ﻗﺮﺏ ﻣﻨﻲ ﺷﺪﻧﻲ ﻣﻦ ﻳﺪﻱ ﻳﺤﻜﻲ ﺯﻳﺎﺩ : ﺳﻮﺍﺍﺍﺭ ﻳﺰﻱ ... ﺍﻧﺖ ﻻﺯﻣﻚ ﺗﺮﺗﺎﺡ ﺍﻧﺎ : ﻣﻨﺤﺒﺶ ﻧﺨﻠﻴﻬﺎ ﻭﺣﺪﻫﺎ ﺯﻳﺎﺩ : ﺍﻧﺎ ﺑﺎﺵ ﻧﺒﻘﻰ ﻫﻮﻧﻲ ... ﻣﺘﻨﺴﺎﺵ ﻻﻧﺖ ﺣﺒﻠﺔ ﻭ ﻣﺶ ﺑﺎﻫﻴﻠﻚ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻭ ﻗﺮﺑﺖ ﻣﻨﻬﺎ ... ﻧﺤﻜﻲ ﺍﻧﺎ : ﺯﻳﻨﺐ ﺗﺤﺐ ﺟﻲ ﻣﻌﺎﻳﺎ ﺯﻳﻨﺐ : ﻧﺤﺐ ﻧﺒﻘﻰ ﻣﻊ ﺍﻣﻲ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﺍﻧﺎ ﻣﻜﺎﻧﺶ ﻋﻨﺪﻱ ﻓﺮﺻﺔ ﻧﺮﺍ ﺍﻣﻲ ﺍﺧﺮ ﻣﺮﺓ ﻋﺎﻻﻗﻞ ﻫﻲ ﺗﻮﺍ ﺗﻨﺠﻢ ﺗﻮﺩﻉ ﺍﻣﻬﺎ ... ﻗﺮﺑﺖ ﻣﻦ ﺯﻳﺎﺩ ﻧﺤﻜﻲ ﺍﻧﺎ : ﺍﻧﺖ ﺑﺎﺵ ﺗﺒﻘﻰ ﻣﻌﺎﻫﺎ ﻣﺶ ﻫﻜﺎ ﺯﻳﺎﺩ : ﻣﻤﻤﻢ ﻃﻤﻦ ﺍﻧﺎ : ﻧﺤﺐ ﻧﺒﻘﻰ ﺯﺍﺩﺓ ﺯﻳﺎﺩ : ﺍﻧﺖ ﺑﺎﺵ ﺗﺮﺟﻊ ﻟﺪﺍﺭ ﺗﻮﺍ ﺳﻮﺍﺭ ... ﻭ ﻛﺎﻥ ﺻﺎﺭ ﺷﻲ ﺍﻧﺎ ﺑﺎﺵ ﻧﺨﺒﺮﻙ .. ﻭ ﺍﺧﺮ ﻣﺮﺓ ﺗﺨﺮﺝ ﻣﻦ ﺍﻟﺪﺍﺭ ﺑﻼ ﻣﺎ ﺗﺨﺒﺮﻧﻲ ﺍﻧﺎ : ﺑﺎﻫﻲ ... ﺍﻣﺎ ﻋﺎﻻﻗﻞ ﻭﻗﺖ ﻧﻜﻠﻤﻚ ... ﻣﻨﻜﻮﻧﺶ ﻧﺨﺎﻃﺮ ﺑﺤﻴﺎﺗﻲ ﻗﺤﺮﻟﻲ ﻗﺤﺮﺓ ﻣﺘﺎﻉ ﻣﻮﺕ ... ﻫﺰﻳﺖ ﺻﺎﻛﻲ ﻭ ﺧﺮﺟﺖ ﻧﺠﺮﻱ ... ﺭﻛﺒﺖ ﻓﻲ ﺍﻟﻜﺮﻫﺒﺔ ﻣﻦ ﺗﺎﻟﻲ ... ﻧﺒﻜﻲ ﺑﺎﻟﺸﻬﻘﺔ ... ﺳﺨﻔﺘﻦﻱ ﻋﺎﻟﻠﺨﺮ ... ﺍﻣﺎ ﻣﻨﺠﻤﺶ ﻧﺒﻘﻰ ﻣﻌﺎﻫﺎ ﺍﻛﺜﺮ ... ﻧﻌﺮﻑ ﻟﻤﺴﺘﺤﻴﻞ ﻳﺨﻠﻴﻨﻲ ... ﻋﺪﻳﺖ ﻧﻬﺎﺭ ﻫﺬﺍﻛﺎ ﻓﻲ ﺑﻴﺘﻲ ... ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻛﻠﺸﻲ ﺗﻌﺪﺍ ﻋﻠﻴﺎ ﺗﻌﺎﻭﺩ ﺑﻴﻦ ﻋﻴﻨﻴﺎ ... ﺣﺘﻰ ﻣﻦ ﺯﻳﺎﺩ ﻣﻌﺎﺩﺵ ﻧﺠﻢ ﻧﺘﺼﺮﻑ ﺷﻲ ﺑﻼ ﻣﺎ ﻳﻜﻮﻥ ﻋﻨﺪﻭ ﻋﻠﻢ ... ﻭ ﻧﻌﺮﻑ ﻟﻲ ﺧﺎﻟﺘﻲ ﺭﺍﺿﻴﺔ ... ﺑﺎﺵ ﺗﺨﺒﺮﻭ ﺑﻜﻠﺸﻲ ... ﻭ ﻣﺴﺘﺤﻴﻞ ﺗﺨﺒﻲ ﻋﻠﻴﻪ ﺷﻲ ... ﺍﻧﺎ ﺍﻛﺎﻛﺎ ﻭ ﻧﻮﻗﺰ ﺗﻠﻴﻔﻮﻧﻲ ... ﺗﻬﺰﻳﺖ ﻭ ﺗﺤﻄﻴﺖ ﻋﻠﻰ ﺻﻮﺗﻮ ... ﻟﻘﻴﺘﻮ ﺯﻳﺎﺩ ... ﻫﺰﻳﺘﻮ ﺑﺎﻟﺴﻴﻒ ... ﺫﻛﺮﺕ ﺷﻨﻴﺔ ﻟﺼﺎﺭ ﻭﻗﺖ ﻛﻠﻤﺘﻮ ﺍﺧﺮ ﻣﺮﺓ ... ﺑﺎﻗﻲ ﻳﻨﻮﻗﺰ ... ﻫﺰﻳﺖ ﻋﻠﻴﻪ ﺑﺎﻟﺴﻴﻒ ... ﺍﻭﻝ ﻣﺎ ﺳﻤﻌﺖ ﺻﻮﺗﻮ ﺗﻔﺮﻫﺪﺕ ﺷﻮﻳﺔ ﺯﻳﺎﺩ : ﻛﻴﻔﻚ ﺗﻮﺍ ؟ ﺍﻧﺎ : ﻣﻠﻴﺤﺔ ﺯﻳﻨﺐ ﻛﻴﻔﻬﺎ ﺯﻳﺎﺩ : ﺍﺭﺗﺎﺣﺖ ... ﺥﻟﻴﺖ ﺷﻜﻮﻥ ﻣﻌﺎﻫﺎ ... ﻭ ﺍﻟﺠﻨﺎﺯﺓ ﻏﺪﻭﺓ ﺍﻧﺎ؛ﺑﺎﻫﻲ ... ﻋﻴﺸﻚ ﺯﻳﺎﺩ : ﺑﺎﺵ ﺗﺤﻀﺮ ﺍﻧﺎ : ﺑﺎﻟﻄﺒﻴﻌﺔ ﺯﻳﺎﺩ : ﺑﺎﻫﻲ ... ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻋﻠﻖ ﻋﻠﻴﺎ ... ﻗﺒﻞ ﻣﺎ ﻧﺤﻜﻲ ﺣﺘﻰ ﻛﻠﻤﺔ ... ﻋﺮﻓﺘﻮ ﻣﺰﺍﻝ ﻣﻐﺸﺶ ... ﺣﺘﻰ ﺍﻟﺼﻐﻴﺮ ﻣﺴﺄﻟﻨﻴﺶ ﻋﻠﻴﻪ ... ﻛﺒﺴﺖ ﻋﺎﻟﺘﻠﻴﻔﻮﻥ ﻓﻲ ﻳﺪﻱ ﻭ ﻧﺰﻟﺘﻮ ... ﺣﻄﻴﺖ ﻳﺪﻱ ﻋﻠﻰ ﻛﺮﺷﻲ ﻧﻬﺪﻱ ﻓﻲ ﺭﻭﺣﻲ ... ﺷﺒﻴﻨﻲ ﺗﻐﺸﺸﺖ ﻫﻜﺎ ﻳﺴﺄﻝ ﻭ ﻻ ﻳﻘﻌﺪ ... ﺩﺧﻠﺖ ﺧﺎﻟﺘﻲ ﺭﺍﺿﻴﺔ ... ﻗﺮﺑﺖ ﻣﻨﻲ ﺷﻮﻳﺔ ... ﺗﺤﻜﻲ ﺭﺍﺿﻴﺔ؛ﺍﻧﺰﻝ ﺗﺎﻛﻮﻝ ﺣﺎﺟﺔ ... ﻋﻴﺶ ﺑﻨﺘﻲ ﻫﺰﻳﺘﻠﻬﺎ ﺑﺮﺍﺳﻲ ﻻ ... ﻣﺤﺒﺘﺶ ﺗﺤﺎﻭﻟﻨﻲ ﺍﻛﺜﺮ ... ﺧﺎﻃﺮ ﺗﻌﺮﻑ ﻟﻤﺴﺘﺤﻴﻞ ﻧﻨﺰﻝ ... ﺟﺎﺕ ﺑﺎﺵ ﺗﺘﻠﻔﺖ ﻭﻗﻔﺘﻬﺎ ﻧﺤﻜﻲ ﺍﻧﺎ : ﺧﻠﻴﻚ ﻣﻌﺎﻳﺎ ﺍﻣﺎﻥ ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻗﺮﺑﺖ ﻣﻨﻲ ﻗﻌﺪﺕ ﻋﻠﻰ ﻃﺮﻑ ﺍﻟﺴﺮﻳﺮ ... ﺗﺴﻄﺤﺖ ﺣﻄﻴﺖ ﺭﺍﺳﻲ ﻋﻠﻰ ﺣﺠﺮﻫﺎ ... ﺣﻄﺖ ﻳﺪﻫﺎ ﺗﻌﺪﻱ ﻓﻴﻬﺎ ﻋﻠﻰ ﺷﻌﺮﻱ ... ﺗﺤﻜﻲ ﺭﺍﺿﻴﺔ : ﻟﻄﻒ ﻋﻠﻰ ﺑﻨﺘﻲ ... ﺷﺒﻴﻚ ﺗﺒﻜﻲ ﺍﻧﺎ : ﺣﺎﺳﺔ ﺑﺎﺣﺴﺎﺱ ﺧﺎﻳﺐ ﺑﺮﺷﺎ ... ﺍﻧﺎ ﺧﺴﺮﺕ ﻛﻠﺸﻲ ... ﻭ ﺧﺎﻳﻔﺔ ﻧﺨﺴﺮ ﻭﻟﺪﻱ ﺯﺍﺩﺓ ﺭﺍﺿﻴﺔ : ﺷﻨﻴﺔ ﺍﻟﻜﻼﻡ ﻫﺬﺍ ... ﻧﻌﺮﻓﻚ ﺍﻗﻮﻯ ﻣﻦ ﻫﻜﺎ ﻧﺰﻟﻮ ﺩﻣﻮﻋﻲ ﺍﻛﺜﺮ ... ﻣﻨﺠﻤﺖ ﻧﺤﻜﻲ ﺣﺘﻰ ﺷﻲ ﺍﺧﺮ ... ﻣﻨﺠﻤﺘﺶ ﻧﻘﻮﻟﻬﺎ ﻻﻧﺎ ﺧﺎﻳﻔﺔ ﺣﺘﻰ ﻣﻦ ﺯﻳﺎﺩ ... ﺧﺎﻳﻔﺔ ﻣﻦ ﻛﻠﺸﻲ ... ﺣﺘﻰ ﻣﻦ ﺭﻭﺣﻲ ... ﺑﻘﻴﺖ ﻧﺒﻜﻲ ﺍﻛﺎﻛﺎ ... ﻭ ﻫﻲ ﺗﺤﺎﻭﻝ ﺗﺴﻜﺘﻨﻲ ﻟﻴﻦ ﻫﺰﻧﻲ ﻧﻮﻡ ﻭ ﺭﻗﺪﺕ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
