اعتمدت على نفسي

البارت 9

الكاتبة Amina
الجزء الاول البارت التاسع
قصة*اعتمدت على نفسي

(القصة)

ثاني يوم بالسبعة ونص كعدت جهزت ريوك اختي وحطيتلهة بالعلبة مال المدرسة غدة وربع خاف تشتهي شي بالمدرسة
سرور: ياربي شلون راح عن بالي هسة شلون اقفل الباب واختي بالبيت؟؟
***

ذكرت ام سعد هي مرة جبيرة وخيرة ومتدينة رحت دكيت الباب طلعلي سعد
سعد: تفضلي
سرور: امك موجودة
سعد: اي طبي حاجيهة
سرور: شكرا
طبيت وسولفتلهة كلتلهة
ام سعد: ميخالف يعيني اني اطلع وياهن واقفل الباب واجيب المفتاح بيدي
سرور: الله يوفقج ازعجتج من الصبح عفية خلي بتج تمر على صبا مو تنسة تاخذهة وياهة امانة اختي يمكم

ام سعد: وداعتج ادزهة وي صبا بس ديربالج على نفسج وتوكلي الشغلج الله يعينج
سرور: يلة مع السلامة
طلعت ومرتاحة نفسيا طبعا قفلت الباب على صبا حتى متطلع ووصيتهة وكلتلهة هن يجنج ويفتحلج الباب
وصلت للبيت مالتهم وتعبانة مالي نفس اشوف خلقتة طبيت شفت ام حيدر كبالي يالله غير هاي المرة من اشوفهة ينفتح نفسي ماعاتبتهة على الفلوس خاف تضوج مني وبعدين اني حيل محتاجتهن نقذني
صار سنة اشتغل عدهم بقة من 100 بس 40 لان ما اصرف مامحتاجة اكل كاعد اجيب وياي منهم

صار يوم ميلاد اختي اني بالدوام من رجعت الساعة ب8 رحت لبيت ام سعد اخذت المفتاح منهة لان هي طلعتلي
لاتكولين الصبا اجيت
ام سعد: خير خو ماصاير شي
سرور: لا بس فدوة خلي بناتج يجهزن نفسهن اليوم عيد ميلاد صباوي اريد افاجئهة بي
ام سعد: من عيني توكلي
طبعا الكيكة مو مني خالة ام حيدر من سمعت عيد ميلاد اختي لحت الا هي تشتري الكيكة وجابتلهة هدية هم بس ماعرفتهة شنو مااريد افتحهة اني

اشتريتلهة هدية ثوب حلو وغالي بس اهم شي تفرح صايرلي هواي مامشتريتلهة ملابس و عصير بطل جبير جبت وخطية ام سعد دزت بدون متدري صبا بيد بتهة حوراء علاكة حلويات وجكليت
جبت صبا وتفاجئت طبعا قبل لاجيبهة جبت صديقاتهة 3 وبنات ام سعد اثنين وهي واني
جابن هدايا وياهن تونسنة والضحكة مافاركت اختي وفرحت على فرحهة راحن البنات وبقينة بس اني واختي حظي الاغبر خلاني انسة اطلع وراهن والباب ضل مفتوح وفجئة طب عمو حيدر لابس قميص اسود وبنطرون اسود وهو اسمر وشعرة اسود شكلة يخوف حيل واليخوف اكثر سوالف خالة علية وشلون ناوي يعذبنة ورة دقايق دخلت مرتة ام حيدر تبجي ومزوركة وتصيح
ام حيدر: ابوس ايدك طه عوفهن ولجن شردن

سرور: لزمت اختي هاي الصافنة مصدومة اخذتهة وهو يريد يهجم علينة بس خالتي لازمتة وتصيح
ام حيدر: ولج سرور اخذي اختج وشردي ليوم تموتن على ايدة
ابو حيدر: والله اذا شردن اموتج انتي
سرور: شاورت اختي وكلتلهة جيبي طحين وماي من الثلاجة
صبا:  رحت علسريع للمطبخ  وجبت طحين وماي  وشمرتة علية اني وسرور  خلينا يهد خالة ويمسح بعيونة بين ماكاعد اكل الخالة اشردي ويانة هو فتح ردت لزمتة وذبينة علية الماي البارد اني وسرور هو كام يشهك من البرودة ويمسح بعيونة

سرور: لزمت اختي وسحلت خالة ونركض للشارع كبل وهو ماعرف تأخر لمن وصلنة قريب نهاية الشارع يالله طلع ولازم بيدة صورة ابوية
ابو حيدر: تجن لو اكسرهة
سرور: لا الله عليك عيفهة هاي اخر ذكرى عندي
ابو حيدر: سمعتي شكلت تجين لو اكسرهة
صبا: سرور كلش متعلقة بهاي الصورة لان هي ربت وي ابوي بس اني ماشفت ابوي لان جنت صغيرة من ماتو
ام حيدر: ولج سرور يمة عوفيهة

سرور: شنو اعوفهة ماكدر اكلهة
ابو حيدر: يلة رح احسب للخمسة 5،،،4،،،3،،،
سرور: تمام تمام انتظر شوية وكفت سيارة صعدت صبا وام حيدر وكلت للسايق على مكان شوية بعيد بس لاترجعهن لهنا حتلو حرمصلك
ام حيدر : يا عزة هاي شبيهة ولج انتي مخبلة
سرور: باي صبا
ام حيدر: يمعودة ولج رح يكتلج ويكسر الصورة لاصيرين غبية
سرور: قلا اموت واني مامضحية بصورة الغالي
صبا: بس اتضحين بية صح
سرور: حبيبتي اني لو مادري خالتي تحطج على راسهة ماعوفج بس اريد اكشف سبب موت اهلي وانقذ حيات ابوي وبعدين امي جانت كلش فرحانة من طكهة ابوية وعلكتهة عالي علمود خاف احد

يكسرهة روحي حبيبتي واني مو كتلج مو صباوي التخاف
صبا: لا ما اخاف
سرور: عفية سباعية
مشت السيارة واحس كلبي مشى اني مو بس لان الصورة عزيزة علية لا لان امي مستعزة بيهة وابوي جان فرحان من طكهة وهم اريد اكشف موتت اهلي لان متأكدة عمو ابو حيدر الى علاقة بالموضوع
اخذت تراب بيدي ووصلت يمة وهو كال
ابو حيدر: طبي
طبيت واني ماخايفة جنت قوية كلش مع انو هاي اصعب لحظة بحياتي
.............

يتبع...

ليش ماكو تفاعل💔ليتابعني خل يعلق خل اشوف رأيكم بالقصة اذا ماعجبتكم حتى الغيهة من الاساس..

تصويتاتكم الحلوة🌷🌷