الموقع الحالي كربلاء
الشيخ جعفر صباح / صرت شيخ بعد وفاة ابوي اللي تركني جبير اخوتي وراي اثنين اخوان اخوات ماعندي ابوي جان تاجر كلش جبير بالسوك وامي متوفيه اول ماجابت اخوي الثالث اني جعفر والثاني صلاح والثالث نعمه ابوي اتزوج بعد وفاة امي مباشرة لان يريد وحده تربينه وخصوصا اخوي صغير بالكماط اتزوج ابوي وحده من القرى القريبه علينه كبرتنه وربتنه وحبتنه بس الله ماكتبلها تخلف من ابوي وعاشت ويانه لحد ماكلنه اتزوجنه وخلفنه وماتت قبل سنتين وراها بسنه مات ابوي واني ورثت شغله وميراثه كله اخوتي اتنازلو اليه بكلشي لان يردوني اصير صاحب اكبر نصيب مالي بالعشيره واصير الشيخ من بعد ابوي
وصرت الشيخ بيتي ٦٠٠ متر يشمل الحديقه والديوانيه الجبيره اللي تشيل هواي ناس سويت الطابق الاخير للبيت مسجد البيت اربع طوابق والخامس المسجد بي مصعد وفوك مغاسل وكلشي مرتب حسب الاصول اني اتزوجت من عمر ٣٠ لان جنت ملتهي بشغلي وكملت دراستي واتقنت التجاره ومنطيها كل وكتي خلفت باول سنه وكلت لزوجتي اريد هواي خلفه وواحد وره الثاني لان اني كبرت ولازم اخلف بسرعه اتزوجت اسماء
اسماء/ اني بنت قريه بكربلاء وحيدة اهلي اني واخوي اهلي اصحاب حلال درسنه ابوي وتعب علينه واول ماتخرجت اتقدم عليه الشيخ جعفر وجان دارس وصيته مسموع والكل يعرفه ويحبه وابوي كيف بي وكال هذا يسعدج احنه كبنات قرى مالنه كلمه من بعد كلمة الاهل ووافقت واتزوجته وعشت وياه ملكه بيوم العرس اول شي كاله اريد هواي خلفه لان اني جبير ولازم يجي ولي العهد اللي يورثني اني جنت خجلانه وساكته ومكيفه بي لان جان حيل شكله هيبه وشخصيه حنينه والله رزقنه باول سنه زواج باول بنت
اذا لكيت تفاعل عالقصه اكملها إنـ̅ـْ̅ شـ̅ـ̅ـــ☝🏻ـــآءَ أأڵــﷻــــﷻــہ
