الجزء الخامس والعشرون..
اسيل نحن لازم نوريها سارا ما عارفاهو على حقيقتو
اسيل....انا معاك اي لكن خلينا نصبر شويه طيب
قلت ليها طيب ياخ اها بكره حتمشي معاي المطار؟
اسيل.. مطار شنو
قلت ليها نسيتي بكره الاربع اسيه جايه وبتحنس فيني شددديييييددد اجيها!!
اسيل....الساعه كم؟
قلت ليها اربعه العصر كده
اسيل... بمشي معاك خلاص
قلت ليها ظابط اتفقنا
اسيل...اسمعي كدي
قلت ليها اهاا
اسيل.... مجد من يوم زفتو ما رسل لي مع انو كل يوم كان برسل لي وبتونس معاي وكده مالو فجاءه؟
قلت ليها بري ما بعرف رسلي انتي كدي
اسيل...رسلت ياخ ما عارفه انسي
قلت ليها تمام يلا انا ماشيه
قفلت الخط ودخلت الواتس اتونست مع اسيه شويه
لقيت غسان خاتي صوره ليهو هو وامو في الاستوري الصوره شكلها قديمه وانا بس قعدت اعاين فيها كده فجاءه بقيت بقول اي ده هو والله ده هو وبقيت بكورك
كنت مبسووووووطططططهههه شددددييييييييدددد
وطوالي نمت وانا فرحااااننههه
............................................................
صحيت يوم الاربع الساعه حداشر كده قمت استحميت ولبست بنطلون جينز عادي ومعاهو بلوفر ابيض وسبورك وطلعت عشان امشي لي اسيل
اتحركت عليها وانا في الطريق ضرب لي مجد
قلت ليهو اي يا مجد
مجد...وين انتي
قلت ليه ماشيه علي اسيل فشنو
مجد...ديل طيارتهم حتصل الساعه اتناشر ما تلاته
قلت ليه كيف يعني؟؟
مجد...غسان هسا قالي انا زاتي صحيت مخلوع والله
قلت ليه يا الله ياخ خلاص زابط ما بنتاخر
مجد....انا بقيف ليكم جنب عفراء اها كيف
قلت ليه اي ظابط
وضربت لي اسيل وريتها قلت ليها ولا بخش زاتو سريع امرقي
لحد ما وصلت لي اسيل وركبنا الساعه جات ١٢ ونص
اتحركنا مشينا لحد عفراء ولاقينا مجد
مجد...عليك الله شفتو الحركه حقتهم😂
اسيل...خليتوني اكلفت اللبس حقي
وصلنا المطار مع الزحمه المبالغه دي زي الساعه وحده ونص
دخلنا لقيناهم وصلو وقاعدين
مشينا سلمنا عليهم وكده
قلت ليهم واي اتغيرتو
غسان....اها درامات رخيصه تاني😂😂😂😂
قلت ليهو انت اسكت عندي معاك موضوع بعدين
مجد...الليله سجمك يا غسان
اسيل...ارح امرقو خلونا نمشي ناكل
غسان...اسيل انتي في اي موقف بطنك دي اهم شي
قعدنا نضحك ومرقنا واتحركنا مشينا الفاخر قعدنا وطلبنا الاكل
اسيه....سارا لي ما جات
اسيل...اسكتي انتي فاتك حاجات كتير كدي بعدين عندنا قعده سوا
غسان...هوي هوي دي شنو الحركات دي قولو هسا
فجاءه انا قلت الللليييله اتززكرتتتت
كلهم...بسم الله مالك
قبلت لي غسان قلت ليه انت بتعرفني؟
اسيل....اجييي؟؟
غسان....اي بعرفك😂😂
قلت ليه لالا قبل الجامعه؟
غسان ..اييي😌😌
قلت ليهو واااايييي يعني انت عارف غسان بالجججددد بتبالغ ياخ لي ما وريتني ياخ
غسان...عرفتي من صورة امبارح ولا شنو
مجد...فشنو
اسيل..بري انا زاتي ما عارفه
قمت علي حيلي قلت ليها اسيل متزكره لمن خلصنا امتحانات تالته
اسيل....اييييكك اها
قلت ليها مش مرقنا اخر يوم وانا جيتك بي ترحال وبعدين مشينا مطعم ولقينا مجد هناك وضربت لي نفس بتاع الترحال
اسيل.....اهااا
قلت ليها اها شنو بتاع الترحال كان غسان
اسيل....واااااايييي لاااا كدي عاين لي
غسان....عوارتكم صعبه والله😂😂😂😂
اسيل....وانا من شفتو اقول ليك شفتهو قبل كده تقولي لي حتكوني شفتيهو وين
قلت ليها المهم خلاص هسا ارح بعد ده
اسيل....خلونا نتونس حبه
قلت ليها ديل حيكونو تعبانين من السفريه
غسان...لا ما تعبانين خلونا نقعد
طوالي قبلت عليهو قلت ليهو غسوني انت عارف بالجد انك صحبي المفضل
غسان....اها دايرا شنو؟
قلت ليهو والله يا غسان انا ما عندي زول اتونس معاهو ممكن اسيه تجي تبيت معاي؟😌
اسيل..واي من المصلحهه😂😂😂😂
غسان...معليش مره تانيه
قلت ليهو لي عليك يا غسان ان شاءالله تخش الجنه
مجد....دي شنو حركات بنات الاستوبات دي😂😂😂😂😂
غسان...خلاص لحدي ما نصل بشوف اسلوبك لو لقيتو كويس تنزل معاك لو ما عجبني ماف مشيه
