اهوال عشقك

الفصل الاول

وقعت في فخ حبك
ويبدو ان ملاذي الوحيد منك هو ليس اليك
ربما الفرار ولكن الي متي ايها المستقبل المجهول والحاضر الغريب

#اماني_مجدي

*********************

كانت واقفه بجانب صديقتها التي لم تراها منذو فتره كبيره
بدأ يعلو صوت ضحكاتها تدريجيا
كانت سعيده في اسعد حالتها تضحك في سعاده
بدأت ترجع الي الخلف محاوله الفرار من كلمات صديقتها الشقيه
ساره بمزاح : كفايه حرام عليكي مش قادره
هفطس من الضحك مش قادره

يقف يتحدث في الهاتف وما كاد يتحرك خطوتين الا وسقط منه الهاتف واسرع ليحكم قبضته علي تلك الفتاه التي كانت علي وشك الوقوع

ساره : شكرا

الشاب: ...............

ساره : ما خلاص يا عم روميو هتفضل متنح كده كتير ما تسيبنني يا اخينا بقا .

تركها فسقطت علي الارض

ساره : انت متخلف يا اخينا  انت ازاي توقعني كده

الشاب : مش انتي اللي قولتي سيبني انتي غريبه
وبعدين اوعي بقا تليفوني وقع وشغلي هيتعطل بسببك

ساره انتي كويسه

ساره : هاتي ايدك اه ياني

بهدلتي الواد اوي هو ده جزائه يعني

ساره : الله يخليكي يا ليله هي مش ناقصه كفايه اللي حصلي .
هروح ازاي كده وهدومي متبهدله

ليله : طيب تعالي يا ختي نروح نشوف الموضوع ده وبالمره ادوق صنيه المكرونه البشاميل بتاعه طنط نهله وحشتني موت

ساره : طيب يا اختي تعالي وانتي همك علي بطنك كده دايما
مهو لو مكنتيش موتيني من الضحك زي عادتك مكنتش اتكعبلت ووقعت علي روميو االي كان واقف ده 

ليله : طيب يلا انا عارفه اني مش هخلص منك يلا بينا

****************************

في شركه احمد الغرباوي

فهد يا فهد انت يا بني ايه كل التاخير ده مستر احمد قالب الدنيا عليك
قابل بقا يا معلم
اما لو مكنتش مأكد عليك ف الفون كنت عملت ايه يا جدع

فهد : اقعد انت ارغي يا شادي واخرني اكتر

شادي : طيب اتفضل ادخل يا سيدي

فهد مازحا : تمام يا فندم

احمد بصرامه : اتعدل وانت واقف وبلاش حركاتك دي
فين شغلك يا استاذ

فهد : اصل ال

قاطعه احمد قائلا : بلا اصل بلا فصل
انت لو محققتش التارجت المطلوب الشهر الجاي اعتبر نفسك مرفود

فهد : بس انت قصدي حضرتك لسه مسمعتليش

احمد : الظاهر انت نسيت نفسك ومش عارف بتتكلم معاك