ﻫﻮ : ﻭﻱ ﻣﺴﻴﻮ ﺍﺩﻡ ﺍﻧﺎ : ﺯﻳﺎﺩ ﺑﺎﺵ ﻳﺪﺧﻞ ﻟﺘﺤﻘﻴﻖ ﻫﻮ؛ﺗﻮ ﻭﻳﻦ ﺩﺧﻞ ﺍﻧﺎ : ﺑﺎﻫﻲ ﺍﺗﺼﺮﻑ ﻓﻲ ﺍﻟﺤﻜﺎﻳﺔ ... ﻗﺒﻞ ﻣﺎ ﺗﻮﺻﻞ ﻟﺒﺎﺑﺎ ﻫﻮ : ﺑﺎﻫﻲ ﺍﻧﺎ : ﺍﺳﻤﻌﻨﻲ ﻫﻮ : ﺷﻨﻮﺓ ﺍﻧﺎ : ﺍﺫﺍ ﻋﺮﻓﺖ ﺷﻲ ﻋﻠﻰ ﺍﻟﻘﻀﻴﺔ ﺧﺒﺮﻧﻲ ... ﻭ ﺑﺎﻟﻨﺴﺒﺔ ﻟﻲ ﻣﺎﺕ ﻏﺎﺩﻱ ﻣﺶ ﺑﻌﻴﺪ ﺯﻳﺎﺩ ﻳﻜﻮﻥ ﻗﺘﻠﻮ ... ﺣﺎﻭﻟﻮ ﺗﻠﻤﻮ ﺍﻟﺤﻜﺎﻳﺔ ﻣﻦ ﺑﻌﻴﺪ ﻫﻮ : ﺑﺎﻫﻲ ﻃﻤﻦ ... ﺑﺎﺵ ﻧﻜﻠﻤﻚ ﻓﻲ ﺍﻗﺮﺏ ﻭﻗﺖ ﺍﻧﺎ : ﺑﺎﻫﻲ ﻧﺰﻟﺖ ﺗﻠﻴﻔﻮﻧﻲ ... ﻣﻨﺤﺒﺶ ﺯﻳﺎﺩ ﻳﻮﺣﻞ ﺍﻛﺜﺮ ... ﺧﺎﺻﺔ ﻭ ﺍﻟﺼﻔﻘﺔ ﺍﻟﺠﺎﻳﺔ ﻗﺮﻳﺒﺔ ... ﻣﻨﺤﺒﺶ ﻧﺪﺧﻠﻮ ﻣﻌﺎﻫﻢ ﻓﻲ ﻣﺸﺎﻛﻞ ﺍﻛﺒﺮ ... ﻭ ﺍﻟﻠﻲ ﻳﻬﻢ ﺍﻛﺜﺮ ... ﺍﻧﻮ ﺩﻧﻴﺰ ﺗﻔﻴﻖ ... ﻋﺎﻻﻗﻞ ﻧﻔﻬﻢ ﺷﻨﻴﺔ ﺻﺎﺭ ﺑﺎﻟﻈﺒﻂ ... ﻭ ﻧﻄﻤﻦ ﻋﻼﻫﺎ ﺍﻛﺜﺮ ... ﻭﺧﺮﺕ ﻟﺘﺎﻟﻲ ﺍﻛﺜﺮ ... ﺗﺮﻣﻴﺖ ﻋﺎﻟﻜﺮﺳﻲ ... ﺗﻜﻴﺖ ﺭﺍﺳﻲ .... ﻏﻤﻀﺖ ﻋﻴﻨﻴﺎ ... ﻭ ﺗﺒﺴﻤﺖ ﻧﺬﻛﺮ ﻓﻲ ﻛﻼﻣﻬﺎ >> ﺍﻧﺎ ﻣﻌﺎﻙ ﺩﻳﻤﺎ ... ﻭﻳﻦ ﺗﻜﻮﻥ ﺑﺎﺵ ﺗﺤﺲ ﺑﻴﺎ ... ﺣﺘﻰ ﺣﺪ ﻣﺎ ﻳﻔﻚ ﺑﻼﺻﺘﻲ ﻋﻨﺪﻙ ... ﺍﻧﺖ ﻛﻬﻮ ﻏﻤﺾ ﻋﻴﻨﻴﻚ ... ﻭ ﺍﻧﺎ ﺑﺎﺵ ﻧﻜﻮﻥ ﻣﻌﺎﻙ << ﻫﺰﻳﺖ ﺑﺮﺍﺳﻲ ﺍﻳﻪ ... ﻛﺎﻧﻬﺎ ﻗﺎﻋﺪﺓ ﻗﺪﺍﻣﻲ ﺗﻮﺍ ... ﻣﺰﻟﺖ ﻧﺤﺲ ﺑﻴﻬﺎ ... ﻣﺰﻟﺖ ﻭﻗﺖ ﻧﺪﺧﻞ ﻟﻠﻜﻠﻴﻨﻴﻚ ﻳﺘﻌﺪﺍ ﺍﻟﻠﻲ ﺻﺎﺭ ﺑﻴﻦ ﻋﻴﻨﻴﺎ ... ﻳﻘﻮﻟﻮ ﺍﻟﻮﻗﺖ ﻳﻨﺴﻲ ... ﺑﺎﻫﻲ ﺍﻧﺎ ﻋﻼﻩ ﻣﻨﺴﻴﺘﻬﺎﺵ ... ﻋﻼﻩ ﻛﻠﺸﻲ ﻧﻌﻤﻠﻮ ﻧﺤﺲ ﺑﻴﻬﺎ ﻣﻌﺎﻳﺎ ... ﺣﺘﻰ ﻭﻗﺖ ﻧﻘﺮﺏ ﻣﻦ ﺍﻱ ﻭﺣﺪﺓ ... ﻧﺤﺲ ﺭﻭﺣﻲ ﻧﺨﻮﻥ ﻓﻴﻬﺎ ... ﻭ ﺍﻟﻠﻲ ﻫﻲ ﻗﺎﻋﺪﺓ ﺗﻠﻮﻡ ﻓﻴﺎ ... ﺣﻠﻴﺖ ﻋﻴﻨﻴﺎ ... ﻛﻴﻒ ﺣﺴﻴﺖ ﺑﺤﺮﻛﺔ ﺧﻔﻴﻔﺔ ... ﺩﻭﺭﺕ ﺭﺍﺳﻲ ﺷﻮﻳﺔ ... ﻧﻐﺰﺭ ﻟﻨﻔﺲ ﺍﻟﻄﻔﻠﺔ ﻋﺎﻃﻴﺔ ﺑﺎﻟﻈﻬﺮ ... ﺗﺤﻜﻲ ﻣﻊ ﺍﻟﻄﺒﻴﺐ ... ﻇﺎﻫﺮ ﺗﺤﺎﻭﻝ ﻓﻴﻪ ﻳﺪﺧﻞ ﻣﻌﺎﻫﺎ ﻟﻠﺒﻴﺖ ... ﻭ ﻫﻮ ﺩﻭﺏ ﻳﺤﺐ ﻳﺤﻜﻲ ﻣﻌﺎﻫﺎ ... ﻗﺤﺮﺗﻠﻮ ... ﺗﻘﺤﻴﺮﺓ ﻣﺘﺎﻉ ﻣﻮﺕ ... ﻟﻢ ﺭﻭﺣﻮ ﻭ ﺩﺧﻞ ﻣﻌﺎﻫﺎ ... ﻣﻨﻌﺮﻓﺶ ﻋﻼﻩ ﺧﺎﻟﻄﺖ ﻋﻠﻴﻬﻢ ... ﺍﻟﺒﺎﺏ ﻣﺸﻘﻮﻕ ﺑﺎﻗﻲ ﻧﻐﺰﺭﻟﻬﻢ ﻣﻦ ﻏﺎﺩﻱ ... ﻋﺎﻃﻴﺔ ﺑﺎﻟﻈﻬﺮ ... ﺑﺎﻳﻦ ﻟﻬﻲ ﺗﺒﻜﻲ ... ﻭ ﻫﻮ ﻳﻌﺪﻱ ﻋﻠﻰ ﺍﻣﻬﺎ ... ﺟﺎﺕ ﻋﻴﻨﻲ ﻋﻠﻰ ﻋﻴﻨﻮ ... ﻭﻟﻰ ﻋﺪﺍ ﻋﻠﻴﻬﺎ ﺑﺎﻟﻘﺪﺍ ... ﻭ ﺗﻠﻔﺖ ﻳﺤﻜﻲ ﻣﻌﺎﻫﺎ ﻃﺒﻴﺐ : ﻣﻔﻤﺎﺵ ﺗﻄﻮﺭ ﻟﺘﻮﺍ ... ﻭ ﺍﻧﺎ ﺑﺎﺵ ﻧﺮﺟﻊ ﻧﻌﺪﻱ ﻋﻠﻴﻬﺎ ﻫﻲ : ﺑﺎﻫﻲ ﻋﻼﻩ ﻟﺘﻮﺍ ﻣﻔﺎﻗﺘﺶ ﻃﺒﻴﺐ : ﻃﺒﻴﻌﻲ ﻓﻲ ﺣﺎﻟﺘﻬﺎ ﻫﻲ : ﺑﺎﻫﻲ ﻋﻴﺸﻚ ﺑﻘﻴﺖ ﻧﻐﺰﺭﻟﻬﻢ ... ﻟﻴﻦ ﺧﺮﺝ ﻫﻮ ... ﻭ ﻫﻲ ﻧﺰﻟﺖ ﺑﺎﺳﺘﻬﺎ ﻣﻦ ﺧﺪﻫﺎ ﻭ ﻳﺪﻫﺎ ... ﺗﻠﻔﺖ ﻏﺰﺭﺗﻠﻮ ... ﻧﺤﻜﻲ ﺍﻧﺎ : ﺍﺧﺮ ﻣﺮﺓ ﺗﻄﻠﺒﻚ ﻭ ﺗﺮﻓﺾ ﻃﺒﻴﺐ : ﻣﻌﻨﺪﻫﺎ ﺣﺘﻰ ﺍﻣﻞ ﺍﻧﻬﺎ ﺗﻌﻴﺶ ﻭ ﺣﺘﻰ ﺑﻨﺘﻬﺎ ﺗﻌﺮﻑ ﺍﻟﺸﻲ ﻫﺬﺍ ﻛﺒﺴﺖ ﻋﻠﻰ ﻳﺪﻱ ... ﺣﺴﻴﺖ ﺭﻭﺣﻲ ﺑﺎﺵ ﻧﻄﺮﺷﻖ ... ﻗﺤﺮﺗﻠﻮ ﻗﺤﺮﺓ ﻣﺘﺎﻉ ﻣﻮﺕ ﻧﺤﻜﻲ ﺍﻧﺎ : ﺷﻜﻮﻧﻚ ﺍﻧﺖ ﺑﺎﺵ ﺗﺤﻜﻲ ﻋﺎﻻﻣﻞ ... ﺍﻩ ﺷﻜﻮﻧﻚ ﺍﻧﺖ ﻛﻨﺖ ﺑﺎﺵ ﻧﻬﺪ ﻋﻠﻴﻪ ... ﺍﻣﺎ ﺣﺒﺴﺖ ﻛﻴﻒ ﺭﻳﺘﻮ ﻭﺧﺮ ﻟﺘﺎﻟﻲ ... ﺧﺬﻳﺖ ﻧﻔﺲ ... ﻭ ﻛﻤﻠﺖ ﻧﺤﻜﻲ ﺍﻧﺎ : ﺑﺎﺵ ﺩﺍﻭﻳﻬﺎ ... ﺑﺎﺵ ﺗﻌﻤﻞ ﻟﻲ ﺗﻨﺠﻢ ﻋﻠﻴﻪ ... ﺣﺒﻴﺖ ﻭ ﻻ ﻛﺮﻫﺖ ... ﻓﻬﻤﺘﻨﻲ ﻃﺒﻴﺐ : ﻭ ﺍﻧﺖ ﺷﻴﻬﻤﻚ ﻓﻴﻬﺎ ﻫﺰﻳﺖ ﻳﺪﻳﺎ ﺯﻭﺯ ... ﺷﺪﻳﺘﻮ ﻣﻦ ﺳﻮﺭﻳﺘﻮ ... ﻛﺒﺴﺖ ﻋﻠﻴﻪ ﻗﺮﺑﺘﻮ ﻋﻨﺪﻱ ... ﻧﺤﻜﻲ ﺍﻧﺎ : ﻣﺘﺨﺪﻣﺶ ﻣﺨﻚ ﻣﻌﺎﻳﺎ ... ﺑﺎﺵ ﺗﻨﺪﻡ ﺑﺮﺷﺎ ... ﺑﺎﻫﻲ ﻫﺰﻟﻲ ﺑﺮﺍﺳﻮ ﺑﺎﻫﻲ ... ﺩﺯﻳﺘﻮ ﻟﺘﺎﻟﻲ ... ﻗﺤﺮﺗﻠﻮ ... ﻭ ﻏﺰﺭﺕ ﻟﻄﻔﻠﺔ ﺑﺎﻗﻲ ﻣﺤﻀﻨﺔ ﺍﻣﻬﺎ ... ﺍﻛﺜﺮ ﺷﻲ ﻧﻔﺪ ﻣﻨﻮ ﺍﻟﻤﻮﺍﻗﻒ ﻫﺬﻭﻣﺎ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ... ﻭﻭﺧﺮﺕ ﻟﺘﺎﻟﻲ ... ﻭﻟﻴﺖ ﻟﺒﻼﺻﺘﻲ ... ﺧﺎﻃﺮ ﻛﺎﻥ ﻧﺰﻳﺪ ﻣﻌﺎﻩ ﺷﻮﻳﺔ .. ﺍﻻ ﻣﺎ ﻧﻘﺘﻠﻮ ﺑﻴﺪﻱ ... ﺍﺣﺴﻦ ﺷﻲ ﻧﺒﻌﺪ ﻋﻠﻴﻪ ... ﻋﺎﻻﻗﻞ ﻧﻬﺪﺍ ﺷﻮﻳﺔ ... ﺍﺻﻼ ﻧﻔﺪ ﻣﻦ ﺟﻮ ﺍﻟﻜﻠﻴﻨﻴﻚ ﻭ ﻧﻜﺮﻫﻮ ... ﺟﺎﺏ ﺭﺑﻲ ﺩﻧﻴﺰ ﻫﻮﻧﻲ ... ﻭ ﺍﻻ ﻣﺴﺘﺤﻴﻞ ﻛﻨﺖ ﻧﺒﻘﻰ ... ﻣﺨﻲ ﺑﺎﻗﻲ ﻳﺨﺪﻡ ﻓﻲ ﺑﺮﺷﺎ ﺣﺎﺟﺎﺕ ... ﻣﻨﻬﻢ ﺍﻟﻠﻲ ﺻﺎﺭ ﻟﺪﻧﻴﺰ ... ﻭ ﺣﻜﺎﻳﺔ ﺍﻟﻄﻔﻠﺔ ﻫﺬﻳﻜﺎ ﻣﻊ ﻃﺒﻴﺐ ﺷﺪﺗﻨﻲ ... ﻭﺍﻟﻠﻪ ﻛﺎﻥ ﻣﻴﺨﺪﻣﺶ ﺧﺪﻣﺘﻮ ... ﻣﺎ ﻧﻘﻌﺪ ﻓﻮﻕ ﺭﺍﺳﻮ ﻫﻮﻧﻲ ... ﻭ ﻛﺎﻥ ﻧﺠﻢ ﻳﺘﺤﺮﻙ ... ﺗﻲ ﺣﺘﻰ ﺍﺫﺍ ﻣﻔﻤﺎﺵ ﺍﻣﻞ ... ﻋﻠﻰ ﺧﺎﻃﺮ ﺑﻨﺘﻬﺎ ﻳﻨﺠﻢ ﻳﻘﻮﻡ ﺑﻮﺍﺟﺒﻮ ... ﻧﻌﺮﻑ ﻻﻧﺎ ﻣﻴﺤﻘﻠﻴﺶ ﻧﺤﻜﻲ ﺑﻌﺪ ﺍﻟﻠﻲ ﻋﻤﻠﺘﻮ ﺍﻟﻜﻞ ... ﺍﻣﺎ ﺍﻧﺎ ﺯﺍﺩﺓ ﻧﻌﺮﻑ ﻭﺟﻴﻌﺔ ﺍﻻﻡ ... ﻭﻗﺖ ﺧﺴﺮﺕ ﺍﻣﻲ ﺧﺴﺮﺕ ﻛﻠﺸﻲ ﺑﺎﻫﻲ ﻓﻲ ﺣﻴﺎﺗﻲ ... ﺯﻳﺎﺩ ﻭ ﺣﻨﺎﻥ ﻟﻨﺠﻤﺖ ﻧﻌﻴﺶ ﻋﻠﻰ ﺟﺎﻟﻬﻢ ... ﻭ ﺣﺘﻰ ﺣﻨﺎﻥ ﻓﻜﻮﻫﺎ ﻣﻨﻲ ... ﻋﻠﻰ ﻫﺬﺍﻛﺎ ﻣﻨﺤﺒﺶ ﻟﺤﻈﺎﺕ ﺍﻟﻤﺮﺽ ﻭ ﺍﻟﻔﺮﺍﻕ ... ﻣﻨﺤﺒﺶ ﻧﺮﺍ ﺣﺪ ﻳﺘﻮﺟﻊ ﻟﻼﺳﺒﺎﺏ ﻫﺬﻭﻣﺎ ... ﺧﺎﺻﺔ ﺍﺫﺍ ﻛﺎﻥ ﺻﻐﻴﺮ ... ﺧﺬﻳﺖ ﻧﻔﺲ ... ﻧﺤﺎﻭﻝ ﻧﻬﺪﻱ ﺭﻭﺣﻲ ﺍﻛﺜﺮ ﻭ ﻣﺎ ﻧﺨﻤﻢ ﻓﻲ ﺣﺘﻰ ﺷﻲ
أنت تقرأ
🔥🔞"في أحضان عزرائيل"🔞🔥(الجزء الرابع)
Roman d'amourبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
