ﺍﺩﻡ ﻳﺤﻜﻲ :
ﻧﺠﺮﻱ ﻭﺭﺍﻫﺎ ... ﺍﻟﻔﺮﺧﺔ ﻳﻄﻠﻊ ﻣﻨﻬﺎ ... ﻳﺎﺧﻲ ﻭﻳﻦ ﻛﺎﻧﺖ ﻣﺨﺒﻴﺔ ﻫﺬﺍ ﺍﻟﻜﻞ ... ﺗﻲ ﻟﻲ ﻳﻐﺰﺭ ﻟﻮﺟﻬﺎ ... ﻣﻴﻘﻮﻟﺶ ﻟﻬﻲ ﺳﺮﺍﻗﺔ ﻣﻦ ﺍﻟﺪﺭﺟﺔ ﺍﻻﻭﻟﻰ ... ﻻ ﻭ ﺯﻳﺪ ﺗﺠﺮﻱ ﺑﺎﻟﻘﺪﺍ ... ﺗﻲ ﻧﺤﺲ ﺭﻭﺣﻲ ﻧﻼﺣﻖ ... ﻓﻲ ﺷﻲ ﺣﺪ ﻣﺶ ﻓﺮﺧﺔ ﺻﻐﻴﺮﺓ ... ﻟﺤﻘﺘﻬﺎ ﻋﻠﻰ ﺍﺧﺮ ﻧﻔﺲ ... ﺟﺒﺪﺗﻬﺎ ﻣﻦ ﻳﺪﻫﺎ ... ﺩﺯﻳﺘﻬﺎ ﻋﺎﻟﺤﻴﻂ ... ﺣﺎﻭﻃﺘﻪﺍ ﺑﻴﺪﻳﺎ ﺯﻭﺯ ... ﻧﺰﻟﺖ ﺭﺍﺳﻲ ﻧﻐﺰﺭﻟﻬﺎ ... ﺗﺘﻨﻔﺲ ﺑﺎﻟﺴﻴﻒ ... ﺑﻘﻴﺖ ﻧﺸﻮﻑ ﻣﻌﺎﻫﺎ ... ﻋﻴﻨﻴﻬﺎ ﻓﻴﻬﻢ ﻟﻤﻌﺔ ﺳﺒﻴﺴﻴﺎﻝ ... ﻋﺴﻠﻴﻲﻥ ... ﻭ ﻣﺨﻠﻄﻴﻦ ﺑﻠﻤﻌﺔ ﻣﺘﺎﻉ ﺣﺰﻥ ... ﺍﻣﺎ ﺯﺍﺩﺓ ﺟﺮﺃﺗﻬﺎ ﺯﺍﻳﺪﺓ ... ﻛﻴﻒ ﻗﺮﺑﺖ ﻣﻨﻲ ... ﻭ ﻋﻤﻠﺖ ﺍﻟﺸﻲ ﻫﺬﺍ ... ﻳﻌﻨﻲ ﺑﺎﻟﺤﻖ ... ﺟﺮﻳﺌﺔ ﻟﺪﺭﺟﺔ ﻛﺒﻴﺮﺓ ... ﻧﺰﻟﺖ ﺑﻌﻴﻨﻴﺎ ... ﻟﺮﻗﺒﺘﻪﺍ ... ﺍﻟﻌﺮﻕ ﻳﺼﺐ ﻋﻠﻴﻬﺎ ... ﺻﺪﺭﻫﺎ ﻃﺎﻟﻊ ﻧﺎﺯﻝ ... ﻻﺑﺴﺔ ﺧﻠﻌﺔ ﻋﺮﻳﻀﺔ ... ﻭ ﺟﻴﺐ ﻃﻮﻳﻞ ... ﻇﺎﻫﺮ ﺑﻨﺖ ﺍﻟﻘﺮﻳﺔ ... ﺗﺒﺴﻤﺖ ﻋﻠﻰ ﺟﻨﺐ ... ﻭ ﻃﻠﻌﺖ ﻋﻴﻨﻴﺎ ﻏﺰﺭﺕ ﻟﻮﺟﻬﺎ ... ﻣﺶ ﻏﺮﻳﺒﺔ ﻋﻠﻴﺎ ... ﺍﻣﺎ ﻭﻳﻦ ﺭﻳﺘﻬﺎ ﻣﻨﻌﺮﻓﺶ ... ﺑﻘﺎﺕ ﺗﻐﺰﺭﻟﻲ ﻧﺪﺭﺍ ﻛﻴﻒ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺗﻌﺮﻑ ﺷﻨﻮﺓ ﺍﻟﻠﻲ ﻋﻤﻠﺘﻮ
