ﺍﻧﺎ؛ﺍﺭﺗﺤﺖ ﻓﻲ ﺍﻟﻨﻮﻣﺔ ﻳﺎ ﺭﻭﺣﻲ
ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﻭ ﻫﺰﺕ ﺭﻭﺣﻬﺎ ﺗﻘﻌﺪﺕ ... ﺷﺪﻳﺘﻬﺎ ﻣﻦ ﻳﺪﻳﻬﺎ ﺯﻭﺯ ... ﻧﺤﻜﻲ
ﺍﻧﺎ : ﻣﻼﻙ ﻋﺰﻳﺰﺗﻲ ... ﺍﻧﺎ ﺷﻨﻤﺸﻲ ﺗﻮﺍ ... ﻭ ﺍﻧﺖ ﺑﺎﺵ ﺗﺒﻘﻰ ﻣﻊ ﺯﻳﻨﺐ ﻭ ﺧﺎﻟﺘﻲ ﺭﺍﺿﻴﺔ ﻟﻴﻦ ﻧﺮﺟﻊ ﺑﺎﻫﻲ
ﻫﺰﺗﻠﻲ ﺑﺮﺍﺳﻬﺎ ﻻﺍ ... ﻭ ﺟﺎﺕ ﺷﺘﺒﻜﻲ ... ﻫﺰﻳﺘﻬﺎ ﻓﻲ ﺣﻤﻠﺘﻲ ... ﻛﺒﺴﺖ ﻋﻠﻴﻬﺎ ﻧﺤﻜﻲ
ﺍﻧﺎ : ﻣﻼﻙ ... ﻳﺎ ﺭﻭﺣﻲ ﻣﺘﺨﺎﻑ ﻣﻦ ﺣﺘﻰ ﺷﻲ ... ﺣﺘﻰ ﺣﺪ ﻣﺎﻫﻮ ﺑﺎﺵ ﻳﻬﺰﻙ ﻣﻦ ﻫﻮﻧﻲ ... ﻭ ﺍﻧﺎ ﻻﺯﻣﻨﻲ ﻧﻤﺸﻲ ﺑﺎﺵ ﻧﺤﺎﺳﺐ ﻟﻲ ﻋﻤﻠﺖ ﻓﻴﻚ ﻫﻜﺎ ... ﻭ ﻧﺮﺟﻊ ... ﻧﺤﺒﻚ ﺗﻜﻮﻥ ﻗﻮﻳﺔ ﻭ ﻣﺘﺨﺎﻑ ﻣﻦ ﺣﺘﻰ ﺷﻲ ﺑﺎﻫﻲ
ﺟﺒﺪﺕ ﺭﻭﺣﻬﺎ ﻣﻨﻲ ... ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﻭ ﺑﺎﺳﺘﻨﻲ ﻣﻦ ﺧﺪﻱ ... ﻫﺰﻳﺖ ﺭﻭﺣﻲ ﺑﺪﻟﺘﻠﻬﺎ ﺩﺑﺸﻬﺎ ... ﻭ ﻧﺰﻟﺘﻬﺎ ﻣﻌﺎﻳﺎ ﺍﻟﻠﻮﻃﺔ ... ﻓﻄﺮﻧﺎ ﻣﻊ ﺑﻌﺾ ... ﻭﺻﻴﺖ ﺯﻳﻨﺐ ﻋﻠﻴﻬﺎ ... ﻫﺰﻳﺖ ﻣﻔﺎﺗﺤﻲ ﻭ ﺧﺮﺟﺖ ... ﺩﺭﻳﻜﺴﻴﻮﻥ ﻟﻠﻤﺮﻛﺰ ... ﺍﻭﻝ ﻣﺎ ﻭﺻﻠﺖ ﻟﻘﻴﺘﻬﻢ ﺍﻟﺰﻭﺯ ﻏﺎﺩﻱ ... ﻭ ﺑﻌﺜﻮ ﺷﻜﻮﻥ ﻟﻠﻤﻴﺘﻢ ﻳﺘﺤﻘﻮ ﻣﻦ ﺍﻟﺤﻜﺎﻳﺔ ... ﺍﺣﺴﻦ ﺷﻲ ﻃﺮﺩﻭ ﻟﻲ ﺗﺨﺪﻡ ﻏﺪﻳﻜﺎ ... ﻭ ﺍﻟﻤﺪﻳﺮﺓ ﻗﺎﻟﺖ ﻟﻲ ﻣﺘﻌﺮﻓﺶ ﻟﻲ ﺻﺎﺭ ﻭ ﺣﺪ ﻣﺎ ﺍﺷﺘﻜﻰ ... ﺳﻠﻜﺖ ﺭﻭﺣﻬﺎ ﺍﻟﻤﺮﺓ ﻫﺎﺫﻱ ... ﺩﻭﺏ ﻃﻤﻦ ﻋﺎﻟﺤﻜﺎﻳﺔ ... ﻣﺸﻴﺖ ﻋﻨﺪﻭ ﻟﻠﺒﻴﺮﻭ ... ﺍﻭﻝ ﻣﺎ ﻭﺻﻠﺖ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻨﻌﺮﻑﺵ ﻋﻼﻩ ﻟﻠﺤﻈﺔ ﺣﺴﻴﺖ ﺑﺎﺣﺴﺎﺱ ﺧﺎﻳﺐ ... ﺣﻄﻴﺖ ﻳﺪﻱ ﻋﺎﻟﺒﻮﺍﻧﻲ ﻣﺘﺮﺩﺩﺓ ... ﺧﺎﺻﺔ ﻛﻲ ﻣﻠﻘﻴﺘﺶ ﺳﻜﺮﺗﻴﺮﺓ ﻏﺪﻳﻜﺎ ... ﺧﺬﻳﺖ ﻧﻔﺲ ﻭ ﺣﻠﻴﺖ ﺍﻟﺒﺎﺏ ... ﺩﻭﺏ ﻃﻠﻌﺖ ﺭﺍﺳﻲ ... ﻋﻴﻨﻴﺎ ﻭﺳﺎﻋﻮ ﻭ ﺗﺮﻭﻫﺠﺖ ... ﺣﺴﻴﺖ ﺩﻧﻴﺎ ﺍﻟﻜﻞ ﺩﺍﺭﺕ ﺑﻴﺎ ... ﻣﺘﻮﻗﻌﺘﺶ ﻟﻨﻠﻘﻰ ﻣﻴﺮﺍﻝ ﻓﻲ ﺣﻤﻠﺘﻮ ... ﻗﺎﻋﺪﺓ ﻓﻲ ﺣﺠﺮﻭ ... ﻭ ﺗﺒﻮﺱ ﻓﻴﻪ ... ﺣﺴﻴﺖ ﺑﺨﻨﻘﺔ ... ﻭ ﻏﺼﺔ ﻭﺣﻠﺖ ﻓﻲ ﺣﻠﻘﻲ ... ﻣﻌﺮﻓﺘﺶ ﺍﺫﺍ ﻧﺮﺟﻊ ﻭ ﻻ ﻧﻘﺮﺏ ... ﻛﺒﺴﺖ ﺑﻴﺪﻱ ﻋﺎﻟﺒﻮﺍﻧﻲ ... ﺗﻠﻔﺖﺗﻠﻲ ﻭ ﻫﻲ ﻓﻲ ﺣﻤﻠﺘﻮ ... ﻣﻜﺒﺸﺔ ﻓﻴﻪ ﺗﺤﻜﻲ
ﻣﻴﺮﺍﻝ : ﺍﻫﻼ ﺩﻧﻴﺰ ... ﻣﻔﺎﺟﺄﺓ
ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻟﺒﻘﻰ ﻳﻐﺰﺭﻟﻲ ﻣﻦ ﻏﻴﺮ ﻣﺎ ﻳﻨﺰﻝ ﻋﻴﻨﻴﻪ ﻋﻠﻴﺎ ... ﺑﺮﺩﺕ ﺩﻣﻲ ... ﺣﺎﻭﻟﺖ ﻧﺘﺼﺮﻑ ﻋﺎﺩﻱ ... ﻣﻦ ﻏﻴﺮ ﺩﻣﻮﻉ ... ﻭ ﻻ ﺍﻟﺮﻋﺸﺔ ﻟﻲ ﺣﺴﻴﺖ ﺑﻴﻬﺎ ... ﺣﺎﻭﻟﺖ ﻗﺪ ﻣﺎ ﻧﺠﻢ ﻣﻨﺒﻴﻨﺶ ﺿﻌﻔﻲ ... ﻭ ﻻ ﻧﺒﺮﺓ ﺻﻮﺗﻲ ﺍﻟﻀﻌﻴﻔﺔ ... ﺧﺬﻳﺖ ﻧﻔﺲ ... ﻧﺤﻜﻲ
