ﺛﻮﺍﻧﻲ ﻛﻬﻮ ... ﻭﺭﺟﻌﺖ ﻏﻔﻴﺖ ... ﺣﺴﻴﺖ ﺍﻟﻨﻔﺲ ﻣﺘﺎﻋﻲ ﻫﺪﺍ ... ﻭ ﺩﻗﺎﺕ ﻗﻠﺒﻲ ﺭﺟﻌﺖ ﻃﺒﻴﻌﻴﺔ ... ﻭﻟﻴﺖ ﻟﻨﻔﺲ ﺍﻟﺒﻼﺻﺔ ... ﺍﻣﺎ ﻛﻠﺸﻲ ﻋﻜﺲ ﺍﻻﻭﻝ ... ﻣﻔﻤﺎ ﺣﺪ ﻛﺎﻥ ﺍﻣﻲ ... ﻗﺎﻋﺪﺓ ﻋﻠﻰ ﻛﺮﺳﻲ ... ﻗﺮﺑﺖ ﻣﻨﻬﺎ ... ﻗﻌﺪﺕ ﺑﺤﺬﺍﻫﺎ ... ﻭ ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻫﺎ ... ﻧﺴﻤﻊ ﻓﻴﻬﺎ ﺗﺤﻜﻲ ﺍﻣﻲ : ﺯﻳﻨﺐ ... ﻳﺎ ﻭﺭﺩﺗﻲ ... ﻳﺎ ﺭﻭﺡ ﺍﻣﻚ ... ﻣﺰﺍﻟﺖ ﺍﻟﺜﻨﻴﺔ ﻗﺪﺍﻣﻚ ... ﻣﺰﻟﺖ ﺗﻌﻴﺶ ... ﺷﺒﻴﻚ ﻣﺴﺘﻌﺠﻠﺔ ... ﻧﺤﺒﻚ ﺗﺒﻘﻰ ﻗﻮﻳﺔ ... ﻛﻴﻤﺎ ﺧﻠﻴﺘﻚ ... ﺭﺩ ﺑﺎﻟﻚ ﺗﻬﺮﺏ ﻣﻦ ﺣﻴﺎﺗﻚ ... ﺍﻧﺖ ﻻﺯﻣﻚ ﺗﻌﻴﺶ ﻳﺎ ﺭﻭﺣﻲ ﻧﻌﺮﻑ ﺭﻭﺣﻲ ﻓﻲ ﺣﻠﻤﺔ ... ﻧﻌﺮﻑ ﺭﻭﺣﻲ ﻣﺰﻟﺖ ﻧﺤﻠﻢ ... ﻧﻌﺮﻑ ﻻﻣﻲ ﻣﺶ ﺣﻘﻴﻘﺔ ... ﺍﻣﺎ ﻳﻜﻔﻲ ﺍﻧﻲ ﻣﺮﺗﺎﺣﺔ ... ﺳﻜﺮﺕ ﻋﻴﻨﻴﺎ ... ﻭﺭﺟﻌﺖ ﻟﻠﻮﺍﻗﻊ ... ﻭﺍﻗﻊ ﺧﻼﻧﻲ ﻧﺴﻤﻊ ﺻﻮﺕ ﺍﻟﻤﺎﻛﻴﻨﺎﺕ ﺑﻌﻴﺪ ﺑﺮﺷﺎ ... ﺣﺴﻴﺖ ﺑﻴﺪﻭ ﻟﻲ ﺗﺤﻄﺖ ﻋﻠﻰ ﻳﺪﻱ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻊ ﺍﻧﻮ ﻻ ﻣﺮﺓ ﺣﻂ ﻳﺪﻭ ﻓﻲ ﻳﺪﻱ ... ﺍﻣﺎ ﻧﻌﺮﻓﻬﺎ ﻟﻤﺴﺘﻮ ﺑﺎﻟﻘﺪﺍ ... ﻣﺴﺘﺤﻴﻞ ﻫﺎﺫﻱ ﺯﺍﺩﺓ ﺗﻜﻮﻥ ﺣﻠﻤﺔ ... ﺍﻧﺎ ﺣﺎﺳﺔ ﺑﻴﻪ ﺍﻣﺎ ﻣﻨﺠﻤﺶ ﻧﻔﻴﻖ ... ﻣﻨﺠﻤﺶ ﻧﺤﻞ ﻋﻴﻨﻴﺎ ... ﻭ ﻣﻨﺠﻤﺶ ﻧﺠﺒﺪ ﻳﺪﻱ ﻣﻨﻮ ﺯﺍﺩﺓ ... ﺣﺴﻴﺖ ﺑﻴﺪﻭ ﻻﺧﺮﻯ ﺗﺤﻄﺖ ﻋﻠﻰ ﻭﺟﻬﻲ ﻳﻌﺪﻱ ﻓﻴﻬﺎ ﻭ ﻳﺤﻜﻲ ﻓﺮﺩ ﻭﻗﺖ ﺍﺩﻡ؛ﺯﻳﻨﻨﺐ ... ﺳﺎﻡﺣﻨﻲ ... ﺳﺎﻣﺤﻨﻲ ﻋﻴﺶ ﺍﺧﺘﻲ ... ﻣﻨﻘﺼﺪﺵ ﻟﻲ ﺻﺎﺭ ... ﺍﻧﺎ ﺣﻜﻴﺖ ﺍﻛﺎﻛﺎ ﻋﻠﻰ ﺧﺎﻃﺮﻙ ... ﺧﺎﻃﺮ ﻛﺎﻥ ﺑﻴﻨﺖ ﺧﻮﻓﻲ ﺳﺎﻋﺘﻬﺎ ﻛﺎﻥ ﺑﺎﺵ ﻳﻘﺘﻠﻚ ... ﺍﻣﺎ ﻋﻤﻠﻬﺎ ﺍﻟﺴﺎﻗﻂ ... ﺍﻧﺖ ﻻﺯﻣﻚ ﺗﻜﻮﻥ ﻗﻮﻳﺔ ... ﻻﺯﻣﻚ ﺗﻌﻴﺶ ... ﻋﻴﺶ ﻋﻠﻰ ﺧﺎﻃﺮﻱ ... ﺧﺎﻃﺮ ﻣﻌﻨﺪﻳﺶ ﻗﻮﺓ ﻧﺘﺤﻤﻞ ﻣﻮﺕ ﻭﺣﺪﺓ ﺍﺧﺮﻯ ﻓﻲ ﺟﺮﺗﻲ ... ﻳﻜﻔﻲ ﻟﻘﺎﻋﺪ ﻧﺤﺲ ﻓﻴﻪ ﺗﻮﺍ ... ﻳﻜﻔﻲ ﺍﻟﻈﻠﻢ ﻟﻲ ﻋﺸﺘﻮ ﻭ ﻋﻴﺸﺘﻮ ﻟﻐﻴﺮﻱ ... ﺍﻧﺖ ﻻﺯﻣﻚ ﺗﻌﻴﺶ ... ﻻﺯﻡ ﺗﻔﻴﻖ ... ﻣﻨﺤﺒﺶ ﻧﻜﻮﻥ ﺳﺒﺐ ﻓﻲ ﺍﻟﻠﻲ ﺻﺎﺭﻟﻚ ... ﻓﻴﻖ ﻭ ﻧﻮﻋﺪﻙ ﺣﺘﻰ ﺣﺪ ﻣﺎﻫﻮ ﺑﺎﺵ ﻳﻘﺮﺑﻠﻚ ... ﺿﻴﺎﺀ ﺳﺎﺍﻳﻲ ﻣﻌﺎﺩﺵ ﻣﻮﺟﻮﺩ ... ﻭﻭﻟﺪ ﺧﺎﻟﻚ ﺯﺍﺩﺓ ... ﻧﻮﻋﺪﻙ ﻣﻌﺎﺩ ﻳﺼﺮﺍ ﻋﻠﻴﻚ ﺷﻲ ... ﻓﻴﻖ ﺍﻣﺎﻧﻚ ﺩﻗﺎﺍﺍﺕ ﻗﻠﺒﻲ ﻗﻮﺍﺍﺕ ﺍﻛﺜﺮ ﻭ ﺍﻛﺜﺮ ﻣﻊ ﺻﻮﺗﻮ ... ﻭ ﻣﻊ ﻛﻼﻣﻮ ... ﺣﺘﻰ ﻛﻼﻣﻮ ﺑﻴﻦ ﺍﻟﻤﺪ ﻭ ﺍﻟﺠﺰﺭ ... ﻧﺤﺐ ﻧﻔﻴﻖ ... ﻧﺤﺐ ﻧﺠﺒﺪ ﻳﺪﻱ ﻣﻨﻮ ... ﻭ ﻧﻘﻠﻮ ﻟﻤﺴﺘﺤﻴﻞ ﻧﺴﺎﻣﺤﻮ ... ﻧﺤﺒﻮ ﻧﺤﺲ ﺑﻘﻴﻤﺔ ﺍﻟﻠﻲ ﻋﻤﻠﻮ ... ﻗﺪﺍﺵ ﻛﻨﺖ ﻫﺎﺩﻳﺔ ﻭ ﻫﻮ ﻳﺤﻜﻲ ... ﺍﻣﺎ ﻣﻴﻌﺮﻓﺶ ﺍﻟﺤﺮﺏ ﻟﻲ ﺣﻠﻬﺎ ﺩﺍﺧﻠﻲ ... ﺑﺪﻧﻲ ﻣﻘﻴﺪ ... ﺍﻣﺎ ﻗﻠﺒﻲ ﻭ ﻋﻘﻠﻲ ﻓﺎﻳﻘﻴﻦ ... ﻭﺍﻟﻠﻲ ﺣﺴﻴﺘﻮ ﺍﻟﻜﻞ ... ﺧﺮﺝ ﻓﻲ ﺩﻣﻌﺔ ﻭﺣﺪﺓ ... ﺩﻣﻌﺔ ﻟﻘﺎﺕ ﻃﺮﻳﻘﻬﺎ ﻋﻠﻰ ﺧﺪﻱ ... ﺗﺴﺮﺳﺒﺖ ﻏﺼﺒﺎ ﻋﻨﻲ ... ﺣﺴﻴﺖ ﺑﺼﻮﺍﺑﻌﻮ ﻟﻲ ﺗﻌﺪﺍﻭ ﻋﻠﻰ ﺧﺪﻱ ... ﺍﻣﺎ ﻣﻨﺠﻤﺖ ﻧﻌﻤﻞ ﺷﻲ ... ﺑﺎﻗﻲ ﻧﺴﻤﻊ ﻓﻴﻪ ﻳﺤﻜﻲ ﺍﺩﻡ؛ﻫﻴﺎ ﺯﻳﻨﺐ ... ﻧﻌﺮﻓﻚ ﺍﻗﻮﻯ ﻣﻦ ﻫﻜﺎ ... ﻓﻴﻖ ... ﺍﻧﺖ ﻻﺯﻣﻚ ﺗﻔﻴﻖ ... ﻻﺯﻣﻚ ﺗﻌﻴﺶ ﺩﻗﺎﺕ ﻗﻠﺒﻲ ﻗﻮﺍﺕ ... ﻭ ﺣﺒﺴﺖ ﻓﻲ ﻟﺤﻈﺔ ... ﻧﺤﺲ ﻓﻲ ﻳﺪﻳﻪ ﻟﻜﺒﺴﻮ ﻋﻠﻰ ﻛﺘﻔﻲ ... ﻳﺮﺝ ﻓﻴﺎ ﻭ ﻳﺤﻜﻲ ﺍﺩﻡ : ﻻﺍﺍﺍ ... ﺯﻳﻦﻧﻨﺐ ﺭﺩ ﺑﺎﻟﻚ ﺗﻤﻮﺕ ... ﺍﻧﺖ ﻻﺯﻡ ﺗﻌﻴﺶ ... ﻓﻬﻤﺖ ﺣﺴﻴﺖ ﺑﻴﺪﻳﻪ ﻟﻲ ﺗﺮﺧﻔﻮ ﺷﻮﻳﺔ ﺷﻮﻳﺔ ... ﺣﺴﻴﺖ ﺑﻴﺪﻳﻦ ﺍﻟﻄﺒﻴﺐ ﻋﻠﻰ ﺻﺪﺭﻱ ... ﻣﻊ ﺻﻮﺗﻮ ﻟﻲ ﻏﺎﺏ ﺟﻤﻠﺔ ... ﺩﻗﺎﺕ ﻗﻠﺒﻲ ﺭﺟﻌﻮ ... ﻣﻨﺠﻤﺘﺶ ﻧﺘﺤﻤﻞ ﻛﻼﻣﻮ ﺍﻛﺜﺮ ... ﺍﻧﺎ ﻣﺮﺟﻌﺘﺶ ﻋﻠﻰ ﺧﺎﻃﺮﻭ ... ﻟﻤﺠﺮﺩ ﻫﻮ ﺣﺲ ﺑﺎﻟﺬﻧﺐ ... ﻻﺯﻣﻮ ﻳﻔﻬﻢ ﺍﻧﻮ ﻣﺶ ﻛﻠﺸﻲ ﻳﻤﺸﻲ ﻛﻴﻤﺎ ﻳﺤﺐ ﻫﻮ ... ﻳﺰﻱ ﻣﻦ ﺍﻟﻠﻲ ﺭﻳﺘﻮ ﻓﻲ ﺣﻴﺎﺗﻲ ... ﻳﺰﻱ ﻣﻦ ﺍﻟﻠﻲ ﺭﻳﺘﻮ ﻣﻦ ﺍﻟﺪﻧﻴﺎ ... ﻭ ﻣﻦ ﺍﻟﻠﻲ ﺩﺍﻳﺮﻳﻦ ﺑﻴﺎ ... ﻧﺤﺐ ﻧﻔﻴﻖ ﻋﻠﻰ ﻭﺍﻗﻊ ﺟﺪﻳﺪ ... ﻭﺍﻗﻊ ﻧﻌﻴﺶ ﻓﻴﻪ ﺣﻴﺎﺗﻲ ... ﻭ ﺑﺎﻟﻄﺮﻳﻘﺔ ﻟﻲ ﻧﺤﺒﻬﺎ ﺍﻧﺎ ... ﻻ ﺑﺎﺵ ﻧﻌﻴﺶ ﻋﻨﺪ ﺣﺪ ... ﻭ ﻻ ﺑﺎﺵ ﻧﺨﻠﻲ ﺣﺪ ﻳﻌﻤﻞ ﻓﻴﺎ ﻣﺰﻳﺔ ... ﺣﻴﺎﺗﻲ ﺑﺎﺵ ﺗﻜﻮﻥ ﻣﻠﻜﻲ ﺍﻧﺎ ﻭ ﻛﻬﻮ
أنت تقرأ
🔥🔞"في أحضان عزرائيل"🔞🔥(الجزء الرابع)
Romanceبنوتات هيا تلمولي خليني نكمللكم الكرو لي سارقتها 🤦♀️🤷♀️ بربي للعباد المريضة بالكلام لي هكا تنقص شوبا منيش فاضيتلكم بش نبقى نكسر في راسي 🙄 #نحبكم ❤ #شيماء
