الجزء السابع والعشرون ....
اليوم التاني من التخريج صحينت متاخرر شددديدد قمت استحميت وغيرت هدومي وشلت تلفوني وخشيت الواتس لقيت رسايل من اسيل
قلت ليها سوسو انا جيت
اسيل....اول شي تاني لو قلتي لي سوسو ما حيحصل خير
تاني شي تجيك الكشه نايمه لحد العصر؟
قلت ليها والله تعباااااننهه يا اسيل المهم مالك
اسيل...غسان قاليك اول من تصحي اتصلي ليهو
قلت ليها سجمي مالو؟
اسيل....اتصلي وهو حيفهمك
قلت ليها طيب
شلت تلفوني اتصلت ليهو رد طوالي
غسان...اخيرا صحيتي
قلت ليهو فشنو مالكم
غسان... بعد بكره عاملين حفله لي مجد في كافي وحنجيب ليهو هدايه رأيك شنو
قلت ليهو حي منكم انتو خلاص ظابط
غسان....وري سارا لاني اصلا رقمها راح مني
قلت ليهو ظابط اتفقنا يلا
غسان..باي
قفلت وخشيت الواتس عشان ارسل لي سارا لقيتها قاريه الرسايل حقتي القديمه وما راده لي رسلت ليها يا بتت انتيي
بعد خمسه دقايق البروفايل اختفى قلت مستحيل تكون حظرتني
سالت اسيل قلت ليها سارا دي خاته بروفايل عندك قالت لي لا
قلت ليها زي حظرتني
اسيل....اجييي تحظرك ليه خلي غسان ولا مجد يشوفو كدي
قلت ليها غسان ما عندو رقمها اصلا خلي مجد ورودي لي
اسيل....خلاص ظابط
.................
مشيت اشوف الاستوريات لحد ما اسيل ترد علي
لقيت مجد منزل الصور حقت امبارح علقت ليهو
لقيت غسان منزل صورتي بالروب وكاتب تحت*ابتسمي فأنتي الاجمل*
وبعديها صوره لي انا وهو وانا عامله حركه عويره بي وشي
وكاتب تحت*my wife* وكمان خاتي تعليقات الناس
وحدين بقولو ااااا وين ياااا
وفي وحدين زي صدقو
طوالي رسلت ليهو قلت ليهو عرستني متين انت؟
غسان...زماانن
قلت ليهو بالله؟
غسان...لالا ياخ بس بقشر بيك
قلت ليهو وااااي من وقاحتك كويس يا غسان😂😂
قعد يضحك قالي وريتي سارا؟
قلت ليهو بري البت شكلها سوت لي بلوك
غسان...بلوك كيف يعني الا يكون الولد ده قاليها شي عنكم
قلت ليهو الله اعلم والله بس مع نفسها يا زول
غسان....لالا ياخ ما تقولي كده اقعدو وشوفوها مالها
قلت ليهو غسان عاين انا العلي عملتو صاح تبلكني تمسح رقمي دي حاجه بتخصها تاني
غسان....يا بت ما تهرشيني كده😂😂😂
قلت ليهو حاضر سكت خلاص
جاتني رساله من اسيل
قالت لي مجد قال اي عندها بروفايل واي شي
قلت ليها شفتي زي ما اتوقعت حاتم لعب بي عقلها يا بت
اسيل....سارا بتبالغ يا يارا لكن كيف تعمل كده
قلت ليها بريي
المهم بكره حنطلع نشتري الهدايه ولا شنو؟
اسيل...ايي بكره نمشي
قلت ليها خلاص دن
انا قعدت افكر في موضوع سارا وبفكر الولد ده معقول يكون قاليها شنو عننا فجاءه سرحت كده وقلت اييييووااا لقيتها اصلا ماف حل غير دهه
طوالي ضربت لي اسيل ردت قالت لي خير مالك
قلت ليها اسمعيني كدي
اسيل....اهاا
قلت ليها انا فكرت في موضوع سارا ده وحكيت ليها الخطه حقتي
اسيل...انتي قدر الحاجه دي
قلت ليها ايي
اسيل....خلاص اوكي شوفي رأي الباقين وفي زول حيكون معترض من هسا وريتك
قلت ليها غسان اي ياخ ما عارفه المهم انا حوريهو وانتي وري اسيه ومجد
اسيل... اتفقنا
شلت التلفون وانا متوتتترره اتصلت لي غسان
غسان....خير مالك بسم الله
قلت ليهو ريلاكس ماف شي دايرا اقول ليك كلام
غسان اها
قلت ليهو اسمع سارا طلعت عامله لي بلوك لي انا واسيل
فأنا عندي خطه عشان نثبت ليها انه حاتم ده بالجد كعب
انا من بكره لحدي باقي الاسبوع ده ححاول اتقرب من حاتم شديد واحسسو اني معجبه بيهو وكده واطلع معاهو
دي الطريقه الوحيده الممكن سارا تقتنع بيها
غسان....كلامك منطقي لكن انتي لا شوفي اي زول غيرك نحن حاتم ما ضامنينو
قلت ليهو حاتم عارف انه مجد واسيل في شي بيناتهم وهو اصلا عارف انه اسيه اختك مستحيل يقدر يجي جمبها
غسان....رندا؟؟؟
نخلي رندا تعمل كده
قلت ليهو غسان رندا شنو ياخ هو ما بعرفها زاتو حتجي فجاءه تقوليهو معجبه بيك الولد ده مفتح ما اهبل
غسان....بس انا وريتك حاتم انا ما ضامنو
قلت ليهو انا زاتي ما ضامناهو لكن اي شي يحصل حوريكم اول بي اول
غسان...طيب اتوكلي علي الله
قلت ليهو حاضر
وقفلت
مشيت لقيت مجد مرسل لي الفكره سمحه وماف طريقه تخلي سارا تقتنع غير كده بس ان شاءالله تمشي عليهو
واسيه مرسله لي يا مجرمه الفكره سمحه نفذي😎
...................................................................
مشيت رسل لي حاتم هاي
رد لي قالي اووو يارا اهلين
قلت ليهو كيفك واخبارك
حاتم....تمام والله كيف انتي ؟
قلت ليهو والله تمام ياخ بس كنت داير اوريك بعد بكره عاملين حفله لي مجد بي مناسبه التخريج وكده
حاتم...لالا تمام يا زوله قدام بس رسلو لي اللوكيشن
قلت ليهو اتفقنا
*طوالي مشيت عملت قروب فيهو انا واسيل واسيه وغسان ومجد ورسلت فيه سكرين للكلام كلهم قعدوو يضضحكككوو ويقولو لي بدايه موفقه يا بت وكده
رقدت نمت علي كده
صحيت اليوم التاني دقيت لي اسيل واسيه عشان نمشي نشتري الهدايه لي مجد
اتلاقينا كلنا ومشينا حته بتاعه هدايه
اسيل اشترت ليه ساعه وعطر واشترت كرت كده قالت حتكتب فيه كلمه وحده بس وبتورينا ليها بكره
اسيه اشترت خاتم فضه
انا اشتريت البوم فاضي بتاع صور
اسيل...حتعملي بيهو شنو
قلت ليها حمشي اطلع اي صوره فيها هو وادخلهم في الالبوم
اسيه....حبيت
خلاص ارح نمشي استديو
اتحركنا مشينا وطلعت صور كتير شديد بي عدد صفحات الالبوم
وبعدين طوالي رجعنا
انا قعدت ادخل في الصور وفي كل صوره بكتب ليهو الحدث والوقت حقها بعد ما انتهيت طلع حلوو شددييدد
مشيت جهزت هدومي حقت المرقه لي بكره
ورسلت لي غسان قلت ليهو الكافي الحنمشيهو اسمو شنو
غسان...انا واسيه بنجي نسوقك
قلت ليهو لا عشان اوريهو لي حاتم
غسان....اااا طيب ورسل لي الاسم
مشيت رسل لي حاتم مسا الخيرر
حاتم...هلا هلا
قلت ليهو بكره بعد المغرب طوالي في كافي****
حاتم...تمام يا زوله ان شاءالله
قلت ليهو تمام
حاتم..اها انتي كيفك والاخبار وناس اسيل واسيه
قلت ليهو تمام الحمدلله وانت سارا كيف؟
حاتم...منو اليسأل التاني
قلت ليهو انا اسالك لاني ما بتكلم معاها كتير
حاتم...والله بيني وبينك احسن ليك
قلت ليهو كيف يعني انتو مش ارتبطو
حاتم...والله يا يارا انا داير احكي ليك كلام كده سارا دي منفسنه وبتشك فيني كتير وانا والله ما بقدر استحمل الحاجه دي
قلت ليهو لكن انت المره الفاتت لمن شفناك في البيت المصري وكانت معاك بت كنت مرتبط بي سارا صاح
حاتم....ايييي لكن دي صحبتي يعني زي اختي كده لكن صحبتك دي بتكبر المواضيع شديد
قلت ليهو اي والله سارا اصلا كده طبعها كعب
حاتم....انتي فصلتيها منها ولا شنو
قلت ليهو اي والله شبه كده يعني
حاتم...انا زاتي والله داير انهي العلاقه لانها بتنكد شديد ياخ
قلت ليهو يا زول الله يكتب ليك الفيهو الخير وبعدين انت ماشاءالله يعني بتلقي ليك وحده تانيه سريع
حاتم...عليك الله قلتي كده؟
قلت ليهو طبعا
حاتم...خلاص فتشي لي انتي بس
قلت ليهو كويس انت زاتك فتش لي
حاتم...خلاص نحن بدال نفتش لي بعض كدي نحاول نعاين لي بعض
رسلت ليها سمايلات ضحك😂😂😂
بعدين عمل لي ستيكر وسكتنا علي كده
مشيت رسلت المحادثه الفوق دي كلهههااا لي الشله في القروب
اول وحده ردت اسيل قالت انا مصددددووووومهههه شدددديد يا يارا يعععع عان بتكلم كيف ياخ