ﺍﻧﺎ : ﻳﻤﻜﻦ ﺟﻴﺖ ﻓﻲ ﻭﻗﺖ ﻏﺎﻟﻂ
ﺗﻠﻔﺖ ﻣﻦ ﻏﻴﺮ ﻣﺎ ﻧﺤﺲ ... ﻧﺤﺐ ﻧﺨﺮﺝ ﻭ ﻛﻬﻮ ... ﺩﻭﺏ ﻣﺸﻴﺖ ﺧﻄﻮﺓ ... ﻭﻗﻔﺘﻨﻲ ﺗﺤﻜﻲ
ﻣﻴﺮﺍﻝ : ﺩﻧﻴﻴﺰ ﺍﺳﺘﻨﻰ
ﻭﻗﻔﺖ ﺑﺎﻟﺴﻴﻒ ... ﺗﻠﻔﺖ ﻧﻐﺰﺭﻟﻬﺎ ... ﻭﻗﻔﺖ ﻭ ﻗﺮﺑﺖ ﻣﻨﻲ ... ﺑﻘﻴﺖ ﻧﻐﺰﺭﻟﻮ ﻟﻴﻪ ... ﻟﻲ ﺩﻭﺏ ﻭﻗﻔﺖ ... ﻭﻗﻒ ﻓﻲ ﺟﺮﺗﻬﺎ ... ﻭﻗﻔﺖ ﻗﺪﺍﻣﻲ ... ﺗﺤﻜﻲ
ﻣﻴﺮﺍﻝ : ﺻﺮﺍﺣﺔ ﺍﻧﺎ ﻭ ﺯﻳﺎﺩ ﺑﺎﺵ ﻧﻌﻤﻠﻮ ﺣﻔﻠﺔ ﺧﻔﻴﻔﺔ
ﺍﻧﺎ : ﻭ ﺍﻟﻤﻨﺎﺳﺒﺔ
ﻣﻴﺮﺍﻝ : ﺍﺣﻨﺎ ﺑﺎﺵ ﻧﻨﺘﻘﻠﻮ ﻟﺪﺍﺭﻧﺎ ﺍﻟﺠﺪﻳﺪﺓ ... ﻭ ﺯﻳﺎﺩ ﻣﻴﺤﺒﺶ ﻋﻠﻰ ﺣﻔﻠﺔ ﻛﺒﻴﺮﺓ ﻋﻠﻰ ﻫﺬﺍﻛﺎ ... ﻋﻴﻠﺘﻮ ﻛﻬﻮ ﻟﺒﺎﺵ ﻳﺠﻮ ... ﻭ ﻛﻴﻒ ﺍﻧﺖ ﻗﺮﻳﺒﺔ ﻣﻦ ﺍﺩﻡ ﺑﺮﺷﺎ ... ﻳﺎ ﺭﻳﺖ ﺟﻲ ﻣﻌﺎﻩ ﻭ ﻣﺘﺮﺩﻧﻴﺶ
ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﺭﻳﺖ ﻛﻴﻒ ﻋﺮﻭﻕ ﺭﻗﺒﺘﻮ ﺗﻜﺒﺴﻮ ... ﻭ ﺟﺎ ﺑﺎﺵ ﻳﺤﻜﻲ ... ﻗﺼﻴﺖ ﻋﻠﻴﻪ ... ﻧﺤﻜﻲ
ﺍﻧﺎ : ﺑﺎﻫﻲ ﻣﻴﺮﺍﻝ ... ﺗﺘﻬﻨﻮ ﺑﻴﻪ ﻋﺰﻳﺰﺗﻲ
ﻣﻴﺮﺍﻝ : ﻋﻴﺸﻚ
