام:تقعديش في الحوش ابروحك غيري وعدي لعت جيرانا بوهم توفى
حليمه بكلمات متلعتمه:قا قا قصدك حليمه بوها توفى
راجيني حسوما ارفعني باسياره عشان نقدرش انخش في زحمه
......
سهام(أم حليمه)جت ريهام تتعنقها بقوة ربي يصبركم ياخويله ربي يصبركم
نجاة(أم ريهام): ابنيتي خليك مع احلومه شوفيها اكيد حابسه روحها في دار لعند تو مطلعتش
ريهام:يااارووحي عليها😢
ريهام ادقدق على باب دار حليمه
ريهام وهي تبكي:احلوومه افتحي ياحلومه خليني انشوفك ماديريش في روحك هكي
عائشه بنت خالت حليمه:الدار فيهاش حد حليمه اشبح وينها مشفتهاش بكل
ريهام ودقات قلبها اتزيد تسألات في نفسها:ياااربي شن الي صارلها وينها البنت مختفيه
عدت حليمه ادور عليها وتسأل وحده من الموجدات منو شافتها بس للأسف😞حليمه مش قاعده وتأكدة ان حليمه لا وصلت للمدرسه ولا روحت للحوش...
ريهام اتوشوش في ودن امها:حليمه مختفيه
نجاة باستغراب:كيف كلام هذا
ريهام:وطيي صوتك ياماما تو تسمعك اخويله سهام
نجاة:نوضي احكيلي شن الي صاير بزبط
عدت ريهام وامها وتبعدة على خيمة نسوان وريهام حكت لأمها بتفاصيل من صبح للحظة وهي تسأل بالك حد شافها
نجاة:حطت يدها على قلبها ياناري ياحلومه وينك ياارب سلم وألطف
ريهام بدت تبكي وتشهق وهي متعنقا امها:ياماما كيف كيف انخبر خويله سهام اني كيييف زعما وينها وشن صايرلها يااااربي
نجاة:يابنيتي وسعي بالك ومترعشي حد لو صايرلها شي لاقدر الله تو يوصل الخبر
.....مع ساعه5بعد آذن العصر كان وقت الدفينه
جابو تابوت أب حليمه وحطوه في المربوعه وخشت سهام والبنات وقريباتا يشوفنا
خلاص ودعوه لأخر مره شافوه اخر مره ودمع ينزل من العين بحرقه وفي كل دمعه اتجي قدام العين ذكرى معها
😢😔//فراق الموت فراق لا يرحم//💔
ظلمت الدنيا وليل الليل مع ساعه3الي رقد من كثر البكي والي قاعد نايض يسترجع في ذكريات ويبكي ويدعيله
سهام على عتبت الصاله وين ما بايتين ناس:حليييمه حليييمه وينك يابنيتي شفتكش ياعيوني وينك
خوله أخت حليمه بصوت إستغراب:حقااا حليمه وين من قبل الدفينه مشفتهاش
عائشه حتى هي مستغربا:ولا أني شفت امبدري صاحبتها ريهام ادق على باب دارها وقتلها ان ماشفتهاش
سهام والحزن مجتاح صوتها:احلومه وين احلومه وين بنيتى اني..كان صاحبتها الي تروح معها ماتتندري عليها وين ولا حد شافها ياااا رب لطفك
سهام انهد حيلها وطاحت تبكي جن خواتها الي بيتات وصبيتها يصبرن ويهدن فيها
الحوش كله فزع ومش عارفين حليمه وين كلمو خوتها لطفي ومحمد وكلمو عمامها
محمد:تي وين بندوروها ولا انكلمو شرطه
لطفي:لا يارجل فكنا من شرطه اول شي خلينا نستفسرو صاحبتها بنت يوسف
محمد:شن اندقو على ناس في هالوقت
لطفى:متزيدينيش حيره اندقو امالا لا كيف تبي يصبح الصبح واحني من بعد بويا اختنا درناش بالنا عليها
عدا عمهم خالد ومعاه لطفى طول طلعلهم حسام
لطفي:سامحنا ياحسوما على الجيه في الوقت متأخر
حسام بصوت في كآبه:ياغالي عارفك عليش جاي لكن نبيك غير توسع بالك وتتفاعلش
خالد:شن فيه ياحسام ادوي خيرك
أنت تقرأ
هذا الي صار""
Random((بَكَيْتُ عَلى نَوَائِبُ الْأحِبه فَما لَقيْتُ حبِيباً يَبْكِى عَلى نَوائِبي🖤)) سنة توجع ياغوالي2015 كانت شريط لا ينتسى من ذاكره🚶♀️ اسمي حليمه راس مالي في هادنيا اقرايتي ننجح فيها ممتاز ورضي أمي وبويا وعيشت اجواء رائعه مع العيله والأقارب👨👩�...
