🔥🔞"في أحضان عزرائيل"🔞🔥(الجزء الرابع)

الحلقة 577

ﺍﻭﻝ ﻣﺎ ﺧﺮﺟﺖ ... ﺧﺬﻳﺖ ﻧﻔﺲ ... ﻣﻌﻨﺪﻳﺶ ﻭﻗﺖ ﺣﺘﻰ ﺑﺎﺵ ﻧﻄﻠﻊ ﻋﻨﺪ ﺍﻟﺠﻨﻴﺮﺍﻝ ﺍﻟﻬﻢ ... ﻭ ﻧﺤﺎﻭﻝ ﻧﻌﺮﻑ ﻣﻨﻮ ﺍﻟﻠﻲ ﺻﺎﺭ ﺑﺎﻟﻈﺒﻂ ... ﻃﻮﻝ ﺍﻟﺜﻨﻴﺔ ... ﻭ ﺍﻧﺎ ﻧﻔﻜﺮ ﻓﻴﻬﺎ ... ﻣﻨﻌﺮﻓﺶ ﺍﺫﺍ ﻓﺎﻗﺖ ﻭ ﻻ ﻣﺰﺍﻝ ... ﻣﻨﻌﺮﻓﺶ ﺷﻨﻴﺔ ﺭﺩﺓ ﻓﻌﻠﻬﺎ ﻭﻗﺖ ﺗﻔﻴﻖ ... ﻣﺰﺍﻝ ﻟﺘﻮﺍ ﻛﻼﻣﻬﺎ ﻓﻲ ﺭﺍﺳﻲ ... ﻭﻗﺖ ﻛﺎﻧﺖ ﺗﺘﻮﺟﻊ ﺍﻛﺎﻛﺎ >> ﺍﺑﻌﺪ ... ﻣﺘﻤﺴﻨﻲﺵ << ﻣﻨﻌﺮﻓﺶ ﻋﻼﻩ ﻗﺎﻟﺖ ﺍﻛﺎﻛﺎ ... ﺣﺘﻰ ﻭ ﻫﻲ ﻓﻲ ﺍﻟﺤﺎﻟﺔ ﻫﺬﻳﻜﺎ ... ﺍﻣﺎ ﻛﻠﺸﻲ ﻣﺼﺒﺮﻧﻲ ﻟﺘﻮﺍ ... ﻛﻠﺸﻲ ﻣﻔﺮﺣﻨﻲ ... ﺍﻧﻮ ﻫﻲ ﺣﺒﻠﺔ ... ﺗﺒﺴﻤﺖ ﻭﺣﺪﻱ ... ﻣﺰﻟﺖ ﻣﺶ ﻣﺼﺪﻕ ﺍﻟﻠﻲ ﺳﻤﻌﺘﻮ ﺑﺎﺵ ﻳﻮﻟﻲ ﻋﻨﺪﻱ ﺻﻐﻴﺮ ... ﻛﻞ ﻣﺮﺓ ﻛﻨﺖ ﻧﺸﻴﺦ ﻋﻠﻴﻬﺎ ... ﻭﻗﺖ ﺗﺒﺪﺍ ﺗﺘﺸﺮﻁ ﻋﺎﻟﻤﺎﻛﻠﺔ ... ﺍﻣﺎ ﻣﺘﻮﻗﻌﺘﺶ ﺑﺎﺵ ﻧﻔﺮﺡ ﻟﻬﺪﺭﺟﺔ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﻠﻜﻠﻴﻨﻴﻚ ... ﺭﻛﻴﺖ ﺍﻟﻜﺮﻫﺒﺔ ﻭ ﺩﺧﻠﺖ ... ﻟﻘﻴﺖ ﺍﻟﻄﺒﻴﺐ ﺑﺎﺵ ﻳﺪﺧﻞ ﻟﺒﻴﺮﻭﻩ ... ﺧﺎﻟﻄﺖ ﻋﻠﻴﻪ ... ﺩﻭﺭﺕ ﻳﺪﻱ ﻋﻠﻰ ﻛﺘﻔﻮ ... ﺗﻬﺰ ﻭ ﺗﺤﻂ ﻳﺤﻜﻲ ﻃﺒﻴﺐ : ﺑﺎﺳﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ ... ﻓﺠﻌﺘﻨﻲ ﻳﺎ ﻫﻢ ﺍﻧﺎ : ﻟﻄﻒ ﻋﻠﻴﻚ ... ﻳﺎﺧﻲ ﺧﺒﺮﺕ ﺍﺩﻡ ﺑﺸﻲ ﻃﺒﻴﺐ : ﺷﻜﻮﻥ ﺍﺩﻡ ﺍﻧﺎ : ﻣﻌﺎﺩﺵ ﺗﻌﺮﻑ ﺷﻜﻮﻥ ﺍﺩﻡ ﻃﺒﻴﺐ : ﺍﻩ ﺍﻛﺎ ﺍﻟﻤﻬﺒﻮﻝ ﻻﺧﺮ ﺍﻧﺎ : ﺍﺳﻤﻮ ﺍﺩﻡ ﻃﺒﻴﺐ : ﺷﺒﻴﻪ ﺍﻧﺎ : ﺧﺒﺮﺗﻮ ﺷﻲ ﻭ ﻻ ﻃﺒﻴﺐ : ﻻ ... ﻛﺎﻥ ﺗﺤﺐ ﺧﺒﺮﻭ ﻭﺣﺪﻙ ﺍﻧﺎ : ﺻﺤﻴﺘﻚ ﻃﺒﻴﺐ : ﺑﺮﺑﻲ ﺑﺎﺵ ﻧﺴﺄﻟﻚ ﺍﻧﺎ : ﺷﻨﻴﺔ ﻃﺒﻴﺐ : ﺍﻟﻄﻔﻠﺔ ﻫﺬﻳﻜﺎ ... ﺗﺎﺑﻌﺔ ﻟﺸﻜﻮﻥ ﻓﻴﻜﻢ ﻗﺤﺮﺗﻠﻮ ﻗﺤﺮﺓ ﻣﺘﺎﻉ ﻣﻮﺕ ... ﻛﺒﺴﺖ ﻋﻠﻰ ﻛﺘﻔﻮ ... ﻧﺤﻜﻲ ﺍﻧﺎ : ﺗﺎﺑﻌﺔ ﻟﻴﺎ ﺭﺧﻔﺖ ﻳﺪﻱ ﺷﻮﻳﺔ ... ﺿﺮﺑﺘﻮ ﺿﺮﺑﺎﺕ ﺧﻔﻴﻔﺔ ﻋﻠﻰ ﻛﺘﻔﻮ ... ﻭ ﻛﻤﻠﺖ ﻧﺤﻜﻲ ﺍﻧﺎ : ﻟﻴﺎ ﺍﻧﺎ ﻛﻬﻮ ﻫﺰﻟﻲ ﺑﺮﺍﺳﻮ ﺍﻳﻪ ... ﺧﻠﻴﺘﻮ ﻭ ﻛﻤﻠﺖ ﺩﺧﻠﺖ ... ﻟﻘﻴﺖ ﺍﺩﻡ ﻏﺪﻳﻜﺎ ... ﻗﺮﺑﺖ ﻭﻗﻔﺖ ﻗﺪﺍﻣﻮ ... ﻏﺰﺭﺗﻠﻬﺎ ... ﻣﺰﺍﻟﺖ ﺭﺍﻗﺪﺓ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻣﺰﺍﻝ ﻣﻔﺎﻗﺘﺶ ﺍﺩﻡ : ﻻ ﺍﻧﺎ : ﻟﺤﻘﺘﻬﺎ ﻓﻲ ﺍﺧﺮ ﻟﺤﻈﺔ ... ﻛﺎﻥ ﺑﺎﺵ ﻳﻘﺘﻠﻬﺎ ﺍﻟﺴﺎﻗﻂ ﺍﺩﻡ : ﺷﻜﻮﻥ ﻋﻨﺪﻭ ﻣﺼﻠﺤﺔ ﻳﻌﻤﻞ ﻓﻴﻬﺎ ﻫﻜﺎ ﺍﻧﺎ : ﻣﻨﻌﺮﻓﺶ ... ﻟﻲ ﻋﻤﻠﻬﺎ ﻗﺎﺻﺪﻧﺎ ﺍﻟﻜﻞ ﺍﺩﻡ : ﻭ ﺍﻧﺎ ﺯﺍﺩﺓ ﺧﻤﻤﺖ ﻓﻲ ﻧﻔﺲ ﺍﻟﺸﻲ ... ﻋﻼﻩ ﺍﺣﻨﺎ 3 ﻓﺮﺩ ﻣﺮﺓ ﺍﻧﺎ : ﻣﻌﺎﺩﺵ ﻧﺠﻢ ﻧﺨﻤﻢ ﻓﻲ ﺣﺘﻰ ﺷﻲ ﺍﺩﻡ : ﺣﺘﻰ ﺍﻧﺎ ﻗﺺ ﻋﻠﻴﻨﺎ ﺍﻟﻄﺒﻴﺐ ﻛﻲ ﺟﺎ ... ﺩﺧﻞ ﻋﻨﺪﻫﺎ ﺑﻼ ﻣﺎ ﻳﺤﻜﻲ ﻋﻠﻴﻨﺎ ... ﻧﻐﺰﺭ ﻻﺩﻡ ﻛﻴﻒ ﻳﻘﺤﺮﻟﻮ ... ﻋﻘﺪﺕ ﺣﻮﺍﺟﺒﻲ ﻧﺤﻜﻲ ﺍﻧﺎ : ﺷﺒﻴﻚ ﻣﻌﺎﻩ ﺍﺩﻡ : ﻃﺒﻴﺐ ﻣﺘﺎﻉ ¤¤¤ ﻫﺬﺍ ﺍﻧﺎ : ﻫﻬﻬﻬﻬﻪ ﺷﻌﻤﻠﻚ ﺍﺩﻡ : ﺧﻠﻴﻨﻲ ﻣﻨﻮ ... ﻣﻜﺎﻧﺶ ﺑﺎﺵ ﻧﻘﺘﻞ ¤¤¤¤¤¤ ﻫﻮﻧﻲ ﺍﻧﺎ : ﺑﺎﻫﻲ ﺑﺎﻫﻲ ﺭﻳﺾ ﺧﺮﺝ ﻋﻨﺪﻧﺎ ﺯﻭﺯ ... ﻣﻐﺰﺭﺵ ﻻﺩﻡ ﺟﻤﻠﺔ ... ﺑﺎﺯ ﻋﻤﻠﻮ ﺷﻲ ... ﺍﻭﻝ ﻣﺎ ﻏﺰﺭﻟﻲ ﻗﺤﺮﺗﻠﻮ ... ﻣﻔﻤﺎﺵ ﻳﻐﻠﻂ ﻓﻲ ﺍﻟﻜﻼﻡ ﻗﺪﺍﻡ ﻗﺪﺍﻡ ... ﻧﺤﺎ ﻟﻴﻨﺎﺗﻮ ... ﻳﺤﻜﻲ ﻃﺒﻴﺐ : ﺣﺎﻟﺘﻬﺎ ﺍﺳﺘﻘﺮﺕ ﺑﺮﺷﺎ ... ﺍﻧﺎ ﺑﺎﺵ ﻧﻨﻘﻠﻬﺎ ﻟﺒﻴﺖ ﺍﺧﺮﻯ ... ﺗﻨﺠﻢ ﺗﻔﻴﻖ ﻓﻲ ﺍﻱ ﻭﻗﺖ ﺍﻧﺎ : ﻭ ... ﺍﻝ ﻛﻨﺖ ﺑﺎﺵ ﻧﺴﺄﻟﻮ ﻋﻠﻰ ﺍﻟﺼﻐﻴﺮ ... ﺍﻣﺎ ﻓﻲ ﻟﺤﻈﺔ ﻓﻘﺖ ﻋﻠﻰ ﺭﻭﺣﻲ ... ﺧﺬﻳﺖ ﻧﻔﺲ ﻭ ﻛﻤﻠﺖ ﻧﺤﻜﻲ ﺍﻧﺎ : ﻭ ﻧﺠﻢ ﻧﺮﺍﻫﺎ ﻃﺒﻴﺐ : ﺍﻳﻪ ﺗﻨﺠﻢ ... ﺍﻣﺎ ﺣﺎﻭﻟﻮ ﻣﺘﻌﺒﻮﻫﺎﺵ ﺑﺮﺷﺎ ﺍﻧﺎ : ﺑﺎﻫﻲ ﺑﻘﻴﻨﺎ ﻏﺎﺩﻱ ... ﻟﻴﻦ ﻛﻤﻠﻮ ﺑﺪﻟﻮﻟﻬﺎ ﺍﻟﺒﻴﺖ ... ﻏﺰﺭﺕ ﻻﺩﻡ ﻧﺤﻜﻲ ﺍﻧﺎ : ﺍﻧﺎ ﺑﺎﺵ ﻧﺒﻘﻰ ﻣﻌﺎﻫﺎ ﺍﺩﻡ : ﻭ ﻣﻴﺮﺍﻝ ﺍﻧﺎ : ﺷﻤﺪﺧﻠﻬﺎ ﻣﻴﺮﺍﻝ ﻓﻲ ﺍﻟﺤﻜﺎﻳﺔ ﺍﺩﻡ : ﺑﺎﺵ ﺗﻘﻮﻟﻬﺎ ﻟﻲ ﻋﺪﻳﺖ ﺍﻟﻠﻴﻠﺔ ﻫﻮﻧﻲ ﺍﻧﺎ : ﺩﻧﻴﺰ ... ﻛﺎﻧﺖ ﺑﺎﺵ ﺗﻤﻮﺕ ﻓﻲ ﺟﺮﺗﻲ ... ﻫﺬﺍ ﺍﻗﻞ ﺷﻲ ﻧﺠﻢ ﻧﻌﻤﻠﻮ ﻋﻠﻰ ﺧﺎﻃﺮﻫﺎ ... ﻣﺎ ﻳﻬﻤﻨﻲ ﻻ ﻣﻴﺮﺍﻝ ﻭ ﻻ ﺣﺪ ﻏﻴﺮﻫﺎ ﺍﺩﻡ : ﺑﺎﻫﻲ ... ﻛﻴﻒ ﻫﻜﺎ ﺍﻧﺎ ﺑﺎﺵ ﻧﻤﺸﻲ ﻧﺮﺍ ﺷﻨﻴﺔ ﺍﻟﺤﻜﺎﻳﺔ ﺑﺎﻟﻈﺒﻂ ... ﺑﺎﺵ ﻧﺮﺟﻊ ﻏﺪﻭﺓ ﺍﻧﺎ : ﺑﺎﻫﻲ ... ﻭ ﻛﺎﻥ ﻋﺮﻓﺖ ﺷﻲ ﺧﺒﺮﻧﻲ ﺍﺩﻡ : ﺑﺎﻟﻄﺒﻴﻌﺔ ... ﻫﻴﺎ ﺑﺎﺵ ﻧﺨﻠﻴﻚ ﺗﻮﺍ ﺍﻧﺎ : ﺑﺎﺍﻫﻲ ﺍﻭﻝ ﻣﺎ ﻣﺸﺎ ... ﺣﻠﻴﺖ ﺍﻟﺒﺎﺏ ﻭ ﺩﺧﻠﺖ ... ﻣﺰﺍﻟﺖ ﺭﺍﻗﺪﺓ ... ﻫﻮﻧﻲ ﺍﺣﺴﻦ ﻣﻦ ﺍﻟﺒﻴﺖ ﻟﻲ ﻛﺎﻧﺖ ﻓﻴﻬﺎ ... ﻇﺎﻫﺮ ﺍﺭﺗﺎﺣﺖ ﺷﻮﻳﺔ ... ﻗﺮﺑﺖ ﻣﻨﻬﺎ ... ﻫﺰﻳﺖ ﻳﺪﻱ ﻋﺪﻳﺖ ﺻﻮﺍﺑﻌﻲ ﻋﻠﻰ ﺧﺪﻫﺎ ... ﻭ ﻋﻠﻰ ﺿﺮﺑﺔ ﻟﻲ ﻓﻲ ﺭﺍﺳﻬﺎ ... ﻛﻞ ﻣﺎ ﻧﺬﻛﺮ ﺍﻟﻠﻲ ﺍﻛﺎ ﺍﻟﻜﻠﺐ ﻋﻤﻞ ﻓﻴﻬﺎ ﻫﻜﺎ ... ﻧﻬﺒﻞ ﺍﻛﺜﺮ ... ﻓﻜﺮﺓ ﻻﻧﺎ ﻛﻨﺖ ﺑﺎﺵ ﻧﺨﺴﺮﻫﺎ ﻣﻨﺠﻤﺘﺶ ﻧﺴﺘﻮﻋﺒﻬﺎ ﺟﻤﻠﺔ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻜﻤﻞ ﺑﻼ ﺑﻴﻬﺎ ... ﻧﺰﻟﺖ ﺑﻴﺪﻱ ﻟﻜﺮﺷﻬﺎ ... ﻳﺎﺭﻳﺘﻪﺍ ﺧﺒﺮﺗﻨﻲ ﻣﻦ ﻗﺒﻞ ... ﻳﺎﺭﻳﺖ ﻗﺎﻟﺖ ﻻﻧﺎ ﺣﺒﻠﺔ ... ﻣﻜﻨﺘﺶ ﺑﺎﺵ ﻧﻐﺸﺸﻬﺎ ﻟﻬﺪﺭﺟﺔ ... ﻛﻨﺖ ﺑﺎﺵ ﻧﺤﺎﻭﻝ ﻧﻌﻤﻞ ﺍﻱ ﺷﻲ ﻛﺎﻥ ﺍﻧﻲ ﻧﻌﺮﺱ ﺑﻤﻴﺮﺍﻝ ... ﺍﻧﺎ ﻟﻲ ﻏﻔﻠﺖ ﻋﻼﻫﺎ ... ﻋﻠﻰ ﻫﺬﺍﻛﺎ ﺻﺎﺭ ﻓﻴﻬﺎ ﻫﺬﺍ ﺍﻟﻜﻞ ... ﻛﺎﻥ ﻣﺰﺍﻟﺖ ﻋﻨﺪﻱ ... ﻣﺴﺘﺤﻴﻞ ﻳﺼﻴﺮ ﻓﻴﻬﺎ ﻫﺬﺍ ﺍﻟﻜﻞ ... ﻧﺰﻟﺖ ﺑﺴﺘﻬﺎ ﻣﻦ ﺭﺍﺳﻬﺎ ... ﻭﻭﺧﺮﺕ ﻟﺘﺎﻟﻲ ... ﻗﻌﺪﺕ ﻋﺎﻟﻔﻮﺗﺎﻱ ... ﻧﻐﺰﺭﻟﻬﺎ ... ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻗﺺ ﻋﻠﻴﺎ ﺻﻮﺕ ﺗﻠﻴﻔﻮﻧﻲ ... ﻟﻘﻴﺘﻪﺍ ﻣﻴﺮﺍﻝ ... ﻋﻠﻘﺖ ﻋﻠﻴﻬﺎ ﻭ ﺳﻜﺮﺗﻮ ﺟﻤﻠﺔ ... ﻣﺶ ﻧﺎﻗﺼﻬﺎ ﻫﻲ ﺣﺘﻰ ﻃﺮﻑ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻭ ﻏﻤﻀﺖ ﻋﻴﻨﻴﺎ ... ﻧﺤﺐ ﻧﺮﺗﺎﺡ ﻣﻦ ﺍﻟﻠﻲ ﺗﻌﺪﺍ ﺍﻟﻜﻞ