ﻛﺒﺴﺖ ﻋﻠﻰ ﺍﻟﻄﻔﻠﺔ ﻓﻲ ﺣﻤﻠﺘﻲ ﺍﻛﺜﺮ ... ﻣﻜﺒﺸﺔ ﻓﻴﺎ ﻭ ﺗﺸﻬﻖ ... ﻏﺰﺭﺕ ﻟﺰﻳﻨﺐ ... ﻟﻬﻲ ﺯﺍﺩﺓ ﻣﺮﻋﻮﺑﺔ ... ﺷﺎﻭﺭﺗﻞﻫﺎ ﺑﺮﺍﺳﻲ ﻋﻠﻰ ﺻﻐﻴﺮﺓ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ؛ﻋﺰﻳﺰﺗﻲ ... ﺷﺮﺍﻳﻚ ﺗﻤﺸﻲ ﻣﻊ ﺯﻳﻨﺐ ﺗﻮﺍ ... ﻭ ﺍﻧﺎ ﻣﺒﻌﺪ ﻧﺨﺎﻟﻂ ﻋﻠﻴﻜﻢ
ﻛﺒﺸﺖ ﻓﻴﺎ ﺍﻛﺜﺮ ... ﻭ ﻫﺰﺗﻠﻲ ﺑﺮﺍﺳﻬﺎ ... ﻭ ﺍﻧﺎ ﻣﻌﺎﺩ ﻧﺠﻢ ﻧﻌﻤﻞ ﺣﺘﻰ ﺧﻄﻮﺓ ﻣﻊ ﺻﻮﺗﻮ ... ﻭ ﻧﻌﺮﻑ ﺍﻱ ﺣﺮﻛﺔ ﺗﻮﺍ ﻳﻨﺠﻢ ﻳﻘﺘﻠﻨﺎ ﺍﻟﻜﻞ ... ﻛﺒﺴﺖ ﻋﺎﻟﻔﺮﺩ ﻓﻲ ﻳﺪﻱ ... ﻛﺒﺴﺖ ﻋﺎﻟﻄﻔﻠﺔ ﺍﻛﺜﺮ ... ﻭ ﺗﻠﻔﺖ ﻓﺮﺩ ﻣﺮﺓ ... ﻫﺰﻳﺖ ﺳﻼﺡ ﻓﻲ ﻭﺟﻬﻮ ... ﻧﻐﺰﺭﻟﻮ ... ﺣﺎﻁ ﻳﺪﻳﻪ ﺯﻭﺯ ﺩﺍﺧﻞ ﻣﻜﺎﺗﺒﻮ ... ﺍﺳﺘﻐﺮﺏﺕ ﻛﻴﻒ ﻣﺶ ﺣﺎﻣﻞ ﺣﺘﻰ ﺳﻼﺡ ... ﺗﺒﺴﻢ ﻋﻠﻰ ﺟﻨﺐ ... ﻳﻬﺰ ﻓﻴﺎ ﻭ ﻳﺤﻂ ... ﻏﺰﺭﺗﻠﻮ ﻓﻲ ﻭﺟﻬﻮ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺧﻠﻴﻬﻢ ﻳﻤﺸﻮ ﻣﻦ ﻫﻮﻧﻲ ... ﻣﺸﻜﻠﺘﻚ ﻣﻌﺎﻳﺎ ﺍﻧﺎ
ﻫﻮ : ﻭ ﺟﺮﻳﺌﺔ ﺯﺍﺩﺓ
ﺍﻧﺎ : ﺻﺪﻗﻨﻲ ﺍﺫﺍ ﻣﺨﻠﻴﺘﻬﻤﺶ ﻳﻤﺸﻮ ﻣﻦ ﻫﻮﻧﻲ ﺍﻧﺎ ﺑﺎﺵ ﻧﻘﻮﺹ ﻋﻠﻴﻚ ﺗﻮﺍ
