الجزء الواحد والثلاثون
يوم الاحد كانت عندنا تست بسيط كده لكن الدكتور صعب شديد
صحيت من الصباح بدري مخلوعه لبست بنطلون جينز وتشيرت اسود اكمامو كامله مكتوب فيهو cool بالفضي ولبست حزام رفيع فضي وسبورت ابيض وشعري ضنب حصان
مرقت مستعجله وطبعا انا بمشي بي المواصلات العامه عادي يعني بس الليله حظي كعب شديييد وقفت مسافه بعد تعب جات حافله ركبت وماف كرسي فاضي اضطريت اقيف اتخيلو المنظر بس لحد ما وقفنا في حته كده كان مفروض انزل نزلت وقفت عشان اركب المواصلات الحتوصلني الجامعه والله لا وراكم انا واقفه ساعه والناس دي تركب بس الحافله الانا دايراها حلفت ما تجي وانا خلاص طبعا اتوترت واتنرفزت شديييييددد
دقيت لي سارا اشوفها قالت لي وصلت الجامعه انا
بعد مسافه قلت لو جات عربيه حوقفها وخلاص
فعلا بعد ربع ساعه كده جات عربيه اشرت ليها
مشيت وقلت للسواق السلام عليكم
......وعليكم السلام
قلت ليهو دايراك توصلني جامعه المستقبل
.......تمام
قلت ليهو اها كم؟
.......انا ما تكسي لكن
قلت ليهو اهااا العفو ياخ معليش
......لالا ما مشكله واتحرك كده بعدين وقف وقعد يدق بوري
وانا ما منتبها معاهو ما قايلاهو معاي
لحد ما سمعت زول بقول لو سمحتي لو سمحتي
اتلفت عاينت ليهو اشر لي نظام تعالي
مشيت قالي اتفضلي اركبي بوصلك اصلا انتي في طريقي وشكلك مستعجله
طبعا انا في الاول اترددت لكن قلت اتوكل علي الله وركبت
انا كنت براجع في الشيت القدامي يعني خشمي ما فتحتو معاهو
لمن وصلت نزلت سريع وقفلت الباب وقلت ليهو شكرا ليك يا..
.....تاج اسمي تاج
قلت ليهو شكرا كتير يا تاج ما قصرت والله وانا يارا
تاج....العفو ياخ
بس انا اصلا حظي وبعرفو اتلفت لقيت واقفين جنب بوابه الجامعه مجد وغسان
ما عارفه جاين لي اصلا والامتحان خلاص باقي ليهو عشره دقايق انا ماشيه بي سرعه لمن وصلتهم اتلفت علي غسان مسكتو اي شي في يدي حتى التلفون بس انا وقلمي وقلت ليهو بعدين بحكي ليك ودخلت
جري علي القاعه لقيتهم بداو يوزعو الورق
الدكتور قالي لالا خلاص الجلسه بدات
قلت ليهو لالا والله عاين ساعتك باقي دقيقه
قعد يضحك وقالي خشي
خشيت وشلت الورقه التست زي السم الله يسامحو الدكتور غايتو اي شي في راسي كتبتو ما خليت شي لحد ما الزمن انتها حتى انا رفعت راسي من الورقه
بعد ما جمعت اتحركت اشوف البنات ورى
اسيل دي زي الراشين فيها مويه بارده
واسيه جايه من ورى تنبببزز ما خلت شتيمه ما قالتها
وسارا فقدت حاسه النطق😂😂😂😂😂😂😂😂😂😂😂😂😂😂😂😂😂😂😂
قلت ليهم خلاص ياخ اكسرو الحنك ارح بره ارح
مشينا ونحن لسا بنبز في الدكتور
اسيل...حتقعدو ولا ماشين؟
قلت ليها نقعد ليه؟؟
اسيه...الدكتور قبل ما تجي قال الليله حيطلع الدرجات الداير يقعد ينتظر يقعد
قلت ليها اجيييييي ؟؟
سارا....انا حقعد غايتو
قلت ليهم كدي امشي اشيل حاجاتي من غسان وبعدين نتفاهم
مرقنا لقيتهم واقفين زي وقفت قبيل
مشيت قلت لي غسان حاجاتي وين
غسان...فالعربيه
قلت ليهو دايرا التلفون
غسان...تعالي طيب
مشا وانا مشيت معاهو فتح العربيه وركب وانا فتحت الباب وركبت معاهو
غسان ربع يدينو وقالي اها؟؟
قلت ليهو اها شنو تلفوني وين؟
غسان...هاك
قلت ليهو شكرا
غسان...للمره التانيه بقول ليك اها!!
قلت ليهو فشنو؟؟ ااااااااااا قصدك قبيل
غسان....الحمدلله على السلامه
قلت ليهو طبعا الليله عشان عندي امتحان والله صحيت بدري لكن ما عارفه حظي كعب ما لقيت ولا حافله ركبت اول مواصلات بالعافيه تاني مواصلات ما لقيتها قمت وقفت الولد ده وطلع ما تكسي ومشا بعد شويه رجع وقالي تعالي اوصلك وجيت معاهو هذا كل شي
غسان....اهاا تمام
قلت ليهو اي بس ده كل الموضوع
غسان...طيب انزلي خلاص عشان ماشي مشوار
قلت ليها...من سماحه العربيه يعني
غسان...لاقيه زيها انتي؟؟ وبعدين انتظري درجتك مع اسيه وبعدين بجي بوصلك
قلت ليهو حاضر بايات ونزلت
مشيت للبنات قعدنا منتظرين تلاته ساعات لمن زهجنا وقرفنا بعدين جا الليدر قالينا ارح الدكتور جاي يزيع الدرجات وطبعا الدكتور ده لمن يزيعك انت ودرجتك بقول كلام مبالغه
قعدنا كلنا انا واسيل وسارا واسيه
وطبعا بداو يزيعو الناس الرهيبين بالاول وهو التست ده من عشرين
الدكتور....يارا يعقوب
وقفت علي حيلي وانا مخلوعه
الدكتور...بالله دي انتي ما كعبه يعني ١٥
طبعا انا فرحت شدددييييددد
بعديني اسيل ايهاب ١٤
الدكتور...اها الصحبات
اسيه نفس درجه اسيل
وسارا ١٣
شلنا حاجاتنا ومرقنا بره وانا بحكي ليهم عن الولد الوصلني بس فجاءه عربيه بتضرب بوري شديد اتلفت اتصدددمتت لقيتو نفس الولد الوصلني لفت البنات قلت ليهم عاينو ده نفس الجابني قبيل
اسيل....اجييي وجاي تاني ليه
اسيه...غايتو حركات الاولاد دي
سارا....والله غسان يجي يا يارا يرجعو مشوه
قلت ليهم انا حعمل فيها ما شفتو ماتعاينو ليهو بس
اسيل...اججج ده جاي علينا
الولد جا وسلم
قلت ليهو عندك زول هنا ولا شنو
تاج....لالا بس مريت من هنا وشفت الناس لسا ما مرقت قلت اشوفك يمكن مع الزحمه دي ما تلقي مواصلات
قلت ليهو لالا انا نهايه اليوم برجع مع غسان
اسيه...قصدها حبيبها
تاج....اها معليش ياخ
قلت ليهو لالا عادي سلم ومشا
بعد مسافه جا غسان ومجد
سارا ركبت عربيتها ومشت
واسيل مشت مع مجد
وانا واسيه ركبنا مع غسان
انا بقيت بتونس وكده
فجاءه قلت ليهو غسان انا من البدايه وعدتك ما اخبي شي عندك
غسان...اها
قلت ليهو الولد الوصلني الصباح جا تاني نهايه اليوم وطبعا من الخوف لمن برجف
هو لاحظ اني خايفه شدديييييد
غسان...ومالك خايفه كده؟
قلت ليهو ما عارفه خايفه من كواريكك
غسان قعد يضحك
ومسك يدي قالي انا ما بكورك الا في الغلط انتي هسا ما غلطانه بالعكس انتي جيتي وريتيني
قلت ليهو طيب
اسيه...احم احم
انا وغسان مع بعض...اخرسي
بعديها وصلني ونزلت
دخلت غرفتي استحميت ونمتتتتتت
ما صحيت الا بعد العشاء
دخلت الواتس طوالي لقيت اسيه واسيل وسارا بقولو لازم نعمل مرقه حقت وداع وما بعرف شنو
قلت ليهم هم ماشين الخميس بالجد واي ما قادره اصدق
اسيل....العجب انا استعجلو ياخ يحليلهم
قلت ليها اي والله ما نفسي يمشو لكن ده مستقبلهم
اسيه...ربنا يوفقهم بس يازولتي
اها قعدنا نتكلم ونخطط حنعمل ليهم شنو وكده
...........................................................
