معلوات دينيه

التنمر

#التنمر

خلي احجيلكم قصه

هذا اكو واحد تنمر ع شخص لان هذا الشخص يعاني من السمنه  وتعرفون الي يسمن كلشي يسمن بجسمه ف ضل يحجي عليه  ويعيب عليه انت هيج  ويضحك ويشاقة ويه جماعته بس يضحكهم عليه ب اسم الشقه وهذا الرجال انقهر  وهو يمشي رجله دخل بيها بسمار  بس هو من قهره واذيته ترك الموضوع وانعزل عن الناس بسبب انُ همَّ يضحكون عليه وهو عباله انُ هو جرح عادي بس يوم بعد يوم ضل يزيد الوجع
فـراح للطبيب وكلوله ترا رجلك صار بيها گرگرينا ونخلت عظم رجلك لان انتَ مُصاب بالسُكري ، فأضطروا انُ يبترون رجله 💔
فأنتو تخيلوا هذا الي تنمر ع هذا الرجال شنو من جرح سببله ؟ وشنو من الم ووجع وكملها ببتر رجله ؟ هذا الشخص لو صاح (الغوث ياالله) الله راح ينساه ؟ وراح يعوفه مرتاح من اتسبب بأذية شخص بسبب تافه ؟
لو ماخذ ايده ورايح هو وياه للجم ومقوي معنوياً بالكلام جان وصل الهالحالة ؟
من تتنمرون ع احد بحرف لو كلمه ماراح تدرون هو شنو راح يحس وبشنو راح يمر وشنو يصير بگلبة

التنمر اول شي يقسي گلبج ويقتل الرحمه والانسانية بي

ثانيًا ضميرج يموت

ثالثا راح تبقى خطيته بركبتج والم كلبه كل يوم راح يذكره بيج انُ انت انسانه بلا رحمه واذيتيه
رابعًا الله عادل مايترك احد

حاولي انُ من تشوفين احد كدامج او صديقتج او اهلج يحجون ع احد هيج بي وهيج بي لاتقبلين بكلامهم واحجي وياهم بأسلوب حلو وفهميهم حرام الي يكولو

اريد افتخر بيكم شكد ماانا مفتخره اريد اضعاف ♥️ يوم بعد يوم جاي اشوف البنات انهم تغيرو للاحسن

الحمدالله استمروا

بنات والله نصيحة من اخت ام اي شي تعتبروني
لاتأذون احد
المكان الي ماترتاحوله ابتعدو لاتكسرون گلب احد ولا تتنمرون ع احد ، دائما الناس شوفيهم مراية وكلشي تسوينه عكسي عليج وخلي نفسج مكانهم شوفي نفسج تتحملين ؟
قبل لا تحجين ع جسم وحدة او بشرة وحدة او اي شي من التنمر
خلي نفسج مكانها وتخيلي هذا الشي بيج والناس تحجي بوجهج تتحملين ؟

خصوصًا احنه البنات طبيعتنا حساسين ومانتحمل الكلمة بسرعه ننفجر وهذا الشي محد يكدر ينكره

بس خلي نفسج بمكانهم ♥️

فتحي عينج وشوفي الدنيا شلون جاي تنكلب يوم بعد يوم وشلون الناس صارت بلا رحمه وانسانية وضمير كل همهم يتدخلون بحياة فلان وعلان ويسوون سحورة ومشاكل يرتاحون بالفساد والكره والحقد والنفاق خليج انتِ نقية بوسط هالخراب واوصلي مرحلة تعيشين نفسج بنفسج وماتحتاجين احد ♥️

التنمر هو أخطاء الاهل بالتربية التي تكون بلا توجيه أخلاقي ديني إنساني..♥️