Thoughts-LA

Una: Dako saan?

Magandang takipsilim, mahal?

Sambit ng bukang liwayway ng may dangal

Ang hubog mong nakaharap sa kawalan

Yakap ang isipang naglakakbay sa kalawakan

Kanyang nasilipan sa gitna ng dilim

May bumabagabag nanaman sa iyo, mahal

Bakas sa pader ang bigat ng iyong pagsandal

Sa pares ng paningin na unti unting lumabo

Kasabay ang pagpatak ng lumbay sa iyong likido

Na tila pasan ang suliranin Ng daigdig

Mapayapa ang gabi ngunit naririndi ka, mahal

Narinig ko sa balangkas nang iyong mga dasal

Hindi mabilang na katanungan sa iyong isipan

Tungkol sa hindi mawaring kapalaran

Ang nagpapanatiling gising sa iyong kalamnan

Wari ko'y gusto mo nang magpahinga, mahal

Humihingi ka na ng tulong sa May kapal

Nawa'y kantahin ang hele sa iyong puyat na isipan

Na tila laman ang sagot sa mga tusong katanungan

At lunas upang madiskarga ang laman ng dibdib

Sumisilip na ang sinag ng araw, mahal

Ipahinga mo muna sana ang iyong mga dasal

Hindi man naibigay ng silim ang iyong kapanatagan

Humayo ka sa umaga at pag asa'y iyong harapan

Hangga't mawari kung saang dako ka nga ba patungo.