اسيل....مجد ما عارفه لي هافه لي فكرة الحجاب؟
مجد....حجاب وانتي؟؟
اسيل....غايتو انت اصلك ما بترفع المعنويات
مجد...اسيل الحجاب ده قناعه انتي لو ما مقتنعه بيهو وداخل راسك شديد صعب انك تلتزمي بيهو
اسيل....اي انا عارفه عشان كده سالتك!!!
مجد....انا بي رأي خليها لي بعد العرس لانه حاليا ما اظن انتي قدرو واساسا كده كده بعد العرس حتتحجبي
اسيل....منو القاليك حتحجب؟؟
مجد...انا القلت
اسيل....نشوف كديي
مجدد...اها المهم هسا كيف؟؟
اسيل....والله زي باص الجريف مره يسخن مرة يدخن
مجد...انا والله ما عارف بتكلم مع حبيبتي ولا صحبي😂😂😂😂😂😂😂😂😂😂😂😂😂😂
.....................................................
اسيه...غيث قصة اني اطلع اتعلم في المانيا صعبه!!
غيث....صعبه لكن انا دي اخر اجازه لي يا اسيه
اسيه....اها والحل!!؟؟
غيث...انا قلت ليك نعمل خطوبه بي عقد وتمشي هناك تكملي تعليمك
اسيه...صدقني حتكون صعبه يعني من كل النواحي صعبه
غيث...طيب نحن لازم نلقا حل مناسب سوا يا قلبي
اسيه...حاضر حفكر
.............................................................
جاتني رساله من غسان قالي حضرب ليك بعد شويه
قلت ليهو طيب
بعد عشره دقايق كده دق لي فعلا
رديت قلت ليهو هاايي
غسان...كيفك يعمري
قلت ليهو تمام والله وانت كيف
غسان....حمدلله بخير صحيتي متين؟
قلت ليهو قبل شويييهه
غسان....والله انتي شي مغطس حجرك غير نومك ده ماف
قعدت اضحك قلت ليهو اها ظبط امور السفره خلاص
غسان...تقريبا اي بس داير اشتري كم حاجه كده
قلت ليهو حاجه شنو كمان؟؟
غسان.... هدوم تقيله انا هدومي ما تقيله انتي عارفه
قلت ليهو اي الجو هناك تلج لكن ياخ والله سفرتك دي اصلي ما مبسوطه بيها
غسان....خير لي فشنو
قلت ليهو ياخ تاني ما حنطلع وما حننبسط وكده انت ومجد كنتو عاملين لينا جو
غسان....والله انتي بتاعت مصلحه كيف يعني علي الاقل قولي عشان حشتاق ليك عشان حتفرق معاي كده
قلت ليهو طبعا حشتاق ليك طبعا
غسان....وانا زاتي والله يا قلبي
قلت ليهو طيارتك الساعه كم؟؟
غسان...تلاته عصر
قلت ليهو اها طيب خلاص امشي ارتاح هسا
غسان....اي والله تعبان ومصدع شديد
قلت ليهو طيب نوم يلا قود نايت
...............................................
يوم الاتنين والتلات مرو سريع بنمشي الجامعه عادي يعني وكنا مضغوطين شديد في القرايه عشان كده ما بنطلع من البيت للجامعه ومن الجامعه للبيت غسان ومجد ما بنشوفهم عشان هم مشغولين فالسفر وكده
................
يوم التلات بالليل اتكلمت مع اسيل ووريتها انو بكره ننزل نشتري ليهم هدايه وكده وقالت لي حوري سارا واسيه
وانا اتكلمت مع غسان وريتو انو بكره عاملين ليكم لمه وكده في شارع النيل وقال طيب
اسيل ورت مجد قال ما عندو مانع بجي
يوم الاربع الصباح صحيت صليت وقعدت مع ناس البيت لانه المحاضره حقتي الساعه١٢
لمن الساعه جات حداشر ماما قالت لي قومي خلاص اجهزي
طلعت غرفتي لبست فستان فنايلي رصاصي ومعاهو جكت زيتي كده طويل وطرحه مشكله
قلت ما البس بنطلون عشان حنمشي محلات وكده
المهم مرقت وعشان متاخره وقفت ركشه وصلت الجامعه ١٢ الا ربع
مشيت القاعه طوالي لقيت اسيل حاجزه لي جنبها
مشيت قعدت وقلت ليها اها حنشتري شنو انا ما عارفه ياخ
اسيل....كدي نمشي ونشوف
الدكتور دخل وبدا الشرح وانا طبعا بكرههوو شديد
طوالي بديت اتكلم مع اسيل واحكي ليها كلامي مع غسان امس وهي تحكي لي😂😂😂😂😂😂
فجاءه الدكتور قال الحلبيات الاتنين طبعا انا عملت ليهو حركه نظام انت معانا؟؟؟
الدكتور....ايوا معاكم يا دكتوره قومي سوقي صحبتك وكملو كلامكم بره
اسيل....لالا يا دكتور انت فاهم القصه غلط
الدكتور...زمن المحاضره يا بت امرقي يلا
انا طبعا شلت حاجاتي طوالي ومرقت اتخيلو ونحن مارقين قال اصلو ما جايب لينا الفقر غير الناس الزيكم
انا واسيل مرقنا وقعدنا نضححكك
وتمينا ونستنا للنهايه وبقينا بنشوف حاجات نشتريها لي غسان ومجد
اسيل....في اكاونت حق هدايه شفتو امبارح حلو شديد خشي يمكن تلقي شي مناسب!
قلت ليها طيب اديني اسمو
ادتني اسم الاكاونت خشيت لقيت انو في حاجات حلوه شدددددييييددد
قعدنا نتفرج وكده
اسيل اختارت ساعه وخاتم فضه وبرطمان بتاع رسايل هم بجيلو الورق مزين جاهز بس انتي تكتبي الدايراهو
وانا اخترت لبسه بتاعت ادسس كامله بي جزمتها وساعتها هي عباره عن بنطلون وبلوفر كده زي الترنق كانت تقيله وسمحه وطلبناهم قالو بصلو بعد ساعتين طوالي لانهم جاهزين
بعد ما المحاضرا انتهت جونا البنات وسارا قالت ارح نطلع عشان نشتري الهدايه
اسيل....انا والله فلست من كترة الهدايه
قلت ليها العجب انا اسيه تعالي شوفي الحاجات الطلبناها وريتهم ليها
عجبوها شديدددد
قلت لي اسيل مجد ده اجيب ليهو شنو انا
اسيل.... انا زاتي ما عارفه
مرقنا مشينا مكان الهدايه
اسيل...اشترت لي غسان عطر
وانا اشتريت لي مجد عطر
😂😂😂😂😂😂
اسيه اشترت لي غسان سبورت وعطر وجل شعر قالت كفايه زاتو
واشترت لي مجد ساعه
سارا اشترت ليهم الاتنين ساعات لكن ماركات سمحه
طلعنا خلاص عشان يوصلونا وقلت لي سارا بعدين تجي تسوقينا انا واسيل ما تنسي
وصلتني البيت استحميت وقعدت انتظرت توصيل بتاع الهديه لمن وصلت شفتها لقيتها حلوة شددديدد😢😢😢😢😢❤❤❤❤❤❤❤
وريتها لي اسيل قالت لي رهيبه والله
واسيل ملت الورق وجهزتو واي شي
لمن الساعه جات خمسه سارا دقت لي قالت لي ابدي البسي
طبعا انا ندمت اني اخترت شارع النيل ما عرفت البس شنو
ضربت لي اسيل اسالها قالت لي والله يا يارا هسا دايرا اشيل التلفون اسالك انا زاتي ما عارفه ياخ
قلت ليها اصبري غسان داخل لي في الخط قفلت منها ورديت ليهو
غسان....بتتكلمي مع منو
قلت ليهو اسيل حيكون منو
غسان....المهم نحن وصلنا والحته مليانه اولاد ما تلبسي شي كعب وريتك
قلت ليهو غسان بتبالغ يعني انا ما عارفه مثلا؟
غسان....كويس انك عارفه
عشان ما اكورك قفلت الخط في وشو
لبست نوع البناطلين الواسعه لونو كحلي ولبست معاهو بلزه لونها ابيض شكيتها جوه البنطلون وعملن شعري كعكه فوق ومرقت خصل بس وجهزت الهديه وكده لمن سارا جات مرقت
لقيتها جاياني اخر وحده عارفاني بتاخر
اسيل كانت لابسه بنطلون اسود سبورتي كده ومعاهو بلوزه بيضه مرسوم فيها بت نص كم وشعرها فاكاهو وسبورت ابيض
سارا.....انتو بعدين حتبردو بالمناسبه
قلت ليها يا زول برد شنو كمان
وقعدنا نتونس وبتاع لمن وصلنا وسارا بركنت العربيه ومشينا ليهم قعدنا كلنا في كراسي والجو بارد مبالغه قعدنا نتونس وغسان خشمو ما فتحو بحمر لي ساي
قلت ليهو هوي مالك انت
غسان...مالي؟؟
اسيل.....انتو الاتنين اسكتو ما ناقصنا مشاكل
قلت ليها انا بسال فيهو مالو ما اكتر
غسان....قافله الخط في وشي وتقولي لي مالك
مجد قعد يضحححككككك
والله يا يارا بالغتي قافله الخط في وشو مالك
قلت ليهو يا مجد ياخ بقعد يستفزني
لكن والله حشتاق ليهو ياخ لمن يمشي
اسيه.... واييييي الليله اخر طلعه لا حموت حموت
قلت ليها انتي صحي حتقعدي براك؟
غسان....مره عمي جايه تقعد معاها
قلت ليهو اااا اوكييي
سارا كانت جنبي قامت قرصتني
قلت ليها فشنو
سارا.....عايني وراك
عاينت لقيتهم شله اولاد قاعدين
قلت ليها اها ده شنو؟؟
سارا....يا متخلفه الولد البي الطرف اليمين مش نفسو الجاك في الجامعه
طبعا انا اتخلعت عاينت قلت ليها سجمي ده قاعد هنا لي؟
سارا.....شارع ابوك هو؟
اسيه...بتقولو فشنو هوي
قلت ليها لا ولا شي
سارا....يارا سجججمكك الولد جاي علينا
قلت ليها ياخ يلعن اليوم الشفتو فيهو
وطوالي قمت من حتتي ومشيت قعدت جنب غسان وخليت اسيه تقعد في مكاني
الولد جا وقف وقالي يارا كيفك ؟؟
قلت ليهو امم اهلين وقمت سلمت
وقعد قلت لي غسان الولد الوصلني
غسان...وهو عشان وصلك كل ما يشوفك حيسلم
قلت ليهو انا عارفه ياخ
