🔥🔞"في أحضان عزرائيل"🔞🔥(الجزء الرابع)

الحلقة 733

ﻓﻘﺖ ﺍﻟﺼﺒﺎﺡ ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻟﻴﻠﺔ ﻛﺎﻣﻠﺔ ﻣﺮﻗﺪﺗﺶ ... ﻣﻨﺠﻤﺘﺶ ﻧﺮﻗﺪ ﻭ ﺗﻔﻜﻴﺮﻱ ﻋﻨﺪﻭ ... ﺧﺎﻳﻔﺔ ﻛﺎﻥ ﺗﻌﺐ ﺍﻛﺜﺮ ... ﺧﺎﻳﻔﺔ ﻋﻠﻴﻪ ﺑﺮﺷﺎ ... ﺻﺤﻴﺢ ﺍﻧﺎ ﻫﻮﻧﻲ ﺍﻣﺎ ﻗﻠﺒﻲ ﺑﻘﻰ ﻋﻨﺪﻭ ... ﺣﺒﻴﺖ ﻧﻄﻤﻦ ﻋﻠﻴﻪ ... ﺍﻣﺎ ﺗﻠﻴﻔﻮﻧﻮ ﺧﺴﺮﻭ ﻧﻬﺎﺭ ﺍﻟﺤﺎﺩﺛﺔ ... ﻓﻜﺮﺓ ﻻﻧﺎ ﻛﻨﺖ ﺑﺎﺵ ﻧﺨﺴﺮﻭ ﺧﻼﺗﻨﻲ ﻧﻌﺪﻱ ﻭﻗﺘﻲ ﺍﻟﻜﻞ ﻭ ﺗﻔﻜﻴﺮﻱ ﻏﺎﻳﺐ ... ﻭ ﻣﻊ ﺍﻋﺘﺮﺍﻑ ﻋﺪﻧﺎﻥ ... ﺗﺄﻛﺪﺕ ﺍﻧﻮ ﺯﻳﺎﺩ ﻓﻲ ﺧﻄﺮ ... ﻫﻮ ﻭ ﺍﺩﻡ ﺯﺍﺩﺓ ... ﻣﻨﻌﺮﻓﺶ ﺷﻨﺠﻢ ﻧﻌﻤﻞ ... ﺍﻣﺎ ﻃﻮﻝ ﻣﺎ ﺍﻟﺴﺮ ﻫﺬﺍ ﻣﺨﺒﻲ ﺍﻟﻜﻞ ﺑﺎﺵ ﻳﺒﻘﻰ ﺑﺨﻴﺮ ... ﺧﺎﻃﺮ ﻛﺎﻥ ﺻﺎﺭ ﻭ ﻗﺮﺏ ﻣﻦ ﺯﻳﺎﺩ ﺣﺘﻰ ﺷﻮﻳﺔ ... ﺳﺎﻋﺘﻬﺎ ﻧﻘﺘﻠﻮ ﺑﻴﺪﻱ ... ﺭﻏﻢ ﻛﻠﺸﻲ ﺻﺎﺭ ﻭ ﺑﺎﺵ ﻳﺼﻴﺮ ﺯﻳﺎﺩ ﺧﻂ ﺍﺣﻤﺮ ... ﺷﻲ ﻳﺨﺼﻨﻲ ﺍﻧﺎ ﻭ ﻛﻬﻮ ... ﻣﻠﻜﻴﺔ ﺧﺎﺻﺔ ... ﺍﻧﺎ ﺗﻌﺪﻳﺖ ﻛﻠﺸﻲ ﻋﻠﻰ ﺧﺎﻃﺮﻭ ... ﺗﻌﺪﻳﺖ ﺍﻟﻤﺎﺿﻲ ... ﺍﻟﺤﻼ ﻭ ﺍﻟﺤﺮﺍﻡ ﺯﺍﺩﺓ ... ﻭ ﻣﺴﺘﻌﺪﺓ ﻧﻌﻤﻞ ﺍﻛﺜﺮ ... ﺍﺫﺍ ﺣﺪ ﻓﻴﻬﻢ ﻓﻜﺮ ﻳﻘﺮﺏ ﻣﻨﻮ ... ﻻﺯﻡ ﻛﻞ ﺣﺪ ﻓﻴﻬﻢ ﻳﻔﻬﻢ ﻟﻬﻮ ﻣﺘﺎﻋﻲ ﺍﻧﺎ ﻛﻬﻮ ... ﻋﺪﻳﺖ ﺻﻮﺍﺑﻌﻲ ﻋﻠﻰ ﺗﺎﺗﻮ ... ﻣﻊ ﺍﻧﻮ ﻣﺶ ﺧﺎﺹ ﻓﻴﻨﺎ ﺯﻭﺯ ... ﺍﻣﺎ ﻳﻜﻔﻲ ﺍﻧﻮ ﻫﻮ ﺯﺍﺩﺓ ﻋﺎﻣﻞ ﻭﺍﺣﺪ ﻛﻴﻔﻮ ... ﻛﺒﺴﺖ ﻋﻠﻰ ﻳﺪﻱ ﻛﻴﻒ ﺫﻛﺮﺕ ﻟﻴﻠﺔ ﻟﻲ ﻋﺪﺍﻫﺎ ﻣﻊ ﻣﻴﺮﺍﻝ ... ﻭ ﺍﺩﻡ ﻛﻴﻒ ﺑﺎﺳﻨﻲ ... ﻣﺎﻧﻴﺶ ﺑﺎﺵ ﻧﻌﺪﻳﻠﻮ ﻟﻲ ﺻﺎﺭ ... ﺍﻻ ﻣﺎ ﻧﺪﻣﻮ ﻗﺒﻞ ﻣﺎ ﻧﺮﺟﻌﻠﻮ ... ﻧﺤﺒﻮ ﻳﻨﺴﺎﻫﺎ ﻣﻴﺮﺍﻝ ﺟﻤﻠﺔ ... ﻧﺤﺒﻬﺎ ﺗﺨﺮﺝ ﻣﻦ ﺣﻴﺎﺗﻨﺎ ... ﻫﻲ ﻭ ﺍﺩﻡ ... ﺯﻭﺯ ﻧﻌﺘﺒﺮﻫﻢ ﻛﻴﻒ ﺑﻌﺾ ... ﺯﻭﺯ ﻳﺤﺒﻮ ﻳﻔﻜﻮ ﺯﻳﺎﺩ ﻣﻨﻲ ... ﺍﻣﺎ ﻣﺶ ﺍﻟﻤﺮﺓ ﻫﺎﺫﻱ ... ﻣﺴﺘﺤﻴﻞ ﻧﺨﻠﻲ ﺣﺪ ﻓﻴﻬﻢ ﻳﻘﺮﺏ ﻣﻨﻮ ... ﻓﻘﺖ ﻣﻦ ﺳﺮﺣﺘﻲ ... ﻛﻴﻒ ﻣﻼﻙ ﺣﻠﺖ ﺍﻟﺒﺎﺏ ﻭ ﺩﺧﻠﺖ ... ﺗﺒﺴﻤﺖ ﻭ ﺍﻧﺎ ﻧﺮﺍ ﻓﻴﻬﺎ ... ﻣﺤﻼﻫﺎ ﺍﻟﻄﻔﻠﺔ ﻫﺎﺫﻱ ... ﻗﺮﺑﺖ ﻋﻨﺪﻱ ﻗﻌﺪﺕ ﻓﻲ ﺣﺠﺮﻱ ... ﺗﻮﺣﺸﺘﻬﺎ ﺍﻟﻔﺮﺧﺔ ... ﻋﺪﻳﺖ ﻣﻌﺎﻫﺎ ﻭﻗﻴﺖ ... ﻭ ﻫﺰﻳﺖ ﺭﻭﺣﻲ ... ﻋﻤﻠﺖ ﺩﻭﺵ ... ﻟﺒﺴﺖ ﺭﻭﺏ ﻓﻠﻮﺭﻱ ﻋﻨﺪ ﺍﻟﺮﻛﺒﺔ ... ﻭ ﻛﻮﻧﻔﺎﺭﺱ ﻓﻲ ﺍﻻﺑﻴﺾ ... ﻟﻤﻴﺖ ﺷﻌﺮﻱ ﻣﻦ ﻗﺪﺍﻡ ... ﺣﻄﻴﺖ ﻗﻠﻮﺱ ... ﻫﺰﻳﺖ ﺻﺎﻛﻲ ... ﻭ ﺧﺮﺟﺖ ... ﻧﺰﻟﺖ ﻣﻼﻙ ﺍﻟﻠﻮﻃﺔ ... ﺧﻠﻴﺘﻬﺎ ﻣﻊ ﺯﻳﻨﺐ ... ﻭ ﺣﻜﻤﺖ ﻃﺎﻛﺴﻲ ... ﻣﺸﻴﺖ ﻟﺮﻳﺴﺘﻮ ﻋﺎﻟﺸﻂ ... ﺗﻔﺎﻫﻤﺖ ﻧﺘﻠﻘﻰ ﻣﻊ ﻫﺎﺭﻭﻥ ﻏﺎﺩﻱ ... ﺩﻭﺭﺕ ﻋﻴﻨﻴﺎ ﻟﺘﻮﺍ ﻣﻮﺻﻠﺶ ... ﺧﺬﻳﺖ ﻃﺎﻭﻟﺔ ﻣﻄﺮﻓﺔ ... ﻃﻠﺒﺖ ﻓﻄﻮﺭ ... ﻣﺶ ﻧﺒﻘﻰ ﻧﺴﺘﻨﻰ ﻓﻲ ﺳﻴﺎﺩﺗﻮ ﻟﻴﻦ ﻳﻮﺻﻞ ... ﺍﻭﻝ ﻣﺎ ﺑﺪﻳﺖ ﻧﺎﻛﻮﻝ ... ﺟﺒﺪ ﺍﻟﻜﺮﺳﻲ ﻭ ﻗﻌﺪ ﻣﻘﺎﺑﻠﻨﻲ ﻳﺤﻜﻲ ﻫﺎﺭﻭﻥ : ﻣﻨﺠﻤﺘﺶ ﺗﺴﺘﻨﻰ ﺩﻗﻴﻘﺔ ﺍﺧﺮﻯ ﺍﻧﺎ؛ﻫﺎﻙ ﻣﻮﺧﺮ 10 ﺩﻗﺎﻳﻖ ﺣﻀﺮﺗﻚ ﻫﺎﺭﻭﻥ : ﻭ ﺍﻧﺖ ﻣﻨﺠﻤﺘﺶ ﺗﺼﺒﺮ ﺍﻧﺎ : ﺟﻌﻌﻌﺖ ﻏﺰﺭﺗﻠﻮ ﺑﺘﺒﻬﻠﻴﻞ ... ﺗﺒﺴﻢ ﻭ ﺗﻜﺎ ﻟﺘﺎﻟﻲ ... ﻃﻠﺐ ﺍﻟﺴﺮﻓﻮﺭ ... ﺑﻘﻴﺖ ﻧﺎﻛﻮﻝ ﻣﺶ ﻣﻌﺪﻟﺔ ﻋﻠﻴﻪ ... ﺍﺻﻼ ﺍﻟﻴﻤﺎﺕ ﻫﺬﻭﻣﺎ ... ﻣﻮﻟﻴﺘﺶ ﻧﺎﻛﻮﻝ ﺑﺎﻟﻘﺪﺍ ... ﺟﺮﺍﻳﺮ ﻟﻲ ﺻﺎﺭ ... ﻃﻠﻌﺖ ﺭﺍﺳﻲ ﻟﻘﻴﺘﻮ ﻳﻐﺰﺭﻟﻲ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺷﺒﻴﻚ ﻣﺘﺤﺒﺶ ﺗﺎﻛﻮﻝ ﻫﺎﺭﻭﻥ : ﺍﻟﻔﺎﻳﺪﺓ ﻓﻴﻚ ﺍﻧﺎ : ﻋﻴﺸﻚ ... ﺍﻣﺎ ﻋﻼﻩ ﻃﻠﺒﺘﻨﻲ ﻟﻬﻮﻧﻲ ... ﻋﺮﻓﺖ ﺷﻲ ﺍﻧﺖ ﻫﺎﺭﻭﻥ : ﻣﻤﻤﻢ ﺍﻧﺎ؛ﺑﺎﻫﻲ ﺧﺒﺮﻧﻲ ﻫﺎﺭﻭﻥ : ﻛﻤﻞ ﺳﺎﻋﺔ ﺍﻧﺎ : ﻫﺄﺓ ﺷﺒﻌﺖ ... ﻧﺴﻤﻊ ﻓﻴﻚ ﻫﺎﺭﻭﻥ : ﺍﻧﺖ ﻗﺘﻠﻲ ﻣﻦ ﻗﺒﻞ ﺍﻧﻮ ﻣﻴﺮﺍﻝ ﻛﺎﻧﺖ ﺗﺘﻌﺎﻟﺞ ﻓﻲ ﻣﺼﺢ ؟ ﺍﻧﺎ : ﻣﻤﻤﻢ ﻫﺬﺍ ﻟﻲ ﻗﺎﻟﻮ ﺯﻳﺎﺩ ﻟﻴﻠﺘﻬﺎ ﻫﺎﺭﻭﻥ : ﺍﻧﺎ ﻋﺮﻓﺖ ﺍﺳﻢ ﺍﻟﻤﺼﺢ ﺍﻧﺎ : ﺗﺤﻜﻲ ﺑﺠﺪﻙ ؟ ﻫﺎﺭﻭﻥ : ﻣﻤﻤﻢ ﺍﻣﺎ ﻓﻤﺎ ﻣﺸﻜﻠﺔ ﺍﻧﺎ : ﺷﻨﻴﺔ ﻫﺎﺭﻭﻥ : ﺍﻟﻤﺪﻳﺮﺓ ﻟﻲ ﺗﺨﺪﻡ ﻓﻲ ﺍﻟﻤﺼﺢ ﻟﻲ ﻛﺎﻧﺖ ﻓﻴﻪ ﻣﻴﺮﺍﻝ ﺍﻧﺎ : ﺷﺒﻴﻬﺎ ﻫﺎﺭﻭﻥ : ﻣﺘﺨﺮﺝ ﺣﺘﻰ ﺷﻲ ﻋﺎﻟﻤﺮﺿﻰ ﻣﺘﺎﻋﻬﺎ ... ﻭ ﺍﻻﺳﻮﺀ ﻣﻦ ﻫﻜﺎ ﺍﻟﺪﻭﺳﻴﺎﺕ ﺍﻟﻠﻲ ﻣﻬﻤﺔ ﺑﺮﺷﺎ ﻓﻲ ﺍﻟﺨﺰﻧﺔ ﻣﺘﺎﻉ ﺑﻴﺮﻭﻫﺎ ... ﻭ ﻣﺶ ﺍﻱ ﺣﺪ ﻳﺪﺧﻞ ﻟﻠﺒﻴﺮﻭ ﺑﻼ ﺍﺫﻥ ﺍﻧﺎ : ﺍﻣﺎ ﺗﻨﺠﻢ ﺗﺘﺴﺘﺨﺪﻡ ﺻﻼﺣﻴﺘﻚ ... ﻓﻲ ﺍﻟﺘﺎﻟﻲ ﺍﻧﺖ ﻣﻦ ﺍﻟﺸﺮﻃﺔ ... ﻭ ﺗﻨﺠﻢ ﺗﻤﺸﻲ ﻋﻨﺪﻫﻢ ﻛﻤﺤﻘﻖ ... ﺑﺎﺯ ﺑﺎﺵ ﻳﻌﻄﻮﻙ ﺩﻭﺳﻲ