الدين ليس البعد عن الحياة انما البعد عن الحرام ( ﻻن الجنة تستحق)

تمشي علي استحياء

السلام عليكم ورحمة الله وبركاته
ازيكم حبايب قلبي
فالأول حابه اوضح حاجة الكلام الي انا بكتبه ده في الكتاب ده او كتابي التاني ( هي عفة ) فده كلام ربنا وأحاديث رسول خير خلق البشر عليه أفضل الصلاة والسلام وكتب قرائتها انا مجرد بقول الآيات والأحاديث دي للي مش عرفها و كلام الكتب بسيقوا بطريقتي يعني انا ببساطة وﻻ اي حاجة مليش دور وﻻ لزمة في كل ده غير اني بكتب بطريقتي
وربنا ينفعك يجزيكم الفردوس الاعلي واسفة للاطالة ويلا نبدا عشان ده بارت اطلب مني البارت الي فات
_________________

1- اللبس سؤال أتساءل البارت الي فات وانا رديت عليه وهو البنطلون الجيبة ينفع أخرج بيه ؟ ﻻء ماينفعش حرام
طب أخرج  بايه اقولك البسي لبسك العادي الي بتخرجي بيه و حطي الميك اب الخفيف الي متعودة عليه و طرحتك وبعدين افرشي السجادة وصلي ؟ هاتقدري تصلي بالبس ده  لو هاترصي يبقي اخرجي وبعدين انتي ربنا شايفك في كل الاوقات طب بلاش رغي وقولي البس أيه عشان انا خلاص اتخنقت بصي يا قمر
  انا زكرت شروط اللبس البارت الي فات بس مافيش مانع اقول
تاني هو انا وراي حاجة ( ﻻ يصف - لايشف - ﻻيكون زينة في نفسة - غير معطر - فضفاض ﻻ يصف - الا يكون لبس شهرة )
لو هاتلبسي طرحة :- تبقي طرحة طويلة مغطية منطقة الصدر وماتبقش علي اي بناطيل بكل انواعها وﻻ علي جيب مجسمة و ﻻ فساتين مفصلة جسمك تبقي يعني تلبسي جيبة واسعة فستان واسع اي حاجة فضفة كدة حلو شبهك يا سكرة

خمار :- يبقي خمار طويل بلاش الخمارات القصيرة الصغيرة دي ويبقي مش واصف منطقة الصدر علي لبس واسع كدة جميل وياريت يعني يستحب تلبسي معاه جونتي

نقاب :- ﻻء بصي انتي تجيلي هنا وتجيبي كباية شاي ماتكنش فتحة العين واسعة مبينة نص عينك وﻻ عينك مرسومة وحاطة لنسز و  مايكونش النقاب لون فاقع زي احمر - بينك -   وفحلوقي يبقي لون غامق  وكدة والخمار مايبقش قصير ومحتاج خمار ياريت يا سكر تلبسي لبس واسع مش لازم حاجة مجسمة جسمك والشنطة الكتفين دي البسيها كتف او شدي اللبس لقدام بعد ماتلبسيها عشان بتوصف الصدر ياريت الجونت الجونت الجونت الجونت الجونت شوفتي انا كتبت كام مرة الجونت عشان لما تنسيه اجلي اكل مناخيرك

2- النية :- بصي قبل ماتخرجي من البيت خلي عندك نيه  طب ايه النية دي النية محلها القلب ومش يتتقال بالكلام حطي نية ( خارجة للطلب العلم - عشان اجيب حاجة لامي واراضيها وانت امرتني يارب ببر الوالدين وهكذا ) طب خرجت ادعلي ربنا وانتي وماشية وحطي نية انك خارجة بالبس المحتشم ده لاجل ترضي ربنا وربنا امرك بالحجاب وفرضوا عليكي

3- لبست لبسك المحتشم وحطيتي نية الخروخ تروحي تسلمي علي أمك و ابوكي وتبوسي ايديهم وتخرجي من باب الشقة برجلك اليمين وتقولي ( بسم الله توكلت على الله وﻻ حول وﻻ قوة الي بالله اللهم اني أسألك خير المخرج والمولج)

4- غضب البصر ده طبعا وانتي ماشيه في الشارع   عينك تبقي في الارض مش معني كدة انك تنزلي راسك كلها الأرض خليكي في الوسط وبلاش بقي بصي الوالد ده ﻻبس ايه ومش عارفة ايه لدرجة اني ممكن طتر البص بشك أنهم خلاص ناقص يعرفوا مقاس التيشرت

5- وانتي مشي بلاش تمشي اسفة في اللفظ.تتقصعي  يعني امشي عدل بلاش تمايل في المشي بلاش الكعب الي بيطرقع  بللش اللبان الي بتمشي تلكي فيه في الشارع اللبان اتعمل للبيت او لو انتي منتقبة ومش هيبان

6  -  طبعا انا قولت وانتي ماشيه هاتحطي نية انك خارجة بلبس ده عشان ترضي ربنا طيب وأنا ماشيه في الطريق اقول أيه هاتقولي استغفر الله _ﻻ اله الي الله-الحمد لله  -الله واكبر - تصلي علي سيدنا محمد طيب أنا هامشي مع صاحبتي بلاش بالله عليكي غيبة ونميمة وتجيبي في سيرة فلانة وعلانة قال رسول الله ( من حسن اسلام المرء تركه ما ﻻ يعنيه )  وبلاش تتكلموا بصوت عالي وﻻ الضحكة تجيب اخر الشارع  وشد صاحبتك معاكي قولي ليها ايه رايك نذكر الله نصلي علي خير خلق البشر اجمعين
طب انا هاركب مواصلة  تركبي بس بلاش تلزقي في الشباب حولي يكون في مسافة حطي فاصل بينك وبينو بلاش تخلي حد يخبط علي كتفك.ويقولك الأجرة حطي مصحف صغير في شنطتك وطولي ما انتي راكبة اقرئ فيه قولي ازكار الصباح والمساء لو ده وقتها ازكري ربنا

7 - وصلت الجامعة او المدرسة أو الشغل أو اي حاجة بصي حديث صوت المرأة عورة غير صحيخ ولم يقف له العلماء علي سند طيب يعني انتي بتقولي اتكلم مع الشباب واضحك واهزر واتمرقع واصاخب وكدة بجد انتي سكر يا حفيدة عائشة خدي بوسة ﻻء يا اختي استني  هنا انا ماقولتش كدة بصي اتعاملي بحدود يعني ازاي يعني بصي اتكلمي معاه بحدود الشغل وباحترام ومش تتكلمي باسترجال أو ترققي كلامك وتستهوكي تبقي بطيعتك افتكري ايه ( وﻻ يخضعن بالقول فيطمع الذى في قلبه مرض)
مافيش حاجة اسمها زي اخويا مافيش حاجة أسمها اصحاب مافيش صداقة بريئة بين ولد وبنت مافيش حاجة أسمها صحوبية كوني بنت بالف راجل طبيعي انك كتر كلامك معاه هاتحصل ترابط وحاجات من دي ودي بييجي بعدها كوارس

8-طبعا هاتسمعي انتقادات كتير زي الشيخة وصلت يا حجة انتي معقدة انتي مكبرة نفس اصبري واحتسبي

يارب البارت يكون مفيدة انا كتبتوا للبنوتة السكر الي طلبتوا  لو حابين اتكلم في اي حاجة تاني او موضوع قولولي في الكومنتات
وقولولي اكتر جزء عجبكم و استفادتوا من الفصل ده ايه

ماتنسوش هاشتاج # بالإسلام نرتقي حفيدات عائشة