الجزء الثاني والثلاثون....
انا صحيت زي الساعه ١٢ بالليل طبعا اتخلعت انا نمت ده كلو
وكان عندي تحضير بتاع رسمه كده قمت استحميت وقعدت فتحت الواتس
لقيت اسيل مرسله لي انها تعبانه وكده
قلت ليها تعبانه كيف يعني
اسيل....معارفه لي كم يوم جنبتي بتوجعني شديد والله
قلت ليها وما مشيتي المستشفي ؟؟
اسيل...اي دايرا امشي بكره او بعدو
قلت ليها طيب بديتي في الشغل الادانا ليه الدكتور المتخلف ده
اسيل....بديت اي صعب ياخ لكن الحمدلله بكره الجمعه
قلت ليها اها طيب
اسيل....ما عرفتي ديل وصلو ولا لا؟؟
قلت ليها بكونو وصلو يا بت لكن بكونو نامو او كده
اسيل...يمكن اي المهم انا حكمل
قلت ليها طيب انا حبدا ياداب
جبت اي شي بحتاجو وقعدت في الارض وبديت مرات ازهج امسك التلفون ومرات اركز في الرسمه لمن بهناك😂😂
تقريبا خلصت نصها كده صورتها ولميت الحاجات لاني زهجت وطلعت في السرير
رسلت لي غسان لقيتو فاتح نت يعني الرساله عامله خطين
ورسلت صورة الرسم لي اسيل
اسيل...سجمي انا ما بديت كده وقعدنا نتغالط
قلت ليها اديني رقم غاندي (اول الدفعه)
اسيل...اصبري
رسلت لي الرقم
دخلت رسلت ليهو انا يارا وكده عرفني طوالي وريتو الرسمه
قالي اي كملي ماشيه صح
قلت ليهو طيب عاين رسمه اسيل ورسلتها ليهو
قالي صحبتك بدت بدايه سهله انتي حقتك صح لكن حتتعبك
قلت ليهو اهااا اوكي طيب
غاندي....كيف انتي؟
قلت ليهو تمام الحمدلله وما قلت ليهو وانت عشان ما يجر معاي في الموضوع
وريت اسيل كلامو قعدت تقول لي انا اصلا باديه صح وواثقه من نفسي وما بعرف شنو
قلت ليها ما حرد ليك اصلا انا يا خسيسه
وانا بتكلم معاها وصلني ريكورد من غسان طوالي مشيت فتحتو
الريكورد...يا قلبي نحن وصلنا الحمدلله بس طوالي نمنا وياداب انا صحيت هسا استحما واصحصح واتكلم معاك
قلت ليهو طيب يا قلبي
وريت اسيل انهم وصلو وكده
وقعدت اتونس معاها بعد شويه دقدت لي اسيه
قلت بسم الله ما يكون حاصل ليها شي
رديت وقلت ليها فشنو مالك
اسيه....مالك يا زوله قولي بسم الله
قلت ليها بري خلعتيني اها
اسيه...يارا ياخ دايرا استشيرك في موضوع غيث؟!
قلت ليها لسى انتو؟!
اسيه...اي والله ما عارفه اعمل شنو
انا صح بحبو وكده لكن ما دايرا اتسرع
قلت ليها وريهو انه انتي ما حابه الشي ده وانو ابوك بهمو انك تكملي دراسه اول وكده
اسيه...وريتي ياخ وهو ماف شي علي لسانو غير دي اخر اجازه لي
قلت ليها كيف اخر اجازه؟؟
اسيه...هو قال تاني ما حابب ياخد اجازه وكده
قلت ليها عايني رسلي لي رقمو فالواتس وانا بتكلم معاهو
اسيه...متاكده
قلت ليها رسليهو يا اسيه بس
اسيه...حاضر يلا
قفلت منها كده دقت لي سارا والله سبيت ليهم كلهم
قلت ليها اي يا عسل
سارا...عسل في عينك يا كلبه يا عفنه يا جزمه
قلت ليها لييييي عملت شنو؟؟
سارا....الرقم حقي ده مكتوب بي اسمك مدياهو للولد ليههه؟؟
قلت ليها اسكتي يا غبيه ما حبيت احرجو بس والله
سارا...على حسابي
قعدت اضحك قلت ليها مالو؟!
