الجزء الثلاثون...
الاسبوعين المرو ديل ممكن يكونو اسوء اسبوعين انت عشتهم في حياتي..
انا في الاسبوعين ديل كنت شخصيه ثانيه تماما دي ما انا ولا دي شخصيتي ولا ده اسلوبي ما عارفه الكان حاصل لي شنو
انا كنت بجي الجامعه بتكلم بس مع اسيل واسيه وسارا بس
حتى مجد لمن يجي مرات في الجامعه غير اني بقوم بسلم عليهو تاني ما بسوي شي
كلهم كانو مستغربين من الموضوع ده وكلهم حاولو يسالوني لكن انا زاتي ما عارفه حاصل شنو عشان اجاوبهم...
المهم في يوم خميس كنا قاعدين في الجامعه كلنا وبنتونس
اسيل...قايز اسمعو مجد قال عندو لينا مفاجاءه وهو حيجي يسوقنا من هنا
قلت ليها مفاجاءه شنو كمان
اسيل....انا زاتي ما عارفه والله
فعلا الدوام انتها ومرقنا بره لقينا مجد واقف ومعاهو غسان💔💔
انا بقيت بعاين لي غسان كأني لي عشره سنين ما شايفاهو
مجد....ارح اركبو
غسان...اتنين يركبو في عربيتي
اسيه...يارا ارححح
قلت ليها لالا انا حركب مع اسيل سوقي سارا انتي
مسافة انا بتكلم مع اسيه سارا مشت ركبة مع اسيل وطبعا ما حقدر اقول ليها انزلي وكده
مشيت ركبت مع اسيه والطريق كله خشمي ما فتحتو
لحد ما وصلنا كافي كده قالو لينا انزلو
نزلنا ودخلنا جوه قعدنا وكده
مجد...طبعا يا جماعه زي ما عارفين انا اتخرجت ولحد الان بس شغال بي عربيتي وطبعا شغل العربيه ما حيبني مستقبلي
المهم وبرضو انتو عارفين اني الفتره الفاتت كنت جاري في اجراءت الوصيه الكاتبها لي ابوي وه والحمدلله الاسبوع الفات استلمت الوصيه وقريتها وبالجد ابوي الله يرحمو ما قصر معاي نهائي
الوصيه ابوي كاتب لي فيها انه انا عارف اهلي حيكونو ظلموك عشان كده انا بنيت ليك بيت وما خليت زول يعرف عن البيت ده اي شي
قلت ليهو الله يرحمو ياخ ما قصر اها البيت وين؟
اسيل...في المنشيه؟
سارا...الرياض؟؟
مجد...تركيا
قلت ليهو في منطقه في السودان اسمها تركيا؟؟
مجد...انتي متخلفه البيت ما في السودان اساسا!
اسيل....سجمممي مجد كيف يعني
مجد...اصبري يا قلبي حفهمك
المهم يا جماعه وبما انه انا ما حقدر اخطى خطوه زي دي براي
لقيت انه غسان برضو بعد ما اهلو اتوفو هو ما شال الورثه حقتو اقترحت عليهو يشيلها وهو برضو يشتري بيت هناك ونسافر ونعمل بزنس ونعيش هناك وان شاءالله انا وغسان الخميس الجاي حنكون في تركيا
طبعا انا بقيت عامله كده😨😨😨😨
واسيل بس بتقول لي مجد كيف يعني يا مجد
واسيه زي الواقعه فيها صاعقه
قلت لي مجد كيف تمشي الخميس الجاي يعني
مجد...يارا انا هناك ابوي الله يرحمو حتى القروش الحعمل فيها البزنس قاعده يعني نحن ما حنتاخر وانتي عارفه غسان ما شاءالله وضعو المادي احسن مني يعني مدام القروش جاهزه والبيوت الحنقعد فيها اشتريناها وخلاص تاني مافي شي
اسيه...غسان انت اشتريت بيت؟؟
غسان...اي حولت لي واحد صحبي هناك واشترا لي
اسيه...امممم
مجد قبل علي اسيل وقاليها اسمعيني انا لو جيت اتقدمت ليك بي وضعي ده ابوك حيوافق؟؟
اسيل...لا
مجد...طيب انا لازم اشتغل واعمل شي عشان لمن اجي لي ابوك ما يكون عندو حجه ضدي
