DILÈM

Mwen menm ak Danola gen plis ke 4 an ansanm, nou gen menm laj. Li se yon fanm ke m' te toujou reve genyen e dapre sa li montre m', li menm tou li santi li erez avè m'. Epi yon bon jou, li anonse m' ke zanmi danfans li Tafa , ki te vwayaje depi lè yo te gen 16 an, ap antre sot Etazini apre etid li. (li te toujou konn pale m' de zanmi an, men mwen pat janm vreman prete atansyon ak sa.)

- Finalman, Tafa ap vini jodia wi B
- Evre?!
- Wi cheri, lap rive a 3h, m pa ka tann pou m' wè l' li telman vin bèl, ti figil vin pouf. Epi Wein, m konnen w' gen move karaktè, lè nap soti ansanm pa al bay tifi a move jan non selman.
- Oh cheri, poukisa pou m' ta fè sa?
- E pa jodia mwen avèw non Wein, antouka...

Epi apre sa, nou al cheche Tafa èpòt mwen ak Danola. Mezanmi, lè 2 medam sa yo kwaze a, menm ajan sekirite nan èpot la souri, pou jan yo wè medam yo youn kontan wè lot. Apre yo fin sote, ponpe, anbrase kont yo, Tafa vin kote m', li bo m' bò figi epi konesans fet.

- Mwen resi konn Wein de fas, donk se ou menm kap vire lòlòj ti Danounou m' nan.
- Lol, li pa diw sa lap fèm pase tou!
- Antouka m vreman kontan rekonet ou.
- Mwen menm tou.

Yon ti moman apre.

- Apa nou kite se mwen poukòm kap met tout pil valiz sa yo nan machin nan.
- Ohoh epa gason w ye, fè rapid monchè. 😂
- Ebyn ok Danola!

Epi nou derape. Nan machin nan medam yo telman f bri, si mwen fokis sou yo m' f aksidan.
Men m pa kache di nou, tanzantan map voye jem nan retwovizè a poum gad Tafa dèyè a, ti pitit la si telman bel, mwen rann mwen kont ke li pi bel lontan ke fason Danola te konn dekri l'. Manmzèl gen yon zye mawon, bouch li woz san fa ni glos, watadi son ti frèz byn mi, ti nen'l pwenti, preske tankou tour efèl, vant plat tankou mannken, bout anbal menm se pa pale. Lèm gadel epim gad Danola se mizik Jude Jean an ki monte nan tèt mwen. Byen ke madanm mwen bèl anpil wi, men Tafa a son lot bagay.

(Yoo Wein, reseziw tande solda, pou kotew soti ak Danola, ou pa ka kitew tante pa bon zanmi'l, sa pa nan jwèt la man.)
Rapid m repran tèt mwen, epi m' fokis sou wout la. Danola fem depoze yo lakay matant Tafa ki se Rutchelle.

- Cheri sa wap fè, wap rete? Rete non.
- Non Danou, mwen pral regle yon bagay anba a nan baz.
- Ebyen ok bb, pa bliye nap soti pita a nou 3, fok ou pase pran nou.
- Pa gen danje, dpil f 7h map sou nou, bat pou nou gentan pare.
- A plus Wein!
- Yeah, na wè pita Tafa. Salye matant ou pou mwen.
- Ok map fè sa.

Danola fin bo m' epi li antre ak youn nan valiz Tafa yo. Pandan lap antre a; Tafa vin bo'm bò figi, à mon grand étonnement, manmzèl fin bo m' epi li pase men l' tou dousman sot depi bò kou m', pase sou pekto m', rive nan vant mwen, epi li souri ban mwen li antre. M telman sezi, on frison sot nan kou m' li travèse rèl do m'. M pa di way epim pran machin mwen m ale.

Choz di choz fèt, 7h tapan mwen debake sou medam, yo fre kou kola 15. Lè m rive, Tafa vin cheche m' deyò a, li menm tou li gentan abiye. Ayayay timoun; eske m oblije eksplike nou kijan fanm nan red. Manzè met on bout pantalon jeans, ki apèn depase limit san fouk yo, pwent lan tchake, fòm fanm nan dim men li. On ti mayo plake ki tlman kout, ou ka panse se yon top, on bot a talon, longè bòt la preske bal nan jenou.
Li vin kote m', li re salye m' preske menm jan a lè m' ta prale a, epi li pran men m' li mennen m' anndan.

- Oh Damn! Wein you so cute. Bizou. Danola al benyen kounya, ann antre non.
- Dat sa, Danou poko fini toujou.
- Bay tifi a tan l' monchè, ohoh, fòk li fè l' byen bèl pou nèg li.
- M konnen l' bel deja. Men fòk li fè vit.
- Apaw pa dim anyen pou fason m' abiye a Wein ou pa renmen l' ?
- Lol ou pa mal non.
- Pa mal koman sa? Siw pa renmen l' di m' pou m' chanje l'.
- Oh! non, ou abiye jan ki fèw plezi. Ou bon jan ou ye a, m pap baw manti.
- Pa dim mwen bon dim siw renmen l' ?
- Ok wi m renmen l'
- Good 😊