ﻗﺮﺑﺖ ﻣﻨﻲ ﺷﻮﻳﺔ ... ﻃﻠﻌﺖ ﺍﻛﺜﺮ ... ﻟﻴﻦ ﻭﺻﻠﺖ ﺷﻮﻳﺔ ﻟﺮﻗﺒﺘﻲ ... ﺗﺤﻜﻲ
ﻫﻲ : ﻣﺘﻜﻮﻧﺶ ﺗﻌﺒﺖ ﻓﻲ ﺟﺮﺗﻲ
ﺗﺒﺴﻤﺖ ﻋﻠﻰ ﺟﻨﺐ ... ﻭ ﻏﺰﺭﺗﻠﻬﺎ ... ﺗﻜﺎﺕ ﻟﺘﺎﻟﻲ ... ﺗﺴﺘﻔﺰ ﻓﻴﺎ ﺑﻀﺤﻜﺘﻬﺎ ... ﻛﺒﺴﺖ ﻋﻠﻰ ﻳﺪﻱ ﺍﻛﺜﺮ ... ﻧﺰﻟﺖ ﻋﻼﻫﺎ ﺍﻛﺜﺮ .... ﻧﺤﻜﻲ ﻗﺮﻳﺐ ﻟﻮﺫﻧﻬﺎ
ﺍﻧﺎ : ﻣﺘﺨﺪﻣﺶ ﻣﺨﻚ ﻣﻌﺎﻳﺎ ... ﺧﺎﻃﺮ ﺑﺎﺵ ﺗﻨﺪﻡ ﺑﺮﺷﺎ
ﻧﺰﻟﺖ ﺷﻮﻳﺔ ... ﺗﺤﺐ ﺗﺨﺮﺝ ﺗﺤﺖ ﻳﺪﻱ ... ﻓﻬﻤﺖ ﺗﺼﺮﻓﻬﺎ ﺑﺎﻟﻘﺪﺍ ... ﻗﺮﺑﺖ ﻟﻴﻬﺎ ﺍﻛﺜﺮ ... ﻟﻴﻦ ﻣﻌﺎﺩﺵ ﻓﻤﺎ ﻣﺴﺎﻓﺔ ... ﻏﺰﺭﺗﻠﻲ ... ﻭ ﺑﺎﻗﻲ ﺗﻘﺤﺮﻟﻲ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﺷﻨﻮﺓ
ﻫﻲ : ﺗﻨﺠﻢ ﺗﺒﻌﺪ ﻧﺤﺐ ﻧﻤﺸﻲ
ﺍﻧﺎ : ﻋﻼﻩ ﻣﺨﻤﻤﺘﺶ ﻣﻦ ﻗﺒﻞ
ﺗﺒﺴﻤﺖ ﻋﻠﻰ ﺟﻨﺐ ... ﻭ ﻏﺰﺭﺗﻠﻲ ﻓﻲ ﻋﻴﻨﻴﺎ ... ﺗﺤﻜﻲ
ﻫﻲ : ﺑﺎﻫﻲ ﺳﺎﻣﺤﻨﻲ ... ﻧﺤﺐ ﻧﺮﺟﻊ ﻻﻣﻲ
ﻛﻠﻤﺘﻬﺎ ﺍﻟﺘﺎﻟﻴﺔ ... ﺧﻼﺗﻦﻱ ﻧﻮﺧﺮ ﻟﺘﺎﻟﻲ ... ﻧﺴﻴﺖ ﺍﻝ Portefeuille ﺟﻤﻠﺔ ... ﻣﺸﺎﺕ ﺧﻄﻮﺍﺕ ﻟﻠﻘﺪﺍﻡ ... ﻭ ﺗﻠﻔﺘﺘﻠﻲ ... ﻫﺰﺗﻮ ﻓﻲ ﻳﺪﻫﺎ ﺷﺎﻭﺭﺗﻠﻲ ﺑﻴﻪ .. ﻭﺭﻣﺎﺗﻬﻮﻟﻲ ... ﺷﺪﻳﺘﻮ ﺑﻴﺪﻱ ... ﻧﺴﻤﻊ ﻓﻴﻬﺎ ﺗﺤﻜﻲ
