ﺯﻳﺎﺩ ﻳﺤﻜﻲ :
ﻧﺴﻮﻕ ﺑﺎﻟﺴﻴﻒ ... ﻛﻼﻣﻬﺎ ﺑﺎﻗﻲ ﻳﺪﻭﺭ ﻓﻲ ﻣﺨﻲ ... ﻛﻞ ﻣﺮﺓ ﻧﺤﺐ ﻧﺎﻗﻒ ... ﻭ ﻧﺤﻜﻴﻠﻬﺎ ﻛﻠﺸﻲ ... ﺍﻣﺎ ﻣﻨﺠﻤﺘﺶ ... ﺍﻟﻴﻮﻡ ﺍﻭﻝ ﻣﺎ ﻋﺮﻓﺖ ﺑﻼﺻﺔ ﺣﻔﺼﻴﺔ ﺧﺮﺟﺖ ﻣﻦ ﻏﻴﺮ ﻣﺎ ﻧﺨﻤﻢ ... ﻣﻨﻌﺮﻓﺶ ﺍﺻﻼ ﻋﻼﻩ ﻫﺰﻳﺘﻬﺎ ﻣﻌﺎﻳﺎ ... ﺍﻣﺎ ﻣﻨﺤﺒﺶ ﻧﺨﻠﻴﻬﺎ ﻭﺭﺍﻳﺎ ﻣﻊ ﻫﺎﺭﻭﻥ ... ﻣﻨﺤﺒﺶ ﻧﺨﺪﻡ ﺷﻲ ﻭ ﺗﺮﻛﻴﺰﻱ ﻣﻌﺎﻫﺎ ... ﺍﻟﻜﻒ ﻣﺘﺎﻋﻬﺎ ﻣﺎ ﺣﺮﻙ ﻓﻴﺎ ﺷﻲ ... ﻋﻜﺲ ﻛﻼﻣﻬﺎ ... ﻧﻌﺮﻑ ﻟﻬﻲ ﻣﻮﺟﻮﻋﺔ ... ﻧﻌﺮﻑ ﻟﻘﺎﻋﺪﺓ ﺗﻔﺮﻛﺲ ... ﻋﻠﻰ ﺍﻱ ﻛﻠﻤﺔ ﺗﺠﺮﺣﻨﻲ ﺑﻴﻬﺎ ... ﺑﺎﺵ ﺗﺮﺩﻟﻲ ﻟﻲ ﻗﻠﺘﻮ ... ﺗﻲ ﺣﺘﻰ ﻋﺪﻧﺎﻥ ... ﻃﻠﻊ ﺍﻟﻜﺎﺑﻮﺱ ﺍﻻﻭﻝ ﻓﻲ ﺣﻴﺎﺗﻬﺎ ... ﻛﺒﺴﺖ ﻋﺎﻟﻔﻮﻟﻮﻥ ﺍﻛﺜﺮ ... ﺿﻌﺖ ﻓﻲ ﺍﻟﻘﺮﻳﺔ ﻫﺎﺫﻱ ... ﺧﺎﻃﺮ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻭ ﺍﻟﻤﻄﺮ ﻏﻄﺎﺕ ﺍﻟﺪﻧﻴﺎ ﻣﻊ ﺍﻧﻮ ﻣﺶ ﻭﻗﺘﻬﺎ ﺟﻤﻠﺔ ... ﻓﻲ ﻟﺤﻈﺔ ﻭﺣﻠﺖ ﺍﻟﻜﺮﻫﺒﺔ ﻓﻲ ﺣﻔﺮﺓ ... ﺣﺎﻭﻟﺖ ﻧﺨﺮﺟﻬﺎ ﺷﻲ ... ﻏﺰﺭﺗﻠﻲ ﺗﺤﻜﻲ
ﺳﻮﺍﺭ : ﺷﺼﺎﺭ
ﺍﻧﺎ : ﻣﻨﻌﺮﻓﺶ ... ﺗﻮ ﻧﺮﺍ
ﻧﺰﻟﺖ ﺑﻼ ﻣﺎ ﻧﻐﺰﺭﻟﻬﺎ ... ﺍﻭﻝ ﻣﺎ ﺭﻳﺘﻬﺎ ﻋﺮﻓﺖ ﻟﻤﺴﺘﺤﻴﻞ ﻧﺠﻢ ﻧﺨﺮﺟﻬﺎ ... ﺿﺮﺑﺘﻬﺎ ﺑﺴﺎﻗﻲ ﻭ ﺭﺟﻌﺖ ﻟﻠﺪﺍﺧﻞ ... ﻫﺰﻳﺖ ﺗﻠﻴﻔﻮﻧﻲ ... ﻛﻠﻤﺖ ﻭﺍﺣﺪ ﻣﻦ ﺭﺟﺎﻟﻲ ... ﻣﺤﺒﺶ ﻳﻌﻠﻖ ... ﻧﻔﺨﺖ ﺑﺎﻟﻘﺎﻭﻱ ... ﻧﺴﻤﻊ ﻓﻴﻬﺎ ﺗﺤﻜﻲ
ﺳﻮﺍﺭ : ﻣﺰﺍﻝ ﻣﻄﻮﻟﻴﻦ ﻫﻮﻧﻲ
ﺍﻧﺎ : ﺍﻟﻜﺮﻫﺒﺔ ﻭﺣﻠﺖ
ﺳﻮﺍﺭ : ﺑﺎﻫﻲ ﺧﺮﺟﻬﺎ ﻓﺎﺵ ﺗﺴﺘﻨﻰ
ﺍﻧﺎ : ﺧﺮﺟﻬﺎ ﺍﻧﺖ ﻛﻲ ﺭﺍﻙ ﺗﺤﻞ ﻓﻲ ﻓﻤﻚ
ﺳﻮﺍﺭ : ﻛﻠﻢ ﺷﻲ ﺣﺪ ﻳﺠﻲ ﻳﻬﺰﻧﺎ
ﺍﻧﺎ : ﺷﺘﺮﺍ ﻓﻴﺎ ﻧﻌﻤﻞ
ﺳﻮﺍﺭ : ﻛﺎﻥ ﻏﺰﺭﺕ ﻟﺜﻨﻴﺔ ... ﻣﻌﻠﻘﻨﺎﺵ ﻫﻮﻧﻲ
ﻗﺤﺮﺗﻠﻬﺎ ﻗﺤﺮﺓ ﻣﺘﺎﻉ ﻣﻮﺕ ... ﻫﺰﻳﺖ ﺍﻟﻔﺎﺳﺖ ﻣﺘﺎﻋﻲ ... ﻭ ﺗﻠﻴﻔﻮﻧﻲ ... ﺣﺒﺴﺖ ﺍﻟﻜﺮﻫﺒﺔ ... ﻧﺤﻜﻲ
ﺍﻧﺎ : ﺍﻧﺰﻝ
ﺳﻮﺍﺭ : ﻭﻳﻦ ﺑﺎﺵ ﻧﻤﺸﻮ
ﺍﻧﺎ : ﺷﻨﻠﻘﺎﻭ ﺑﻼﺻﺔ ﻧﻌﺪﻭ ﻓﻴﻬﺎ ﻟﻴﻠﺔ ... ﻟﻴﻦ ﻳﻄﻠﻊ ﻧﻬﺎﺭ ... ﻣﻨﺠﻤﻮﺵ ﻧﺒﻘﺎﻭ ﻓﻲ ﺍﻟﻜﺮﻫﺒﺔ
ﺳﻮﺍﺭ : ﺑﺎﻫﻲ
ﺧﺎﻟﻄﺖ ﻋﻠﻴﺎ ﺗﻤﺸﻲ ﻭﺭﺍﻳﺎ ... ﺍﺣﺴﻦ ﺷﻲ ﺍﻟﻤﻄﺮ ﺣﺒﺲ ... ﻣﻨﻌﺮﻓﺶ ﻗﺪﺍﺵ ﺑﻘﻴﻨﺎ ﻧﻤﺸﻮ ... ﺍﺣﻨﺎ ﺍﻛﺎﻛﺎ ﻭ ﻧﺴﻤﻌﻮ ﺻﻮﺕ ﻛﻼﺏ ﻭ ﺫﻳﻮﺑﺎ ... ﻧﻄﺮﺕ ﻋﻨﺪﻱ ... ﺷﺪﺗﻨﻲ ﻣﻦ ﻳﺪﻱ ﺗﺤﻜﻲ
ﺳﻮﺍﺭ : ﺍﺻﻮﺍﺕ ﺷﻨﻴﺔ ﻫﺬﻭﻣﺎ
ﺍﻧﺎ : ﻣﺘﺨﺎﻓﺶ
ﺳﻮﺍﺭ : ﻣﺎﻧﻴﺶ ﺧﺎﻳﻔﺔ
ﺍﻧﺎ : ﺍﻛﺎﻛﺎ ﻇﺎﻫﺮ
ﻧﺰﻟﺖ ﺭﺍﺳﻲ ﻏﺰﺭﺕ ﻟﻴﺪﻫﺎ ﻟﻤﻜﺒﺸﺔ ﺑﻴﻬﺎ ﻓﻴﺎ ... ﻗﺤﺮﺗﻠﻲ ﻭ ﺟﺒﺪﺕ ﺭﻭﺣﻬﺎ ﻣﻨﻲ ... ﻓﻲ ﻟﺤﻈﺔ ﻋﺎﻭﺩﺕ ﺷﺪﺗﻨﻲ ﻛﻴﻒ ﺳﻤﻌﺖ ﻧﻔﺲ ﺍﻻﺻﻮﺍﺕ ... ﺗﺒﺴﻤﺖ ﻋﻠﻰ ﺟﻨﺐ ... ﻭ ﻛﻤﻠﺖ ﻧﻤﺸﻲ ... ﻋﺎﺭﺿﺘﻨﻲ ﺩﺍﺭ ﻓﻲ ﻭﺳﻂ ﺍﻟﻐﺎﺑﺔ ... ﺩﺍﺭ ﺣﻄﺐ ﺻﻐﻴﺮﺓ ... ﻗﺮﺑﺖ ﻣﻨﻬﺎ ... ﺩﻗﻴﺖ ﺍﻟﺒﺎﺏ ﺷﻲ ... ﻭﺧﺮﺕ ﻟﺘﺎﻟﻲ ... ﺑﺎﺵ ﻧﻜﺴﺮﻭ ... ﻭﻗﻔﺘﻨﻲ ﺗﺤﻜﻲ
ﺳﻮﺍﺭ : ﻓﺎﺵ ﺗﻌﻤﻞ ﻳﺎﺧﻲ
ﺍﻧﺎ : ﻧﻜﺴﺮ ﺍﻟﺒﺎﺏ
ﺳﻮﺍﺭ : ﻫﺒﻠﺖ ﺗﻜﺴﺮ ﺩﺍﺭ ﺍﻟﻨﺎﺱ
ﺍﻧﺎ : ﺍﻭﻝ ﺷﻲ ﺩﺍﺭ ﻇﺎﻫﺮ ﻓﻴﻬﺎ ﻓﺎﺭﻏﺔ ... ﻭ ﻣﺘﺎﻉ ﺣﺪ ﻣﻦ ﺍﻟﺼﻴﺎﺩﻳﻦ ... ﻭ ﻗﺪﻳﻢ ﺑﺮﺷﺎ
ﺳﻮﺍﺭ : ﻭ ﺍﺫﺍ ﻫﻜﺎ ﻣﻌﻨﺪﻛﺶ ﺣﻖ ﺗﻜﺴﺮﻭ
ﺍﻧﺎ : ﺗﺤﺐ ﺗﻌﺪﻱ ﻟﻴﻠﺔ ﺑﺮﺍ
ﺟﺎﺕ ﺷﺘﺤﻜﻲ ... ﺳﻤﻌﻨﺎ ﻧﻔﺲ ﺍﻻﺻﻮﺍﺕ ... ﻫﺰﺗﻠﻲ ﺑﺮﺍﺳﻬﺎ ﻻ ... ﺧﺬﻳﺖ ﻧﻔﺲ ﻭ ﺩﺯﻳﺖ ﺍﻟﺒﺎﺏ ﻣﺮﺗﻴﻦ ﻓﺘﺤﺖ ... ﺩﺧﻠﺖ ﻭ ﺷﻌﻠﺖ ﺍﻟﻀﻮ ... ﻛﻠﺸﻲ ﻗﺪﻳﻢ ... ﻓﻤﺎ ﻛﻨﺒﺔ ﻭﺣﺪﺓ ... ﻭ ﻃﺎﻭﻟﺔ ... ﻭ ﻓﺮﺵ ﻋﺎﻻﺭﺽ ﺯﺍﺩﺓ ... ﺭﺧﺎﻣﺔ ﺻﻐﻴﺮﺓ ... ﺑﺎﺯ ﺗﻜﻮﻥ ﻣﺘﺎﻉ ﺷﻲ ﺻﻴﺎﺩ ﻫﻮﻧﻲ ... ﺩﺧﻠﺖ ﻭﺭﺍﻳﺎ ﺗﺤﻜﻲ
ﺳﻮﺍﺭ : ﺷﻨﺒﻘﺎﻭ ﻫﻮﻧﻲ ﻣﻊ ﺑﻌﺾ
ﺍﻧﺎ : ﻣﻤﻤﻢ
ﺳﻮﺍﺭ : ﻻ ﻣﺴﺘﺤﻴﻞ ﻧﻌﺪﻱ ﻟﻴﻠﺔ ﻣﻌﺎﻙ ﻓﺮﺩ ﺑﻼﺻﺔ
ﻃﻠﻌﺖ ﺣﺎﺟﺒﻲ ﻣﺴﺘﻐﺮﺏ ﻧﻐﺰﺭﻟﻬﺎ ... ﻟﻔﺘﺖ ﻭﺟﻬﺎ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺑﺮﺍ ﺷﺪ ﺑﻼﺻﺔ ... ﻭ ﺍﺳﻜﺖ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