بعدين رد مجد قال والله ما كنت قايلاو كده ياخ
جات اسيه قالت خلاص بس الرسايل دي وريها لي سارا
غسان قال اي كلام اسيه صاح
قلت ليهم لالا اصبرو شويه بس بكره دايرين نعمل شي عشان يكون عندنا دليل قوي
اسيل.... اي صاح معاك حق
*انا علي كده قفلت الشبكه ورقدت نمت
صحيت اليوم التاني الساعه تلاته كده قعدت مع ناس بيتنا شويه وحمت في البيت وما شفت تلفوني نهااااائيييي
زي الساعه خمسه كده باب الشارع دق
انا كنت لابسه بنطلون لحد الركبه لونو ابيض ومعاهو بلوزه نص بطن لونها كحلي في خطين ابيض في الاكمام
فتحت الباب لقيتها اسيه ومعاها غسان بس واقف بعيد لكن شايفني هو
انا ما انتبهت لي غسان قلت لي اسيه بسم الله مالك
اسيه....تلفونك وين انتي ياخ
قام غسان دق بوري انا طوالي دخلت ورى الباب قلت ليها خشيي
خشت قالت لي ياخ ارح اجهزي نحن ماشين من هسا عشان نجهز الحته
قلت ليها طيب ارح فوق
سلمت علي ماما وطلعت معاي
اسيه....والله غسان الطريق كلو بنبز فيك
قلت ليها ليييي
قالت لي شوفي تلفونك
قعدت في السرير وخلفت رجليني وفتحت التلفون
اسيه جاها تلفون طلعت بره اتكلمت وجات
قلت ليها فشنو
اسيه.. ده غسان قاليك اسرعي يلا
قلت ليها طيب
قمت علي حيلي ووقفت قدام المرايه عشان اسرح شعري
اسيه.....يارا لبستك حلوه الف
قلت ليها ياتها
اسيه....اللابساها دي
قلت ليها اجيييي؟؟
اسيه...اي والله وطلعت تلفونها قالت لي اقيفي اصورك
ختيت ليها يديني في نصي ووقفت
قعدت تضحك وصورتني
غيرت هدومي وطلعنا
كنت لابسه سكيرتي هاي وست اسود النوع البكون فيهو تكسيرات
لابسه معاهو بادي اسود وفوقيهو جكت جلد لونو كبدي غاااممققق
وهيلز عالي نفس لون الجكت وروج نفس لون الجكت وخليت اسيه تعمل لي ايلاينر ومرقنا
ركبنا العربيه وغسان كان بعاين في التلفون وبضحك
قلت ليهو هوووييي يلا اتحركك
غسان...الليله خشمك تفتحيهو برميك بي الشباك ده اخرتينا
قلت ليها يخس عليك حزنت منك
اسيه....حتمشي لي اسيل
غسان...لالا طبعا اسيل هي الحتجيب مجد وتجي
فجاءه دق لي حاتم
رديت قلت ليهو الوو
غسان اتلفت قال منو
اشرت ليهو نظام اسكتتت
حاتم....يارا كيفك
قلت ليهو تمام وانت
حاتم...تمام والله اها حفلتكم قائمه ؟
قلت ليهو اي ان شاءالله
حاتم...لالا تمام بس حبيت اتاكد
قلت ليهو لالا زي ما نحنا
حاتم...خلاص يا زوله نتلاقه
قلت ليهو يلا
وقفلت
غسان....والله يا جماعه الولد ده استغفر الله بس
اسيه...بري بري كعب شديد
وصلنا الكافي طبعا غسان حاجزو كلو
وكان في ناس بعلقو زينه والاغاني شغالللهه
قلت ليهو انت هسا جايبنا بدري ليهه
غسان...عشان تشرفو عليهم انا ماشي اجيب التورتات
قلت ليهو طيب
غسان مرق وانا واسيه ختينا شنطنا وقعدنا ننظم معاهم وكده لحد ما اي حاجه بقت جاهزه
#يتبع
ما تنسو التصويت
في امان الله❤❤❤❤❤😎