ﻫﻲ : ﺣﻜﻤﺘﻨﻲ ﺧﺎﻃﺮ ﺍﻧﺎ ﻟﻲ ﺳﻤﺤﺘﻠﻚ ... ﻭ ﺍﻻ ﻣﺴﺘﺤﻴﻞ ﻛﻨﺖ ﺑﺎﺵ ﺗﻠﺤﻘﻨﻲ
ﺟﺎﺕ ﺑﺎﺵ ﺗﺘﻠﻔﺖ ... ﺭﺟﻌﺖ ﻏﺰﺭﺗﻠﻲ ... ﺗﺒﺴﻤﺖ ﺗﺤﻜﻲ
ﻫﻲ : ﻋﻠﻰ ﻓﻜﺮﺓ ﺍﻧﺎ ﻣﺎﻧﻴﺶ ﺳﺮﺍﻗﺔ
ﻫﺰﻳﺘﻬﺎ ﻭ ﺣﻄﻴﺘﻬﺎ ﺑﺎﺣﺘﻘﺎﺭ ... ﺗﺒﺴﻤﺖ ﺑﺎﺳﺘﻬﺰﺍﺀ ... ﻧﺤﻜﻲ
ﺍﻧﺎ : ﻧﺠﻢ ﻧﺘﻮﻗﻊ
ﻫﻲ : ﺍﻣﻮﺭﻙ
ﻏﻤﺰﺗﻨﻲ ... ﻭ ﺗﻠﻔﺘﺖ ﺗﻤﺸﻲ ﺑﻬﺪﻭﺀ ... ﻋﻜﺲ ﻗﺒﻴﻞ ... ﺑﻘﻴﺖ ﻧﺘﺒﻊ ﻓﻴﻬﺎ ﺑﻌﻴﻨﻴﺎ ... ﻟﻴﻦ ﺑﻌﺪﺕ ﺟﻤﻠﺔ ... ﻫﺰﻳﺖ ﻳﺪﻳﺎ ... ﻋﺪﻟﺖ ﺍﻟﻔﺎﺳﺖ ﻣﺘﺎﻋﻲ ... ﻭ ﻫﺰﻳﺖ ﺭﻭﺣﻲ ﺭﺟﻌﺖ ﻟﻠﺪﺍﺧﻞ ... ﺣﻠﻴﺖ ﺍﻟﺒﺎﺏ ﺑﺰﺭﺑﺔ ... ﻗﺮﺑﺖ ﻣﻨﻬﺎ ﻟﻘﻴﺘﻬﺎ ﻣﺰﺍﻟﺖ ﺭﺍﻗﺪﺓ ... ﺍﺣﺴﻦ ... ﻋﺎﻻﻗﻞ ﺗﺮﺗﺎﺡ ﺷﻮﻳﺔ ﺑﻌﺪ ﺍﻟﻠﻲ ﺻﺎﺭ ... ﺣﻄﻴﺖ ﻳﺪﻱ ﻋﻠﻰ ﺟﺒﻴﻨﻬﺎ ... ﻣﻔﻤﺎﺵ ﺳﺨﺎﻧﺔ ... ﺍﻣﺎ ﺑﺎﻗﻴﺔ ﺗﻌﺮﻕ ... ﺧﺬﻳﺖ ﻧﻔﺲ ... ﻭ ﻗﻌﺪ ﻋﺎﻟﻔﻮﺗﺎﻱ ﻣﻘﺎﺑﻠﻬﺎ ... ﻧﻐﺰﺭﻝﻫﺎ ﻭ ﺗﻔﻜﻴﺮﻱ ﻣﻊ ﺍﻟﻔﺮﺧﺔ ﻻﺧﺮﻯ ... ﺣﺴﻴﺖ ﺑﻴﻬﺎ ﻛﻴﻒ ﺩﺧﻠﺖ ﻳﺪﻫﺎ ﻟﻠﻔﺎﺳﺖ ... ﺍﻣﺎ ﺧﻠﻴﺘﻬﺎ ﻋﻠﻰ ﺭﺍﺣﺘﻬﺎ ... ﺣﺒﻴﺖ ﻧﻌﺮﻑ ﻭﻳﻦ ﺑﺎﺵ ﺗﻮﺻﻞ ... ﺍﻣﺎ ﻭﺍﻟﻠﻪ ﻃﻠﻌﺖ ﻗﺪ ﺭﻭﺣﻬﺎ ... ﻭ ﺟﺮﺃﺗﻬﺎ ﺯﺍﻳﺪﺓ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻧﺤﺎﻭﻝ ﻧﺬﻛﺮ ﻭﻳﻦ ﺭﻳﺘﻬﺎ ﻣﻦ ﻗﺒﻞ ... ﺍﻣﺎ ﺷﻲ ... ﻣﻨﻌﺮﻓﺶ ﻋﻼﻩ ﺑﻘﺎ ﺗﻔﻜﻴﺮﻱ ﻋﻨﺪﻫﺎ ... ﻣﻨﺤﺒﺶ ﻧﻔﻜﺮ ﻓﻲ ﺍﻟﺤﺎﺟﺎﺕ ﻫﺬﻭﻣﺎ ... ﺍﻣﺎ ﺍﻟﻄﻔﻠﺔ ﻫﺎﺫﻱ ﺷﺪﺗﻨﻲ ﻟﻴﻬﺎ ﺑﺤﺎﺟﺔ ﻏﺮﻳﺒﺔ ... ﺍﻭﻝ ﻣﺮﺓ ﻧﻈﻄﺮ ﻧﺘﺼﺮﻑ ﻣﻊ ﻃﻔﻠﺔ ﻫﻜﺎ ... ﺳﻜﺮﺕ ﻋﻴﻨﻴﺎ ... ﻧﺤﺎﻭﻝ ﻧﺮﺗﺢ ﺭﻭﺣﻲ ... ﺍﺻﻼ ﺍﻟﻴﻮﻣﻴﻦ ﻟﻲ ﺗﻌﺪﺍﻭ ... ﻣﻜﻨﺘﺶ ﻋﺎﻣﻠﻠﻬﻢ ﺣﺴﺎﺑﻬﻢ ﺟﻤﻠﺔ ... ﺣﺘﻰ ﻣﻦ ﺯﻳﺎﺩ ﻟﻲ ﺧﺮﺝ ﺍﻟﺼﺒﺎﺡ ... ﻣﻌﺎﺩﺵ ﺭﺟﻊ ... ﻣﺘﺄﻛﺪ ﻟﻲ ﺻﺎﺭ ﺑﻴﻨﻬﻢ ﺷﻲ ... ﻭ ﺍﻻ ﻣﻜﺎﻧﺘﺶ ﺩﻧﻴﺰ ﺑﺎﺵ ﺗﺘﺼﺮﻑ ﺍﻛﺎﻛﺎ ... ﻣﺤﺒﻴﺘﺶ ﻧﺴﺄﻟﻬﺎ ... ﺧﺎﻃﺮﻫﺎ ﺗﺎﻋﺒﺔ ... ﻭ ﻣﺤﺒﻴﺘﺶ ﻧﻜﻠﻤﻮ ﺧﺎﻃﺮ ﺣﺘﻰ ﻫﻮ ﻣﺶ ﻗﺪ ﺑﻌﻀﻮ ... ﺗﻤﺎ ﻣﺘﻮﻗﻌﺘﺶ ﻟﻬﻮ ﻣﻌﺎﺩﺵ ﻳﺮﺟﻊ ﺍﻟﻴﻮﻡ ... ﺍﻣﺎ ﺍﻻ ﻣﺎ ﻧﻌﺮﻑ ﺷﻨﻴﺔ ﻟﻘﺎﻋﺪ ﻳﺼﻴﺮ ﺑﺎﻟﻈﺒﻂ ... ﺍﻣﺎ ﺍﻫﻢ ﺷﻲ ﻻﺯﻡ ﻧﻠﺘﻬﻰ ﺑﻴﻪ ... ﻫﻮ ﻋﺪﻧﺎﻥ ﻋﺒﺪ ﺍﻟﻤﺎﻟﻚ ... ﺍﻻ ﻣﺎ ﻧﺠﺒﺪﻭ ﻣﻦ ﺗﺤﺖ ﺍﻻﺭﺽ ﻭ ﻧﺨﻠﻴﻪ ﻳﺤﻜﻲ .. ﺧﺎﻃﺮ ﻫﻮ ﺍﻟﻤﻔﺘﺎﺡ ﻟﻲ ﺑﺎﺵ ﻳﻮﺻﻠﻨﻲ ﻟﻠﻜﻠﺐ ﺍﻟﻜﺒﻴﺮ ... ﺍﻻ ﻣﺎ ﻧﺪﻓﻌﻬﻢ ﺍﻟﻠﻲ ﺻﺎﺭ ﻓﻲ ﻣﺮﺗﻲ ﺍﻟﻜﻞ ... ﻭﺍﺣﺪ ﻭﺍﺣﺪ .. ﻭ ﻣﻬﻤﺎ ﻛﺎﻥ ﻳﻜﻮﻥ ... ﺍﻻ ﻣﺎ ﻧﺨﻠﻴﻪ ﻳﺨﻠﺺ ﺣﻖ ﻛﻠﺸﻲ ﻋﻤﻠﻮ ﻓﻴﻬﺎ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