سارا....ماف شي بس اتخلعت يعني جا داخل لي زي القدر
قعدت اضحك قلت ليها والله شكلو كيوت كدي شوفيهو مالو
سارا....اصبري يا يارا اصبري وقفلت الخط
طفيت النور وفتحت المكيف وشلت سماعتي وخشيت الواتس لقيت غسان مرسل لي صور ليهو في المطار وفي الطياره
قلت ليهو حبببيييبيييي حلوين شديد
غسان....بخجل هوي
قلت ليهو سجمك😂😂😂😂
قعد يضحك
وسالني كيف اليوم
قلت ليهو يوم شنو انا صحيت قبلشويه رسمت حبه كده وجيت رسلت ليك
غسان...تمام والله نحن وصلنا تعبانين شدييييدد مجد لحد الان نايم
قلت ليهو الله يديكم العافيه يارب
اها من بكره طوالي حتبداو في امور الشغل
غسان... اي ان شاءالله طوالي
قلت ليهو وسياراتكم؟؟!
غسان...حنجيبها بالشحن لحد الاسبوع الجاي بتكون معانا
قلت ليهو طيب تمام
ورسلت ليهو اسكرينات بتاعت المحادثه حقتي انا والولد الاسمو غاندي
#وقفه
ممكن وحدين منكم يقولو ما اي شي لازم توريهو ليهو والحركه مبالغ فيها انتي رسلتي لي غاندي عشان تساليهو من شي في الدراسه وكده؟؟!!
طيب انا حقول ليكم ماف ولد مضمون في الدنيا دي وانا عن نفسي ما بضمن ولد عشان كده انا بوري غسان اي شي عشان لو في يوم غاندي او غيرو حاول انه يفتح مواضيع او يتونس او غيرو اول كلمه لي غسان حتكون شنو تفتكرو؟؟
حيقول لي انتي من البدايه ما وريتيني ليه وحيطلعني انا الغلطانه فعشان كده احسن اوريهو اي شي واريح راسي
احسبوها صح😉
#نرجع..
غسان...تمام يا قلبي
قلت ليهو صحي مجد ياخ اسيل دايرا تتكلم معاهو
غسان...حاااضررر
بعد مسافه اسيل قالت لي اي صحا واتكلم معاي
...........
جات سارا في القروب حقنا رسلت صورة تاج
قالت عاينو صورو كيف ماشاءالله تبارك الله
اسيل....سجمي ماشاءالله
قلت ليها عشان تعرفي انا بجيب ليك ناس نضاف
اسيه....النصيييحههه😂😂😂😂
قعدنا نتونس وكده بعد شويه انا خشيت الانستا وقعدت اقلب وكده
فجاءه اشوف اكاونت في الانستا اسمو (Khartoum crash ) يلا الاكاونت ده فكرتو انو مثلا انت بتحب ليك زول وما دايرو يعرف بتمشي للادمن حق القروب بترسل صوره الزول البتحبو ومعاها كلام ليهو بقوم الادمن بنزلو وبعمل للزول البتحبو ده تاق يجي يقرا الكلام لكن ما بوريهو انت منو
المهم لقيتو منزل صوره لي مجد وغسان جنبو ومعاهو كلام موجه لي مجد بس
مكتوب
مجد حبيبي بالجد انا بحبك شديد ونفسي نتعرف ونبقا اصحاب اكتر والله يجعلك من نصيبي يارب انا عارفه انك مرتبط لكن مالو بتتشلب طبعا يا جماعه مجد اللابس قميص كحلي وعامله قلوب وورود
انا لمن شفت المنشور قعدت اضحححككككك علي كلامها المتخلف دخلت الكومنتات وكتبت اتاقي ليك حبيبتو تجي تادبك
