ماضي لا ينتهي

الحلقة ٢٥

#ماضي_لا_ينتهي
#بوسي_مصطفى

____الحلقة ٢٥_____

قامت أميرة تفتح باب الشقة
جلال ب ابتسامة : أميرة عندنا يا مرحبا يا مرحبا
أميرة : هههههههه ازيك يا خالي
جلال : الحمد لله..
انتي اخبارك ايه وعمور عامل معاكي ايه
أميرة : الحمد لله
اتفضل ولا نازل
جلال : لا انا جاي لمامتك بس
كويس إني شوفتك
أميرة : طيب اتفضل
يدخل جلال
وفادي لسه واقف في مكانه
فادي :" ايه شايفاني هوا قدامك
أميرة : ازيك يافادي
فادي : ياااه أخيراً اخدتي بالك
أميرة : طيب مش هتدخل
فادي يدخل جوه ويقعد مع مامته وخاله جلال.
راوية تنادي على أميرة
أميرة : نعم يا ماما
راوية : هاتي الفطار من جوه يا بنتي علشان خالك
واخوكي يفطروا معانا
جلال : دا مين دا اللي هيفطر
انا فطرت.. الحمد لله
انتي عارفه مديحه مستحيل تنزلني قبل م افطر
راوية ببتسامة : اه م انا عارفه
فادي : وانا كمان فطرت يا ماما
تسلم ايدك
ايه يا أميرة جيتي امتى
راوية : لسه جايه من شويه كده
فادي : اشمعنه بدري كده؟؟!
أميرة : جايه اقعد شويه مع ماما
في مانع ولا حاجه
فادي : هي بتتكلم كده ليه يا ماما.
جلال : سيبك من اختك دلوقت وخلينا في موضوعك انت
فادي : انتوا مكبرين الموضوع كده ليه مش فاهم؟؟!
هي هتاخدلها يومين كده وبعدين هتعقل.
راوية : مش يمكن في حد تاني عايز يعقل يا ابني
فادي : انا متجننتش يا ماما
جلال : لا يا فادي غلطان
لما تسيب مراتك في الظروف اللي هي فيها دي وتنزل
وتروح ل بنت خالك يبقى بتظلمها
فادي : انا روحت لمراتي يا خالي مكونتش بتصرمح
يعني ولا حاجه
جلال : وهي كمان مراتك برضو وليها حق عليك
ولو مش فاهم دا يبقى غلطان
وبتظلم نفسك
فادي : خالي انا كنت ماشي معاها كويس بس هي اللي اتقمصت اني بات عند يسرا في اليوم بتاعها وازاي بقى
وليه ابات هناك
راوية : الموضوع مكانش كده ياابني
انت سيبتها هنا عندي لا اتصلت ولا طمنتنا ولا حتى
نعرف انت فين
غير لما كلمت يسرا وقالتلي
انت شايف اللي عملته دا صح
فادي : ماما انا ممكن اروحلها عادي وابقى كويس وكل
حاجه
بس تغير اسلوبها اللي تغير دا
هي مكانتش كده
جلال : راعي انها حامل في شهرها الأخير كمان
ومعاها ابنها وانت بتسيبها لوحدها
وحتى اليوم اللي مفروض تكون فيه معاها
روحت لبنت خالك وسيبتها اي ان كان بقى مين
بنت اخويه ولا واحده غريبه عننا مش هتفرق
في النهاية انت مبتعدلش
ولو فضلت على الحال دا
هي ليها حق تطلب الطلاق
راوية : ياابني روحلها وراضيها دي صوتها في التليفون
قطع قلبي
انا كنت رايحالها قبل م اختك تيجي
فادي : حاضر يا ماما هروحلها.
__________

في فرنسا... في الاوتيل.
فهد : خلاص يا سليم قولتلك خرجوا يااخي
انت عاملها مشكلة ليه بقى دلوقت.
سليم : انا قولت مليش في الكلام دا يااستاذ فهد
فهد :خلصنا بقى يا سليم ومشيتهم زي م انت طلبت
الظاهر فعلاً ملكش في الفرفشه
انا مش عارف مراتك عايشه معاك ازاي بطريقتك دي
سليم : نعم !
فهد : انا خارج سلام.
قعد سليم وهو مضايق من اللي حصل من فهد
سليم : هو فاكرني ايه
وازاي يعمل حاجه زي دي
ازاي اصلا اتعامل مع واحد ب الأخلاق دي؟؟!
وكمان ادخله بيتي؟؟!
وفكر يكلم ليلى يطمن عليها