الولد مد يديو لي غسان وقالي ابو الشباب طبعا غسان ولا كانو كان بتكلم فيهو قام وسلم عليهو وقاليهو اتفضل وكده
تاج....يارا بس لو سمحتي دايرك في خدمه
قلت ليهو اتفضل
تاج...لالا ما هنا دقيقه بس لو سمحت يا غسان
غسان قالي قومي وانا حسيتو حيكفتني والله
قمت مشيت معاهو
تاج....معليش علي الاحراج بس داير رقم صحبتك
قلت ليهو ياتا
تاج...القاعده جنبك علي اليمين
قلت ليه ااا سارا طيب دقيقه اجيب تلفوني
رجعت شلت تلفوني اديتو الرقم سلم ومشا
وانا رجعت قعدت
غسان....مالو؟
قلت ليهو بي صوت واطي داير رقم سارا
غسان....اهااا اديتيهو
قلت بيهو اي اصلا هي الفتره الفاتت دي ما زي زمان
غسان...اي والله
لمن الساعه جات تسعه قالو لينا يلا خلاص
مجد...اسيل ارجعي مع سارا انا ما راجل اتجاه البيت
اسيل...حاضر
غسان...وانتي برضو
قلت ليهو طيب بس اصبرو
ومشنا نجيب الهدايه
اديت مجد هديتو
مجد....الله ياخ اختي الصغيررهه ما قصرتي ياخ
اسيل ادت غسان الهديه
غسان....يا حلبلب ما كان في داعي ياخ اجيب ليك هديه كده في عرسك
اسيه برضو ادتهم الهدايه شكرها وسارا زاتها
طبعا اسيه وسارا مشو العربيه
ومجد واسبل زحو مننا حبه
اسيل....مجد الهديه دي عشان تتزكرني بيها دايما
مجد...انا اصلا ما محتاج حاجه تزكرني بيك يا قلبي انتي
........
انا قلت لي غسان هاك ان شاءالله تعجبك وكل يوم اتصل لي فاهم وما تنساني وخلاص حبهه وحبكي عشان كده ما وقفت طوالي مشيت
لقيت اسبل في العربيه زاتها واسيه برضو راجعه معانا
اسيل وصلت البيت استحمت وغيرت ومسكت تلفونها وقعدت تتونس مع مجد وتديهو في تنبيهات السفر
انا رجعت البيت قعدت حبه كده بعد ما النفسنه فكت دخلت الواتس لقيت غسان مرسل لي
بحبك وربنا يخليك لي احلا هديه تجيني فالدنيا
رديت عليهو وقفلت النت ونمت
صحينا يوم الخميس ومشينا الجامعه بي كأبه
انا لبست بنطلون وبلوفر ابيض سااادههه وما ختيت ولا كحل زاتو
وصلت الجامعه وحضرت المحاضره ومرقنا خلاص عشان نمشي المطار
طبعا انا اكتر شي ممكن اكون بكرهو فالدنيا الوداع
من العربيه ابكي
واسبه تبكي
واسيل مره تبكي ومره تضحك
وصلنا لقيناهم قاعدين باقي نص ساعه علي الطياره
انا مشيت وقفت جمب غسان وبقيت بتكلم معاهو واسيل واقفه مرات تتزكر السفر تبكي اول ما تنسا تضحك لمن حسيتها جنت
لمن جا الزمن وخلاص مفروض يخشو
طبعا انا ما خليت دمعه ما نزلتها
غسان...ما تبكي وخلي بالك من نفسك ومن صحباتك
قلت ليهو حاضر وانت كمان
مجد....اسيل خلي بالك في قرايتك عشان تخلصي بدري يلا يعمري
غسان ميك اسيه وسلم عليها وعلي سارا
ومجد سلم علينا
نحن بعد ما تمينا البكا وهم دخلو صاله المغادره رجعنا العربيه والطريق كلو ساكتين لحد ما وصلت البيت
انا من النفسنه طوالي رقدت نمت
#يتبع
ما تنسو التصويت
في امان الله😊❤❤❤❤❤❤❤❤❤