الناس كلها بقت بتقول اي تاقيها تاقيها
عملت تاق لي اسيل وكتبت ليها تعالي شوفي مكرشين في راجلك
وتاقيت مجد وغسان واسيه وسارا
ومشيت الواتس وريتهم كلهم يخشو الانستا
اي اي انا بتاعت مشاكل😂😂😂😂😂
كمان الشله دي بتحب المشاكل زي عيونها كلهم خشو في المنشور
اسيل.....لالا زودتيها يا قلبي يشلبو رقبتك بركه الله يا خفيفه
اسيه....بري خفه ما لاقتنا
والناس دي ميته من الضحك وبقولو ليها ايوا ايوا
انا كمان عشان افور اسيل قلت ليها عان كمان بتوريهم مجد ياتو واحد فيهم
اسيل....اييييي خليها اصلا شكلها خفيفه وماف زول شايلها من ارضها
مجد....اسيل خلاص هوي ارح
وغسان ملا المنشور ضحك
بس في بت كده والله تقول امها داعيه عليها
قالت ادوني حساب الجمبو ده يا جماعه وعامله قلوب مكسره
طوالي خشيت رديت ليها قلت ليها عجبك؟؟
البت...مبالغه ماشاءالله
قلت ليها مبالغه في عينك يا متخلفه مالك ومالو شوف كمان الخفه وقلة الادب
البت...اجييي مالك؟؟
قلت ليها يجروك من كرعينك تلاته ايام متواصله كدي تاني عايني ليهو يا كريها يا سحاره
اسيل البتشاكل جات تضحححككككك وقالت لي سجمنا امسكوها يا جماعه
غسان....يارا خلاص هوي ارح عان الناس بتخش كيف
طلعنا ومشينا الواتس طوالي غسان دق لي
وبضحك لمن ما قادر يتكلم
قلت ليهو تضحك بلا سنون عاجبك الموضوع مش
غسان....لالا والله لكن انتي حقاره البت حتكون خشت في كومه ياخ😂😂😂😂😂😂
قلت ليهو تستاهل الغبيه قال شنو مبالغه
غسان....اسكتي خلاص ياخ😂😂😂😂😂
..................
مجد....اها كيفك
اسيل....كويسه بس جنبتي بتوجعني شدييد عشان كده دايرا امشي المستشفي بكره
مجد....خير ان شاءالله ما تكون حصوة بس
اسيل....بري ما عارفه والله لحد بكره بشوف
مجد...يعني انتي تعبانه وردحتي للبت لو كنتي نصيحه كنتي عملتي شنو
اسيل.... دي متخلفه ساي ما يكون كلامها عجبك
مجد....والله ولا قريتو زاتو كلام شنو كمان البعجبني
اسيل....ايوا كده فالح
مجد قعد يضحككك
بعد ما قفلت الخط رقدت نامت
انا بي هناك اتكلمت مع غسان لحد تلاته صباحا بعدين قلت ليهو حمشي اكمل الرسمه عشان بكره ما نفسي اقرا
غسان....لالا ما ترسمي هسا ياخ خليها لي بكره وهسا نومي
قلت ليه المشكله ما اظن يجيني نوم خلاص لو قدرت بنوم ما قدرت بتمها
غسان....حاضر يلا يعمري
قلت ليهو يلا
قفلت الخط حاولت انوم ما قدرت تميت حببه من الرسمه كده وزهجت مشيت شلت مذكراتي وقعدت اكتب
*ماذا حدث فجاءه؟؟ هل انا بدونك حقاً ؟؟ لا اعلم لكن كل الذي اعرفه انني لست علي ما يرام!!!*
#يتبع
ما تنسو التصويت
في امان الله😘❤❤❤❤❤❤❤❤❤
