🔥🔞"في أحضان عزرائيل"🔞🔥(الجزء الرابع)

الحلقة 728

ﻧﺤﻴﺖ ﺳﻮﺭﻳﺘﻲ ﺭﻣﻴﺘﻬﺎ ﻋﺎﻻﺭﺽ ... ﻧﻐﺰﺭ ﻟﺪﻡ ﻟﻲ ﻧﺎﺯﻝ ﻋﻠﻰ ﺻﺪﺭﻱ ... ﻋﻘﻤﺖ ﺍﻟﺠﺮﺡ ﻛﻴﻤﺎ ﺟﺎ ... ﺍﺻﻼ ﻭﺟﻴﻌﺔ ﻣﺶ ﻧﻮﺭﻣﺎﻝ ﻧﺤﺲ ﺑﻴﻬﺎ ﻓﻲ ﻛﺘﻔﻲ ... ﻛﺒﺴﺖ ﺑﻴﺪﻱ ﻋﺎﻟﺮﺧﺎﻣﺔ ... ﻧﺤﺲ ﻓﻲ ﺗﻔﻜﻴﺮﻱ ﺿﺎﻳﻊ ... ﻣﻌﺎﺩﺵ ﻧﻌﺮﻑ ﻓﻲ ﺷﻨﻮﺓ ﻧﺨﻤﻢ ﺑﺎﻟﻈﺒﻂ ... ﻓﻲ ﺍﻟﻠﻲ ﺻﺎﺭ ... ﻭ ﻻ ﺳﻮﺍﺭ ... ﻭ ﻻ ﻓﻲ ﺍﺩﻡ ... ﻓﻤﺎ ﺷﻲ ﺩﺍﺧﻠﻲ ﻳﺨﻠﻴﻨﻲ ﻧﺼﺪﻗﻬﺎ ... ﺍﻣﺎ ﻓﺮﺩ ﻭﻗﺖ ﻣﻨﺤﺒﺶ ﻧﺤﻂ ﺍﺣﺘﻤﺎﻝ ﺍﻧﻮ ﺍﺩﻡ ﻋﻴﻨﻮ ﻓﻴﻬﺎ ... ﻫﺰﻳﺖ ﺭﻭﺣﻲ ﺧﺮﺟﺖ ... ﺟﺎﺕ ﻋﻴﻨﻲ ﻋﻠﻴﻬﺎ ... ﻏﺎﻃﺴﺔ ﻓﻲ ﻧﻮﻡ ... ﻣﺴﺘﺤﻴﻞ ... ﻣﻨﻌﺮﻓﺶ ﻋﻼﻩ ﺑﺎﺳﻬﺎ ... ﺍﻣﺎ ﻣﺴﺘﺤﻴﻞ ... ﻧﺴﻤﺤﻠﻮ ﻳﻌﺎﻭﺩﻫﺎ ﻣﺮﺓ ﺍﺧﺮﻯ ... ﺍﺻﻼ ﻛﻞ ﻣﺎ ﻧﺘﻔﻜﺮ ﺍﻟﺤﻜﺎﻳﺔ ... ﺑﺪﻧﻲ ﻳﺘﻜﺒﺲ ... ﻣﻨﺠﻤﺶ ﻧﺴﺘﺨﺎﻳﻞ ﺍﻱ ﺣﺪ ﺣﻂ ﻳﺪﻭ ﻋﻠﻴﻬﺎ ... ﻣﻬﻤﺎ ﺻﺎﺭ ﻭﺍﻟﻠﻲ ﺑﺎﺵ ﻳﺼﻴﺮ ... ﺍﻧﺎ ﻣﺴﺘﻌﺪ ﻧﻬﺪ ﺍﻟﺪﻧﻴﺎ ﻋﻠﻰ ﺧﺎﻃﺮﻫﺎ ... ﻛﺎﻥ ﻧﻌﺮﻑ ﺍﻧﻲ ﺑﺎﺵ ﻧﺨﺴﺮ ﻛﻠﺸﻲ ... ﺍﻣﺎ ﻣﺶ ﺍﺩﻡ ... ﻣﻨﺤﺒﺶ ﺍﺩﻡ ﻳﻘﺮﺏ ﻣﻨﻬﺎ ... ﻣﻨﺤﺒﺶ ﻧﺘﻠﺰ ... ﻧﻜﻮﻥ ﺑﻴﻦ ﻧﺎﺭﻳﻦ ... ﺧﺎﻃﺮ ﻣﺴﺘﺤﻴﻞ ﻧﺠﻢ ﻧﺴﺘﺨﺎﻳﻞ ﺣﻴﺎﺗﻲ ﻣﻦ ﻏﻴﺮﻫﺎ ... ﻫﻲ ﻣﺴﺆﻭﻟﺔ ﻣﻨﻲ ... ﻭﺍﻟﻠﻲ ﺻﺎﺭ ﻣﻊ ﺍﺩﻡ ﻣﺴﺘﺤﻴﻞ ﻧﻌﺪﻳﻪ ... ﻟﻴﻦ ﻧﻔﻬﻢ ﺍﻟﺤﻜﺎﻳﺔ ﺑﺎﻟﻈﺒﻂ ... ﻭ ﻧﺨﻠﻴﻬﺎ ﺗﺘﻜﺒﺲ ﻣﻦ ﺍﻟﻠﻲ ﻋﻤﻼﺗﻮ ... ﺍﻣﺎ ﺗﻮﺍ ﻧﺤﺒﻬﺎ ﺗﺮﺗﺎﺡ ﻭ ﺗﻨﺴﻰ ﻟﻲ ﺻﺎﺭ ﺍﻟﻴﻮﻡ ... ﻣﺸﻴﺖ ﻟﻠﻜﻮﺟﻴﻨﺔ ... ﺷﺮﺑﺖ ﺣﺮﺍﺑﺶ ... ﻣﻔﻤﺎﺵ ﺗﻨﻘﺺ ﺍﻟﻮﺟﻴﻌﺔ ﺷﻮﻳﺔ ... ﻭﺭﺟﻌﺖ ﻟﻠﺒﻴﺖ ... ﺑﺪﻟﺖ ﺩﺑﺸﻲ ... ﻭ ﻗﺮﺑﺖ ﻣﻦ ﺍﻟﺴﺮﻳﺮ ... ﺗﺴﻄﺤﺖ ﺑﺤﺬﺍﻫﺎ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻭ ﻫﺰﻳﺖ ﻳﺪﻱ ... ﻧﻌﺪﻱ ﻓﻴﻬﺎ ﻋﻠﻰ ﺧﺼﻼﺕ ﺷﻌﺮﻫﺎ ... ﻫﻮﻧﻲ ﺑﻼﺻﺘﻬﺎ ﺑﺤﺬﺍﻳﺎ ... ﻻ ﺍﺩﻡ ﻭ ﻻ ﺣﺪ ﻏﻴﺮﻭ ... ﻳﻨﺠﻢ ﻳﺒﻌﺪﻫﺎ ﻋﻠﻴﺎ ... ﺗﺒﺴﻤﺖ ﻛﻴﻒ ﺣﻄﺖ ﻳﺪﻫﺎ ﻋﻠﻰ ﺻﺪﺭﻱ ... ﺣﻠﺖ ﻋﻴﻨﻴﻬﺎ ﺩﻭﺏ ﻏﺰﺭﺗﻠﻲ ... ﻭﺭﺟﻌﺖ ﺳﻜﺮﺗﻬﻢ ... ﻗﺮﺑﺖ ﻣﻨﻲ ﺍﻛﺜﺮ ... ﻓﻬﻤﺖ ﻋﻠﻴﻬﺎ ... ﺩﻭﺭﺕ ﻳﺪﻱ ﻋﻠﻰ ﻇﻬﺮﻫﺎ ... ﺟﺒﺪﺗﻬﺎ ﻋﻨﺪﻱ ﺍﻛﺜﺮ ... ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ ... ﺑﻘﻴﺖ ﻧﻌﺪﻱ ﻓﻲ ﻳﺪﻱ ﻋﻠﻰ ﺷﻌﺮﻫﺎ ... ﻟﻴﻦ ﻫﺰﻧﻲ ﻧﻮﻡ ﻣﻌﺎﻫﺎ ... ﺍﺻﻼ ﺍﻟﻴﻮﻡ ﻫﺬﺍ ﻣﻌﻤﻠﺘﻠﻮﺵ ﺣﺴﺎﺑﻮ ... ﻭ ﻣﻨﻌﺮﻓﺶ ﺷﻨﻮﺓ ﺭﺍﺡ ﻳﺠﻴﺐ ﻣﻌﺎﻩ ... ﺍﻣﺎ ﻣﺘﺄﻛﺪ ﺍﻧﻮ ﺍﻻﻣﻮﺭ ﺑﺎﺵ ﺗﺘﻌﻘﺪ ﺍﻛﺜﺮ ﻣﻦ ﺍﻟﻼﺯﻡ ﺍﺩﻡ ﻳﺤﻜﻲ : ﻫﺰﻳﺖ ﻳﺪﻱ ﺳﻜﺮﺕ ﺍﻟﺴﺒﺎﻟﺔ ... ﻭ ﺧﺮﺟﺖ ﻣﻦ ﺍﻟﺒﺎﻧﻮ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ... ﻭ ﺧﺮﺟﺖ ... ﺣﻠﻴﺖ ﺍﻟﺪﺭﺳﻴﻨﻎ ... ﻭ ﻣﺪﻳﺖ ﻳﺪﻱ ... ﺟﺒﺪﺕ ﺩﺑﺸﻲ ... ﺍﻭﻝ ﻣﺮﺓ ﻧﻜﻮﻥ ﺭﺍﺿﻲ ﻋﻠﻰ ﺭﻭﺣﻲ ﻟﻬﺪﺭﺟﺔ ... ﺳﻜﺮﺕ ﺯﺭﺍﺭ ﺍﻟﺴﻮﺭﻳﺔ ﺑﺎﻟﻮﺣﺪﺓ ... ﻛﺎﻧﻲ ﻧﺤﺐ ﻧﺤﺲ ﺑﻜﻞ ﺩﻗﻴﻘﺔ ﻓﻲ ﺍﻟﻨﻬﺎﺭ ﻫﺬﺍ ... ﻟﺒﺴﺖ ﺍﻟﻔﺎﺳﺖ ... ﻏﺰﺭﺕ ﻟﻠﻤﺮﺍﻳﺎ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﺍﻧﺎ ﻧﻐﺰﺭ ﻟﺮﻭﺣﻲ ... ﻣﺶ ﻟﺮﻭﺣﻲ ... ﻧﻐﺰﺭ ﻟﺤﻴﺎﺗﻲ ﻛﻴﻒ ﻛﺎﻧﺖ ﻣﻦ ﻗﺒﻞ ... ﻭﻗﺖ ﻛﺎﻧﺖ ﻳﺪﻱ ﻓﻲ ﻳﺪﻫﺎ ... ﻭﻗﺘﻬﺎ ﻣﺎ ﻛﺎﻥ ﺣﺎﺟﺘﻲ ﺑﺸﻲ ﻣﻦ ﺍﻟﺪﻧﻴﺎ ... ﻛﺎﻥ ﻫﻲ ... ﻣﻦ ﺳﻨﻴﻦ ﻣﺤﺴﻴﺘﺶ ﺑﺎﻟﺮﺍﺣﺔ ﻫﺎﺫﻱ ... ﺍﻟﻴﻮﻡ ﻭ ﻻﻭﻝ ﻣﺮﺓ ﻣﻦ ﺳﻨﻴﻦ ... ﻧﺤﺲ ﺑﺮﺍﺣﺔ ... ﻫﺰﻳﺖ ﻣﻔﺎﺗﺤﻲ ﻭﺧﺮﺟﺖ ... ﺩﺭﻳﻜﺴﻴﻮﻥ ﻟﻠﻤﻘﺒﺮﺓ ... ﺍﻭﻝ ﻣﺎ ﻭﺻﻠﺖ ... ﻧﻠﻘﻰ ﺣﺸﺪ ﻛﺒﻴﺮ ... ﺩﺍﻳﺮ ﺑﻘﺒﺮﻭ ... ﻗﺮﺑﺖ ﺑﺨﻄﻮﺍﺕ ﺛﺎﺑﺘﺔ ... ﺩﺧﻠﺖ ﻓﻲ ﻭﺳﻄﻬﻢ ﺑﺎﻟﻈﺒﻂ ... ﻧﻠﻘﺎﻭﻩ ﺳﺎﺍﻳﻲ ﺣﻄﻮﻩ ... ﻭ ﺑﺎﺵ ﻳﺮﻣﻮ ﻋﻠﻴﻪ ﺍﻟﺘﺮﺍﺏ ... ﻗﺮﺑﺖ ﻣﻦ ﻭﺍﺣﺪ ﻏﺎﺩﻱ ... ﻫﺰﻳﺖ ﻣﻦ ﻋﻨﺪﻭ ...pelle ﻛﺒﺴﺖ ﻋﻠﻴﻬﺎ ﻓﻲ ﻳﺪﻱ ... ﻧﺮﻣﻲ ﻓﻲ ﺗﺮﺍﺏ ﻋﻠﻴﻪ ... ﻭ ﻣﻦ ﺩﺍﺧﻞ ﺣﺎﺳﺲ ﺑﺮﺍﺣﺔ ﻣﺶ ﻧﻮﺭﻣﺎﻝ ... ﻭ ﺍﺧﻴﺮﺍ ﺣﻘﻘﺖ ﻭﺍﺣﺪ ﻣﻦ ﻃﻠﺒﻬﺎ ... ﺩﻓﻨﺖ ﺍﻻﻭﻝ ﺑﻴﺪﻱ ... ﺟﺒﺪﺕ ﺭﻭﺣﻲ ﻟﺘﺎﻟﻲ ... ﻧﺴﻤﻊ ﻓﻴﻬﻢ ﻳﻘﺮﺍﻭ ﻓﻲ ﺍﻟﻔﺎﺗﺤﺔ ... ﺗﺒﺴﻤﺖ ﻋﻠﻰ ﺟﻨﺐ ... ﻣﻴﺴﺘﺤﻘﺶ ﺣﺪ ﻳﻬﺰ ﻳﺪﻭ ﻋﻠﻴﻪ ... ﺑﺎﺵ ﻳﺪﻋﻴﻠﻮ ... ﻓﻲ ﻭﺳﻂ ﺍﻟﺤﺸﺪ ... ﻓﻲ ﻭﺳﻂ ﺍﻟﻨﺎﺱ ﺍﻟﻜﻞ ... ﺣﺴﻴﺖ ﺑﻴﺪ ﺗﺤﻄﺖ ﻋﻠﻰ ﻛﺘﻔﻲ ... ﻳﺪ ﻧﻌﺮﻓﻬﺎ ﺑﺎﻟﻘﺪﺍ ... ﻗﺮﺏ ﻣﻨﻲ ﻋﺎﻟﻠﺨﺮ ﻳﺤﻜﻲ ﺯﻳﺎﺩ : ﻳﺎ ﺭﻳﺖ ﻧﺠﻤﺖ ﻧﻌﻤﻞ ﺷﻲ ﻋﻠﻰ ﺧﺎﻃﺮﻙ ﺍﻧﺎ : ﻣﻜﻨﺘﺶ ﺑﺎﺵ ﻧﻘﺒﻞ ... ﻫﺬﺍ ﺣﻘﻲ ﺍﻧﺎ ﺯﻳﺎﺩ : ﺍﺭﺗﺤﺖ ﺗﻮﺍ ﺍﻧﺎ : ﻻﺍﺍ ... ﻣﺶ ﻗﺒﻞ ﻣﺎ ﻧﻜﻤﻞ ﻟﺘﺎﻟﻲ ﺯﻳﺎﺩ : ﺷﻜﻮﻥ ﻣﺰﺍﻝ ﺍﻧﺎ : ﺍﻟﻠﻲ ﺩﺑﺮ ﻫﺬﺍ ﺍﻟﻜﻞ ... ﻣﺰﺍﻝ ﺍﻛﺒﺮ ﻛﻠﺐ ﻓﻲ ﺍﻟﻠﻌﺒﺔ ﻫﺎﺫﻱ ﻋﺎﻳﺶ