ﺳﻮﺍﺭ ﺗﺤﻜﻲ : ﻓﻘﺖ ﺍﻟﺼﺒﺎﺡ ... ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﺧﺬﻳﺖ ﻧﻔﺲ ... ﻭ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻛﺮﺷﻲ ... ﺗﺒﺴﻤﺖ ﻧﺤﻜﻲ ﺍﻧﺎ : ﺑﻮﻧﺠﻮﺭ ﻳﺎ ﻛﻌﺒﻮﺭ ... ﺗﻌﺮﻑ ﻻﻧﺖ ﺍﺣﻠﻰ ﺣﺎﺟﺔ ... ﻣﻦ ﻫﺬﺍﻛﺎ ﺍﻟﻤﺠﻨﻮﻥ ... ﻧﻘﺼﺪ ﺑﻮﻙ ... ﻣﻨﻌﺮﻓﺶ ﺷﻤﺰﺍﻝ ﻳﺤﺐ ﻋﻨﺪﻱ ... ﻣﺶ ﻋﻠﻰ ﺍﺳﺎﺱ ﻣﺮﺗﻮ ﺯﺍﺩﺓ ﺣﺒﻠﺔ ... ﺻﺪﻗﻨﻲ ﻣﻨﻌﺮﻓﺶ ﺷﻨﻴﺔ ﻟﺒﺎﺵ ﻧﻌﻤﻠﻮ ... ﻧﺨﺎﻑ ﻣﻨﻮ ﻭ ﻻ ﻧﻘﺮﺑﻠﻮ ﺍﻛﺜﺮ ... ﺧﺎﻃﺮ ﻣﻨﺤﺒﺶ ﻧﺤﺮﻣﻚ ﻣﻨﻮ ... ﺍﻣﺎ ﺯﺍﺩﺓ ﻫﻮ ﺟﺮﺣﻨﻲ ﺑﺮﺷﺎ ... ﻭ ﻣﺴﺘﺤﻴﻞ ﻧﻨﺠﻢ ﻧﺴﺎﻣﺤﻮ ﺗﻨﻬﺪﺕ ﺑﺎﻟﻘﺎﻭﻱ ... ﻗﺼﺖ ﻋﻠﻴﺎ ﺍﻟﻜﻼﻡ ﺧﺎﻟﺘﻲ ﺭﺍﺿﻴﺔ ... ﻛﻲ ﻓﺘﺤﺖ ﺍﻟﺒﺎﺏ ﻭ ﺩﺧﻠﺖ ... ﺗﺤﻜﻲ ﺭﺍﺿﻴﺔ : ﺻﺒﺎﺡ ﺍﻟﺨﻴﺮ ﺍﻧﺎ : ﺻﺒﺎﺡ ﺍﻟﻨﻮﺭ ﺭﺍﺿﻴﺔ؛ﺷﻨﻮﺓ ﺷﺎﻫﻴﺔ ﻋﺎﻟﺼﺒﺎﺡ ﺍﻧﺎ : ﻣﻤﻤﻢ ﻧﺤﺐ ﻋﺎﻟﻌﺼﻴﺮ ﻣﺘﺎﻋﻲ ﻛﻬﻮ ﺭﺍﺿﻴﺔ : ﻣﺶ ﺑﺎﺵ ﺗﻔﻄﺮ ﺍﻧﺎ : ﻻ ﺑﺎﺵ ﻧﻤﺸﻲ ﻟﻠﻜﻠﻴﻨﻴﻚ ﺭﺍﺿﻴﺔ : ﻋﻼﻩ ﺧﻴﺮ ﻳﺎ ﺑﻨﺘﻲ ﻫﺰﻳﺖ ﺭﻭﺣﻲ ﺷﻮﻳﺔ ... ﺗﻘﻌﺪﺕ ... ﻭ ﻏﺰﺭﺗﻠﻬﺎ ... ﺗﺒﺴﻤﺖ ﻧﺤﻜﻲ ﺍﻧﺎ : ﺑﺎﺵ ﻧﻤﺸﻲ ﻧﺰﻭﺭ ﻭﺣﺪﺓ ﺭﺍﺿﻴﺔ؛ﻻﺯﻡ ﺍﻟﻴﻮﻡ ... ﺯﻳﺪ ﺍﺭﺗﺎﺡ ﺷﻮﻳﺔ ﺍﻧﺎ : ﻣﻤﻤﻢ ﺗﻌﺪﺍ ﺍﺳﺒﻮﻉ ﻭ ﺍﻧﺎ ﻫﻮﻧﻲ .. ﺍﺭﺗﺤﺖ ﺑﺮﺷﺎ ﻃﻤﻦ ﺭﺍﺿﻴﺔ : ﺑﺎﻫﻲ ﻟﻲ ﻳﺮﻳﺤﻚ ﺍﻧﺎ : ﻋﻴﺸﻚ ﺍﻭﻝ ﻣﺎ ﺧﺮﺟﺖ ﻫﺰﻳﺖ ﺭﻭﺣﻲ ﻭﻗﻔﺖ ... ﺧﻼﻗﻲ ﺩﺍﺭﺕ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ﺑﺎﻟﺰﺭﺑﺔ ... ﺗﻘﻴﻴﺖ ... ﻭ ﻏﺴﻠﺖ ﻭﺟﻬﻲ ... ﻃﻠﻌﺖ ﺭﺍﺳﻲ ﻟﻠﻤﺮﺍﻳﺎ ... ﻧﻐﺰﺭ ﻟﻲ ﺗﺮﺍﺹ ﻣﺰﺍﻟﻮ ﻋﻠﻰ ﻳﺪﻳﺎ ... ﺣﺘﻰ ﺿﺮﺑﺔ ﻟﻲ ﻋﻠﻰ ﺭﺍﺳﻲ ﻣﺰﺍﻝ ﺗﺮﺍﺹ ﻣﺘﺎﻋﻬﺎ ... ﻣﺨﻴﺒﻬﺎ ﺍﻟﻠﻴﻠﺔ ﻫﺬﻳﻜﺎ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻛﺮﺷﻲ ... ﺧﺬﻳﺖ ﻧﻔﺲ ... ﺫﻛﺮﺕ ﺍﺧﺮ ﻣﺮﺓ ﺷﺼﺎﺭ ﺑﻴﻨﺎ ... ﻣﺘﻮﻗﻌﺘﺶ ﻟﻬﻮ ﺑﺎﺵ ﻳﻘﺮﺑﻠﻲ ﻣﺮﺓ ﺍﺧﺮﻯ ... ﻭ ﻻ ﺍﻧﺎ ﺑﺎﺵ ﻧﻀﻌﻒ ﺍﻛﺎﻛﺎ ﻓﻲ ﺣﻤﻠﺘﻮ ... ﻗﺪ ﺧﻮﻓﻲ ﻣﻨﻮ ... ﻗﺪ ﻭﺣﺸﻲ ﻟﻴﻪ ... ﻣﻨﺠﻤﺘﺶ ﻧﻤﻨﻌﻮ ... ﺭﻏﻢ ﻛﻠﺸﻲ ﺻﺎﺭ ﻣﺰﻟﺖ ﻧﺤﺒﻮ ... ﻭ ﻧﺤﺐ ﻋﻠﻴﻪ ﺍﻛﺜﺮ ... ﺍﻣﺎ ﻛﻞ ﻣﺮﺓ ﻧﺬﻛﺮ ﻟﻬﻮ ﻋﺮﺱ ﺑﻤﻴﺮﺍﻝ ... ﻛﻞ ﻣﺮﺓ ﻧﺬﻛﺮ ﻟﺒﻌﺪ ﻣﺎ ﺧﺬﺍ ﺣﺎﺟﺘﻮ ﻣﻨﻲ ... ﺭﺟﻌﻠﻬﺎ ... ﺑﻌﺪ ﺍﻛﺎ ﺍﻟﻠﻴﻠﺔ ﺍﻟﺨﺎﻳﺒﺔ ﻟﻲ ﺧﻼﻧﻲ ﻧﻌﻴﺸﻬﺎ ... ﻣﻨﺠﻤﺘﺶ ﻧﺎﺛﻖ ﻓﻴﻪ ﻣﺮﺓ ﺍﺧﺮﻯ ... ﻛﺎﻥ ﻣﺶ ﻫﻮ ﻟﻲ ﻗﺼﺪ ﻳﻌﻤﻠﻬﺎ ... ﻋﻼﻩ ﻛﻠﻤﻨﻲ ﻟﻴﻠﺘﻬﺎ ... ﻋﻼﻩ ﺧﻼﻧﻲ ﻧﺠﻲ ﻟﻨﺎﺩﻱ ... ﺧﺬﻳﺖ ﻧﻔﺲ ﺑﺎﻟﻘﺎﻭﻱ ﻧﻬﺪﻱ ﻓﻲ ﺭﻭﺣﻲ ... ﺣﻄﻴﺖ ﻳﺪﻱ ﻋﻠﻰ ﻛﺮﺷﻲ ... ﻣﺰﻟﺖ ﻧﺤﺲ ﺑﻴﺪﻭ ... ﺭﻏﻢ ﺍﻧﻮ ﺍﺳﺒﻮﻉ ﺗﻌﺪﺍ ﻣﻦ ﺍﺧﺮ ﻣﺮﺓ ﻗﺮﺏ ﻣﻨﻲ ... ﻭ ﺣﻂ ﻳﺪﻭ ﻋﻠﻰ ﻛﺮﺷﻲ ... ﺣﺘﻰ ﻭﻗﺖ ﻳﺠﻲ ﻧﺒﺪﺍ ﺭﺍﻗﺪﺓ ... ﻭ ﻣﻨﺤﺴﺶ ﺑﻴﻪ ... ﻧﻌﺮﻑ ﻣﻦ ﺧﺎﻟﺘﻲ ﺭﺍﺿﻴﺔ ﻭ ﻛﻬﻮ ... ﻣﻌﺎﺩﺵ ﻧﻌﺮﻑ ﺷﻨﻮﺓ ﻧﺤﺐ ﻣﻨﻮ ﺑﺎﻟﻈﺒﻂ ... ﻣﻌﺎﺩﺵ ﻧﻌﺮﻑ ﻛﻴﻒ ﻧﺘﺼﺮﻑ ﻣﻌﺎﻩ ... ﻣﻌﺎﺩﺵ ﻧﻌﺮﻓﻮ ... ﻭ ﻻ ﻧﺠﻤﺖ ﻧﻔﻬﻤﻮ ... ﻫﺰﻳﺖ ﺍﻟﻤﻨﺸﻔﺔ ... ﻣﺴﺤﺖ ﻭﺟﻬﻲ ... ﻭﺧﺮﺟﺖ ﻟﻠﺒﻴﺖ ... ﻟﺒﺴﺖ ﺭﻭﺑﺔ ﻃﻮﻳﻠﺔ ... ﺣﺘﻰ ﻣﻦ ﻳﺪﻳﻬﺎ ﻃﻮﺍﻝ ... ﻧﺤﺎﻭﻝ ﻧﺨﺒﻲ ﺍﻟﻜﺪﻣﺎﺕ ﻫﺬﻭﻛﺎ ... ﺣﻄﻴﺖ ﻣﻜﻴﺎﺝ ﺧﻔﻴﻒ ... ﺗﺨﺒﻲ ﺑﻴﻪ ﺗﻌﺒﻲ ﻟﻲ ﺑﺎﻳﻦ ﻋﻠﻰ ﻭﺟﻬﻲ ... ﻫﺰﻳﺖ ﺗﻠﻴﻔﻮﻧﻲ ﻭ ﺻﺎﻛﻲ ﻭ ﻧﺰﻟﺖ ﺍﻟﻠﻮﻃﺔ ... ﺷﺮﺑﺖ ﺍﻟﻜﺎﺳﺔ ﻣﺘﺎﻋﻲ ﻓﺮﺩ ﻣﺮﺓ ... ﻣﻨﻌﺮﻓﺶ ﺷﺒﻴﻪ ﻣﻮﻻﺵ ﺣﺎﻣﺾ ﺑﺮﺷﺎ ﻛﻲ ﺍﻟﻌﺎﺩﺓ ... ﺑﺎﺯ ﺍﻟﺴﺨﻄﺔ ﻫﺬﺍﻛﺎ ﻗﺎﻟﻬﺎ ﺗﻌﻤﻠﻮ ﻫﻜﺎ ... ﺑﻘﺎﺕ ﺗﻮﺻﻲ ﻓﻴﺎ ﻋﻠﻰ ﺭﻭﺣﻲ ... ﺧﺮﺟﺖ ﻟﺒﺮﺷﺎ ... ﻗﻠﺖ ﻟﻌﻢ ﻓﺎﺗﺢ ﻳﻮﺻﻠﻨﻲ ... ﺧﺎﻃﺮ ﺷﺪﺕ ﺻﺤﻴﺢ ﻣﻨﺴﻮﻗﺶ ﺍﻧﺎ ... ﺍﺻﻼ ﻣﺰﻟﺖ ﺗﺎﻋﺒﺔ ﺷﻮﻳﺔ ... ﻃﻮﻝ ﺍﻟﺜﻨﻴﺔ ﻭ ﺍﻧﺎ ﺳﺎﻛﺘﺔ ... ﻧﻐﺰﺭ ﻟﺜﻨﻴﺔ ... ﻟﻴﻦ ﻭﺻﻠﻨﺎ ... ﺧﺬﻳﺖ ﻧﻔﺲ ﻭ ﻧﺰﻟﺖ ... ﺍﻭﻝ ﺷﻲ ﻋﻤﺎﺕ ﻛﻮﻧﺘﺮﻭﻝ ﻋﻠﻰ ﻭﻟﺪﻱ ... ﻭ ﻃﻤﻨﺖ ﻋﻠﻰ ﺻﺤﺘﻮ ... ﺧﺎﻃﺮ ﻣﻨﺠﻤﺶ ﻧﻤﺸﻲ ﻋﻨﺪ ﻃﺒﻴﺐ ﻣﺘﺎﻋﻲ ﺗﻮﺍ ... ﺧﺮﺟﺖ ﻣﻦ ﻋﻨﺪﻭ ... ﻭ ﻣﺸﻴﺖ ﻟﻠﺒﻴﺖ ﻟﻲ ﻛﺎﻧﺖ ﻓﻴﻬﺎ ﺯﻳﻨﺐ ... ﺍﺳﺘﻐﺮﺑﺖ ﻛﻲ ﻣﻠﻘﻴﺘﻬﺎﺵ ﻏﺎﺩﻱ ... ﻭﻗﻔﺖ ﻓﺮﻣﻠﻴﺔ ﻣﺘﻌﺪﻳﺔ ... ﻧﺤﻜﻲ ﺍﻧﺎ : ﻛﺎﻧﺖ ﻓﻤﺎ ﻣﺮﺍ ﻫﻮﻧﻲ ﻓﺮﻣﻠﻴﺔ : ﺗﻠﻘﺎﻫﺎ ﻓﻲ ﻃﺎﺑﻖ ﺛﺎﻧﻲ ... ﺩﺧﻠﻮﻫﺎ ﻟﻠﻌﻨﺎﻳﺔ ﺍﻧﺎ : ﺑﺎﻫﻲ
أنت تقرأ
🔥🔞"في أحضان عزرائيل"🔞🔥(الجزء الرابع)
عاطفيةبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
