ﺳﻮﺍﺭ ﺗﺤﻜﻲ : ﻧﻐﺰﺭ ﻟﺜﻨﻴﺔ ... ﻟﻨﺎﺱ ﻟﻲ ﺭﺍﻳﺤﺔ ﻭ ﺟﺎﻳﺔ ... ﻧﻐﺰﺭﻟﻬﻢ ﻭ ﻧﺴﺄﻝ ﻓﻲ ﺭﻭﺣﻲ ... ﺯﻋﻤﺔ ﻓﻤﺎ ﺯﺍﺩﺓ ﺷﻜﻮﻥ ﻣﻮﺟﻮﻉ ﻛﻴﻔﻲ ... ﻭ ﻻ ﺍﻧﺎ ﻛﻬﻮ ﻣﻘﺪﺭﻟﻲ ﻧﻌﻴﺶ ﺑﺎﻟﻄﺮﻳﻘﺔ ﻫﺎﺫﻱ ... ﻋﻼﻩ ﺍﻧﺎ ﻟﻲ ﺧﺴﺮﺕ ﻛﻠﺸﻲ ... ﻛﻞ ﻣﺮﺓ ﻧﻮﺻﻞ ﻟﻠﻤﻮﺕ ﻧﺮﺟﻊ ﻣﻨﻬﺎ .. ﺍﻣﺎ ﺩﻳﻤﺎ ﺗﺎﺧﻮ ﻟﻲ ﻋﺰﻳﺰ ﻋﻠﻴﺎ ... ﻭ ﺍﻟﻤﺮﺓ ﻫﺎﺫﻱ ﻓﻜﺘﻠﻲ ﻭﻟﺪﻱ ... ﺣﺘﻰ ﻗﺒﻞ ﻣﺎ ﻳﺠﻲ ... ﻭ ﺍﻧﺎ ﺳﺒﺐ ﺯﺍﺩﺓ ... ﻳﺎ ﺭﻳﺘﻨﻲ ﻭﻗﻔﺖ ﺍﻟﻜﺮﻫﺒﺔ ... ﻳﺎﺭﻳﺖ ﺳﻤﻌﺖ ﻛﻼﻣﻮ ﺳﺎﻋﺘﻬﺎ ... ﻣﻌﺎﺩﺵ ﻧﻌﺮﻑ ﺷﻜﻮﻥ ﻧﻠﻮﻡ ... ﻧﻠﻮﻣﻮ ﻫﻮ ... ﻭ ﻻ ﻧﻠﻮﻡ ﺭﻭﺣﻲ ... ﺣﺘﻰ ﻣﻜﻠﻔﺶ ﺭﻭﺣﻮ ﻳﺒﻘﻰ ﻣﻌﺎﻳﺎ ... ﻭ ﻻ ﺣﺘﻰ ﻳﻄﻤﻦ ﻋﻠﻴﺎ ... ﻫﺰﻳﺖ ﻳﺪﻱ ﺑﺎﻟﺴﻴﻒ ... ﺣﻄﻴﺘﻬﺎ ﻋﻠﻰ ﻛﺮﺷﻲ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻧﺬﻛﺮ ﻓﻲ ﻛﻼﻡ ﺍﻟﻄﺒﻴﺒﺔ >> ﺍﻟﺤﺎﺩﺙ ﻛﺎﻥ ﺑﺴﻴﻂ ... ﺍﻣﺎ ﻟﻼﺳﻒ ﺍﻧﺖ ﺧﺴﺮﺕ ﺍﻟﺼﻐﻴﺮ ... ﺍﻟﻠﻲ ﺻﺎﺭ ﻣﻘﺪﺭ ... ﺍﻣﺎ ﻧﺤﺒﻚ ﺗﻜﻮﻥ ﻗﻮﻳﺔ ... ﻭ ﺗﻔﻬﻢ ﺍﻟﻠﻲ ﺑﺎﺵ ﻧﻘﻮﻟﻬﻮﻟﻚ ... ﻓﻤﺎ ﺍﺣﺘﻤﺎﻝ ﻛﺒﻴﺮ ﺍﻧﻚ ﻣﻌﺎﺩﺵ ﺑﺎﺵ ﺗﺤﺒﻞ ﻣﺮﺓ ﺍﺧﺮﻯ ... ﻧﻌﺮﻑ ﻣﺶ ﺑﺎﺵ ﺗﺘﻘﺒﻞ ﻛﻼﻣﻲ ... ﺍﻣﺎ ﺍﻟﺮﺣﻢ ﻣﺘﺎﻋﻚ ﺗﻀﺮﺭ ﺑﺮﺷﺎ ... ﻭ ﻧﻈﻦ ﻛﻨﺖ ﺗﻌﺮﻑ ﻣﻦ ﺍﻻﻭﻝ ﺍﻧﻮ ﺍﻟﺤﺒﺎﻟﺔ ﺑﺎﺵ ﺗﻀﺮﻙ ... ﺣﺎﻭﻝ ﺗﺒﻘﻰ ﻗﻮﻳﺔ ... ﻭ ﻛﺎﻥ ﺍﻧﺖ ﺑﺪﻳﺖ ﺍﻟﻌﻼﺝ ﻣﻦ ﺗﻮﺍ ... ﺑﺎﺵ ﻳﻜﻮﻥ ﻋﻨﺪﻙ ﺍﻣﻞ ﻣﺮﺓ ﺍﺧﺮﻯ << ﻫﺰﻳﺖ ﻳﺪﻱ ﺑﺎﻟﺴﻴﻒ ... ﻧﺰﻟﺖ ﺍﻟﺒﻼﺭ ... ﺍﻟﻨﺴﻤﺔ ﻟﻲ ﺩﺧﻠﺖ ﺑﺮﺩﺗﻨﻲ ... ﻭ ﺧﻼﺕ ﺩﻣﻌﺘﻲ ﻟﻲ ﻧﺰﻟﺖ ﺗﻨﺸﻒ ... ﺣﻠﻴﺖ ﻋﻴﻨﻴﺎ ﻭ ﺧﺬﻳﺖ ﻧﻔﺲ ... ﺍﻟﻤﺮﺓ ﻫﺎﺫﻱ ﺧﺴﺮﺕ ﻛﻠﺸﻲ ... ﻭ ﻣﻌﺎﺩﺵ ﻋﻨﺪﻱ ﺷﻲ ﺍﺧﺮ ﻧﺨﺴﺮﻭ ... ﺗﻜﻴﺖ ﻟﺘﺎﻟﻲ ... ﻣﺤﺴﻴﺘﺶ ﺑﺎﻟﺜﻨﻴﺔ ... ﻭ ﻻ ﻛﻴﻒ ﻭﺻﻠﻨﺎ ... ﻓﻘﺖ ﻣﻦ ﺳﺮﺣﺘﻲ ... ﻋﻠﻰ ﺻﻮﺕ ﺍﺳﻤﺎﻋﻴﻞ ﻛﻲ ﺗﻠﻔﺖ ﻋﻨﺪﻱ ﻳﺤﻜﻲ ﺍﺳﻤﺎﻋﻴﻞ : ﺩﻧﻴﺰ ﻭﺻﻠﻨﺎ ﺩﻭﺭﺕ ﺭﺍﺳﻲ ﻏﺰﺭﺗﻠﻮ ... ﺑﺎﻗﻲ ﻳﻐﺰﺭﻟﻲ ... ﻫﻮ ﻛﻬﻮ ﻟﻲ ﺑﻘﻰ ﻣﻌﺎﻳﺎ ﻓﻲ ﺍﻟﻜﻠﻴﻨﻴﻚ ... ﺍﺻﻼ ﻣﻨﻌﺮﻓﺶ ﻋﻼﻩ ﺑﻘﻰ ﻣﻌﺎﻳﺎ ... ﻭ ﻻ ﻋﻼﻩ ﻳﻌﺎﻭﻥ ﻓﻴﺎ ... ﺣﺘﻰ ﺍﺩﻡ ﻣﺮﺩﻳﺘﺶ ﻋﻠﻰ ﻣﻜﺎﻟﻤﺎﺗﻮ ... ﺧﺬﻳﺖ ﻧﻔﺲ ... ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ﻭ ﻧﺰﻟﺖ ... ﻧﻤﺸﻲ ﺑﺎﻟﺴﻴﻒ ... ﻣﺰﻟﺖ ﻧﺤﺲ ﺑﻮﺟﻴﻌﺔ ﻓﻲ ﻛﺮﺷﻲ ... ﺣﻠﺘﻠﻲ ﺧﺎﻟﺘﻲ ﺭﺍﺿﻴﺔ ﺍﻟﺒﺎﺏ ... ﺗﺴﺄﻝ ﻓﻴﺎ ﻭﻳﻦ ﻛﻨﺖ ... ﺩﻳﻤﺎ ﻣﺘﻌﺒﺘﻬﺎ ﻣﻌﺎﻳﺎ ... ﺑﻘﻴﺖ ﻧﺴﻤﻊ ﻓﻴﻬﺎ ... ﻣﻦ ﻏﻴﺮ ﻣﺎ ﻧﺠﺎﻭﺑﻬﺎ ... ﺧﻠﻴﺘﻪﺍ ﻭﺍﻗﻔﺔ ... ﻭ ﻃﻠﻌﺖ ﻟﺒﻴﺘﻲ ... ﻗﺮﺑﺖ ﻣﻦ ﺍﻟﻜﻮﺍﻓﻮﺯ ... ﺣﻠﻴﺖ ﺍﻟﻘﺠﺮ ... ﻫﺰﻳﺖ ﺍﻻﻳﻜﻮ ﻓﻲ ﻳﺪﻱ ... ﻭ ﺳﻜﺮﺗﻮ ... ﻗﻌﺪﺕ ﻋﻠﻰ ﺳﺮﻳﺮﻱ ... ﻋﺪﻳﺖ ﺻﻮﺍﺑﻌﻲ ﻋﺎﻻﻳﻜﻮ ... ﻧﺤﻜﻲ ﻣﻊ ﺭﻭﺣﻲ ... ﻻ ﻣﺎ ﻧﺨﺮﺝ ﺻﻮﺗﻲ >> ﺳﺎﻣﺤﻨﻲ ... ﺳﺎﻣﺢﻧﻲ ﺧﺎﻃﺮ ﻣﻨﺠﻤﺘﺶ ﻧﺤﻤﻴﻚ ... ﺳﺎﻣﺤﻨﻲ ﺍﻣﺎﻧﻚ << ﻛﺒﺴﺖ ﻋﺎﻻﻳﻜﻮ ﺍﻛﺜﺮ ... ﻭ ﺗﺴﻄﺤﺖ ﻟﺘﺎﻟﻲ ... ﻟﻤﻴﺖ ﺳﺎﻗﻴﺎ ﺷﻮﻳﺔ ... ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻣﺰﻟﺖ ﻧﺬﻛﺮ ﻓﻲ ﻛﻼﻣﻮ ... ﻣﻨﻌﺮﻓﺶ ﺷﺒﺎﺵ ﻧﻌﻤﻞ ﺑﻌﺪ ﺗﻮﺍ ... ﻣﻨﻌﺮﻓﺶ ﺍﻧﻮ ﻃﺮﻳﻖ ﻻﺯﻣﻨﻲ ﻧﻤﺸﻲ ... ﺯﻳﺎﺩ ﺑﺎﻟﻠﻲ ﻋﻤﻠﻮ ... ﺍﻛﺪﻟﻲ ﻟﻬﻮ ﻣﺤﺎﺟﺘﻮﺵ ﺑﻴﺎ ... ﺭﻏﻢ ﻛﻠﺸﻲ ﺗﻌﺪﺍ ... ﺍﻣﺎ ﺣﺒﻴﺖ ﺍﻭﻝ ﻣﺎ ﻧﺤﻞ ﻋﻴﻨﻴﺎ ﻧﺮﺍﻩ ... ﺧﺎﻃﺮ ﻛﻨﺖ ﻣﺘﺄﻛﺪﺓ ﻻﻧﺎ ﺧﺴﺮﺕ ﺻﻐﻴﺮﻱ ... ﻛﻨﺖ ﻧﺤﺐ ﺍﻧﻲ ﻧﺘﺄﻛﺪ ﻟﻬﻮ ﺑﺤﺎﺟﺘﻲ ﺍﻧﺎ ﻣﺶ ﺍﻟﺼﻐﻴﺮ ... ﻧﺤﺐ ﻧﻠﻘﻰ ﺳﺒﺐ ﻳﺨﻠﻴﻨﻲ ﻧﺴﺎﻣﺤﻮ ... ﺍﻧﻲ ﻧﺼﺪﻗﻮ ﻣﺮﺓ ﺍﺧﺮﻯ ... ﻭ ﺍﻧﻮ ﺑﺎﻟﺤﻖ ﻛﻠﺸﻲ ﻳﻜﻮﻥ ﻟﻌﺒﺔ ... ﺍﻣﺎ ﺑﻌﺪ ﺍﻟﻠﻲ ﺻﺎﺭ ﻣﺴﺘﺤﻴﻞ ﺍﻧﻲ ﻧﺴﺎﻣﺤﻮ ... ﻻ ﻋﻠﻰ ﻟﻲ ﻋﻤﻠﻮ ﻓﻴﺎ ... ﻭ ﻻ ﻋﻠﻰ ﻭﻟﺪﻱ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻛﺮﺷﻲ ... ﻭ ﺳﻜﺮﺕ ﻋﻴﻨﻴﺎ ... ﺣﻴﺎﺗﻲ ﻭﻻﺕ ﻓﺎﺭﻏﺔ ... ﺑﻌﺪ ﻭﻟﺪﻱ ﻟﻲ ﺧﺴﺮﺗﻮ ... ﻣﺴﺘﺤﻴﻞ ﻛﺎﻥ ﻣﺰﺍﻝ ﺗﻜﻮﻥ ﻋﻨﺪﻱ ﻓﺮﺻﺔ ﻧﺠﻴﺐ ﺻﻐﺎﺭ ... ﺍﺻﻼ ﻣﺤﻘﻨﻴﺶ ﺣﺘﻰ ﻧﺨﻤﻢ ﻓﻲ ﺍﻟﻤﻮﺿﻮﻉ ... ﻭ ﻻ ﺣﺘﻰ ﺍﻧﻲ ﻧﺪﺍﻭﻱ ... ﺍﻧﺎ ﻣﺮﺓ ﻏﻠﻄﺖ ﻭﻭﺛﻘﺖ ﻓﻴﻪ ... ﺍﻣﺎ ﺑﻌﺪ ﺍﻟﻴﻮﻡ ﺑﺎﺵ ﻧﻔﻜﺮ ﻓﻲ ﺭﻭﺣﻲ ﻭ ﻛﻬﻮ ... ﺑﺎﺵ ﻧﺨﻤﻢ ﻛﻴﻒ ﻧﺮﺟﻊ ﺧﻮﻳﺎ ﻣﻨﻮ ... ﺣﺘﻰ ﺍﺫﺍ ﻇﻄﺮﻳﺖ ﺍﻧﻲ ﻧﺴﺘﻐﻠﻮ ﺣﺘﻰ ﻫﻮ ... ﻫﻮﻣﺎ ﺯﻭﺯ ﻭﺻﻠﻮﻧﻲ ﻟﻬﻮﻧﻲ ... ﻭ ﺍﻧﺎ ﺑﺎﺵ ﻧﺨﻠﻴﻬﻢ ﻳﺬﻭﻗﻮ ﺷﻤﻌﻨﻰ ﺍﻟﺨﺴﺎﺭﺓ ... ﺑﻌﺪ ﺍﻟﻨﻬﺎﺭ ﻫﺬﺍ ... ﻋﺪﻳﺖ ﻳﻤﺎﺕ ﻭﺣﺪﻱ ... ﻣﺎ ﻗﺎﺑﻠﺖ ﺣﺘﻰ ﺣﺪ ﻓﻴﻬﻢ ... ﻻ ﺯﻳﺎﺩ ... ﻭ ﻻ ﺣﺘﻰ ﺍﺩﻡ ... ﻭ ﻣﺨﺮﺟﺘﺶ ﻣﻦ ﺑﻴﺘﻲ ﺟﻤﻠﺔ ... ﺍﻟﺒﻴﺖ ﻫﺎﺫﻱ ﻛﻬﻮ ﻟﻲ ﺷﻬﺪﺕ ﻋﻠﻰ ﺿﻌﻔﻲ ﺍﻟﻜﻞ ... ﻋﻠﻰ ﺩﻣﻮﻋﻲ ... ﻋﻠﻰ ﻭﺟﻴﻌﺘﻲ ... ﻭ ﺣﺮﻗﺘﻲ ﻋﻠﻰ ﻭﻟﺪﻱ ... ﺍﺳﺮﺍﺭﻱ ﺍﻟﻜﻞ ﻣﺪﻓﻮﻧﺔ ﻓﻲ ﺍﻟﺒﻴﺖ ﻫﺎﺫﻱ .... ﺑﻴﻨﻲ ﻭ ﺑﻴﻦ ﺭﻭﺣﻲ ﻛﻬﻮ ... ﻭ ﻛﻞ ﻣﺮﺓ ﻧﺮﺟﻊ ﻟﻠﺒﻴﺖ ﻫﺎﺫﻱ ﺑﺎﺵ ﻧﺪﻓﻦ ﻭﺟﻴﻌﺘﻲ ... ﻭ ﻧﺨﺮﺝ ﺑﻮﺟﻪ ﺟﺪﻳﺪ ... ﻭ ﻫﺬﺍﻛﺎ ﻟﻲ ﻻﺯﻡ ﻳﺼﻴﺮ ﻣﻦ ﺗﻮﺍ ... ﺑﻌﺪ ﺍﻟﻴﻤﺎﺕ ﻟﻲ ﻋﺪﻳﺘﻬﻢ ﻭﺣﺪﻱ ... ﻧﺠﻤﺖ ﻧﺘﻌﺪﺍ ﻟﻲ ﺻﺎﺭ ... ﻧﺠﻤﺖ ﻧﻠﻢ ﺭﻭﺣﻲ ... ﺍﻣﺎ ﻣﻨﺠﻤﺘﺶ ﻧﻨﺴﻰ ﻭﺟﻴﻌﺘﻲ ... ﻭ ﻻ ﺣﺘﻰ ﻭﻟﺪﻱ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