ﺭﻳﺖ ﻧﻈﺮﺗﻬﺎ ﻟﻜﻠﻬﺎ ﺍﺳﺘﻬﺰﺍﺀ ... ﻋﺮﻓﺖ ﻟﻬﻲ ﺗﺤﺐ ﺗﺜﺒﺘﻠﻲ ﺍﻧﻮ ﺯﻳﺎﺩ ﺑﺎﺵ ﻳﻜﻮﻥ ﻟﻴﻬﺎ ﻭ ﻛﻬﻮ ... ﺧﺬﻳﺖ ﻧﻔﺲ ﻭ ﻗﺮﺑﺖ ﻣﻨﻮ ... ﻭﻗﻔﺖ ﻗﺪﺍﻣﻮ ﺑﺎﻟﻘﺪﺍ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻳﺪﻭ ﻟﻲ ﻛﺎﺑﺲ ﺑﻴﻬﺎ ﻋﺎﻟﺒﻮﻧﻴﺔ ﻣﺘﺎﻋﻮ ... ﻏﺰﺭﺗﻠﻮ ﻓﻲ ﻋﻴﻨﻴﻪ ... ﺗﺒﺴﻤﺖ ﻋﻠﻰ ﺟﻨﺐ ... ﻛﺒﺲ ﻋﻠﻴﻪ ﺍﻛﺜﺮ ... ﻧﺰﻝ ﻋﻨﺪﻱ ﺷﻮﻳﺔ ... ﻗﺮﺑﺖ ﺑﺴﺘﻮ ﻣﻦ ﺧﺪﻭ ... ﻧﺤﻜﻲ
ﺍﻧﺎ : ﺗﺘﻬﻨﻰ ﺑﻴﻬﺎ ﺍﻟﺪﺍﺭ ﺍﻟﺠﺪﻳﺪﺓ
ﺟﺒﺪ ﺭﻭﺣﻮ ﻣﻨﻲ ... ﺗﻌﺪﻝ ﻓﻲ ﻭﻗﻔﺘﻮ ... ﺟﻴﺖ ﺷﻨﻤﺸﻲ ﻛﺒﺲ ﻋﻠﻰ ﻳﺪﻱ ... ﻣﻔﻬﻤﺘﺶ ﺍﻟﺤﺮﻛﺔ ﻣﺘﺎﻋﻮ ... ﺟﻴﺴﺖ ﻳﻐﺰﺭﻟﻲ ... ﻛﺎﻧﻮ ﻳﻤﻨﻊ ﻓﻴﺎ ... ﻗﺼﺖ ﻋﻠﻴﻨﺎ ﻣﻴﺮﺍﻝ ... ﻛﻴﻒ ﻗﺮﺑﺖ ﻣﻨﺎ ﺗﺤﻜﻲ
ﻣﻴﺮﺍﻝ : ﻟﺒﺎﺱ ﻣﺎﻫﻮ
ﺍﻧﺎ : ﻟﺒﺎﺱ ... ﺣﺒﻴﺖ ﻧﺒﺎﺭﻛﻠﻮ ﺑﻄﺮﻳﻘﺘﻲ ... ﺍﻧﺎ ﺑﺎﺵ ﻧﻤﺸﻲ ﺗﻮﺍ ... ﻭ ﻣﺒﻌﺪ ﻧﺤﻜﻮ ... ﺑﺎﻫﻲ
ﺯﻳﺎﺩ : ﺧﻠﻴﻚ ... ﻣﻴﺮﺍﻝ ﺑﺎﺵ ﺗﻤﺸﻲ ﻟﺒﻴﺮﻭﻫﺎ
ﻣﻴﺮﺍﻝ؛ﺍﻣﺎ
ﺍﻧﺎ؛ﻣﻴﺮﺍﺍﺍﻝ ... ﺍﻣﺸﻲ ﺗﻮﺍ
ﻏﺰﺭﺗﻠﻨﺎ ﻧﺪﺭﺍ ﻛﻴﻒ ... ﻭ ﺗﻠﻔﺘﺘﻠﻲ ... ﻫﺰﺗﻨﻲ ﻭ ﺣﻄﺘﻨﻲ ... ﺗﺤﻜﻲ
ﻣﻴﺮﺍﻝ : ﻳﺎﺭﻳﺖ ﺗﺸﺮﻓﻨﺎ ﻣﺘﻨﺴﺎﺵ
ﺍﻧﺎ : ﺑﺎﻟﻄﺒﻴﻌﺔ
أنت تقرأ
🔥🔞"في أحضان عزرائيل"🔞🔥(الجزء الرابع)
عاطفيةبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
