الجزء الرابع والثلاثون...
انا لمن رجعت البيت حكيت لي ماما انه الامتحانات الاحد الجاي ونحن هسا السبت يعني دور بكره
ماما....تستاهلي عشان طلعاتك الكتيره
قلت ليها انتي اصلا مستحيييل تحفذيني يا ماما الله يسامحك بس
ماما....الله يسامح الجميع قومي اطلعي علي غرفتك وبلشي دراسه
قلت ليها طالعه اساسا
وقمت طلعت غرفتي بقيت بفكر في الامتحانات ومتوتره شديده ما عارفه ليه يعني المهم استحميت وما عاينت لي تلفوني بس طوالي رقدت نمتتتتتتت
.............................................................
تاج....سارا ممكن نتقابل؟؟
سارا....والله الامتحانات الاسبوع الجاي يعني ماف طريقه نهائي خلي الامتحانات تنتهي وبعدين بحصل خير
تاج....اهاا بالتوفيق ان شاءالله شدي حيلك
سارا...امين دعواتك بس
...............................................................
#تركيا
مجد....غسان الشغل ده ما داير يخلص ياخ ده شنو
غسان....مالك فشنو؟؟
مجد....العربيات تلاته ساعات وحيصلو
غسان....الحمدلله ياخ اخيرا
مجد....ناس مكتب التوصيل دايرين يكون معاهم زول من هسا قالو وانت شايفني متابع العمال ديل فحضطر تمشي انت
غسان....انا العربيه المؤجرها رجعتها امشي بشنو
مجد....انا ما رجعت حقتي قاعده تحت شيلها وامشي
غسان....تمام يا زول بس رسل لي اللوكيشن
مجد....حاضر وادا غسان المفتاح
غسان نزل والمنطقه الحيمشي ليها بتبعد نص ساعه كده
وصل المكان وقالو ليهو اقعد انتظر هنا
فعلا قعد ومره يشتغل بي تلفونو ومره يطلع ويرجع لانه زهج شديد
غسان مسك تلفونو وكان منتبه شديد فجاءه سمع صوت بت بتقول Why didn't my car arrive yet?(لماذا لم تصل سياراتي حتى الان)
موظف الاستقبال رد عليها We apologize, madam will arrive soon
(نحن نعتذر سيدتي ستصل في اقرب وقت)
جات قعدت جنب غسان وقالت ما معقول الاستهتار
غسان اتفاجئ لمن شافها بتتكلم عربي
لا اراديا عاين ليها
هي انتبهت انو بعاين ليها
اتلفتت عليهو وقالت معليش اقصدlam sorry
غسان...لا انا كمان عربي اصلا اتفاجاءت لمن شفتك بتتكلمي عربي
البت.....اخيرا لقيت شخص احكي وياه عربي والله مستهترين كتير صرلي ساعه ناطرتهم يا الله
غسان....شاحناها من وين!
البت...البحرين
غسان...انتي بحرانيه؟
البت...لالا انا سودانيه بس مقيمه فالبحرين وجيت اعيش هنا فتركيا
غسان....اهااا بس عشان لهجتك
البت...اي ما متعوده احكي سوداني وانت سوداني صح
غسان... اي سوداني ما باين ولا شنو
البت....شكلا لا بس لهجه ايوه مبين
غسان...المهم اتشرفنا
البت..شنو اسمك
غسان...اسمي غسان
البت...يا هلا انا ريناد
غسان...هلا هلا عاشت الاسامي
الموظف بتاع الاستقبال Mister Ghassan, your car has arrived. Please pick up it
(سيد غسان وصلت سيارتك لو سمحت تفضل معي لاستلامها)
غسان...yes lam Coming(نعم انا قادم)
واتلفت علي البت قاليها فرصه سعيده
ريناد....بس لو سمحت ممكن رقمك لاني جايه هنا وما بعرف زول وخايفه احتاج شي
غسان...طوالي اتفضلي ملاها الرقم ومشا
استلم مفاتيح العربيات ورجع الشركه
.............................................
انا صحيت الساعه سبعه مسا كده استحميت وقلت ما بشيل التلفون طوالي ببدا قرايه لاني لو شلتو ما حفكو
في ماده اصلا بسيطه شديد كلها شيتين قلت ابدا بيهاجبت الشيتين قعدت اقرا وفتحت اللابتوب ولخصت اي شي لمن انتهيت من الشيتين الساعه كانت جات اتناشر
اتخلعت اني قعدت كتير قفلت الابتوب ولملمت اي شي وشلت تلفوني فتحت الواتس لقيت نفسي ما مفعله وما عندي رصيد طبعا الحاجه دي بتقهرني شدددديييدد
ضربت لي اسيل الحمدلله ردت سريع قلت ليها حولي لي رصيد وقفلت
حولت لي فعلت وانتظرت الرسايل كلها تنزل
الغريبه غسان ما رسل لي ولا رساله خفت يكون حاصل معاهو شي رسلت ليهو غسان؟؟!!
رد لي طوالي قالي حبي
قلت ليهو مالك الليله؟
غسان...مالي؟؟
قلت ليهو سلامتك
غسان....خلصتي قرايه؟
قلت ليهو اي!
غسان...تمام بالتوفيق
سفهتو ما رديت عليهو
مشيت قلت لي اسيل اتخيلي غسان من الصباح ولا رساله وهسا بتكلم ولا كانو عامل شي
اسيل....اجي؟اساليهو
قلت ليها ما بسالو ولا شي لكن محنك
اسيل...ياخ بقا عندهم حركات كده اقسم بالله الزول بطلعوهو من طورو
قلت ليها لي انتي مالك كمان
اسيل.....ماف شي لكن امبارح لمن سالت مجد عن الاء دي ما شفتي طريقه الكلام بارده ولا كانو حاصل شي وهو لو شافني بالغلط عامله لايك لي ولد بقوم الدنيا
قلت ليها بالجد والله ياخ المهم هسي خلينا نركز في قرايتنا وانتي حبوبتك بقت كيف؟
اسيل...والله ما كويسه الله يشفيها غايتو
قلت ليها امين يارب
اسيل.... مجد قال حيدق لي ماشيه اتكلم معاهو وارجع
قلت ليها طيب
..............................
اسيل....الوو
مجد...الو يا قلبي
اسيل.... اهلين كيفك
مجد...تمام وانتي كيف مع القرايه
اسيل....حمدلله بخير ماشي الحال
مجد...الله يوفقك يارب اها
اسيل...اها
مجد...شنو الاها احكي لي يومك حصل فيهو شنو
اسيل...حيكون حصل شنو مشيت الجامعه وسلمت المشروع وادونا الجدول،، الامتحانات الاحد دور بكره
مجد....شدي حيلك بس انا والله دخلت البيت عشره شغل شغل عجيب نمت ساعتين وصحيت تاني
اسيل....الله يديك العافيه يارب
اسيل سمعت صوت رنه كده
قالت ليهو في رقم داخل لي في الخط ولا شنو
مجد....لالا ده عندي انا
اسيل بي استغراب...المتصل ليك الساعه اتناشر ونص صباحا منو
مجد......لالا دي الاء انا زاتي مستغرب
اسيل....اهاااا يعني انتو اصحاب لي درجه مكالمات في الوقت ده؟؟!
مجد....اسيل ما تقطعي كلام من راسك قلت ليك انا زاتي ما عارف متصله لي ليه؟!
اسيل....طيب يا مجد لمن تعرف اتصل لي
وقفلت الخط في وشو
.....................................................
جاني ريكورد من اسيل فتحتو كانت بتحكي لي في القصه
قلت ليها البنت دي خفيفه وانا ما حخليها متصله ليهو لي التافها الكريها
اسيل.....يارا ما تساليها وانا مجد تاني ما حرد عليهو الا يديني تفسير منطقي لي اي شي
قلت ليها خلاص بس ما تزعلي نفسك انتي
اسيل....حاضر تمام حمشي انوم انا يلا
قلت ليها طيب
...............................................
مجد بعد ما اسيل قفلت منو رسل لي الاء نعم
الاء....معليش ازعجتك
مجد....لالا بس كنت بتكلم مع اسيل
الاء...امم تمام
مجد....كان في شي ضروري
الاء...لالا عادي شفتك اون لاين قلت اتونس معاك
مجد....لالاتمام تصبحي علي خير
.......................................
الاء وهي بتتكلم مع نفسها ياخ اعمل ليهو شنو عشان يتكلم معاي الولد ده
............. ..........................
#تركيا
غسان......مالك
مجد.....اتشاكلت مع اسيل!!!
غسان.....لي مالكم؟
مجد.....ياخ بتكلم معاها جات الاء داخله في الخط
غسان.....وانت عندك شنو مع الاء دي
مجد....غسان انت عارفني كانت صحبتي زمان لكن هسا بس يعني عندنا ارقام بعض
غسان..... عارفك انا لكن هي بتتصل ليك لي والله الحمدلله بس
مجد....متخلفه ياخ
غسان...صحي انا ما كلمتك اتعرفت علي بت الليله
مجد....وين
غسان....في المكتب حق الاستلام
مجد...والله انت
غسان....😂😂😂اديني تلفوني من جنبك
مجد مدا ليهو التلفون
غسان فتح الشبكه لقا رساله من رقم غريب فتحها كان مكتوب فيها
**هاي غسان
**انا ريناد
رد ليها قاليها يا هلا
ريناد.....معليش ما اكون ازعجتك
غسان....لالا عادي
وقعدو يتعرفو علي بعض
...........
