ماضي لا ينتهي

الحلقة ١٦

#ماضي_لا_ينتهي
#بوسي_مصطفي

_______الحلقة ١٦________

في التليفون 📞
أميرة بصوت ناعس : الو
سيف : حبيبتي انتي نايمه
فتحت أميرة عينها : سيف !
سيف : واضح إنك نايمه فعلاً
أميرة : لا ياحبيبي انا صاحيه اهو
بس انت ايه اللي مصحيك لحد دلوقت
سيف : مش جيلي نوم
أميرة : ليان نامت
سيف : من زمان
أميرة : عامله ايه
سيف : تمام... الحمد لله
عمر نايم طبعا
أميرة : ماما أخدته معاها وقالت هتنيمه
ايه بقى اللى مخليك مش عارف تنام
سيف : انتي
أميرة : هههههههه ياسلام!
سيف : مش كفايه بقى ولا لسه مشبعتيش من مامتك
أميرة : اه لسه
سيف : يعني قدامك كام يوم كده ؟؟
أميرة بتفكر
سيف : اسمعي انا جاي بعد بكره اخدك انتي وعمر
أميرة : بعد بكره !!
سيف : ايه مش كفايه كده بقى؟؟
أميرة : اصل بكره مسافرين البلد علشان ماما رايحه تشوف الأرض وطبعا مينفعش نيجي في نفس اليوم فهنبات في بيتنا القديم
سيف : بتهزري صح.. امتى الكلام دا؟؟
مقولتيش يعني
أميرة : ماما لسه كانت بتقولي الصبح تعالي معايا اهو تغيري جو وبصراحه الفكرة عجبتني بس لو مش موافق خلاص هقعد في البيت
سيف : ازاي يعني امال انتي رايحه لمين لما هتباتي لوحدك في الشقة
أميرة : يعني موافق اني اروح مع ماما
سيف : لا ممكن اجي اخدك بكره
وخلاص بما إن مامتك مش هتبقى في البيت
أميرة : نعم !
سيف : هههههه هعمل ايه وحشتيني
أميرة : وانت كمان وحشتني لو مش بس الشغل كنت جيت قضيت معانا كام يوم هنا
سيف : هههههههه اجي عندكوا اعمل ايه
كفايه اني اقعد مع مامتك شويه اطمن عليها واروح اما ابات دي عمري م فكرت فيها
أميرة : ليه ياسيف
سيف : متعودتش ياحبيبتي وبعدين ملوش لازمه اني ابات يعني
انا مطمن عليكي طالما مع خيلانك في البيت
أميرة : طيب أكلت ايه النهارده
سيف : هههههههه أكلت ملوخبه بالارانب ورز
أميرة : من غيري... ماشي
سيف : هههههههه ليان اخدت طبق وقعدت تحط رز وملوخيه وتقولي دا ل أميرة وسيف
أميرة : حبيبتي يا لي لي
وحشتني اوي
سيف : ثواني هبعتلك صور ليها في المزرعة النهارده
أميرة : وكمان روحتوا المزرعة من غيري
ههههههههه ايه دا ياسيف
عامل فيها كده ليها
سيف : طب شوفي الصوره دي
أميرة : مفتري... ازاي قالب دماغها كده...
سيف : هههههههه ومبتخافش كمان..
بس ضربتني ضرب بعدها
أميرة : تستاهل علشان متعملش كده تاني
سيف : هههههههه طب خافي على نفسك بقى
أميرة : لا ياحبيبي انا ميتعملش معايا كده
ثواني ياسيف هشوف عمر علشان سمعاه بيعيط
سيف : خلاص خديه ينام معاكي
تصبحي على خير يا حبيبتي
أميرة : وانت من اهل الخير ياحبيبي.
_________________
في شقة هيثم
رانيا بتقوم هيثم من النوم
هيثم : في ايه يارانيا حد يصحى حد كده
رانيا : هيثم قوم شوف في ايه
انا سامعه صوت طنط نبيله جاي من البلكونه بتاعتهم
وعماله تصوت
هيثم : وانا مالي ياحبيبتي
اروح اخبط عليهم يفتحلي جوزها يقولي كلام ملوش لازمه
سبيهم هما شوية وهيسكتوا
رانيا : بس انا قلبي مش مطمن
معلش انزل اطمن ولا انزل انا
هيثم : انتي عايزة ايه يارانيا بالظبط
رانيا : خلاص ياهيثم نام
هيثم يقوم بتنهيده : حاضر يارانيا هروح اشوف في ايه