وانا لو علي والله ما بمشي واخليك وراي لكن انا لو ما عملت كده هسا ما حتكوني معاي بعدين
قلت ليهم خلاص لو ده الانتو شايفنو الله يكتب ليكم الفيهو الخير ويوفقكم يارب
مجد....ايواا كده امين يارب
قبل على اسيل قاليها اها وانتي ما حتدعي لي
اسيل وهي بتقش في دموعها...الله يوفقك
مجد....ياخ والله انا ما كنت داير اوريك زاتو عشان البكا حقك ده كدي قومي معاي قومي
مجد ساق اسيل ومشو برا
اسيه وسارا بتونسو
وانا شلت تلفوني ومدنقره راسي
فجاءه حسيت بي زول بجرني من يدي رفعت راسي عاينت لقيتو غسان
طلعت السماعه وقلت ليهو مالك
غسان...داير اتكلم معاك
قلت ليهو فك يدي اول شي تاني شي ما دايرا اسمع منك ولا شي😊
غسان....ده مكان عام تعالي بره نتكلم عشان ما تطلعي غصبا عنك
وقفت علي حيلي وربعت يديني قلت ليهو ما طالعه ووريني حتعمل شنو؟؟
مسح وشو بي يدينو وضحك وقالي كويس شال مفتاح العربيه من التربيزه ومرق
وانا رجعت في قعدتي زاتها
بعد شويه جا مجد ومعاهو اسيل
مجد...ارح يلا عشان ماشين
شلت تلفوني وشنطتي ومرقت بره
لمن وصلنا جنب عربيه مجد
اسيل....انا نسيت شنطتي جوه الللليييله
قلت ليها خليك انا حجيبها
ومشيت دخلت جوه في الحته الكنا قاعدين فيها لكن ما كان في اي حاجه
طلعت بره لقيت عربيه مجد ما قاعده ولا هم زاتهم ما قاعدين
فجاءه شفت غسان جاي علي
غسان...برضو ما دايرا تتكلمي
قلت ليهو الله الله خطه سمحه برافو عليك
غسان...يارا انا داير اتكلم معاك اسمعيني وبعد داك احكمي
قلت ليهو انت لي ما داير تتقبل فكره اني ما دايرا اسمعك وحتى لو سمعتك جاي تقول لي شنو يا غسان
الاسبوعين الفاتو كنت وين انت؟؟
حاولت تتكلم معاي ولا تسال مني؟؟
هسا بعد ما بديت اتأقلم جاي تقول لي شنو؟؟
وبقيت ببكي وبتكلم
قلت ليهو انت كنت عارف الاسبوعين الفاتو ديل انا كنت عايشه كيف؟؟
غسان انا بقيت ما زي زمان بقيت ما بعرف اضحك يا غسان
طبعا هو كان واقف وبعاين لي وهو مصدوم شديد
واي زول بجي طالع من الكافي بعاين لينا
مسكني من يدي ومشى لحد العربيه وفتح الباب القدام
قلت ليهو ما عايزه اركب
غسان...يارا اركبي بطلي عناد
عاينت لقيت في كم نفر منتبهين معانا ركبت
رزع الباب ومشا ركب وبقا سايق بي سرعه كده انا لي لحظه حسيت اني حموت
وصلنا شارع المطار وفي حته كده فاضيه وقف العربيه ونزل فتح لي الباب وقالي انزلي
نزلت وبقينا واقفين جنب العربيه وانا ساكته وهو ساكت
غسان....طيب؟؟ يعني حنفضل كده لمتين؟
انتي كنتي بتقولي لي انك اتغيرتي وبقيتي ما بتعرفي تضحكي
طيب مره جربتي تسالي اسيه غسان كيف؟
غسان اللمن يشوفك يشوفك بتتكلمي مع غيرو بموت الف موته من الغيره
غسان اللمن انتي تكوني زهجانه ولا زعلانه ما بقدر يقعد
انا كنت كيف يا يارا
الكلام القلتو ليك اخر حفله لو وجعك انتي انا الكلام ده ما كان بخليني انوم انا الليل كلو بحاسب في نفسي علي اي كلمه طلعت مني انا كل ما اتزكر الكلام بقرف من نفسي
يارا انا بعد ما امي الله يرحمها ماتت بقا ما عندي زول عشان كده انتي بتحسيني بتحكم فيك لكن لا والله انا عشان خايف اخسرك زي ما خسرتها يا يارا
انا كنت مدنقره في الارض وببكي لانو ما هاين علي اشوفو كده والله
فجاءه غسان سكت
وكمل كلامو بي يارا انا بعد ما وعدت امي الله يرحمها اني حتى لو كنت زعلان واي شي مقفل في وشي ما حرجع للسجاير
انا اول ما انشاكلت معاك رجعت ليها
يارا انا بحبك والله وما نفسي اخسرك
يارا انتي لو هسا مشيتي ما حيكون عندي سبب عشان اعيش
انا طبعا كنت مدنقره راسي وببكي
بس بالجد ما قدرت امسك نفسي طوالي رفعت راسي وحضنتو وانا بككي قلت ليهو انا معاك يا غسان وما حخليك عمري كلو دايما حكون معاك انا بحبك شديد يا غسان
بعد ما كملت البكا حقي كلو اتفكيت منو
عاين للقميص حقو وقالي
مليتيني دموع
طله قزازه مويه من العربيه غسلت وشي ورفع شعري وقلت ليهو خلاص ارح يلا
ركبنا العربيه وقلت ليهو يلا اتحرك الزمن
غسان...اصبري وطلع تلفوني واخد لينا سيلفي
قلت ليهو يع الصورة شينه
غسان....خليها عاجباني
انا طبعا طوالي رفعت رجلينا فالركسي فوق وقلت ليهو غسان بالجد انت برضو حتسافر واييي ومتين اشتريت بيت يا غسان يا الله ياخ
غسان...انتي بعد ما الزعله تروح طوالي بتبدي ونسه كده
قلت ليهو ايي المهم وريني بيتك
غسان...حااضر وفتح التلفون واداني ليهو
قالي خشي الواتس في رقم مكتوب عليهو شهاب تركيا ادخلي حتلقي الصور
طبعا انا بقيت بعاين في البيت وبعاين لي غسان وما قادره اتكلم
غسان...مالك؟؟
قلت ليهو يعني ما عارفه اقول شنو ده ما بيت دي فيلا
غسان...كيف كمان حبيبك جلابي
قعدت اضحك واقلب في التلفون حقو
غسان....اها بدينا مافي شي
قلت ليهو الحمدلله واثقه فيك انا بس بتفرج
طبعا تلفونو كلو ارقام شغل وحتي اصحابو اي زول مسجلو بي اسمو كده يعني تلفونو رسمي شدديدد
قلت ليهو غسان حغير ليك الاسماء طيب
غيرت ليهو الاسماء كده وختيت معاهم ايموشنات
طبعا بفتش في ؤقمي ما لاقياهو
شلت تلفوني رسلت ليهو رساله
اتخيللللووو ما مسجل رقمي اصلا
اتلفت عليهو قلت ليهو غسان انت متخلف لي ما مسجل رقمي
وقف العربيه وخت راسو في الدركسون وقعد يضححكككك
وانا بضحك معاهو وما عارفه لي اصلا بضحك
غسان....ياخ جيبي التلفون بس بعد ما اتشاكلنا مسحت رقمك
قعدت اضحك
واتونسنا وكده لحد ما وصلني البيت
نزلت وانا فرحااااننههه وبتبسم براي خشيت سلمت علي ماما واخواني وطلعت غرفتي استحميت وغيرت هدومي وشلت تلفوني وفتحت الواتس لقيت كتره رسايل من اسيل واسيه وسارا قلت بسم الله ديل مالهم
فتحت الشات حق اسيل لقيتها منبزاني ومرسله لي ريكورد بتقول لي فيهو خلاص اتصالحتو يا رمه اخيرا وما بعرف شنو قلت بسم الله دي كيف عرفت
رديت ليها ولي اسيه وسارا
ومشيت اشوف الاستوريات لقيت اول ستوري حق غسان
فتحتو خاتي صورتنا الاتصورناها وكاتب *اسرع زول بزعلو واسرع زول براضيهو*
قلت ليهو ما دايما يا بيبي
غسان...بيبي قلتي لي!!
قلت ليهو ونص وخمسه
قعد يضحك واتونسنا وبعدين نمت
#يتبع
ما تنسو التصويت
في امان الله❤❤❤❤❤❤❤❤❤
