روايــه ــــــ روح.

روايــه ـــ روح ـــ الحلقه ــ الثانيه

روايـه ـــ روح.
لـسلسبيل أل جبريل. 

ملاحظه عدلت في بعض الاشياء اسف....

الماضي :

في عزا اسماء كلهم امنزلين روسهم من راجل اسماء مروح من غير مايسمع ان مراته توفت 😔💔..
صبا بحت فيهم وهم نازلو روسهم وسعو له ماحد نطق بكلمه نين جاه خوها الكبير و مسح ع كتفه وقال له : اسماء عطاتك عمرها 💔
حامد : لا لالا كذب اسماء ما ماتتش مازالت قالت انراجي فيك بلاش كذب ياراجل ..
زقه وعدا جو خش الصاله لاقا ام اسماء وامه و خواتها وخواته وعيلتهم كامله بلمختصر قاعدين في الصاله بعد
بحت في امها و امه وام اسماء عظت فمها خانقتها العبره ودموعها يسايلن ع طول خدها ..
وامه منزله راسها و دموعها يسايلن ع كنتها وعويل ولدها لمن قعدو من غير امهم تقزنو 😭💔 ...
حامد خلاص حالهم حال نزل ع الارض وخانته دمعه وبصعوبه نطق ..
حامد: اس اسسسسسما۽ وينها ...
ام اسماء صبت بحيل مهدود : مسحت ع ظهره ومسكت يده وسحباته لدار اسماء فتحت الباب وخششاته هو اول ما حقها ادموعه نزلن بعد كان ماسكهن و يكابر ...😭💔
قرب من سرير اسماء وحط يده وقعد رفع الغطا من عليها بحت فيها كيف بيضه هلبا وكيف ملامحها بريئه بكل كيف انها طفوليه وكيف كانت تضحك ديما وايجابيه معقوله ماتت 💔..
نزل ع ركبه بيش يطقها و حط اصبعه ع وجها و قعد يمشي فيه ع كل جزء من وجها وكل ملمح في وجها 😔💔..

حامد بصوت مخنوق ودموعه ينزلن : درتيها يا اسماء درتيها وقلتي حانمشي وتقعد تبيني ومتحصلنيش 💔
درتيها عديتي يا اسماء عويلك يا اسماء اسف يا اسماء اسف على كل حاجه اسف😭💔..
اذكر كيف كانت ديما اتقوله خليك قوي ايجابيه ومتفائل سا تكون بخير ديما وفرحان اصنع الفرحه تلقاها ♥
ــ
زمان قبل ما تموت اسماء..
اسماء حطت يده ع كتفه : ها احميدا كنك متضايق انحس فيك جيت ماتكلمتش بكل ولا خشيت عليا كيف العاد انت كويس احميدا..
حامد كان ساند راسه بيديه بين ركبه ... رفع راسه يبحت فيها ...
حامد : اسماء اشقي بروحك مش قادر نتكلم مع حد ولا حد يجي شوري خطيني .
. ورد ع نفس وضعه الاولي ...
اسماء 😕.. بعدين ابتسمت وضماته زييين 😌♥
حامد وقف فترة وبعدين ضمه حتى هو بالقوه ....

( السلام انمالك و مُحياها ...)

اسماء طلقاته وبعدت عنه و رفعت خصله من شعرها و بحتت فيه ومبستمه وعيونها تشع بالامل كيف انها تقول له ماتاكلش الهم كل حاجه فيها خير خليك ايجابي متفائل ..
قربت منه باسته ع خده وقربت خشمها من خشمه وحركاته بكل لطافه وصبت ...
اسماء : احميدا ماتاكلش الهم كل حاجه فيها خير بحت نحنا جنبك نا وعويلك وهلك ايش تبي اخر كان ع القصه والديون حاتنحل فقط ثق بالله ..
حامد ابستم لها وقال انشاء الله ..
هي عدت وقالت له تعال تغدا درت كسكسي خيال امغير ذوقه وطلعت تجري وهو وراها 😂😂♥
ــــــــــــــــــــــــــــــــــــــــــــــــــــــــــــــــــــــــــــــــــ
حامد صبا من جنب اسماء وبحت فيها و غطها قراء عليها الفاتحه و طلع يكابر ع خاطرها ..
ـ
ـ لاقاته امه وام اسماء يضبطن فيه ويعزن فيه
حامد بعد فك روحه منهن : العيال وين مش باينيين
ام حامد : العيال اء ۽ء في الدار متعاتهم خش عدا شورهم و خذ نفس عميق ما يبيش يبان ضعيف قدامهم وخش ..
العويل بحتو في بوهم في صوت واحد بابا و انهلو عليه بالاحضان ...