ﻗﺮﺏ ﻣﻨﻲ ﺑﺨﻄﻮﺍﺕ ﺛﺎﺑﺘﺔ ... ﻣﻌﺎﺩﺵ ﻓﻤﺎ ﻣﺴﺎﻓﺔ ﻣﺒﻴﺮﺓ ﺑﻴﻨﺎ ... ﺳﻼﺡ ﻭﺍﺻﻞ ﻟﻨﺺ ﺻﺪﺭﻭ ... ﻏﺰﺭﻟﻲ ﻧﺪﺭﺍ ﻛﻴﻒ ... ﻳﺤﻜﻲ
ﻫﻮ : ﺑﺎﻫﻲ ﻗﻮﺹ
ﻋﻘﺪﺕ ﺣﻮﺍﺟﺒﻲ ... ﺩﻭﺭﺕ ﺭﺍﺳﻲ ﺷﻮﻳﺔ ... ﻧﻐﺰﺭ ﻟﺰﻭﺯ ﻣﻦ ﺭﺟﺎﻟﻮ ... ﻫﺎﺯﻳﻦ ﺳﻼﺣﻬﻢ ﻧﺎﺣﻴﺘﻨﺎ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﺍﺧﺘﺎﺭ ﺗﻮﺍ ... ﺗﺨﻠﻴﻬﻢ ﻳﻤﺸﻮ ... ﻭ ﺍﻋﻤﻞ ﻓﻴﺎ ﻟﻲ ﺗﺤﺐ ... ﻭ ﺍﻻ ﺑﺎﺵ ﻧﻤﻮﺗﻮ ﺍﻟﻜﻞ ﻓﺮﺩ ﻣﺮﺓ
ﻫﻮ : ﺗﻌﺮﻑ ﺣﺎﺟﺔ ... ﻣﺘﻮﻗﻌﺘﺶ ﺑﺎﺵ ﻧﻘﺎﺑﻠﻚ ﺷﺨﺼﻴﺎ ﺟﻤﻠﺔ ... ﻭ ﻓﻲ ﺍﻛﺜﺮ ﺑﻼﺻﺔ ﻧﺤﺒﻬﺎ
ﺍﻧﺎ : ﺷﺘﻘﺼﺪ
ﻫﻮ : ﺩﻧﻴﺰ ﺍﻝ ¤¤¤¤¤
ﻋﻴﻨﻴﺎ ﻭﺳﺎﻋﺖ ﻛﻴﻒ ﻧﻄﻖ ﺍﺳﻤﻲ ... ﻟﻔﺖ ﺭﺍﺳﻲ ﺷﻮﻳﺔ ﻏﺰﺭﺕ ﻟﺰﻳﻨﺐ ... ﻟﻲ ﺣﺘﻰ ﻫﻲ ﻣﺶ ﻓﺎﻫﻤﺔ ﺷﻲ ... ﻭﺭﺟﻌﺖ ﻏﺰﺭﺗﻠﻮ ... ﺗﺒﺴﻢ ﻋﻠﻰ ﺟﻨﺐ ﻭ ﻛﻤﻞ ﻛﻼﻣﻮ ﻳﺤﻜﻲ
ﻫﻮ : ﻓﻲ ﺑﺎﻟﻚ ﺫﻛﻴﺔ ﻟﻬﺪﺭﺟﺔ ... ﺑﺎﺵ ﺗﻬﺮﺏ ﻟﺒﻨﺎﺕ ﻫﺬﻭﻣﺎ ﺍﻟﻜﻞ ﺑﻼ ﻣﺎ ﻧﺸﻠﻖ ﺑﻴﻚ ... ﺑﺎﻟﻌﻜﺲ ﺍﻧﺎ ﺍﺳﺘﻤﺘﻌﺖ ﺑﺮﺷﺎ ﻭ ﺍﻧﺎ ﻧﻐﺰﺭ ﻟﻠﻌﺮﺽ ... ﻟﻲ ﺣﺘﻰ ﺍﻟﺒﻮﻟﻴﺲ ﻣﻨﺠﻤﻮﺵ ﻳﻌﻤﻠﻮﻩ ... ﺗﻮﺍ ﺑﺮﻙ ﻓﻬﻤﺖ ﻋﻼﻩ ﺍﻟﺨﺎﻭﺓ ﺍﻟﺰﻭﺯ ﻳﺘﻨﺎﻓﺴﻮ ﻋﻠﻴﻚ
ﺑﻘﻴﺖ ﻧﻐﺰﺭﻟﻮ ﻣﺼﺪﻭﻣﺔ ... ﻛﻼﻣﻮ ﺩﺧﻠﻨﻲ ﻓﻲ ﺣﻴﻂ ... ﺍﻟﻠﻲ ﻓﻬﻤﺘﻮ ﺍﻧﻮ ﻫﻮ ﻳﻌﺮﻓﻨﻲ ﺑﺎﻟﻘﺪﺍ ... ﺍﻣﺎ ﻳﻌﺮﻓﻨﻲ ﻛﻌﻤﻴﻠﺔ ... ﻭ ﻻ ﺩﻧﻴﺰ ﻛﻬﻮ ... ﻛﺒﺴﺖ ﻋﺎﻟﻔﺮﺩ ﺍﻛﺜﺮ ... ﻧﺤﻜﻲ
ﺍﻧﺎ : ﺷﻜﻮﻥ ﺍﻧﺖ ؟؟
ﻫﻮ : ﺍﻧﺖ ﻓﻲ ﺍﻟﻤﻜﺎﻥ ﻭ ﺍﻟﻮﻗﺖ ﺍﻟﻐﺎﻟﻂ ... ﻛﺎﻥ ﺗﻠﻴﻘﺎﻧﺎ ﻓﻲ ﻇﺮﻭﻑ ﺍﺣﺴﻦ ﻛﻨﺖ ﺑﺎﺵ ﻧﺨﺒﺮﻙ ﺑﻜﻠﺸﻲ
ﻛﻤﻞ ﻛﻼﻣﻮ ﻭ ﺟﺒﺪ ﺳﻼﺣﻮ ﺑﺎﻟﻮﻗﺖ ... ﺣﻄﻮ ﻓﻲ ﻭﺟﻬﻲ ... ﻏﺰﺭﻟﻲ ﺑﺤﻘﺪ ... ﺍﻭﻝ ﻣﺮﺓ ﻧﺮﺍﻫﺎ ﺍﻟﻨﻈﺮﺓ ﻫﺎﺫﻱ ... ﺗﺮﻋﺒﺖ ... ﻭ ﺗﺮﻋﺒﺖ ﺍﻛﺜﺮ ﻋﺎﻟﻄﻔﻠﺔ ﻟﻲ ﻓﻲ ﻳﺪﻱ ... ﻣﺎ ﻋﻨﺪﻫﺎ ﺣﺘﻰ ﺫﻧﺐ ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺧﻠﻴﻬﻢ ﻳﻤﺸﻮ ﻭ ﺍﻋﻤﻞ ﻟﻲ ﺗﺤﺐ
ﻫﻮ : ﻟﺒﻨﺎﺕ ﻟﻲ ﺣﺮﺭﺗﻬﻢ ﺍﻟﻜﻞ ﻓﻲ ﻳﺪ ﺭﺟﺎﻟﻲ ... ﻭ ﻟﻲ ﻣﻌﺎﻙ ﺯﺍﺩﺓ
ﻧﺰﻝ ﺳﻼﺣﻮ ﺷﻮﻳﺔ ... ﻫﺰﻧﻲ ﻭ ﺣﻄﻨﻲ ... ﺗﺒﺴﻢ ﺑﺨﺒﺚ ﻳﺤﻜﻲ
ﻫﻮ : ﺗﻌﺮﻑ ﻛﺎﻥ ﺍﻧﺎ ﺗﻮﺍ ﺑﻌﺜﺘﻚ ﻣﻌﺎﻫﻢ ... ﺑﺎﺵ ﺗﻜﻮﻥ ﺻﻔﻘﺔ ﺭﺍﺑﺤﺔ ﺍﻛﺜﺮ ... ﻭ ﻧﻈﻦ ﻏﺪﻳﻜﺎ ﺗﺮﺑﺢ ﺍﻛﺜﺮ ﻣﻦ ﻫﻮﻧﻲ ... ﺧﺎﺻﺔ ﻭﺣﺪﺓ ﻛﻴﻔﻚ ﺗﻌﺮﻑ ﻛﻴﻒ ﺗﺮﻛﺢ ﺍﻟﺮﺟﺎﻝ ﻭ ﺗﻘﺮﺑﻬﻢ ﻣﻨﻬﺎ
ﺍﻧﺎ : ﻣﺴﻜﻴﻦ ... ﻓﻲ ﺑﺎﻟﻚ ﺗﻨﺠﻢ ﺗﻌﻤﻠﻬﺎ ... ﺍﻧﺎ ﺩﻧﻴﻴﺰ ﻣﺶ ﺣﺪ ﺍﺧﺮ ﺫﻛﺮ ﻟﺸﻜﻮﻥ ﺗﺎﺑﻌﺔ
ﻫﻮ : ﺍﻭﻭﻭﻑ ﻣﻘﻮﺍﺍﺍﻙ ... ﺗﻌﺮﻑ ﺑﺪﻟﺖ ﺭﺍﻳﻲ ... ﻻ ﺭﺍﻧﻲ ﺑﺎﺵ ﻧﻘﺘﻠﻚ ﻭ ﻻ ﺣﺘﻰ ﻧﺒﻌﺜﻚ ﻣﻌﺎﻫﻢ ... ﺑﺎﺵ ﻧﺨﻠﻴﻚ ﻟﻴﺎ
ﺍﻧﺎ؛ﻓﻲ ﺍﺣﻼﻣﻚ .. ﻧﻘﺘﻞ ﺭﻭﺣﻲ ﻭ ﻣﻨﺨﻠﻴﺶ ﺣﺪ ﻣﺴﺦ ﻛﻴﻔﻚ ﻳﺤﻂ ﻳﺪﻭ ﻋﻠﻴﺎ
ﻫﺰ ﺳﻼﺣﻮ ... ﺷﺎﻭﺭ ﺑﻴﻪ ﻟﺮﺟﺎﻟﻮ ﺍﻟﺰﻭﺯ ... ﻳﺤﻜﻲ
ﻫﻮ : ﻓﻜﻮ ﺍﻟﻄﻔﻠﺔ ﻣﻦ ﻳﺪﻫﺎ ... ﻭ ﺍﻟﻠﻲ ﻣﻌﺎﻫﺎ ﺯﺍﺩﺓ
ﺍﻧﺎ : ﺭﺩ ﺑﺎﻟﻚ ﺗﻘﺮﺏ ﻭﺍﻟﻠﻪ ﻧﻘﺘﻠﻚ
ﻗﺮﺏ ﺍﻛﺜﺮ ... ﺣﻂ ﺍﻟﻔﺮﺩ ﻋﻠﻰ ﻇﻬﺮ ﺍﻟﻄﻔﻠﺔ ... ﻳﺤﻜﻲ
ﻫﻮ؛ﻗﻮﺹ ﺗﻮﺍ ﻛﺎﻥ ﺗﻨﺠﻢ
ﺍﻧﺎ : ﺍﺍﺍﺍﺑﺒﻌﺪ
ﻫﻮ : ﻧﺰﻟﻬﺎ ﻭ ﻻ ﻧﻘﺘﻠﻬﺎ ﻓﻲ ﻳﺪﻙ ... ﻭ ﻣﺠﺮﺑﺶ ﺻﺒﺮﻱ ﺧﺎﻃﺮﻧﻲ ﻧﻌﻤﻠﻬﺎ
ﺍﻧﺎ؛ﺏ ﺑﺎﻫﻲ ... ﻭﺧﺮ ﻟﺘﺎﻟﻲ ﻗﺒﻞ
ﻭﺧﺮ ﺧﻄﻮﺓ ﻟﺘﺎﻟﻲ ... ﻧﺰﻟﺖ ﺍﻟﻄﻔﻠﺔ ﺑﺎﻟﺴﻴﻒ ﺣﻄﻴﺘﻬﺎ ﻋﺎﻻﺭﺽ ... ﻛﺒﺸﺖ ﻓﻲ ﺳﺎﻗﻴﺎ ... ﺑﺎﻗﻲ ﻣﺼﺎﻭﺏ ﻧﺎﺣﻴﺘﻬﺎ ... ﻗﺤﺮﻟﻲ ﻳﺤﻜﻲ
ﻫﻮ : ﺍﺭﻣﻤﻤﻲ ﺍﻟﻔﺮﺩ ﻓﻴﺴﻊ
أنت تقرأ
🔥🔞"في أحضان عزرائيل"🔞🔥(الجزء الرابع)
عاطفيةبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
