ادم وصل سها عند روان و كان اسر موجود و احمد
فى شقة اسر و روان
ادم و سها : السلام عليكم
اسر و احمد : عليكم السلام ورحمة الله وبركاته
سها : امال روان فين يا استاذ اسر
اسر : هى فى الاوضة و معاه يارا و اسراء و بنت كمان
سها : طيب تمام عن اذنكوا
سها دخلت لقت الاء بتعيط و يارا و روان و اسراء بيهدوها
سها بخضة : فى ءايه و مال الاء بتعيط ليه
يارا : فى واحد طلب ايديها و خطوبتها الاسبوع الجاي
سها : طب ءايه المشكلة فى كده
الاء : المشكلة انى مش عاوزة اتجوز و عمرو اخويا مصمم انى اتجوزه
سها : اهدى بس كده و تعالى معايا نروح البيت كريم مش موجود و نحل المشكلة لان لو رجع هيزعل انى معرفتهوش
روان : يا بنتى اقعدى شوية
سها : يا بنتى ادم هو اللى وصلنى و كريم ميعرفش انى برة البيت فانا هخدها و كمان علشان جوزك مش يتضايق و كده
روان : طب تمام مع انى كان نفسى تقعدى شوية
سها : قريب يا حبيبتى انا هبقى استاذن كريم ونتفق على ميعاد
روان : ماشى
سها : يلا يا الاء
يارا : طب خدينى معاكوا باى انا بقى
سها : اشطا يلا باى
سها خرجت و طلبت من ادم ان يرجعهم البيت
—————————————————————-
كريم رجع على البيت ملقاش حد غير منيرة
كريم : ازيك يا ست الكل
منيرة : الحمدلله يا حبيبى
كريم :امال فين سها هى لسه مجتش
منيرة : لا جت يا حبيبى بس حصل مشكلة وراحت عند روان
كريم : طب هى متصلتش ليه
منيرة : اتصلت بيك كتير و انت تليفون مقفول و انا خليت ادم يوصلها
كريم : طيب يا ماما انا هطلع اغير هدومى
كريم طلع و اخد شاور و صلى و غير هدومه و نزل قعد مع منيرة و بعد شوية سها جت و خدت الاء طلعتها فوق هى و يارا و ادم دخل شقة لقه كريم و منيرة
ادم : السلام عليكم
كريم و منيرة : و عليكم السلام ورحمة الله وبركاته
كريم : امال فين سها هى مجتش
ادم : جت هى و يارا و معهم واحدة بتعيط و خدوها على فوق علشان باين عليها تعبانة
كريم : طيب يا ماما انا هطلع اشوفها
كريم طلع فوق لسها
سها : حمدلله على سلامة يا حبيبى
كريم : ءايه اللى خرجك من غير ماتستأذنى
سها : انا اتصلت بيك كتير و تليفونك مقفول و انا كنت مضطرة اروح و بعدين نكلم بعدين بعد اما يارا و الاء يمشوا
كريم : طيب مش هتتغدى
سها : لا كلوا انتوا انا شبعانة
كريم : طيب ماشى
سها دخلت ليارا و الاء
يارا : هنعمل ءايه دلوقتى
سها : انا هقوم اعملك كوباية ليمون تشربيها تهديكى علشان نعرف نفكر تمام
الاء : تمام
يارا : هتعملى ءايه يا الاء
الاء : انا مش عارفة
يارا : يا بنتى اهدى بس و بطلى عياط
سها : خدى اشربى ليمون ده علشان تهدى و نفكر
الاء شربت ليمون
سها : الاء انتى عاوزة تتجوزى حد تانى
الاء : لا
سها : يعنى يا الاء مفيش حد تانى فى حياتك
الاء : لا
سها : يبقى خلاص انتى رافضة العريس ليه
الاء : كده
سها : الاء انتى لسه عايشة فى ماضى بتاعك ده مش هينفعك بحاجة فكرى مرة تانية
الاء : مش هقدر انا لسه بحبه
يارا : بس هو خلاص يا الاء مات لازم تفكرى فى مستقبلك مش هتعيشى على ذكرى دى طول عمرك
سها : يارا معاه حق يا الاء انتى لسه صغيرة و العمر قدام طويل و الف عريس يتمناكى يا الاء لو كلنا فكرنا فى الماضى مش هنعيش المستقبل يا الاء فكرى فى كلامى كويس كل واحدة فينا عشت حاجات صعبة بس عدناه ده علشان نعيش اللى باقى من عمرنا اه فى حزن بس لازم نعيش لحظة و نفرح و بعدين اهدى بقى كده
يارا : اهدى بقى
سها : اهدى يا لول و اضحكى علشان تعيش حياتك اللى فات دوسى عليه علشان تعيشى
يارا : شوفتى اه البت بقيت حكيمة
الاء ضحكت
سها : طب بطلى يا زفتة منك ليها بتتريقى انتى و هى ماشى
الاء : صحيح فكرتنى ده انا عاوزة اولع فيكى يا يارا بقى من وسط اصحابنا كلهم مش لاقية الا روان اللى تودينى عندها
يارا : معلش يا اسطا بس اعمل ءايه بس دى اول واحدة جت فى بالى سورى
الاء : ماشى يارا والله لانفخك بس مش هنا
سها : بس بقى انتى وهى
