عائلة شيخ جبل
البارت 19
بقلم هدى حيدر 44howda✍️
غزل.
**
طلع جبل وعيوني گامن يجرن ورا
اكو عروس يعوفه رجله ثاني يوم عرسه ..
گعدت بغرفتي. وضليت بس ابچي ...
شويه ونفتحت باب الغرفه
دخلت حسنى اخت جبل الچبيره. ..
فتحت باب الغرفه وگفت صفح وتخوصرت ...
حسنى. اكلج شوفي لاتضلين تتبجبجين وسوين روحج عود. انتي مشتاقه لخوي ومدكدرين تفاركينه
ترا احنه هم اهله. ومانسوي سوايتج. كومي يله اطلعي شويه ويجن جوارينه
ومن باجر تبلشين ويانه بلشغل
ترا احنه ذبتنه شيوخ خطارنه كايم گاعد...
-طلعت وسدت الباب وراه
مسحت دموعي باديه ..
طلعت غسلت وجهي
وبدلت وطلعت ....
جبل
*****
طلعت وگلبي يم غزالي. اخر شي اذكر دموعه وراي
حقه اكو عروس يعوفه رجله ..ثاني يوم عرسه
بس موبيدي ..والله
مرن اسبوعين وگلبي يفور عليه وصورته مافارگت بالي لحظه ...وصوته وهيه تبجي وتتوسل بيه لتروح وتعوفني.
يوميه بليل احلم بيه.
وگبل ماكو تليفون
اي شي اگدر اتواصل وياه ...
بيوم نزولي.
صعدنه بسيارات نرجع كلمن لمحافظته
اول مادخلت للديوانيه ...
نزلت. صار گبالي مطعم. تذكرت عشى ليلة عرسنه.
الي يفشل
خطيه ماكلت منه ...ولاگدرت
اعوضه. الصبح بريوگ زين هل چلبه حورر
صبحت عليه. ...
اخذت نفرين گباب.
جاي امشي. صار گبالي ...
محل ملابس نسائيه. كلت خل اشوف.
اخذله شي حلو. طبيت للمحل حتاريت شنو اخذ
اباوع للدشاديش. عراض وطوال والردن مترين مالتهن. لعبت روحي منهن
دخلت لنهاية المحل صار گبالي ثوب نوم احمر ...
ويا داخليات حمر
اخذتهن اله. ..
رجعت للبيت متلهف عليه.
فتحت باب الشارع.
شفته. رافعه دشداشته ورجليه طالعات
بيض جنهن ثلج ..
ولافه الحجاب وشادته صفح.
لازمه الصونده والمكنسه
تغسل. بلطرمه ....
اول ماشافتني ذبت الصونده والمكنسه
ركضت عليه شبكتني. ...
بسته على جبينه
غزل بلهفه. والله بطيت شتاقيتلك
أنت تقرأ
عائلة شيخ جبل (( الجزء الاول مكتمل))
عاطفيةشيخ عشيره واب في نفس الوقت يتزوج عن حب ..ويكافح الحياة من اجل حياة اولاده وزوجته ...فكيف تكون حياتهم?? أّلَقِصٌهِ بِيِّهِ بِعٌضّ أّلَأّحٌدِأّثّ أّلَجِريِّئهِ تّنِوِيِّهِ 🔞
