💕أنت قلبي٢💕

الحلقة ١٧

#انت_قلبي٢
#بوسي_مصطفى

     الحلقة ١٧

في قاعة الأفراح
ندى : علشان كده مضايقه
فريدة : هنكر يعني يا ندى
اكيد اضايقت لانه م قاليش
بس انا مستنيه يتكلم علشان اعرفه إني عارفه من بدري
ندى : مش جوزك كويس معاكي
فريدة : مش فاهمه
ندى : ليه بقى النكد دا
متسمعيش للشيطان اللي بيحاول يعكنن عليكي عيشتك
المهم ان جوزك بيعاملك كويس وبيحبك
اللي بعيد عنك دا بقى ملكيش فيه
وبطلي تدوري في الحته دي
علشان متقلبيش حياتك يا فريدة
فريدة : ايه يا بنتي العقل دا كله
ندى : اخوكي علمني اللي متعلمتوش في بيت عمك
فريدة : هههههههه مطلع عينك انا عارفه
ندى : علشان تعرفي الفرق
ورغم كده عايشه وساكته
اسكتي انتي وسبيني في حالي يا اختي
فريدة : تفتكري ليه مقاليش ان سارة رجعت من إنجلترا وكمان شغاله معاه في المستشفى من فترة وكل دا معرفوش غير اول امبارح بس
ندى : هو مين اللي قالك صحيح
فريدة : رحمه
ندى : اااه قولتيلي بقى
وايه اللي عرف اختك
جوزها مش كده؟؟
بس دا ميعرفش سارة اصلا؟؟!
فريدة : لأ رحمه كانت في المستشفى وشافتها
ندى : اه طيب
فريدة بلهفه وفرحه : كريم جه
ندى ببتسامة : طيب يا اختي روحي اطمني عليه
وانا هروح ادور على اخوكي اشوفه غطسان فين
فريدة : هههههههه طيب

كريم : على مهلك يا فريدة
فريدة وهي يدوب بتاخد نفسها
فريدة : كنت فين يا كريم؟؟
اوعي تقولي اصل الطريق كان زحمه والكلام ده
علشان مش هصدقك
كريم : طيب اروح ابارك للعرسان الأول وبعدين ابقى
ارجعلك
فريدة : اتفضل
كريم مسك ايدك : يلا تعالي معايا
فريدة ببتسامة : يلا يا حبيبي
كريم يغمزلها : بس ايه الفستان اللي يجنن دا
ذوقك صح؟؟!
فريدة : هههه لا دا واحد حلو كده وذوقه يجنن هو اللي جايبه
كريم : تقصدي حازم اخوكي؟؟
فريدة : هههههههه استعبط بقى
كريم : بس ايه رأيك
فريدة : ما انا قولت يجنن وذوق اللي جايبه حلو علشان
هو جميل اوي وبموت فيه كمان
كريم : هههههههه مش هنا يا حبيبتي
في بيتنا بقى مش كده ولا ايه
فريدة : كده يا كيمو
كريم : طب يلا بينا

فريدة : ألف مبروك يا رحمه
رحمه : متشكره اوي يا فريدة عقبال ولادك يا كريم
كريم : في حياتك يا بنت عمي
نظرت رحمه ل مصطفى
مصطفى : متشكر اوي يا دكتور
كريم : على ايه بس يا دكتور
دا واجبي
مصطفى : اسبوعين عسل بحالهم كتير اوي يا ترى المستشفى هتستحمل غيابي
رحمه : اه تستحمل هو مفيش دكتور غيرك في المستشفى ولا ايه يا دكتور كريم
كريم : الدكتور مصطفى غالي علينا وعلشان كده حبينا نديله اجازة
الف مليون يا دكتور
مصطفى : متشكر اوي لحضرتك
كريم : يلا يا فريدة
فريدة : يلا يا حبيبي.
رحمه ل مصطفى : انت بتتكلم معاه كده ليه
مصطفى : كده ازاي يعني مش فاهم
رحمه : عمال تقوله حضرتك ومعرفش ايه
وكمان خايف اوي على المستشفى ولا كإنها بتاعتنا
مصطفى : مش شغال فيها يا حبيبتي
رحمه : بكره يكون عندك زيها واحسن كمان
مصطفى : ياريت بس منين
همس عصمت ... في ودنه