دموع القمر

صفااء السراي

#مسار القوافي
#نازل اخذ حقي..
دموع القمر....

كاعد جوه سقيفه المحل ..موت حر ..امسح بلعرق ااي يصب صب ..بلخاولي ..
اووف جريت نفس ..واني عيني عله عربانتي ..

ياربي هم يجي يوم واحقق الي اريد

فززني من صفنتي ..صوت عمي ابو تحسين ..
باوعتله ..
واكف محمل بعربانته...
راح يجي هذا اليوم وشوف صفاوي بس اتأنى وكلشي يجي.

ضحكت ..اويلي عليه ..حتى تفكيري بصوت ..
هههه.. عمي ابو تحسين موتعبت من حماله وشوف انته رجال الي بعمرك هسه نايم على تبريد وانته جاي حمال الله أكبر....
جر نفس وباوع لسما ..

ابو تحسين ..اوليدي مامقبوله منك هاي حجايه بالعكس هاي نعمه من رب العالمين الي لك انته شبيك لكمه الحلال تلاكينه بالجنه احسن من مانصير حراميه .واريدك صفاوي اليوم من ترجع تكتبلي بيتين شعر يوصفن حال عمك ابو تحسين ...

ضحكت ..هنيالك حالك ياعمي ..حاير بلشعر تددلل .

ابو تحسين ..اي ولله بعد عمك ..كون شعر معدل من اسمعه منك باجر ..امشي عشر دروب من غير مااحس بروحي ..

صفاء ..اوف ياعمي اتمنى كله مثل طيبتك صار تدلل.

..............
اني صفاء السراي مواليد ١٩٩٣ اشتغلت هواي اشغال منه حمال بس مافكرت يوم اترك دراستي لان دراسه هيه سلاح البلد وثقافته وتطور مايكون الا بالعلم افكاري وطموحي اكبر مني ... اريد اسوي ولو شئ بسي للعراق احبه ومرات اشعر ماكوو شخص يحب العراق مثلي ....وشبابنا ترة لكمه الحلال حلوة وعمري مافكرت استنكف من شغلي رغم والدي متوفي من عمر صغير ...
وامي مريضه ومرضه لسه محد عرفه . كل يوم اروح وارجع شغي وي ابو تحسين هذا الشخص اروع شخص رغم بساطته ودائماا انقهر عليه لكن ماباليد حيله.....

رجعت لبيت ..بعد ما ربطت عربانتي بسلسله ..بلتيل ..
دخلت .لبيت ..شافتني امي ..
ام صفاء .ها صفاوي حضرتلك لكمه تاكله تحبه حيل..
ذبيت ..الكاسكيته ..من راسي ..شميت ريحه الاكل االتارسه البيت
... اكيد دولمه فديت نبع الحنان والله .الله يحفظج ويطول بعمرج بس اغسل واجي .....
طلعت بره بلحمام ..اغسل ..
المطبخ ..قريب ..تذكرت ..حجيت بصوتي العالي ..

هاصدك يمه هم شفتي رسماتي بله رايج بيهن..
طلعت بباب المطبخ ..
..... ام صفاء.. اي يمه شفتهن ربي يوفقك بس يمه انته دراستك موش علمي جابك على رسم ...

نشفت وجهي ..
يمه هاي اسمه متعدد المواهب يعني ابنج موهوب رسام شاعر وانشالله مهندس ادعيلي بس دعوتج تسوه الدنياااا...

صبت الغدا وكعدنه ناكل ..بلمتنه التسوه الدنيه ..
طلعت افلوس شغلي انطيتهن لامي ..
بدلت ملابس ..المدرسه .طلعت لدوامي ..

وصلت لمدرستي ..
دخلت لصفي .الدراسه صعبه ..سادس علمي ..
دروس خصوصيه ماكدرت ادخل ..
خلصت دوامي ..
رجعت لبيت ..
كعدت بباب الشارع اقره ..
اخلص وقتي ..اقره دروسي ..وبلليل ..