الاء : طيب انا هروح انا بقى
سها : بقولك روحى صلى استخارة و شوفى هتعملى ءايه و ابقى طمنينى عليكى
الاء : حاضر سلام
يارا : و انا كمان سلام
سها : ما تقعدى شوية يا بنتى معايا
يارا : لا يا اسطا انا نفسى انام
سها : يا بنتى بطلى نوم شوية
يارا : يا اختى انا ورايا ءايه غير النوم سلام انا بقى هنزل اسلم على ماما منيرة و امشى
سها : طب استنى خدنى معاكى انزل اقعد معها شوية
يارا و سها نزلوا لشقة منيرة
يارا : ازيك يا ماما
منيرة : الحمدلله يا بنتى انتى عاملة ءايه كويسة
يارا : الحمدلله كويسة
منيرة : يارب دايما
سها بضحك : لا انا كده اغير يعنى يارا تاخد الحب كله و انا لا
يارا بضحك : احسن موتى بغيظك
سها : بقى كده ماشى يا ست يارا
منيرة بضحك : لا متخافيش إنتوا الاتنين بناتى زى شذا بالظبط
سها : حبيبتي يا ماما
يارا : طيب عاوزة حاجة يا ماما انا همشى بقى
منيرة : استنى يا بنتى كلى معانا
يارا : لا يا ماما انا كنت جاية اسلم على حضرتكو ماشية علطول
منيرة : لا كده هزعل منك اقعدى كلى معانا
يارا : حاضر يا ماما بس اوعى البت سها دى هى اللى تكون عاملة الاكل لاحسن انا مش مستغنية عن نفسى و لا عليكم
الكل ضحك
سها بغيظ : بقى انا كلى مش عاجبك
يارا : يا بنتى انا مش عاوزة اروح المستشفى
سها : ماشى يا يارا قابلنى اذا عملتك حاجة تانى
يارا : حاضر هقابلك
و سها و يارا قاموا حطوا الغدا و كلوا و قعدوا يهزروا و يتكلموا و بعد شوية يارا مشيت و ادم اللى وصلها
—————————————————————-
فى شقة كريم و سها
كريم بغضب مكتوم : ينفع اعرف بقى ءايه اللى حصل و خلاكى تمشى من غير نا تستاذنى
سها : و انا مش هتكلم يا كريم الا لما تهدى و بعدين انا قولتلك اتصلت بيك كتير و انت تليفونك مقفول و بعتلك رسالة علشان لما تفتح تليفون تبقى تشوفها و انا كنت مضطرة انى اروح و لما قولت لماما قالتلى روحى و انا هبقى اعرفه لما يجى
كريم : و انا مالى استاذنتى من ماما انتى المفروض اتستاذنى منى انا و لو انا كان تليفونى مقفول كنت استنينى لما ارجع البيت و ابقى روحى
سها : بقولك الموضوع كان ضرورى و بعدين انا لما روحت و لقيت انى ممكن اتاخر طلبت من زميلتى تيجى البيت علشان متزعلش انى مشيت و كنت هعرفك انى روحت و انا اسف يا كريم لو كنت خرجت و انت مش موجود
كريم : و ده مش مبرر و مش قابل اعتزارك
سها : ماشى يا كريم عن اذنك بقى اصل عاوزة انام
سها دخلت الاوضة و نامت و هى بتعيط و بعد شوية كريم دخل لقه سها بتعيط
كريم : انتى بتعيطى ليه دلوقتي
سها : مافيش و لوسمحتي سيبنى انام
كريم : يعنى انتى اللى غلطانة و كمان زعلانة
سها : بس انا اعتذرت يا كريم
كريم : خلاص يا ستى متزعليش بقى و بطلى عياط و احكيلى ءايه المشكلة
سها : لا انا عاوزة انام تصبح علي خير
كريم: مش هتنامى و انتى زعلانة منى مفهوم
سها : لا مش مفهوم
كريم : بطلى عند يا سها
سها : لا
كريم : خلاص بقى انا اسف
سها : اسف و بس من غير حاجة
كريم : يعنى عاوزة ءايه
سها : شيكولاتة
كريم بضحك : يعنى انتى عاملة نفسك زعلانة علشان شيكولاتة
سها : بصراحة اه
كريم: متجوز طفلة
سها : اذا كان عاجبك
كريم : عاجبنى بس خلاص متزعليش
سها : حاضر و انا اسفة علشان خرجت من غير ما تعرف
كريم : ماشى يا حبيبتى يلا نام
سها : طب و شيكولاته
كريم : بكرة يا طفلتى
سها : ماشى
—————————————————————-
بعد مرور شهرين ادم و يارا كتبوا كتابهم و روان بقيت حامل و سها بدات تلاحظ تغير فى تصرفات كريم و اسراء بقت حامل فى شهرين و الاء اتخطبت بس ماحصلش نصيب و فركشت الخطوبة
و فى يوم من الايام و سها فى الشركة جت ليها رسالة من رقم متعرفهوش و سها شافتها اتصدمت ....
—————————————————————-
يا ترى ءايه هو مضمون الرسالة ؟؟؟!!!
يتبع....
أنت تقرأ
حكايات بنات
Short Storyحكايات البنات كتير وخاصة لو كانوا بيحبوا بعض ما بالك الصحاب يا ترى ءايه حدوتهم؟؟؟