انا طبعا ما جايني نوم نهائي وشايفه غسان اون لاين لكن حلفت ما برسل ليهو نهائي
بعدين لقيت انه مافي موضوع
ختيت صوره لي فالستوري من صور عرس اخو سارا القديييمهه
وكتبت تحت*ما زلت احاول تخليص عقلي من فكرة انني لست في المكان المناسب*
اي زول في الواتس علق لي علي الصوره مع اني ختيتها قبل كده
قلت بعد ده اقفل النت وانوم اصلا الاسبوع كله ما عندي جامعه يعني تاني الا يوم الامتحان
جاتني رساله من غسان كاتب لي امسحي الصوره
شفت الرساله من فوق ورقدت نمت ولا اشتغلت بيهو
.........................................................
اليوم التاني صحيت جهزت حاجاتي وفطرت وقعدت اقرا لحد العصر انا بقرا وتلفوني عاملاهو سايلنت
جاتني ماما قالت لي هاك اسيل فالخط
رديت قلت ليها اي
اسيل....وينك يا بت
قلت ليها حكون وين يعني بقرا
اسيل....من الصباح لكن ولي ما فتحتي التلفون
قلت ليها ما حفتحو الا الخميس لاني ما قاريه اي شي يا عسل لازم ابدا بعد ده
اسيل....احسن زاتو خلاص تمام يلا
قلت ليها دقيقه عملتي شنو فقصه مجد
اسيل....ااااا صحح رسل لي سكرين انه سالها لي اتصلتي لي وهي قالت شفتك اون لاين وقلت نتونس
قلت ليها اجيييييي تتونس معاهو وحده صباحا
اسيل.....اتخيلي
قلت ليها لكن هو ما ذنبو ياخ
اسيل....لا ذنبو هو لو ما داير بوريها عديل يقول ليها ما تتصلي يحظرها يتصرف
قلت ليها يعني انتي قلتي ليهو شنو
اسيل...ولا شي قلت ليهو تمام
قلت ليها غايتو انتي فظييييعهههه
..........................................ً............
الاسبوع ده كله مرا عادي انا فعلا ما شلت تلفوني نهائي انا واسيل وسارا واسيه كنا طول اليوم بنقرا عشان نجيب علامه كويسه ونطلع بدون ملاحق
كل يوم كنت بتكلم مع اسيل من تلفون امي وبتقول لي غسان سال منك
اسيه وغيث يعني علاقتهم سمحه شددددييييييييدددد
سارا وتاج بتكلمو وسارا ياداب بدت تتقبلو يعني
مجد كل يوم بتصل لي اسيل لكن هي بترد عليهو بي برود
.............
#يوم الخميس
صحيت بي كواريك من امي بتقول لي قومي سريع حبوبه اسيل اتوفت
طبعا انا لمن سمعت كلامها نطيت من السرير وجري للحمام استحميت واقرب عبايه وامي لبست ومشينا ليهم
طبعا هي ماتت في شندي لكن هنا الجيران واصحاب ابوها وكده البيت مليان
دخلنا سلمنا علي امها وشلنا الفاتحه وهم زاتهم بجهزو في الشنط عشان مسافرين طوالي
طلعت لي اسيل قلت ليها والامتحانات
اسيل.....اتخيلي بقولو لي سافري
جات امها وامي داخلين
ماما.....لالا يا عبير تسافر كيف يعني
خالتو عبير.....تقعد مع منو يا تغريد ماف زول
ماما....وانا مشيت وين انا زي اختك هنا والله والبيت فاضي ولدي الكبير في بورتسودان وانتي عارفه يعقوب كل يوم مسافر بلد مافي غير التوام ويارا
خالتو عبير.....خلاص دقيقه اضرب لي ابوها وشالت التلفون وطلعت بره
ماما.....اسيل يلا لمي حاجاتك
بعد شويه جات خالتو عبير داخله قالت ابوها وافق خلاص يلا من هسا امشي معاهم نحن خلاص مارقين زاتنا
اسيل لملمت شنتطها واي شي وسلمت علي اهلها ومرقت معاي تتبسم ساي زي الحبوبتها ما ماتت
وصلنا البيت ماما قالت يلا اطلعو غيرو وابدو قرايه
طلعنا الغرفه اسيل خشت استحمت وقعدت جبنا الحاجات وعملنا جدول وقعدنا نقرا ونلخص
جات ماما جابت لينا الفطور
#يتبع
ما تنسو التصويت
في امان الله
سؤال البارت
رأيكم شنو في قصه انو الاء تتصل لي مجد عادي ولا لا
اكتبو لي في التعليقات😘😘😘❤❤❤❤
