🔥🔞"في أحضان عزرائيل"🔞🔥(الجزء الرابع)

الحلقة 637

ﺳﻮﺍﺭ ﺗﺤﻜﻲ : ﻧﻐﺰﺭﻟﻮ ﻛﻴﻒ ﻋﻠﻖ ﻋﻠﻰ ﺍﺩﻡ ... ﺟﺒﺪ ﺍﻟﻔﻠﻮﺱ ﻋﻄﺎﻫﻢ ﻟﺘﺎﻛﺴﻴﺴﺖ ﻭ ﻧﺰﻝ ... ﺧﺎﻟﻄﺖ ﻋﻠﻴﻪ ... ﻳﻤﺸﻲ ﻭ ﺣﺎﻁ ﻳﺪﻭ ﻋﻠﻰ ﺻﺪﺭﻭ ... ﺧﺸﻤﻮ ﻣﺰﺍﻝ ﺑﺎﻟﺪﻡ ... ﻭﺳﻂ ﻫﺬﺍ ﺍﻟﻜﻞ ﻧﻐﺰﺭﻟﻮ ... ﻭ ﺿﺎﻳﻌﺔ ﺟﻤﻠﺔ ... ﺣﺘﻰ ﻫﻮ ﺟﻴﺴﺖ ﻳﻐﺰﺭﻟﻲ ... ﻣﻨﻌﺮﻓﺶ ﻛﻴﻒ ﻭﺻﻠﻨﺎ ﻟﺒﺎﺏ ﺩﺍﺭﻭ ... ﻭﻗﺘﻬﺎ ﺑﺮﻙ ﺍﺳﺘﻮﻋﺒﺖ ... ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ... ﻭﺧﺮﺕ ﻟﺘﺎﻟﻲ ... ﻏﺰﺭﻟﻲ ﻣﺴﺘﻐﺮﺏ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺯ ﺯﻳﺎﺩ ... ﻻﺯﻡ ﻧﺮﺟﻊ ﺍﻧﺎ ﺗﻮﺍ ... ﻃﻤﻨﻲ ﻋﻠﻴﻚ ﺑﺎﻫﻲ ﻣﻨﻌﺮﻓﺶ ﻛﻴﻒ ﻛﻤﻠﺖ ﻛﻼﻣﻲ ... ﺍﻭﻝ ﻣﺎ ﺗﻔﻠﺖ ... ﺷﺪﻧﻲ ﻣﻦ ﻳﺪﻱ ... ﻳﺤﻜﻲ ﺯﻳﺎﺩ : ﺧﻠﻴﻚ ﺗﻨﻬﺪﺕ ﺑﺎﻟﻘﺎﻭﻱ ... ﻭ ﺗﻠﻔﺖ ﻋﻨﺪﻭ ... ﻃﻠﻌﺖ ﺭﺍﺳﻲ ﻧﻐﺰﺭﻟﻮ ... ﻧﺤﻜﻲ ﺍﻧﺎ : ﺯ ﺯﻳﺎﺩ ﺍﻧﺎ ... ﺻﺮﺍﺣﺔ ﺯﻳﺎﺩ : ﻣﻴﺮﺍﻝ ﻣﺶ ﻫﻮﻧﻲ ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻛﺎﻧﻮ ﻗﺮﺍ ﻓﺎﺵ ﻗﺎﻋﺪﺓ ﻧﻔﻜﺮ ... ﺳﻜﺖ ﻣﻠﻘﻴﺘﺶ ﺷﻨﺠﺎﻭﺏ ... ﺭﺧﻒ ﻳﺪﻭ ﻋﻠﻰ ﻳﺪﻱ ... ﻭ ﻣﺸﻰ ﺣﻞ ﺍﻟﺒﺎﺏ ... ﺩﺧﻞ ... ﺥﺫﻳﺖ ﻧﻔﺲ ﻭ ﺧﺎﻟﻄﺖ ﻋﻠﻴﻪ ... ﺩﻭﺏ ﺣﻄﻴﺖ ﺳﺎﻗﻲ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﺘﻮﻗﻊﺗﺶ ﺍﻧﻲ ﺑﺎﺵ ﻧﺪﺧﻞ ﺩﺍﺭ ﻫﺎﺫﻱ ﻣﺮﺓ ﺍﺧﺮﻯ ... ﺣﺎﻭﻟﺖ ﻧﻬﺪﻱ ﺭﻭﺣﻲ ... ﺳﻜﺮﺕ ﺍﻟﺒﺎﺏ ﻭﺭﺍﻳﺎ ... ﺧﺎﻟﻄﺖ ﻋﻠﻴﻪ ﻟﺼﺎﻟﺔ ... ﻗﻌﺪ ﻋﺎﻟﻔﻮﺗﺎﻱ ... ﻗﺮﺑﺖ ﻣﻨﻮ ﺷﻮﻳﺔ ﻧﻐﺰﺭﻟﻮ ... ﻣﻨﻌﺮﻓﺶ ﻋﻼﻩ ﺗﻌﺎﺭﻛﻮ ﺑﺎﻟﻄﺮﻳﻘﺔ ﻫﺎﺫﻱ ... ﺗﻠﻔﺖ ﺑﺎﺵ ﻧﻮﻟﻲ ... ﻭﻗﻔﻨﻲ ﻳﺤﻜﻲ ﺯﻳﺎﺩ : ﻭﻳﻦ ﻣﺎﺷﻴﺔ ﺗﻠﻔﺖ ﻋﻨﺪﻭ ... ﻟﻘﻴﺘﻮ ﻃﻠﻊ ﺭﺍﺳﻮ ﻳﻐﺰﺭﻟﻲ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻧﺠﻴﺐ ﺑﻮﺍﺕ ﻓﺮﻣﺎﺳﻲ ﻫﺰﻟﻲ ﺑﺮﺍﺳﻮ ﺑﺎﻫﻲ ... ﻭﺭﺟﻊ ﺗﻜﺎ ﻟﺘﺎﻟﻲ ... ﺧﻠﻴﺘﻮ ﻭﻣﺸﻴﺖ ﻟﺒﻴﺘﻮ ... ﺩﺯﻳﺖ ﺍﻟﺒﺎﺏ ﻭ ﺩﺧﻠﺖ ... ﺩﻭﺭﺕ ﻋﻴﻨﻴﺎ ﻋﺎﻟﺒﻴﺖ ﺍﻟﻜﻞ ... ﻭ ﺗﺮﻛﺰﻭ ﻋﺎﻟﺴﺮﻳﺮ ... ﺩﺍﺧﻞ ﺑﻌﻀﻮ ... ﻣﺤﺒﻴﺖ ﻧﺨﻤﻢ ﻓﻲ ﺣﺘﻰ ﺷﻲ ﺍﺧﺮ ... ﻣﻨﺤﺒﺶ ﻧﺴﺘﺨﺎﻳﻞ ﻟﻬﻮ ﻛﺎﻥ ﻫﻮﻧﻲ ﻣﻌﺎﻫﺎ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ﺑﺎﻟﺰﺭﺑﺔ ... ﻧﻔﺮﻛﺲ ﻋﻠﻰ ﺑﻮﺍﺕ ﻓﺮﻣﺎﺳﻲ ... ﺟﺎﺕ ﻋﻴﻨﻲ ﻋﺎﻟﻤﺮﺍﻳﺎ ... ﻭﻗﻔﺖ ﻓﻲ ﺑﻼﺻﺘﻲ ﻧﻐﺰﺭ ﻟﺮﻭﺣﻲ ... ﺣﺎﻭﻟﺖ ﻧﻔﺮﻛﺲ ﺳﻮﺍﺭ ﺍﻣﺎ ﺷﻲ ... ﻟﻨﺮﺍ ﻓﻴﻬﺎ ﺗﻮﺍ ﺩﻧﻴﺰ ... ﺩﻧﻴﺰ ﻭ ﻛﻬﻮ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﺍﻻﺣﺪ ﺍﺙ ﺍﻟﻜﻞ ﺗﻌﺎﻭﺩﺕ ﻓﻲ ﺭﺍﺳﻲ ... ﺣﻠﻴﺖ ﻋﻴﻨﻴﺎ ... ﻭ ﺍﺳﺘﻨﺪﺕ ﺑﻴﺪﻳﺎ ﺯﻭﺯ ﻋﺎﻟﺮﺧﺎﻣﺔ ... ﻧﺘﻨﻒﺱ ﺑﺎﻟﻘﺎﻭﻱ ... ﺣﻠﻴﺖ ﺍﻟﺴﺒﺎﻟﺔ ... ﻧﻐﺴﻞ ﻓﻲ ﻳﺪﻳﺎ ﻭ ﻧﻌﺎﻭﺩ ... ﻧﺤﺐ ﻧﺤﻲ ﺩﻣﻮ ﻣﻦ ﻳﺪﻱ ... ﺑﺎﻗﻲ ﻧﻐﺴﻞ ﻓﻴﻬﻢ ﺍﻣﺎ ﺷﻲ ... ﻧﺰﻟﺖ ﻧﻐﺴﻞ ﻓﻲ ﻭﺟﻬﻲ ... ﻧﺤﺐ ﻧﻔﻴﻖ ﻣﻦ ﺍﻟﻠﻲ ﺻﺎﺭ ... ﺍﻭﻝ ﻣﺎ ﻃﻠﻌﺖ ﺭﺍﺳﻲ ... ﺟﺎﺕ ﻋﻴﻨﻲ ﻋﻠﻰ ﻋﻴﻨﻮ ﻓﻲ ﺍﻟﻤﺮﺍﻳﺎ ... ﺍﺳﺘﻨﺪﺕ ﺑﻴﺪﻱ ﻋﺎﻟﺮﺧﺎﻣﺔ ... ﻭﻗﻒ ﻗﺪﺍﻣﻲ ﺑﺎﻟﻈﺒﻂ ... ﺷﺪﻧﻲ ﻣﻦ ﻳﺪﻱ ﺩﻭﺭﻧﻲ ﻋﻨﺪﻭ ... ﺣﺎﻭﻃﻨﻲ ﺑﻴﺪﻳﻪ ﺯﻭﺯ ﻋﻠﻰ ﻭﺟﻬﻲ ... ﻳﺤﻜﻲ ﺯﻳﺎﺩ : ﺍﻧﺖ ﻣﺎ ﻋﻤﻠﺖ ﺷﻲ ... ﻧﺤﺒﻚ ﺗﻨﺴﻰ ﻟﻲ ﺻﺎﺭ ﺟﻤﻠﺔ ... ﻭ ﻣﻌﺎﺩﺵ ﺗﻔﻜﺮ ﻓﻴﻪ ... ﺍﻧﺖ ﻣﺶ ﻣﺠﺮﻣﺔ ... ﻭ ﻣﺴﺘﺤﻴﻞ ﻧﺴﻤﺤﻠﻚ ﺑﺎﻟﻄﺮﻳﻘﺔ ﻫﺎﺫﻱ ... ﻣﻔﻬﻮﻡ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻗﺮﺏ ﻣﻨﻲ ﺍﻛﺜﺮ ... ﺑﺎﺳﻨﻲ ﻣﻦ ﺭﺍﺳﻲ ... ﺑﻮﺳﺔ ﻣﺮﺻﻮﺻﺔ ... ﻭﺟﺒﺪ ﺭﻭﺣﻮ ﻣﻨﻲ ... ﺟﺒﺪ ﺑﻮﺍﺕ ﻓﺮﻣﺎﺳﻲ ﺣﻄﻬﺎ ﻓﻲ ﻳﺪﻱ ... ﺗﺒﺴﻤﻠﻲ ... ﻭ ﺣﻂ ﻳﺪﻭ ﻋﻠﻰ ﻳﺪﻱ ﺟﺒﺪﻧﻲ ﻣﻌﺎﻩ ... ﺭﺟﻌﻨﺎ ﻟﺼﺎﻟﺔ ... ﺗﺮﻣﺎ ﻋﺎﻟﻔﻮﺗﺎﻱ ﻣﻮﺟﻮﻉ ... ﻗﻌﺪﺕ ﻋﺎﻟﻄﺎﻭﻟﺔ ﻣﻘﺎﺑﻼﺗﻮ ... ﺣﻠﻴﺖ ﺍﻟﺒﻮﺍﺕ ... ﺟﺒﺪﺕ ﻗﻄﻦ ﻭ ﻣﻌﻘﻢ ... ﻗﺮﺑﺖ ﻣﻨﻮ ﺷﻮﻳﺔ .. ﺣﻄﻴﺘﻮ ﺟﻤﺐ ﻓﻤﻮ ... ﻏﻤﺾ ﻋﻴﻨﻴﻪ ﺑﺎﻟﻘﺎﻭﻱ ... ﺟﺒﺪﺕ ﻳﺪﻱ ﺑﺎﻟﻮﻗﺖ ... ﺣﻞ ﻋﻴﻨﻴﻪ ﻳﻐﺰﺭﻟﻲ ... ﺑﻘﻴﺖ ﻧﻤﺴﺢ ﻓﻲ ﺩﻡ ﻟﻲ ﻧﺎﺯﻝ ﻣﻦ ﺧﺸﻤﻮ ... ﻫﺰﻳﺖ ﻳﺪﻱ ﻻﺧﺮﻯ ... ﻋﺪﻳﺖ ﺻﻮﺍﺑﻌﻲ ﺗﺤﺖ ﺍﻟﻀﺮﺑﺔ ﺗﺤﺖ ﻋﻴﻨﻮ ... ﻛﺎﻥ ﻣﻘﻮﺻﺘﺶ ﻋﻠﻴﻪ ... ﻛﻨﺖ ﺑﺎﺵ ﻧﺨﺴﺮﻭ ... ﺭﺧﻔﺖ ﻳﺪﻳﺎ ﺍﻟﺰﻭﺯ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻣﻨﺠﻤﺘﺶ ﻧﺸﺪﻫﻢ ... ﻫﺰ ﻳﺪﻭ ... ﺣﻄﻬﺎ ﻋﻠﻰ ﻳﺪﻳﺎ ﺯﻭﺯ ... ﻛﺒﺲ ﻋﻠﻴﺎ ﻭ ﺟﺒﺪﻧﻲ ﻋﻨﺪﻭ ... ﻧﺴﻴﺖ ﻛﻠﺸﻲ ... ﻭ ﻃﺎﻭﻋﺘﻮ ... ﻗﺮﺑﺖ ﻣﻨﻮ ﺍﻛﺜﺮ ... ﻗﻌﺪﺕ ﻓﻲ ﺣﺠﺮﻭ ... ﺗﺮﻣﻴﺖ ﻋﻠﻴﻪ ... ﺣﻀﻨﺘﻮ ﺑﻜﻞ ﻗﻮﺗﻲ ... ﻛﺒﺴﺖ ﺑﻴﺪﻱ ﻋﻠﻰ ﺭﺍﺳﻮ ... ﻭ ﻃﺮﺷﻘﺖ ﺑﺎﻟﺒﻜﺎ ... ﺣﻂ ﻳﺪﻭ ﻋﻠﻰ ﻇﻬﺮﻱ ... ﻳﺤﻜﻲ ﺯﻳﺎﺩ : ﺳﻮﺍﺍﺭ ﻳﺰﻱ ﺍﻣﺎﻧﻚ