قلت ليهو عان ده كمان
غسان... شنو؟؟؟
قلت ليهو اي قلت ليك حاضررر
مجد عاين لي ساعتو وقال انا ماشي بعد ده عشان داير اجيب البدله والجزمه
غسان....لالا ما تجيب شي انا جبت ليك اي شي معاي
مجد...غسان انا وريتك ما تجيب ياخ والله انت
غسان....انت اخوي يا زول وضربو في كتفو
مجد...ما بتقصر والله
انا واسيل طوالي عاينا لي اسيه
اسيه....ما تعاينو كده جبت ليكم هدايا
غسان...انا زاتي جبت لي زول كده هديه
قلت ليهو واييي ياخوماف داعي تجيب لي
غسان...هي ما ليك لكن لي رندا
طبعا من قال رندا انا واسيل ضحكنا ضحكه تجيب بوليس الاداب😂😂😂😂😂😂
مجد..يا ساتر ده شنو
قلت ليهم انتو يا متخلفين نسيتو انه خليناها هناك
اسيه...ايييي اييي تستاهل
قلت ليها كريها يععع
اسيل...الرحله كلها غسوني غسوني
قلت ليها وطالعه فيها شينه شنا
مجد..هوي والله البت سمحه وكلامها سمح
اسيل....بالنسبه ليك سمحه
اسيه...سجمك
غسان....والله هي طيبه لكن انتو حقارين وبعدين انا اتكلمت معاها ما زي ناس ما رسلو لي ولا ضربو لي اا يا يارا
قلت ليهو بالمناسبه يعني انا سالت اسيه منك
اسيه....اي والله
قلت ليه المهم وريني الهديه
مجد...والله يعني انتو ماشين لي ظرف تقومو تجيبو هدايا
قلت ليهو ما بيناتنا ياخ😌
غسان....ما عندك دم والله😂😂😂😂😂
اسيل فجاءه قرصتني قالت لي عايني
لقيت سارة خاته صوره ليها هي وحاتم وكاتبه*لم يخلق الحب الا لاجلك*
قلت ليها نننن ما عارفاهو علي حقيقتو استغفر الله
مجد...مع منو انتو
انا بدون قصد قلت الحيوان حاتم
غسان...؟؟حاتم مالو كمان ؟؟
اسيل...ياخ مش هو ارتبط مع سارا
غسان... بالله متين؟
اسيه..لي ما وريتوني؟؟
مجد...انا القاعد معاهم ما وروني
قلت ليهم اسكتو هسا نحن موضوعنا في انه حاتم ده ما اوكي كده
غسان...يارا انتكلمي زي الناس ولا خلي اسيل تحكي
اسيل...انا بحكي ليهم حاتم ده اي صاحبنا واحنا اول اتنين اتعرفنا عليه لكن حاتم ده تصرفاتو غريبه مثلا زمان في الرحله نظراتو لينا غريبه كده بتكون ما عارفه اقول ليكم شنو
مجد....لالا ياخ ما تظلموهو
قلت ليهو اصبر جاينك في الكلام
المهم نحن كنا بنقول الولد عفوي وبتاع لكن حاتم ده ما حصل حكا لينا عن عيلتو ولا عن نفسو نحن البنحكي دايما وهو بكون ساكت
غسان ...في دي معاك حق انا حاتم ده ساكن وين ما عارفو
اسيل....المهم يا قايز هو لمن ارتبط بي سارا
مجد قاطعها قاليها والبت الكانت معاهو في البيت المصري
قلت ليهم ايوواااااا دي النقطه الدايرين نصل ليها من الاول
اسيه...معقوله لكن ده كلو من حاتم
غسان...والله يا جماعه ما خفي كان اعظم وبعدين قصه نظراتو ليكم اذا يارا ولا اسيل ولا انتي يا اسيه ده كان السبب البخليني دايما اشاكل يارا واقول ليها هدومك لكن ما كنت بحب اقول ليكم عشان بحسكم معتبرنو صاحبكم وكده
قلت ليهو اي يعني الشكل الكان بجيني كلو بي سببو الحقير😂😂😂😂😂
غسان...المهم الحيحصل كالاتي هسا حنوصلكم وتمشو ليها وتوروها شفتو شنو لانه سارا صحبتكم وبعدين ترجعو البيت
اسيل...خلاص اوكي
قمنا ومشينا
اتصلت لي سارا قلت ليها انا والبنات جاينك
قالت لي اهلا وسهلا
مجد وغسان وصلونا
اسيه...غسلن اديني الاكياس حقتي
غسان...الهدايه؟
اسيه اييي
اداها تلاته اكياس هدايه كبار كده كل كيس فيهو اسم وحده مننا
دخلنا بيت سارا والاولاد خليناهم بره
اول ما دخلت غسان اتصل لي
قلت ليهو مالك
غسان...تعالي بره نسيتو شي
قلت ليهو طيب
مرقت مشيت ليهو قلت ليها نسينا شنو
غسان...ما نسيتو اي شي بس كنت داير اديك حاجه
قلت ليهو واي ياخ بخجل
غسان...حركات البنات ما جايه فيك هاك
ومدا لي كيس كبيييررر😢😢❤❤❤❤
قلت ليهو واي ياخ شكرا
غسان...عفوا😉
يلا خشي
قلت ليهو باي وخشيت
سلمنا علي امها واخوها وليد ومرتو وطلعنا ليها فوق
جات سلمت علينا واسيه ادتها هديتها وكده وقعدنا نتونس
#يتبع
معليش اتاخرت في البارت
ما تنسو التصويت
في امان الله❤❤❤❤❤❤🙏
