ﺑﻘﻰ ﻳﻐﺰﺭﻟﻲ ... ﺟﺎ ﺷﻴﺤﻜﻲ ... ﻗﺼﻴﺖ ﻋﻠﻴﻪ ﻛﻴﻒ ﻣﺸﻴﺖ ﻭ ﺧﻠﻴﺘﻮ ﻭﺍﻗﻒ ﻓﻲ ﺑﻼﺻﺘﻮ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﻠﻜﺮﻫﺒﺔ ... ﺣﻠﻴﺘﻪﺍ ﺑﻐﺰﻭﻝ ﻭﺭﻛﺒﺖ ... ﻃﻮﻝ ﺍﻟﺜﻨﻴﺔ ﻭ ﺍﻧﺎ ﻋﻠﻰ ﺍﻋﺼﺎﺑﻲ ... ﺍﻭﻝ ﻣﺎ ﻭﺻﻠﺖ ﻋﻘﺪﺕ ﺣﻮﺍﺟﺒﻲ ... ﻛﻴﻒ ﺭﻳﺖ ﻛﺮﻫﺒﺔ ﻏﺮﻳﺒﺔ ﻣﺮﺍﻛﻴﺔ ﺑﺤﺬﺍ ﺍﻟﺪﺍﺭ ... ﻭ ﺣﺘﻰ ﻣﻦ ﺍﻟﺒﺎﺏ ﻣﺤﻠﻮﻝ ... ﻧﺰﻟﺖ ﺑﺎﻟﺰﺭﺑﺔ ... ﺩﺯﻳﺖ ﺍﻟﺒﺎﺏ ﻭ ﺩﺧﻠﺖ ... ﻧﻠﻘﻰ ﻣﻼﻙ ﻭﺭﺍ ﺯﻳﻨﺐ ... ﻓﺎﺣﻤﺔ ﺑﺎﻟﺒﻜﺎ ... ﻭ ﻣﺮﺍ ﻛﺒﻴﺮﺓ ﺗﺤﺎﻭﻝ ﺗﺠﺒﺪﻫﺎ ﻣﻦ ﻋﻨﺪﻫﺎ ... ﻭ ﺯﻭﺯ ﺭﺟﺎﻝ ﻭﺍﻗﻔﻴﻦ ﻣﻌﺎﻫﺎ ... ﻗﺮﺑﺖ ﻣﻨﻬﺎ ﺑﺎﻟﺰﺭﺑﺔ ﻧﺤﻜﻲ ﺍﻧﺎ : ﺷﻔﻤﻤﺎﺍﺍ ﻳﺎﺧﻲ ﺯﻳﻨﺐ : ﺗﺤﺐ ﺗﺎﺧﻮ ﻣﻼﻙ ﺑﺎﻟﺴﻴﻒ ﺍﻧﺎ : ﺷﻨﻨﻨﻮﺓ ... ﻭ ﺷﻜﻮﻥ ﺍﻧﺖ ﺗﻠﻔﺘﺖ ﻋﻨﺪﻱ ﻫﺰﺗﻨﻲ ﻭ ﺣﻄﺘﻨﻲ ... ﻗﺮﺑﺖ ﻣﻨﻲ ﺗﺤﻜﻲ ﻫﻲ : ﺍﺣﻨﺎ ﻣﻦ ﺣﻘﻮﻕ ﺍﻟﻄﻔﻞ ... ﻭ ﺣﺴﺐ ﺍﻟﻘﻮﺍﻧﻴﻦ ... ﻣﻼﻙ ﻻﺯﻡ ﺗﺮﺟﻊ ﻟﻠﻤﻴﺘﻢ ... ﻭ ﻣﻌﻨﺪﻛﺶ ﺣﻖ ﺗﺸﺪﻫﺎ ﻋﻨﺪﻙ ﻫﻮﻧﻲ ﺍﻧﺎ : ﺑﺎﻫﻲ ﺍﻧﺎ ﻧﺤﺐ ﻧﺘﺒﻨﺎﻫﺎ ﺗﺒﺴﻤﺖ ﻋﻠﻰ ﺟﻨﺐ ... ﻭ ﺣﻠﺖ ﺍﻟﺪﻭﺳﻲ ﺗﻘﺮﺍ ﻓﻴﻪ ﻗﺪﺍﻣﻨﺎ ﺍﻟﻜﻞ ﻫﻲ : ﺩﻧﻴﻴﺰ ¤¤¤¤¤ ﺍﻭﻝ ﺷﻲ ﺍﻧﺖ ﻣﺶ ﻣﻌﺮﺳﺔ ... ﻭ ﺣﻴﺎﺗﻚ ﻣﺶ ﻣﺴﺘﻘﺮﺓ ﺟﻤﻠﺔ ... ﻭ ﺗﻌﺮﺿﺖ ﻟﻠﻘﺘﻞ ﺍﻛﺜﺮ ﻣﻦ ﻣﺮﺓ ... ﻛﻴﻒ ﺗﻨﺠﻢ ﺗﺤﻤﻲ ﻃﻔﻠﺔ ﺻﻐﻴﺮﺓ ﺑﻘﻴﺖ ﻧﻐﺰﺭﻟﻬﺎ ﻛﻼﻣﻬﺎ ﺻﺤﻴﺢ ... ﺍﻣﺎ ﺯﺍﺩﺓ ﻣﻨﺠﻤﺶ ﻧﺨﻠﻲ ﻣﻼﻙ ﺗﻤﺸﻲ ﻣﻌﺎﻫﺎ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻣﻼﻙ ﻣﺰﺍﻟﺖ ﻣﺮﻳﻀﺔ ... ﺧﻠﻴﻬﺎ ﻫﻮﻧﻲ ﻋﺎﻻﻗﻞ ﻟﻴﻦ ﺗﺮﺗﺎﺡ ... ﻭ ﻣﺶ ﺍﻧﺖ ﻟﻲ ﺗﻘﺮﺭ ﺍﺫﺍ ﻧﺠﻢ ﻧﺘﺒﻨﺎﻫﺎ ﻭ ﻻ ﻻ ﺑﺎﻫﻲ ﻫﻲ : ﻣﻼﻙ ﻻﺯﻡ ﺗﻌﻴﺶ ﻓﻲ ﻋﺎﻳﻠﺔ ﻣﺴﺘﻘﺮﺓ ... ﺑﻴﻦ ﺍﻡ ﻭ ﺑﻮ ... ﻣﺶ ﻫﻮﻧﻲ ... ﻛﺎﻥ ﺍﻧﺖ ﺗﺤﺒﻬﺎ ﺑﺎﻟﺤﻖ ﻻﺯﻣﻚ ﺗﺨﻤﻢ ﻓﻲ ﻣﺼﻠﺤﺘﻬﺎ ... ﺍﻧﺖ ﺗﻌﺮﻑ ﻟﻤﺘﻨﺠﻤﺶ ﺗﻮﻓﺮﻟﻬﺎ ﻫﺬﺍ ﺍﻟﻜﻞ ... ﻋﻠﻰ ﻫﺬﺍﻛﺎ ﻫﻲ ﻣﻴﻠﺰﻣﺶ ﺗﻌﻴﺶ ﻓﻲ ﺍﻟﺨﻄﺮ ﻫﺬﺍ ﻣﻌﺎﻙ ... ﻭ ﻛﻴﻒ ﻣﺎ ﻛﻨﺖ ... ﺍﻧﺖ ﻣﺘﻨﺠﻤﺶ ﺗﺒﺪﻝ ﺍﻟﻘﻮﺍﻧﻴﻦ ﻫﻮﻧﻲ ﺣﺴﻴﺖ ﺑﺨﻨﻘﺔ ﻣﻦ ﻛﻼﻣﻬﺎ ... ﻣﻨﻌﺮﻓﺶ ﻛﻴﻒ ﺷﻨﺠﻢ ﻧﺒﻘﻰ ﻣﻦ ﻏﻴﺮﻫﺎ ... ﺳﺘﺎﻧﺴﺖ ﺑﻴﻬﺎ ﺑﺮﺷﺎ ... ﺍﻣﺎ ﺯﺍﺩﺓ ﻋﻨﺪﻫﺎ ﺣﻖ ... ﻣﻼﻙ ﻻﺯﻡ ﺗﻌﻴﺶ ﻓﻲ ﻋﺎﻳﻠﺔ ﻣﺴﺘﻘﺮﺓ ... ﻣﺶ ﻣﻊ ﻭﺣﺪﺓ ﻛﻴﻔﻲ ... ﻗﺮﺑﺖ ﺷﻮﻳﺔ ﻣﻦ ﻣﻼﻙ ... ﺟﺎﺕ ﺗﺠﺮﻱ ﻋﻨﺪﻱ ... ﺣﻀﻨﺘﻨﻲ ... ﻧﺰﻟﺖ ﻋﻠﻴﻬﺎ ... ﻋﺪﻳﺖ ﺻﻮﺍﺑﻌﻲ ﻋﻠﻰ ﺧﺪﻭﺩﻫﺎ ... ﻧﻤﺴﺢ ﻓﻲ ﺩﻣﻮﻋﻬﺎ ﻭ ﻧﺤﻜﻲ ﺍﻧﺎ : ﻣﻼﻙ ﻳﺎ ﺭﻭﺣﻲ ... ﺗﻌﺮﻓﻨﻲ ﻗﺪﺍﺵ ﻧﺤﺒﻚ ﺍﻧﺎ ﻣﺶ ﻫﻜﺎ ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﺗﺒﺴﻤﺖ ﺑﺎﻟﺴﻴﻒ ... ﻧﺤﺎﻭﻝ ﻗﺪ ﻣﺎ ﻧﺠﻢ ﻣﻨﺒﻜﻴﺶ ... ﺧﺬﻳﺖ ﻧﻔﺲ ﻭ ﻛﻤﻠﺖ ﻧﺤﻜﻲ ﺍﻧﺎ : ﺍﻧﺖ ﺗﻮﺍ ﺑﺎﺵ ﺗﻤﺸﻲ ﻣﻌﺎﻫﻢ ... ﻏﺪﻳﻜﺎ ﺑﺎﺵ ﺗﻜﻮﻥ ﻣﺮﺗﺎﺡ ﺍﻛﺜﺮ ... ﻭﻧﻮﻋﺪﻙ ﺷﻨﺠﻲ ﻧﺰﻭﺭﻙ ﺩﻳﻤﺎ ... ﻭ ﻛﺎﻥ ﻟﺰﻡ ﻛﻞ ﻳﻮﻡ ﻫﺰﺗﻠﻲ ﺑﺮﺍﺳﻬﺎ ﻻ ... ﺭﻳﺖ ﻧﻈﺮﺓ ﺍﻟﺨﻮﻑ ﻟﻲ ﻓﻲ ﻋﻴﻨﻴﻬﺎ ... ﻟﻲ ﻟﺤﻈﺔ ﺗﻌﺒﺎﻭ ﺑﺪﻣﻮﻉ ... ﺗﺮﻣﺎﺕ ﻋﻠﻴﺎ ﺣﻀﻨﺘﻨﻲ ﺑﻜﻞ ﻗﻮﺗﻬﺎ ... ﺗﺒﻜﻲ ﺑﺎﻟﺸﻬﻘﺔ ... ﻋﺪﻳﺖ ﻳﺪﻱ ﻭﺭﺍ ﻇﻬﺮﻫﺎ ... ﻧﺤﻜﻲ ﺍﻧﺎ : ﺻﺪﻗﻨﻲ ﺣﺘﻰ ﺍﻧﺎ ﻧﺤﺒﻚ ﺗﺒﻘﻰ ﻫﻮﻧﻲ ﻣﻌﺎﻳﺎ ... ﺍﻣﺎ ﺷﻲ ﺍﻗﻮﻯ ﻣﻨﻲ ... ﻧﻮﻋﺪﻙ ﺑﺎﺵ ﻧﻌﻤﻞ ﻟﻲ ﻧﺠﻢ ﻋﻠﻴﻪ ... ﺍﻣﺎ ﺗﻮﺍ ﻻﺯﻣﻚ ﺗﻤﺸﻲ ﻣﻌﺎﻫﻢ ﺟﺒﺪﺗﻬﺎ ﻣﻦ ﻋﻨﺪﻱ ... ﻣﺴﺤﺖ ﺩﻣﻮﻋﻬﺎ ... ﻭ ﺗﺒﺴﻤﺘﻠﻬﺎ ﻧﺤﻜﻲ ﺍﻧﺎ : ﻣﻨﺤﺒﻜﺶ ﺗﺨﺎﻑ ... ﻭ ﻣﻌﺎﺩﺵ ﻧﺤﺒﻚ ﺗﺒﻜﻲ ﻋﻴﺶ ﺻﻐﺮﻭﻧﺘﻲ ... ﻭ ﺍﻱ ﺣﺪ ﻳﻘﺮﺏ ﻣﻨﻚ ﺷﻴﻠﻘﺎﻧﻲ ﻓﻲ ﻭﺟﻬﻮ ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﻗﺮﺑﺖ ﻣﻨﻬﺎ ﺍﻟﻤﺮﺍ ﺟﺒﺪﺗﻬﺎ ﻣﻦ ﻳﺪﻫﺎ ... ﻃﻠﻌﺖ ﺭﺍﺳﻲ ﻗﺤﺮﺗﻠﻬﺎ ﻗﺨﺮﺓ ﻣﺘﺎﻉ ﻣﻮﺕ ﻧﺤﻜﻲ ﺍﻧﺎ : ﺍﺍﺍﺧﺮ ﻣﺮﺓ ﺗﺘﻌﺎﻣﻞ ﻣﻌﺎﻫﺎ ﻫﻜﺎ ﻭ ﻻ ﺗﺼﻴﺢ ﻋﻠﻴﻬﺎ ... ﻛﺎﻥ ﻓﻲ ﺑﺎﻟﻚ ﻧﺠﻤﺖ ﺗﻬﺰﻫﺎ ﺗﻮﺍ ... ﺍﺗﻮﻗﻊ ﺷﻨﻴﺔ ﻟﻲ ﻧﺠﻢ ﻧﻌﻤﻠﻮ ﺍﻧﺎ ... ﻧﻈﻦ ﻣﻌﻠﻮﻣﺎﺗﻚ ﻋﻠﻴﺎ ﻛﺎﻓﻴﺔ ﻟﺘﻮﺍ ﺭﺧﻔﺖ ﻳﺪﻫﺎ ﻋﻠﻰ ﻣﻼﻙ ... ﻋﺰﻳﺖ ﺭﻭﺣﻲ ﻗﻤﺖ ﻭﺻﻠﺘﻬﺎ ﻟﻠﻜﺮﻫﺒﺔ ... ﻧﻈﺮﺍﺕﻫﺎ ﺫﺑﺤﻮﻧﻲ ... ﺣﺴﻴﺘﻬﺎ ﺧﺎﻳﻔﺔ ﻣﻦ ﺣﺎﺟﺔ ﺍﻣﺎ ﻣﻌﺮﻓﺘﺶ ﻣﻦ ﺷﻨﻮﺓ ... ﺭﻛﺒﺖ ﺑﺎﻟﺴﻴﻒ ... ﺗﻠﻔﺘﺖ ﺷﺎﻭﺭﺗﻠﻲ ﺑﻴﺪﻫﺎ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻗﺮﺑﺖ ﻣﻨﻲ ﺯﻳﻨﺐ ﺗﺤﻜﻲ ﺯﻳﻨﺐ : ﺩﻧﻴﻴﺰ ﻟﺒﺎﺱ ﻣﺎﻫﻮ ﻫﺰﻳﺘﻠﻬﺎ ﺑﺮﺍﺳﻲ ﻻ ... ﺣﻄﺖ ﻳﺪﻫﺎ ﻋﻠﻰ ﻛﺘﻔﻲ ... ﺗﺤﻜﻲ ﺯﻳﻨﺐ : ﺷﺒﺎﺱ ﺗﻌﻤﻞ ﺗﻮﺍ ﺍﻧﺎ : ﻣﻨﻌﺮﻓﺶ ... ﻣﻦﺟﻢ ﻧﻌﻤﻞ ﺷﻲ ﺯﻳﻨﺐ : ﻫﻴﺎ ﺍﻳﺠﺎ ﺗﺮﺗﺎﺡ ﺗﻮﺍ ... ﻣﺒﻌﺪ ﺳﺎﻫﻞ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺩﺧﻠﺖ ﻣﻌﺎﻫﺎ ﻟﺪﺍﺭ ... ﻣﻨﺠﻤﺖ ﻧﺤﻜﻲ ﺷﻲ .. ﺧﻠﻴﺘﻬﻢ ﺍﻟﻠﻮﻃﺔ ... ﻭ ﻃﻠﻌﺖ ﻧﺠﺮﻱ ﻟﺒﻴﺘﻲ ... ﺗﺮﻣﻴﺖ ﻋﺎﻟﺴﺮﻳﺮ ... ﻧﺰﻟﻮ ﺩﻣﻮﻋﻲ ﺍﻛﺜﺮ ... ﻛﻼﻣﻬﺎ ﻟﺘﻮ ﻳﺘﻌﺎﻭﺩ ﻓﻲ ﻣﺨﻲ ... ﺣﺘﻰ ﻣﻼﻙ ﺑﻌﺪ ﻣﺎ ﺳﺘﺎﻧﺴﺖ ﺑﻴﻬﺎ ﻓﻜﻮﻫﺎ ﻣﻨﻲ ... ﺍﻟﻴﻮﻡ ﻛﻬﻮ ﻋﺮﻓﺖ ﻟﻤﺴﺘﺤﻴﻞ ... ﺣﺪ ﻳﺒﻘﻰ ﻓﻲ ﺣﻴﺎﺗﻲ ... ﻭ ﻣﺴﺘﺤﻴﻞ ﻧﺠﻢ ﻧﻌﻴﺶ ﺣﻴﺎﺓ ﻣﺴﺘﻘﺮﺓ ... ﻗﻠﺒﻲ ﻏﻢ ﻋﻠﻴﺎ ﺍﻛﺜﺮ ﻣﻦ ﺍﻟﻠﻲ ﺻﺎﺭ ... ﺣﺘﻰ ﻣﻼﻙ ﺳﺘﺎﻧﺴﺖ ﺑﻴﻬﺎ ﺗﺮﻗﺪ ﻛﺎﻥ ﺑﺠﻤﺒﻲ ... ﻏﻤﻀﺖ ﻋﻴﻨﻴﺎ ... ﻧﺤﺐ ﻧﻨﺴﻰ ﻟﻲ ﺻﺎﺭ ﺟﻤﻠﺔ ... ﻣﻨﻌﺮﻓﺶ ﻛﻴﻒ ﻫﺰﻧﻲ ﻧﻮﻡ ﻭ ﻏﻔﻴﺖ
أنت تقرأ
🔥🔞"في أحضان عزرائيل"🔞🔥(الجزء الرابع)
عاطفيةبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
